#1  
قديم 02/03/2009, 05:34 AM
الصورة الرمزية الخاصة بـ الـمـشـاغـب
مايسترو المجلس العام
تاريخ التسجيل: 18/02/2005
المكان: كاشت مع ويلهامسون بين المروج :$
مشاركات: 7,059
( الدلاخة ) .. ( والحماقة ) .. ( والمهانة ) .. صفات مسؤولي نادي النصر ..!

بسم الله الرحمن الرحيم

في كل يوم تزداد قناعتي بأني لو بحثت في المعجم عن معنى : ( الدلاخة ) و ( الحماقة ) و ( الدناءة ) و ( المهانة ) لكانت نتيجة البحث واحدة : " مسؤولي نادي النصر "..!

في حياتي شفت " دلوخ " وتعرفت على " سلاتيح " وسمعت عن " واطين " .. لكن للأمانة ما عمري شفت أو سمعت بدلاخة أو دناءة المسؤولين في نادي النصر ..!!

سمعت من مصدر خاص أن المسؤولين النصراويين هم من أصول إيطالية ..
وبيني وبينكم أنا مصدق هالخبرية لسببين :
1- أولها النور والجمال اللي بوجيه فيصل وممدوح والوليد وخبيلان .. يخققون اسم الله عليهم ..!
2- أما الثاني فهو أن من أبرز صفات العرب الشهامة والكرامة وعزة النفس .. وطبعاً هالصفات معدومة فيهم ..!
هاه اقتنعتوا معي انهم إيطاليين .. وإلا تبون تحليل DNA بعد ؟

يقول بيان النصر قبل الأخير .. أنهم ما قدموا عرضهم لشراء عقد المحياني لأن المبادئ تغيرت من قبل اللاعب ووكيل أعماله .. وأن من لا يريد النصر فلا يستحق
لبس شعار العالمي ..!

لله دركم يا عالميين .. تركتوا حاجتكم للاعب لأجل سمعة الكيان ..!
قسم بالله انكم تسمعون بالكرامة .. طلال الرشيد راح لمكة وقعد يلاحق المحياني للتدريبات وللبيت وقاعد يرسّل له على جواله ( call me ) واللاعب ساحب على مندوبه .. ومع هذا تمسكتم بعرضكم للاعب رغم انه رفض عرضكم أمام الملأ ومسح بكرامتكم الأرض ..!
وتجون بعد هذا كله تتكلمون عن الكرامة؟!! صدق انكم ما تستحون ..!

ذكرني هذا البيان براقصة في فيلم , بعد ان اتهمت في شرفها قالت - وهي ما تزال بلباس الرقص العاري - " هأ هأ , دنا أشرف من الشرف "

بصراحة أنا مدري هل النصراويين نعمة علينا والا نقمة ..!
نعمة لأنهم قمة المسخرة ويضحكوننا دايماً بحماقاتهم وغباءهم .. أو نقمة بمحاربتهم لنا والنجاح أحياناً ..!

الوسيم فيصل بن عبدالرحمن لا يهش ولا ينش , فقري طقري ما منه رجاء ..
وطلال الرشيد موب فاضي للنادي .. مشغول بتصاريح يا ليل يا عين ومشاكله مع شركات الماكياج المقلدة ..!
والوليد بن بدر مشغول بالسؤال والبحث عن أحدث تقنيات البلوتوث ..
يعني بالله وش يرجي منهم جمهور النصر؟!!

خبيلان هو الوحيد اللي نافع النادي بقروشه , يعني تقدر تقول ( بقرة النصر الحلوب ) .!

إلا عندي سؤال لكم يا ليت أحد يجاوبني عليه ..
المسؤولين النصراويين ما ينامون أبد؟!!

صدق يا أخوان .. بالتلفزيون عشرين قناة وبكل قناة عشرين برنامج بأوقات مختلفة وبكل برنامج تحصل مداخلة أو مداخلتين لمسؤولي النصر ..!
لهالدرجة وصل بهم الحرص للسهر على مصلحة العالمي؟!!

