اقول انت لية مستعجلين ياقربك المباراة وراح نشوف الزعيم الحقيقي باذن اللة . وبكل صراحة الهلال قدم مباراة ممتازة بس القول الي جاء بالحظ

الله يايعين يوم الجمعه ولازم يحضر جمهور الزعيم لتحقيق البطوله ونشاء الله يرفع أبويعقوب الكاس

صح كلامك يا (جماهير الهلال) اهم شي ما يسجل الكوريون هدف بالرياض.

اشكر ابو عبد الرحمن وجماهير الهلال على التوضيح !!!!! ولو ان توضيح جماهير الهلال اسهل !!!!!!!<<<<<< عنيد مايبي يقتنع !!!

انا لازلت غير مقتنع !!!! الا اذا كان النظام هذا جديد !!!! يعني من سنتين ثلاث ؟؟؟؟ على العموم ممكن اتصل بصديق؟؟؟؟؟ !!!!!!

اخوي الفرام هذا النظام من عرفنا نظام الذهاب والاياب وهو موجود

لكن يبدو ان قلة المباريات الي يتابعها الجمهور من شكل هالمباراة أثرت على الاستيعاب لديهم لهذي الطريقة

Alfarram
بأختصار شديد وبعيدا عن كل الحسابات المنطقية وغيرها يحضر 80 الف زعيم في قلعة الزعماء استاد الملك فهد الدولي .. وكما هي العادة لم نخسر ولا مباراة حاسمة عليه بإذن الله ولن نخسر بحوله وقوته ;)

جماهير الهلال !!!! اشكرك على التوضيح ولا اود ان اخوض في نظام الذهاب والاياب اكثر !!! اتصلت بصديق وقال نفس كلامك انت وهلالي الجوف !!!!

الاخت المملكه ما فيه قائد اوركسترا افضل من ابو لما اعتقد انه افضل من يقوم بهذا الدور !!!! وبعدين لا تغلطين وش تقصدين بالفصفص ؟؟;)

ابو لما : هذا هو الكلام 80 الف متفرج يملأون الاستاد الذي لم نخسر عليه اية بطوله وباذن الله البطوله هلاليه!!!!!

وبعدين من وين جبت 80 الف؟؟؟ صدقت ان الاستاد يستوعب 80 الف ؟؟

نعم .. اتفق مع الفرام نتيجة 1/0 خطرة جداً جداً ..

والزعيم ان شاء الله قدها وقدود ..

بس تعال يالفرام .. ترى هلالي الجوف (صح) 3/1 تعني السوبر هلالي ومزيد من الضغط للمضغوطين بالارض ..

ما الومك يالفرام هلالي ما تعودت تاخذ بطولات بفارق الاهداف .

الوعد استاد الملك فهد الدولي ونبي نشوف ( 70) الف.

بما ان الاخ نواف اعلن انه راح يكون اول الحاضرين .

انا اعلن ايضا اني سوف اكون اول الحاضرين من خارج الرياض.

وشكراااااااااااااااا.

انا اختلف معك..
(((!!!! تسجيل اكثر من هدف في ظل غياب سامي الجابر واصابة عبد الله الجمعان ( المتحامل عليها) وضعف لياقة التمياط وهبوط مستوى الشلهوب وغياب ادميلسون عن مشاركة العلي ( المتفاهمين) ليس بالامر الهين !!!)))
معك حق انو في ظل غياب سامي راح تقل نسبة تسجيل الاهداف وهذا اللي صار في مبارة المنتخب مع الكاميرون كنا محتاجين فقط الى نص ساعة او اقل يلعب فيها سامي عشان يجي هدف..
اما اصابة عبدالله الجمعان ويش دراك انو متحامل عليها...ما اعتقد لان اليوم عبدالله الجمعان ابدع اليوم ولكن الحظ لم يحالفة ومش باين علية اي شي..
ما اعتقد انو نواف لياقتة ضعيفة..
بس نواف ماتعود يلعب في هالمركز انو يطون خلف الهجوم يعني صانع العاب والرجوع الى الخلف لمساندة الدفاع والوسط وصنع اللعب والهجوم ما اعتقد انو في اي ليقاة في العالم تقدر انها تتحمل..بالمختصر نواف حاول كذا مرة انا ما انكر انو مو مثل ماتعودنا لكن للكل مبارة ظروفها ومثل ماقلتلك المركز اللي يلعب فية اهو السبب..
تقول انو الشلهوب مستواة هابط..
ما اعتقد بالعكس محمد كان من المبدعين في مبارة اليوم..
خاصة انو كان متفاهم مع النزهان على عكس حسين لم يكن متافهم مع نواف..
في اعتقادي انو العلي افضل من ادمليسون بس عطوة فرصة..
هذا اولا طبعا..
ثانيا..
((((ظل تذبذب مستوى حسن العتيبي وسرحانه الغريب !!!! ))))
متى وفي هالمبارة كان حسن سرحان..
اذا انتوا يالهلاليين وتقولون كذا عن لاعبيكم اجل لا تلومون غيركم لما يجي ويسب لاعب هلالي...
هاذي النتيجة كانت جيدة وجدة جدا في ظل عدم اكتمال لياقة اااالاعبين والنكسة اللي صرت في اليابان..
وغياب القائد سامي والدعيع والدوخي والثنيان..
انا بالنسبة لي النتيجة اكثر من رائعة..
والحسم في الرياض باذن واحد احد...
ويارب يحمل الك يوسف ونفرح كلنا...

بالتوفيـــــــــــــــــــــــــــــــــــــــــــــق..
للزعيم..

تحياتي:
Redheart

عزيزي ياقاهرهم ياسامي ‍‍‍‍‍‍
مادام انك تقول كلام هلالي الجوف صحيح خلاص اقتنعت والا هو ما اصدقه ابد
انا قلت 3-1 ما تأهل الهلال يمكن كنت فاهم غلط ولا عمر الهلال مثل ماتفضلت فاز بفارق الاهداف ‍‍‍‍‍;) ;)

لكن صدقني يابوهيا شكلي فتحت باب للمضغوطين بالارض فيما لو فاز الهلال 3-1 يحصلون ثغره يشككون فيها في البطوله ‍‍‍‍‍‍......

رامي وبس

الله يكثر من امثالك ....

REDHEART
احترم وجهة نظرك حيال نواف .....
ولكن لي تعقيب بسيط حول ماقلته بشأن حسن ....

إقتباس متى وفي هالمبارة كان حسن سرحان..

اجل وش تسمي حارس مرمى ما شاف الكوره الا وهي في القول رغم بعد المسافه ...؟؟

إقتباس اذا انتوا يالهلاليين وتقولون كذا عن لاعبيكم اجل لا تلومون غيركم لما يجي ويسب لاعب هلالي

من قال لك ان كلمة سرحان سب ؟؟؟؟؟ او كلمة تذبذب ؟؟؟؟ كلمة تذبذب ( في العربيه ) تعني عدم استقرار ..... يعني مستوى حسن مره فوق ومره تحت .... وهذي الله يسلمك ما هي مسبه .... هذي ملاحظه راح يستفيد منها حسن .... حسن نجم ولكنه في بعض المباريات يخطيء اخطاء قاتله وفي البعض الاخر يصد كور لا يصدها حارس اخر .... اتمنى لابو على التوفيق .....