نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/)
-   منتدى الجمهور الهلالي (http://vb.alhilal.com/f28/)
-   -   الأمير سلطان بن فهد طيب القلب .. فلا تظلمه أنت وياه (يعني وقفوا عن حدكم ) ..! (http://vb.alhilal.com/t726669.html)

الـمـشـاغـب 01/03/2009 04:10 AM

الأمير سلطان بن فهد طيب القلب .. فلا تظلمه أنت وياه (يعني وقفوا عن حدكم ) ..!
 
السلام عليكم ورحمة الله وبركاته

منب رايق أنشدكم عن الأحوال .. لذلك لا يكثر أنت وياه .. انا ضايقن صدري وما ودي أسألكم عن الحال ويجيني مندس ويقول انه مبسوط وتجيني الغبنة ويطق فيني عرق ..!

تبون الصدق؟ والله فتحت صفحة اضافة الموضوع ولا أدري وش أنا بأكتب عنه .. حاس ان الضغط بجسمي واصل 2936 فولت ولا بيخف إلا إذا فضفضت عندك أنت وياه , فاستحملوني ( بوركت خششكم المباركة )

بس تعالوا باسألكم سؤال .. الحين من جدكم تبون سلطان بن فهد يستقيل؟ طيب اذا استقال وين بيروح؟!!
تبونه يقعد في بيتهم ويصير عالة على المجتمع؟؟! لا ما يصير يا أخوان .. أحسن يبقى ( علة ) ولا يصير ( عالة ) ..!

خلوني أعاكس التيار شوي وأقول لكم عن خبر من مصدر خاص .. (عاد كل من هب ودب جاب لنا خبر من مصدر خاص وش ناقصني أنا؟ جيزي جيزهم )
الخبر يقول : أن سمو سيدي وتاج راسي ومهجة فؤادي صاحب السمو الملكي الأمير سلطان بن فهد شخص طيب القلب جداً .. يعني كلمة تجيبه وكلمة توديه ( يا لبى قلبه حنيّن أوي )

وعشان ما يجيني علة منكم وينشب لي بحلقي ويقول : وش مصدرك؟
أبقول لكم من الحين .. ارجعوا لمداخلة الأمير سلطان بعد كأس الخليج يوم جاب العيد في ضيوف البرنامج ..
وسبب هالعيد انه واحد مركب بلوتوث باذنه قعد يزن بأذن سلطان الرياضة لين عصب وتداخل بالبرنامج ..!

وحسب نفس المصدر الخاص فإن قصة إقالة كوزمين اولاريو هي كما يلي :
اتصل كذيبان وأبوبلوتوث وحتى أبومكياج على سلطان بن فهد وقالوا : ترى اللي سواه ما يصير المفروض تطرده عشان تثبت هيبتك وبنفس الوقت ولاؤك وحبك لولي العهد الله يعطيه الصحة والعافية ..

فيرد سلطان الرياضة بعد ما يحك راسه ويقول: تقوله صادق؟ خلاص ضبطوا لي بيان بحكم خبرتكم في البيانات وهاتوه أوقع عليه ..!
( يا شباب .. لحد يفهمني غلط ويحسبني أقول ان سلطان رياضيتنا ( كمخة ) .. لا .. يكرم السّمي .. أنا بس أقول انه طيب زيادة عن اللزوم ويسمع كلام ناس ما تستاهل أحد يسمع منها )
<< والله ما أستبعد يجي كذيبان ويكتب في منتدانا موضوع يشتكيني فيه ويقولني اللي ما قلته ويطالب بسحب جنسيتي .. والله كل شي جايز من هالخبل الحقود ..!

إلا على طاري كذيبان .. يقولون ادارة البيانات أصدرت بيان تقول انها تركت المحياني عشان كرامة النصر!!
يلعن حريشهم هالأوادم ... والا تدرون؟ خلوني أستعرض مفرداتي وأجيبها بالفصحى ( شاهت الوجوه ) ..!

لكم وجه بعد تتكلمون عن الكرامة؟! اللاعب رفضكم من زمان ومع هذا قعدتم تلاحقونه من التدريبات إلى البيت وأقلقتوا أهل أهله بالاتصالات حتى خليتوه يشترك بالغصب بخدمة الاتصالات حق حجب المكالمات ..!

الحين بس صدقت ان النصراوي له عشرين كبرياء في السنة .. كل ما انكسر كبرياء يجيب عامل يركب له كبرياء جديد ..!
( يقولون هالعامل مسوي لهم خصم 50% عشان كذا كبرياءهم "رخيص" )

على العموم .. والله مدري وشلون كتبت كذا مع اني خايف أنه ينحذف الموضوع او اليوزر بسبب كذيبان وربعه ..! ليت بس ينحذف الموضوع على شي يسوى أو يبيض الوجه , بس للأسف ما فيه غير سواد الوجه كذيبان وابوبلوتوث وابو مكياج ( قبح الله رؤوساً هم حاملوها )

انتهت مفرداتي وخلصت فضفضتي والحمد لله خف الحمل عني شوي << اللي بصدري طبعاً .. أخاف يجي كحيلان ويزور الحقيقة ويقول اني قاصد الحمل بالبطن .. دلخ وحاقد طبيعي هالتفكير يجي منه ..!