أنا بصراحة ما أهتم لتصريحات النصراويين .. ما عدا خبيلان أهتم لتصريحاته اهتمام غير طبيعي ..!
ويكمن السر في أني أحاول أكتشف سر صوته الغريب .. يعني بالعربي أبي أعرف من وين يتكلم ..!
لحد أني سألت طبيب مختص هل بالإمكان أن يكون هناك عيب خلقي في أحد الأشخاص بأن يكون البلعوم مكان المستقيم والعكس ؟؟!!

خلونا الحين من هذا كله ونتكلم عن بيان الدلوخ الأخير عن كوزمين ..!

تهجم الحمقى كالعادة على السيد كوزمين ونفوا محاربتهم له ..!
طيب يا مسؤولي نادي النصر .. وش تسمون مداخلة خبيلان في قناة رياضية بخصوص تدريب المنتخب يوم قال ان مدرب النصر ما يصلح لأنه جديد وأن أفضل مدرب يصلح للمنتخب هو كوزمين ..!

ووش تقولون عن طلال الرشيد اللي ترك سوء مستوى لاعبيه وتهجم على كوزمين وقال عنه انه حكم المباراة , رغم ان كوزمين ما كان له دخل بالنصر ولا هزيمته إلا بفكره التدريبي المميز ..!

ووش تقولون عن اتصال خبيلان بآخر الليل ومطالبته الأمير نواف بمعاقبة كوزمين؟!
هل اتصل أحد منكم وطالب بمعاقبة كيتا بعد فعلته الشنيعة أمام خادم الحرمين؟
أم لأن عمكم البلوي لن يرضى عنكم ولن يغدق عليكم بشرهاته فآثرتم الصمت حتى تم صدور القرار ..!

يتكلم النصراويون عن ارتماء الأهلاويون في أحضان الهلاليين .. ونسوا أو تناسوا عمداً أنهم قد ارتموا بكامل أجسادهم في حضن منصور البلوي والاتحاد ..
أغلب الكتاب النصروايين يكتبون في جريدة الرياضي العفنة , ولا يستطيع أي كاتب نصراوي عدم امتداح البلوي أو الاتحاد فضلاً عن انتقادهم ..!
أليس هذا ارتماء في الأحضان؟!! بلى , وهذا ليس بغريب على من فقدوا الكرامة وعزة النفس ففقدوا الاحترام من الآخرين ..!


نهاية الشرشحة :

وش وجه الشبه بين الشمس وجمهور النصر الملقب بالشمس؟!

