ماادري من وين ابدا كلامي ، ولاادري وش اقول ، لكن الوضع الهلالي في الوقت الراهن يخووووف كثير ، وزعيمنا ياجماعة الخير عودنا على الانتصارات والفوز وبس وماتخفى عليكم اهمية فوزنا بالسوبر حتى نحافظ على استحقاقنا للمشاركة ببطولة كاس العالم للاندية ، بعد ماخف تأثير كاس العالم والتفتنا لهلالنا مالقينا شي يطمن او يوسع الصدر حتى ان رئيسنا يقولون انه ( مهوب فيه ) !! مسافر مدري وين ! والحقيقة انا ماتابعت منيح لكن العلم الوكاد ان قلبي ماارتاح لمباراة السبت مدري ليش !؟ وصدقوني ماخفت من الكوريين عشان مستواهم بالمونديال ، بالعكس زعيمنا قدها وقدود ونجومنا قادرين على انتزاع الفوز من ( اثم ) التنين ، أنا كل الي مخوفني وضع الهلال الي ماقدرت افهمه ، وعموما مافيه فريق في آسيا يقدر يهزم الهلال إلا ( الهلال نفسه ) واللبيب يفهم بالاشارة ؟!


على فكرة ترى اهمية المرحلة الي نمر فيها ونعايشها هي الي فرضت علي الخروج من جحري وكتابة هذا الموضوع والا فتسجيلي قديم جدا كما يشير التاريخ أعلاه لكن راح الوقت علي والتلفون ماوصل الجحر الا تالي :p



وسلامتكم
اخوكم الضب الحرش