04/03/2009, 06:55 AM
|
 | عضو تحرير مجلة الزعيم | | تاريخ التسجيل: 15/05/2008 المكان: وسط الحروف ...
مشاركات: 4,740
| |
من العايدين الفايزين .....
,
,
,
بسم الله الرحمن الرحيم
,
,
أعزائي الزعماء من العايدين الفايزين !!!
أنا راح أتكلم معاكم بأريحية لأني و الله أحس بتششت الله به عليم أحس أني متوجسه قلقانه متوتره قلبي على الهلال و سمو الأمير و تفكيري مع كوزمين !!
أنا بنت أعيش بعايله كلهم هلايين و ما شاء الله عندي أخوان كبار و خوات هم علموني عشق الزعيم عرفت الزعيم و عمري بحدود سبع ثمان سنوات كنت أتابع مع أخواني و خواتي الكبار المباريات و بشويش حبيت الزعيم و تعلقت فيه بشكل مجنون كنا نحس ذاك الوقت إن الهلال فريق غير طبيعي فريق مو مثل الغير و بحكم أن أخوي كان يدرس بالرياض كان يجيب لنا أخبار عن اللاعبين و اللي يحصل بالملاعب و من هالأشياء .. طبعاً إعلامنا المقروء و المرئي و حتى المسموع ذاك الوقت كان موجه أشد التوجه ما فيه نقطة حريه أبد و لا حتى بحرف .. و كان أخوي يجيب لنا الأخبار الخاصه عن الهلال !!
حسينا بطريقة أو بأخرى و من خلال متابعتنا لمباريات إن الهلال محارب !! و خاصة إن الصوت المسموع الوحيد في ذاك الوقت و اللي آخذ حريته هو صوت عبد الرحمن بن سعود بحكم أنه أمير و كلنا نعرف إن سمو الأمير عبد الله بن سعد الله يرحمه أنسان خلوق محترم مسالم يعني ما كنا نسمع منه تصريحات و قذف و اتهامات و ما إلى ذلك
فكنت أحس أن كل شي موجه تجاه فكره وحده ان الهلال التحكيم يحابيه و بدأنا نشوف مدى تأثير ( تلك البربرة العنيفة ) في توجيه الحكام ضد الهلال أمثال عمر المهنا و ظلمه الكبير للزعيم
و توالت الحروب تلو الحروب و آخرها ما حصل في رئاسة الأمير محمد بن فيصل و بعدها الآن في رئاسة الأمير عبد الرحمن مساعد و الحقيقة اللي كنت أبي أوصلها أكثر من مرة خلال هالمنتدى و لكن ما وصلت هي لما كان (المتين) يتحدى الأمير محمد بن فيصل و ما زال يمارس عبثه مع الأمير عبد الرحمن هل هو في راسه عقل يتحدى أمراء !!
بصراحه عني أنا ما أتحدى أمير حتى لو كان بزر مو خوف قد ما هو حذر !! و خاصه لا صار علانية و قدام الناس
تخبرون ما عمرنا تحدينا أمراء لأن معروف و ما هو عيب إن الناس مقامات حتى لو سلمنا بمقولة ما يقطع الأرقاب إلا اللي ركبها صح !! لكن تهقون وش اللي كان يخلي ( الخاسر ) يتحدى سليل ولي العهد !!!
أقرب إجابة لهذا السؤال هو أنه مدعوم من سلطة أكبر من سلطة رئيس نادينا !! فهمتوا !!!
اليوم إقالة كوزمين عبارة عن إرضاء و تحقيق مئارب و هالشي معروف بمعنى إسقاط الهلال لإرضاء فرق غير الهلال و كلنا نعرفها لأنهم عجزوا يوقفون الهلال في الملعب و قالوا ما فيه غير هالطريقة !!!
طبعاً هم جربوا التأثير على التحكيم !! و جربوا الحرب الإعلامية ..!! و جربوا يحرمونا من لاعبينا بأستحقاقات كبيره و بمواقف حرجه !! لكن مثل ما قالت أختي المملكه (لا قطعوا ريش ينبت ألف ريش) لا حرمونا من لاعب عندنا أثنين !!!