( كلهم يسوّدون الوجه )
اضافة رد مع اقتباس
  #2  
قديم 02/03/2009, 06:09 AM
الصورة الرمزية الخاصة بـ ـهلالــــي ـهذا حالي
زعيــم مميــز
تاريخ التسجيل: 19/10/2006
المكان: ◦˚°
مشاركات: 2,443
انطبق عليهم المثل القائل
اذا خاطبت العاقل غلبته واذا خاطبت الجاهل غلبك, او كما قيل
الانسان الأُميّ يعرف انه ليس لديه معلومه فيكتفي بقول لا ادري
وان وجّهته توجّه,ورأى الحقيقة
أما الجاهل كحال الجهلة اياهم
فسبحان الذي خلقه!!
له منطق خاص به ويهرف ما لايعرف ,بل يدّعي الكمال وان كلامه لايقبل جدال
,,
ولا عزاء لنا فيهم الا انهم هم الجانب الاخر للمنطق ,,هم اللامنطق
هم مكملين للواقع كالجانب الحسن والجانت السيئ
مجموعة حمقاء كل ما فتحوا افواههم جابوا العيد
..
النصراويون مع الهلاليين
مثل الاخوين احدهما فاشل والاخر ناجح
الاخ الفاشل القبيح دائم التطلّع لأخيه الوسيم الناجح الذي يكون دوما محل النقاش
ويقبع هذا الفاشل في الظل ولاحد يعبّره
تراه يقلده ويحاول التفوق عليه دون جدوى
وذلك يسبب له حقد عظيم ودفين يخرجه مع أول استفزاز
اضافة رد مع اقتباس
  #3  
قديم 02/03/2009, 06:09 AM
زعيــم فعــال
تاريخ التسجيل: 14/11/2007
المكان: *بقربهم *
مشاركات: 358
هلا والله بـ المشاغب
صباح الخيرر
بالنسبة للموضووع ضحكني بجد على هالصبحية مالنا الا نضحك عليهم ونتحمد ربنا ع نعمة العـقل ..
كلآم في الصميم ويبرد الكبـــد
ومعروف ناديهم أكثر نآدي شاغل نفسة بغيرة .. الله يعينهـــم ع نفسهم
,,
يعطيكـ الف عافية.. لاعدمنآكـ
اضافة رد مع اقتباس
  #4  
قديم 02/03/2009, 06:14 AM
الصورة الرمزية الخاصة بـ algohmani
زعيــم مميــز
تاريخ التسجيل: 01/05/2006
المكان: خيمه ناطحة سحاب
مشاركات: 13,324
رائع جدا بس لاتتلثم بشماغ تكر ..

المشاغب انت مبدع وارجوك ان لاتحرمنا من توهج موضوعاتك بالجمهور فسجل لديك عتبي على قلة تواجدك هنا .. الجمهور يحتاج الى قلم مثلك فلاتبخل اخي الكريم ..

بالنسبة للبيان اللي اصدوره تحس ان معهم دفتر ابو اربعين من كثر بياناتهم لاحتاجو بيان قامو شقو ورقه من هالدفتر واكتبو بيان ..

لاتعجب ياصديقي من عدم وجود اتصال لهم بعد حادثه كيتا تراهم مايقدرون على زعل البلوي ايه وش فيك ترا يقطع عنهم المويه والكهرباء ويمكن يحولون النادي حقهم لملعب كركت ..

لك مني الود ..
اضافة رد مع اقتباس
  #5  
قديم 02/03/2009, 06:21 AM
زعيــم مميــز
تاريخ التسجيل: 20/02/2005
مشاركات: 3,822
يالله صبااح خير

خلونا في كوزمين لاتنتقل العدوى من الجاااار
اضافة رد مع اقتباس
  #6  
قديم 02/03/2009, 06:22 AM
الصورة الرمزية الخاصة بـ STS2005
زعيــم مميــز
تاريخ التسجيل: 08/05/2004
المكان: نجد
مشاركات: 4,096
المصيبه في بيان غوار الطوشه يبي توضيح من الهلال ..
مايدري الغبي ان كوزمن صار حر نفسه يعني ماله علاقه في الهلال بعد قرار الابعاد ..

لكن الجبناء لانهم ما يعرفون لغة رومانية وما يقدرون يرسلون بيانهم للسفارة الرومانية قالوا نخلي الهلاليين يترجمون لنا التصريح ..

اجل بالله عليكم في احد عاقل في العالم يتصل على برنامج الساعة ثلاث الفجر ويقول ابارك للهلاليين ومدربهم المفروض يحاسب ؟؟

وين صارت هذي .. وموضوع المحياني بالعربي ناس مطفره وما عندها فلوس ويبون يصرفون جمهورهم اللي اردى ماعندهم كرامه كفخ فيهم طلال الرشيد ولا قالوا شي ..حتى البليد قال على الهواء (يحمدون ربهم اني ما كنت موجود ) يعني النادي بجمهوره ما عنده كرامه .
اضافة رد مع اقتباس
  #7  
قديم 02/03/2009, 06:26 AM
زعيــم متواصــل
تاريخ التسجيل: 20/10/2008
مشاركات: 79
الله يكثر أمثالك هذي المقالات اللي تنفع مع هالحثالة من رياضيينا المرضى

