#1  
قديم 01/03/2009, 04:10 AM
الصورة الرمزية الخاصة بـ الـمـشـاغـب
مايسترو المجلس العام
تاريخ التسجيل: 18/02/2005
المكان: كاشت مع ويلهامسون بين المروج :$
مشاركات: 7,059
Red face الأمير سلطان بن فهد طيب القلب .. فلا تظلمه أنت وياه (يعني وقفوا عن حدكم ) ..!

السلام عليكم ورحمة الله وبركاته

منب رايق أنشدكم عن الأحوال .. لذلك لا يكثر أنت وياه .. انا ضايقن صدري وما ودي أسألكم عن الحال ويجيني مندس ويقول انه مبسوط وتجيني الغبنة ويطق فيني عرق ..!

تبون الصدق؟ والله فتحت صفحة اضافة الموضوع ولا أدري وش أنا بأكتب عنه .. حاس ان الضغط بجسمي واصل 2936 فولت ولا بيخف إلا إذا فضفضت عندك أنت وياه , فاستحملوني ( بوركت خششكم المباركة )

بس تعالوا باسألكم سؤال .. الحين من جدكم تبون سلطان بن فهد يستقيل؟ طيب اذا استقال وين بيروح؟!!
تبونه يقعد في بيتهم ويصير عالة على المجتمع؟؟! لا ما يصير يا أخوان .. أحسن يبقى ( علة ) ولا يصير ( عالة ) ..!

خلوني أعاكس التيار شوي وأقول لكم عن خبر من مصدر خاص .. (عاد كل من هب ودب جاب لنا خبر من مصدر خاص وش ناقصني أنا؟ جيزي جيزهم )
الخبر يقول : أن سمو سيدي وتاج راسي ومهجة فؤادي صاحب السمو الملكي الأمير سلطان بن فهد شخص طيب القلب جداً .. يعني كلمة تجيبه وكلمة توديه ( يا لبى قلبه حنيّن أوي )

وعشان ما يجيني علة منكم وينشب لي بحلقي ويقول : وش مصدرك؟
أبقول لكم من الحين .. ارجعوا لمداخلة الأمير سلطان بعد كأس الخليج يوم جاب العيد في ضيوف البرنامج ..
وسبب هالعيد انه واحد مركب بلوتوث باذنه قعد يزن بأذن سلطان الرياضة لين عصب وتداخل بالبرنامج ..!

وحسب نفس المصدر الخاص فإن قصة إقالة كوزمين اولاريو هي كما يلي :
اتصل كذيبان وأبوبلوتوث وحتى أبومكياج على سلطان بن فهد وقالوا : ترى اللي سواه ما يصير المفروض تطرده عشان تثبت هيبتك وبنفس الوقت ولاؤك وحبك لولي العهد الله يعطيه الصحة والعافية ..

فيرد سلطان الرياضة بعد ما يحك راسه ويقول: تقوله صادق؟ خلاص ضبطوا لي بيان بحكم خبرتكم في البيانات وهاتوه أوقع عليه ..!
( يا شباب .. لحد يفهمني غلط ويحسبني أقول ان سلطان رياضيتنا ( كمخة ) .. لا .. يكرم السّمي .. أنا بس أقول انه طيب زيادة عن اللزوم ويسمع كلام ناس ما تستاهل أحد يسمع منها )
<< والله ما أستبعد يجي كذيبان ويكتب في منتدانا موضوع يشتكيني فيه ويقولني اللي ما قلته ويطالب بسحب جنسيتي .. والله كل شي جايز من هالخبل الحقود ..!

إلا على طاري كذيبان .. يقولون ادارة البيانات أصدرت بيان تقول انها تركت المحياني عشان كرامة النصر!!
يلعن حريشهم هالأوادم ... والا تدرون؟ خلوني أستعرض مفرداتي وأجيبها بالفصحى ( شاهت الوجوه ) ..!

لكم وجه بعد تتكلمون عن الكرامة؟! اللاعب رفضكم من زمان ومع هذا قعدتم تلاحقونه من التدريبات إلى البيت وأقلقتوا أهل أهله بالاتصالات حتى خليتوه يشترك بالغصب بخدمة الاتصالات حق حجب المكالمات ..!

