لو تكرمتوا .. كم قيمة تذكرة مباراة الثلاثاء في دوري أبطال آسيا - نادي الهلال السعودي - شبكة الزعيم

IBRAHIM7 · #1 05/03/2009, 06:06 AM

بسم الله الرحمن الرحيم
السلام عليكم ورحمة الله وبركاته

شخباركم .. شلونكم .. ان شاء الله بأحسن حال يازعماء ..

أول شي .. أحب أدعي الله العزيز الكريم ان يسمعنا خبر حلو بمدربنا كوزمين .. والله يفرحنا بجلوسه وان شاء الله انه راح يكمل مع الفريق لعدة مواسم قدام ..

بعد ماقريت المواضيع بمنتدى الجمهور الهلالي متفاءل كثير .. وان شاء الله نبي نسمع خبر حلو بـ اليومين اللي جايه .. بإذن الله

وان ماجلس كوزمين .. إن شاء الله ان الهلال قادر على إستعادة مستوياته المميزه سواءً بكوزمين ولا غيره .. حنا قبل مانودع كوزمين ودعنا باكيتا ويودانيسكو على وقت عزه وودعنا رؤساء ونجوم كبار .. ويكفي علينا وجود أبو فيصل صاحب السمو الملكي الأمير عبدالرحمن بن مساعد

أيضاً بتواجد موبايلي حبيبت قلبي .. لا خوف على الهلال .. << -- في قلبي الكثير لهذه الشركة عسى الله يخليها لنا

تدرون شلون خلونا في المهم ..

حبيت أسالكم عن سعر التذكرة في مباريات دوري أبطال آسيا

لاني ناوي بصراحه أجلعد للرياض عشان أحضر مباراة الهلال مع سبا باتري الإيراني

فـ ياليت تعلموني مسبقاً كم سعر التذكرة ( قيمتها بالريال السعودي

)

لاني ان شاء الله بجي من القصيم وبجيب الشلة معي

وهذا إستفساري بس

وفي الختام ..

أسال الله ان يوفق الزعيم في كل مكان وزمان ..

وان شاء الله يفرحنا ببطولتين من الثلاث ( آسيا - الدوري - كاس الملك ) << -- ماني طماع ابي 2 بس

والله يوفق الزعيم