فعلا أثبتو أن انكسار الزعيم أهم عندهم من فوز فريقهم العقيم (عقيم بطولات ورجال )

تسلم يمناك ... ومااحلا مشاغباتك
اضافة رد مع اقتباس
  #8  
قديم 02/03/2009, 06:34 AM
زعيــم نشيــط
تاريخ التسجيل: 07/04/2008
المكان: الرياض وحاليا القصيم
مشاركات: 815
هههههههههههههه حلوه البقره الحلوب

اومآآ عاد طلعوا إيطاليين .. سامع إنهم من الدنمارك ههههههههههههههههههههه
اضافة رد مع اقتباس
  #9  
قديم 02/03/2009, 06:35 AM
زعيــم مميــز
تاريخ التسجيل: 30/07/2007
المكان: رومـــا
مشاركات: 1,992
المشاغب الشرشحه روعه ومن جد عالصميم انا من طلع قرار كوزمين

وانا اتجول بالمنتدى كوده يهون مايروح وجاتني فكره اشوف الاجواء الاحتفاليه عند النصر مدام هم الي طبخوا هالقرار ياطلعت الوطنيه فجاءه

ولا أبخل عليكم شفت تو منتدى خاص بمنتدى النصرعن الظلم التحكيمي <<الحمد لله والشكروالله اني قمت اضحمك وانا مالي خلق والله ولا مسمينا نادي الدلال وش دلاله ياحسره ولا مدهرين ياما اقتبسوا من منتدى الهلال وحطوها فمنتداهم ويضحكون صدق اهل العقول براحه مشغلين انفسهم فينا ياناس فكروا بفريقكم الي قبل فتره بغى يهبط لدوري لدرجه الاولى

سوري عالشطحات

المهم الموضوع يضحك بجد وخاصه صوت ... ياني مت من الضحك بالله عد مع وين يطلع *ـ*

وش وجه الشبه بين الشمس وجمهور النصر الملقب بالشمس؟!

( كلهم يسوّدون الوجه ) << بهاذي صدقت

مشاغب << كل يوم نزل موضوع واحد وسع صدورنا فيه
اضافة رد مع اقتباس
  #10  
قديم 02/03/2009, 06:40 AM
الصورة الرمزية الخاصة بـ وليد القحطاني
موقوف
تاريخ التسجيل: 20/04/2007
المكان: الظهران
مشاركات: 9,506
انت اكوس واحد هنا !
..............................
اضافة رد مع اقتباس
  #11  
قديم 02/03/2009, 06:44 AM
زعيــم مميــز
تاريخ التسجيل: 13/04/2008
المكان: الريـاض
مشاركات: 9,150
الله يسعدك يا شيخ اقسم بالله ضحكتني من قلب

من افضل المواضيع الي قريتها صراحه

لا تبخل علينا واطربنا دائمآ بجمال هذا القلم
اضافة رد مع اقتباس
  #12  
قديم 02/03/2009, 06:47 AM
الصورة الرمزية الخاصة بـ زعيمfor uoy
زعيــم متألــق
تاريخ التسجيل: 01/04/2008
المكان: عروس المصايف
مشاركات: 1,211
شكل الضغط عندك باقي ماخف من امس
5000فولت
يعطيك العافية
واحلى شي عنوان الموضوع
اضافة رد مع اقتباس
  #13  
قديم 02/03/2009, 06:57 AM
زعيــم مميــز
تاريخ التسجيل: 02/12/2002
المكان: в υ я γ ∂ α н
مشاركات: 13,937
هلا بالمشاغب