في النهاية أعتذر لكم على ما كتبت .. لم أكتب ما كتبت سوى لنفسي .. أما أنتم فلا تستحقون هذا المستوى من الطرح بل ما هو أجود ..

والسلام عليكم ورحمة الله وبركاته ..!

algohmani 01/03/2009 04:17 AM

بحذف يوزرك يالمشاغب اسمحلي على هالإجراء نحن في زمن الظلم والتعنت والتجبر والتعسف .. موضوعك لانه جميل ولانه رائع لازم عضويتك تنحذف .. هكذا فكر بعض المسئولين في الإتحاد السعودي مع روعه وجمال الهلال الذي اصابهم بمقتل ..

قاتل الله الفساد وأعاننا الله على كل مايحاك ضد هلالنا من نوايا مبيته .. لكننا سنجعلهم يصابون بالاحباط والمرض ببطولاتنا .. سنجعلهم يترنحون مع كل انتصار هلالي

زيطہ 01/03/2009 04:23 AM

حسبي الله ونعمَ الوكيل

>
<
<
>

أبو المعاريف 01/03/2009 04:23 AM

سلطان يجامل النصر ،،

وهذا شي واضح للعين ،،

http://www.m3rof.com/up/files/9005.gif

تحياتي

دمي أزرق&أبيض 01/03/2009 04:24 AM

الله يحرم النوم من ضلمنا وحرمنا الفرحه بالكاس

layali666 01/03/2009 04:26 AM

حسبي الله ونعم الوكيل على من يحاول اسقاط الهلال
حسبي الله ونعم الوكيل على من يحاول اسقاط الهلال
حسبي الله ونعم الوكيل على من يحاول اسقاط الهلال
حسبي الله ونعم الوكيل على من يحاول اسقاط الهلال

MaRoUaNe 01/03/2009 04:27 AM

وعليكم السلام ورحمته وبركاته

هلا بالمشاغب :smilie47: هلا بالمندس :ap:

إقتباس:

تبون الصدق؟ والله فتحت صفحة اضافة الموضوع ولا أدري وش أنا بأكتب عنه



ماشاء الله هذا وأنت ماتدري وش تبي تكتب عنه
وكل هذا طلع معك :d

إقتباس:

كذيبان وأبوبلوتوث وحتى أبومكياج

من يوم مابدا أبوبلوتوث يمشي مع سلطان والقرارات من دحديرا إلى جفره

لكن مانقول إلا الشكوى لله

والأيام بيننا ياسرطان الكوره


:rose:

فتى ملهم 01/03/2009 04:27 AM

هو من ناحيه قلبه طيب ما أعتقد في هلالي يختلف على هالشئ

لا وأقولك شئ قلبه أبيض بعد

الصمصام20 01/03/2009 04:28 AM

وانت في بلد الحريه لا حريه لديك

التروبيكالي 01/03/2009 04:28 AM

حسبي "الله " ونعم الوكيل

سـهـم يـاسر 01/03/2009 04:31 AM

http://www.m3rof.com/up/files/9005.gif


ههههههههههههههههههههههههههههههه


روووعه التوقيع يابطل


وانااقول ياشباب خلونا نفرح بالبطوله

لان كذا حققوا مرادهم بقتل الفرحه حسبي الله ونعم الوكيل

R o M a N 01/03/2009 04:31 AM

ياخي مجنوووووون انت



شف وش مسوي سلطان


ما الووم بتال القووس يوم يقوول
الاعتذار من شيم الكبر
زبد لك يا سلطان اعتذر من بن همام
مو تتكبر

تر الملكة ماهي لك لحالك


تبقى الاسود اسود

دمعة شقى 01/03/2009 04:31 AM

[/I]
واااااااااااخ جبتها ع الجرح موضوعك يبرد الكبد
وربي من صحيت من النوم وانا منلهد=منغث
ضاقت بي الدنيا وجتني غلقه وكنت داخل بتهااوش معك>>برااسه حرش
بس بردت كبدي والله حسبي ونعم الوكيل بالله هذولا كيف يفكرون اشك انهم يفكرون
الله ع الظالم والله ع المفتري وياويلهم من حسيبهم
الله ينصر الهلال ويوفقه في جميع الاستحقاقات القادمه
ويرد كيدهم في نحورهم ونشوفهم من جفره لدحديره>>>خلط الحابل بالنابل

دلوووعه الهلال 01/03/2009 04:32 AM

ماتسذبت وانا اختك وليه يحذفونه


هالدلخ يدربي راسه وراسهم

المملكة 01/03/2009 04:32 AM

جيت بوقتك يالمشاغب ! :cry::rose:


الوقت المعتمد في المنتدى بتوقيت جرينتش +3.
الوقت الان » 06:14 AM.

Powered by: vBulletin Version 3.8.7
Copyright ©2000 - 2021, Jelsoft Enterprises Ltd