مره سألت لاعب هلالي سابق هل كنت تلعب بالمنتخب و أنت مصاب قالي غصبن عليك !!! وش معناتها !!
معناتها مثل هاللي نشوفه في كل معسكر للمنتخب تطلع إصابه لأحد لاعبينا !! (يقولون بلال اصيب بالمعسكر راقبوه هو اصيب صدق أو أبعاد الشبهه !!)
المهم
الأخوان أستمروا في محاربة الهلال بكافة الإشكال منها ما هو علانيه و منها ما هو من تحت لتحت و منها بإيعاز !!!
و الحقيقة كان الله تعالى و لله الحمد يخيبهم دوم و الهلال و لربي الفضل و المنه يزيد بطولة و رى الثانية !!
يمكن أول ما قريتوا هالكلام تفاجئتوا وش من العايدين الأخت فاقده الذاكره أو مضيعه أنا أقولكم لأ و لله الحمد !!
لكن فعلاً اللي أتخذ قرار إقالة كوزمين و تصعيده بشكل سياسي كبير أحسه جاب العيد و بقوه !!
الآن الفيفا يعلم بالقضية و قد يجمد الأتحاد السعودي و أتمنى بصراحه عشان نلعب و لاعبينا معنا دوم!!
و العالم و الجرايد و المجلات العالمية كلها تتكلم عن القضيه يمكن هذا الشي مهو من صالحنا كمسلمين و ينسب الإسلام و تؤخذ عن الإسلام فكره سيئه و كموالين للأسره الحاكمه اللي ممكن أحد يتعرض لها في التصرف الهجمي هذا لكن الحلو في الموضوع أسم الهلال و الهلال فانز و كوزمين
يعني إن شاء الله بأذن الله هذا الصيت راح يتكرر في حال تأهلنا للعالمية مرة ثانية بأذن الله و هذا الصيت أكيد راح يزعل و يقهر ( أسمحيلي يالغرام) لأنه ما يبي أحد يمدحنا يتشقلب بمحله إذا أحد مدح الهلال فما بالك بصحف و مجلات عالمية !!
الشي الثاني الأخ جاب العيد لأن هذا الشي يسيء للملك بحكم أنهم يتكلمون عن الديكتاتورية و يمكن يقولون ان الحكومة السعودية دكتاتوريه و الحق إن ابو متعب اول ما تولى عرش المملكة امر بعدم تكميم الأفواه و إعطاء الحرية لكافة أفراد الشعب السعودي تدرون ليه لأن الملك الله يطول بعمره قلبه أبيض و طيب و ما يعرف الحقد !!!!
و الشي الثالث و الأهم الجاليات السعودية في رومانيا قد تتعرض لتصرفات تضرهم و يمكن يصير شي لا تحمد عقباه !!
و بكذا من المسؤول عن ذلك سوى ( علو كعب الكرة السعودية )!!!
المهم أنا بقولكم حاجه إن بقى كوزمين و رب الكعبه هذا اللي أتمناه أولاً لأنه سنافي و الشي الثاني عشان الأستحقاقات القادمه و لو راح كوزمين كلنا مع الرئيس و الإدارة و اللاعبين واقفين معاهم و الهلال ما يتوقف على لاعب او إداري أو مدرب و إن شاء الله تعالى للمجد بقية و البطولات تعشق الزعيم و الزعيم يعشقها و محد له شغل !!!
و في النهاية أقول للي أقال كوزمين كل عام و أنت تجيب العيد !!! لأنك سلبت الزعيم كوزمين لكن عطيته صيت ما يحلم به منتخبك و أضريت بالإسلام و ببلدك اللي أبو متعب تعب و هو يسوي حوار أديان و حوار حضارات و يحسن سمعة الإسلام و المسلميين و السعوديين بالذات!!!
و أنتو يا زعماء من العايدين الفايزين !!!
على فكره يقولون الأستخبارات تركت مراقبة الإرهابيين و صارت تراقب الهلاليين أنتبهوا 
اخر تعديل كان بواسطة » الـوفـا ديـــن في يوم » 04/03/2009 عند الساعة » 07:38 AM |
الوضع الشجري