قسم مالك داعي ماتكتب دايماً بالجمهور

ما شاء الله عليك قلم مميز


واصل ولا تحرمنا من جديدك
اضافة رد مع اقتباس
  #14  
قديم 02/03/2009, 07:01 AM
زعيــم متألــق
تاريخ التسجيل: 14/07/2007
المكان: عريس البحر الاحمر
مشاركات: 1,224
هلا سلطان ..
ارجوك .. ارجوك .. ارجوك .. كل اسبوع موضوع بالجمهور..
كل اسبوعين اذا يناسبك .. كل حدث مهم على الاقل ..
بلا اخجل اضع قلمي بلا ما اخجل ..
حط قلمك وخلها على الله .. واذا فشلتنا .. رح لصيد الانترنت ضبط نفسك ..
لا عاد اشوفك .. حتى بالمجلس .. اجل تفشلنا بالجمهور ..
الجد .. انت تتكلم بلساني يا سلطان .. تقول اللي في خاطري .. واكثر ..

كلامك عن النصراويين واقعي ..
لكن المشكلة .. ان البعير ما يشوف عوج رقبته ..
يشوفون انفسهم دايم احسن خلق الله في كل شيء ..
ارقى ناس ..
واذكى ناس ..
واعقل ناس ..
واعز الناس نفسا ..
واكثر خلق الله كرامة ..
واقوى الفرق ..
واكثر جمهور ..
واقل خلق الله ثرثرة ..
واكثر الرياضيين تعرضا للظلم ..
واقل الناس في الظهور الاعلامي ..
ولاعبينهم افضل واطلق لاعبين ..
وكحيلانهم احسن كل ابو شيء ..
واكثر الفرق فوزا ..
واكثر الفرق في عدد البطولات ..
واعضاء ادارتهم اصحاب تصاريح نارية ..
وكتابهم افضل كتاب واكثرهم مصداقية ..
ولهم دخل بكل صغيرة وكبيرة لها علاقة بالهلال ..

وهم في الحقيقة .. ما عندهم ما عند جدتي ..
حقيقة ..انهم بعد المباراة ( اي مباراة ) .. لازم كلهم يصرحون .. وكلهم يعني كلهم .. يحسون بنقص اذا واحد منهم خرج من الملعب بدون ما يصرح ..
حقيقة .. انهم " خرقة " في يد الاتحاد .. يمشيهم زي ما يبي .. وهزيمتهم منه احلى من العسل عندهم ..
حقيقة .. انهم كل ما فازوا بمباراة .. قالوا عاد النصر .. وهم عندهم مشاكل فنية الى الليل ..
حقيقة .. انهم صجونا بالقنوات .. ما بقي برنامج الا ما طلعوا فيه .. لدرجة انك تستغرب لو انتهى البرنامج ما سمعت لهم صوت ..
حقيقة .. ان الهلال مشغلهم اكثر من ناديهم .. سواء جمهورهم والا ادارتهم ..
حقيقة .. اتصاريحهم متناقضة .. وكأنها تطلع من مشجعين مو من مسؤولين ..
حقيقة .. العن ما يجي طاريه على مسامعهم هي الارقام .. يكرهونها حيل حيل ..

احيانا ..
تسمعهم يتكلمون عن الهلال ويسوون لك فيها فاهمين خفايا النادي ..
في برنامج خط الستة .. ذكر الدويش ان الهلال خالف الانظمة واقام الجمعية العمومية وهو ما سدد مستحقات الشلهوب ومدري من معه .. والله اللي يسمعه يقول انه يبيت عند بوابة النادي ..
وطلال الرشيد .. يقول ان الهلاليين يقولون للمحياني انه راح يروح المنتخب .. شوف لحد وين وصل الاختراق النصراوي للهلال ..


