السلام عليكم ورحمة الله وبركاته
من مكان غربتي ارسل لكم شوقي وتحياتي <<< وش عند الرسمي
لا لا لا من جد والله مشتاق للديرة حسبي الله على الغربة
وحسبي الله على سرطان الكرة السعودية اللي عكر علي جوي
وخلاني ما استعجل بالرجعة
مشتاق للمدرجات الهلالية وللاهازيج والصياح مع كل هجمة وهدف
مشتاق اشوف ابو دعيع ورفاقه مثل ماكنت في السابق ما افوت ولا مباراة انا وزميل لي اسمه طارق
الموهيم
جايب لكم تصميم فيه شوية تشاؤم
والتشاؤم هذا مو على حال الهلال
التشاؤم على حال الكرة السعودية كلها
والا الزعيم ماينخاف عليه ابد
لو من رومانيا موزمن يدربهم عن طريق الجوال راح يستمر الزعيم بحصد البطولات كما هي عادته
اليكم التصميم

تقبلوا تحيات اخوكم سعد

ملاحظة
التصميم موقع باسم رحال
لايجيني احد منبرش ويقول لاطشه ومدري ايش
التصميم لي وهذا توقيعي على كل تصاميمي
دمتم بود

ما شاء الله تبارك الرحمن

تصميم ممتاااااااز جداً .. ولمسات جميلة

فعلاً انتهت القصة .. بعد نهاية كأس ولي العهد

عزالله انه ما قصر ... وحساااااااااااااااافة

وتعازينا للهلاليين .. لفقدة ..

ودمت برعاية الله

العزيف
مشكور حبيبي على مرورك
اللي مصبرنا هو نجوم الزعيم اللي طول عمرهم عند الموعد
اللهم وفق الزعيم فوق كل ارض وتحت كل سماء