وجمهورهم ..
تكلمهم بالنتائج .. يردون ويقولون مستوى ..
تقنعهم ان مستوانا احسن .. يقول لك التاريخ ..
تثبت ان التاريخ يقول الهلال افضل .. يرجعك للاحصائيات ..
تكلمه بالاحصائيات .. يقول لك انتظر عودة النصر ..
طيب .. ليش المناحلة من اول .. قل لي انتظر النصر .. وانا بانتظره ..
ما فيه مشاكل .. الين يرجع النصر .. الهلال يفوز .. والحسابة بتحسب .. هذا ان رجع النصر ..

لأأني اعتقد انه طالما ان النصر حاط دوبه ودوب الهلال ..
ويعرفون اخبار الهلال قبل النصر ..
ومنتدياتهم تتكلم عن الهلال اكثر من النصر ..
وادارتهم تكثر بربرتها بالقنوات عن الهلال ..
ودامهم يلقنون الفئات السنية الاعذار والتبريرات من الان .. ان التحكيم ضدهم .. ومن هالكلام ..
ورب البيت ما يرجعون لمستواهم على كلامهم ..
لو يجي مع كحيلان كحيلان ثاني ..
لأن الكورة فكر وحتراف وتخطيط وعمل .. مهيب بربرة وثرثرة وقرقرة ..
على طاري البربرة .. طرى لي مكالمة سلطان بن فهد لمحللين الرياضية .. اللي قال فيها الاخلاق السعودية ..
ترى في تصريح النصر .. ذكروا الجملة بالنص " عدم الالتزام بالاخلاق السعودية " .. وما زال السؤال قائم .. وش الاخلاق السعودية بالضبط .. اللي يلتزم فيها السعودي والروماني ؟! ..
والسؤال الاهم .. بس انه مهوب قائم .. لأأنه بيطول قائم ما احد جاوب عليه ..
ما كأن البيان والتصريح ملقنهم واحد ؟! ..


وضع الهلال سيئ جدا ..
وهذا يضعني على نفس المسافة بين التفاؤل والتشائم ..
اعرف الهلال قوي ويلعب تحت الضغط .. واخاف من النتيجة العكسية لذهاب كوزمين ..
على كل حال ..
اسأل الله ان ما يخيب ابن مساعد ولا ادارته ..


سلطان .. تتذكر وضعي مع سامي الجابر صح ؟! .. اذا تذكرته خله بيننا لا يطلع لألعن ابو مندوبك ..
انا كبر بعيني هالادمي يوم يقول بعد النهائي للمذيعين ..
روحوا سووا اللقاءات مع اللاعبين والادارة .. هم اصحاب الانجاز ..
حبيته حبيته كثير .. وعرفت انه صاحب فكر اداري ممتاز ..
وتأكدت انه سيقدم كإداري الكثير الكثير .. وهذا اللي ننتظره من ابو عبدالله ..
وهذا الفرق بينه وبين طلال الرشيد ..

شكرا لك سلطان ..
ولا تحرمني من ابداعاتك بالجمهور ..
الا وش رايك نسحب على المجلس؟! ..
الجمهور وضعه حلو .. والمشرفين ما يلحقون .. يعني فلها ..
ماجد وابو عبدالله وسهل و عادل .. مدويشننا هناك ..

اخر تعديل كان بواسطة » المـشـاكـس في يوم » 02/03/2009 عند الساعة » 09:13 AM
اضافة رد مع اقتباس
  #15  
قديم 02/03/2009, 07:02 AM
زعيــم فعــال
تاريخ التسجيل: 14/04/2007
مشاركات: 221
تدرون ماهي امنيتي
أن أدخل على خبيلان والبليد في ملعب فقرهم
ومعي خرقه زرقاء ورمح وأمررالازرق قدامهم وأنغزهم بالرمح
مثل مصارعي الثيران الاسبانيه , لكن الرمح ينفع في علباء خبيلان
أما البليد يكفيه ندوخه باللون الازرق .
ههههههههههههههههههههههههههههههه
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 04:33 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2021, Jelsoft Enterprises Ltd

Google Plus   Facebook  twitter  youtube