الحين بس صدقت ان النصراوي له عشرين كبرياء في السنة .. كل ما انكسر كبرياء يجيب عامل يركب له كبرياء جديد ..!
( يقولون هالعامل مسوي لهم خصم 50% عشان كذا كبرياءهم "رخيص" )

على العموم .. والله مدري وشلون كتبت كذا مع اني خايف أنه ينحذف الموضوع او اليوزر بسبب كذيبان وربعه ..! ليت بس ينحذف الموضوع على شي يسوى أو يبيض الوجه , بس للأسف ما فيه غير سواد الوجه كذيبان وابوبلوتوث وابو مكياج ( قبح الله رؤوساً هم حاملوها )

انتهت مفرداتي وخلصت فضفضتي والحمد لله خف الحمل عني شوي << اللي بصدري طبعاً .. أخاف يجي كحيلان ويزور الحقيقة ويقول اني قاصد الحمل بالبطن .. دلخ وحاقد طبيعي هالتفكير يجي منه ..!

في النهاية أعتذر لكم على ما كتبت .. لم أكتب ما كتبت سوى لنفسي .. أما أنتم فلا تستحقون هذا المستوى من الطرح بل ما هو أجود ..

والسلام عليكم ورحمة الله وبركاته ..!
اضافة رد مع اقتباس
  #2  
قديم 01/03/2009, 04:17 AM
الصورة الرمزية الخاصة بـ algohmani
زعيــم مميــز
تاريخ التسجيل: 01/05/2006
المكان: خيمه ناطحة سحاب
مشاركات: 13,324
بحذف يوزرك يالمشاغب اسمحلي على هالإجراء نحن في زمن الظلم والتعنت والتجبر والتعسف .. موضوعك لانه جميل ولانه رائع لازم عضويتك تنحذف .. هكذا فكر بعض المسئولين في الإتحاد السعودي مع روعه وجمال الهلال الذي اصابهم بمقتل ..

قاتل الله الفساد وأعاننا الله على كل مايحاك ضد هلالنا من نوايا مبيته .. لكننا سنجعلهم يصابون بالاحباط والمرض ببطولاتنا .. سنجعلهم يترنحون مع كل انتصار هلالي
اضافة رد مع اقتباس
  #3  
قديم 01/03/2009, 04:23 AM
زعيــم جديــد
تاريخ التسجيل: 18/11/2008
مشاركات: 29
حسبي الله ونعمَ الوكيل

>
<
<
>

اخر تعديل كان بواسطة » زيطہ في يوم » 01/03/2009 عند الساعة » 04:49 AM
اضافة رد مع اقتباس
  #4  
قديم 01/03/2009, 04:23 AM
الصورة الرمزية الخاصة بـ أبو المعاريف
زعيــم نشيــط
تاريخ التسجيل: 28/11/2008
المكان: خارج حدود الكون
مشاركات: 520
سلطان يجامل النصر ،،

وهذا شي واضح للعين ،،



تحياتي
اضافة رد مع اقتباس
  #5  
قديم 01/03/2009, 04:24 AM
زعيــم مميــز
تاريخ التسجيل: 04/07/2007
المكان: وين مايروح الازرق
مشاركات: 1,707
الله يحرم النوم من ضلمنا وحرمنا الفرحه بالكاس
اضافة رد مع اقتباس
  #6  
قديم 01/03/2009, 04:26 AM
زعيــم متألــق
تاريخ التسجيل: 17/08/2007
المكان: القصيـــــــــــم
مشاركات: 1,427
حسبي الله ونعم الوكيل على من يحاول اسقاط الهلال
حسبي الله ونعم الوكيل على من يحاول اسقاط الهلال
حسبي الله ونعم الوكيل على من يحاول اسقاط الهلال
حسبي الله ونعم الوكيل على من يحاول اسقاط الهلال
اضافة رد مع اقتباس
  #7  
قديم 01/03/2009, 04:27 AM
الصورة الرمزية الخاصة بـ MaRoUaNe
زعيــم متألــق
تاريخ التسجيل: 06/02/2008
المكان: بريده
مشاركات: 1,439
وعليكم السلام ورحمته وبركاته

هلا بالمشاغب هلا بالمندس

إقتباس
تبون الصدق؟ والله فتحت صفحة اضافة الموضوع ولا أدري وش أنا بأكتب عنه



ماشاء الله هذا وأنت ماتدري وش تبي تكتب عنه
وكل هذا طلع معك

إقتباس
كذيبان وأبوبلوتوث وحتى أبومكياج

من يوم مابدا أبوبلوتوث يمشي مع سلطان والقرارات من دحديرا إلى جفره

لكن مانقول إلا الشكوى لله

والأيام بيننا ياسرطان الكوره



اخر تعديل كان بواسطة » MaRoUaNe في يوم » 01/03/2009 عند الساعة » 04:54 AM
اضافة رد مع اقتباس
  #8  
قديم 01/03/2009, 04:27 AM
زعيــم متواصــل
تاريخ التسجيل: 12/07/2005
مشاركات: 186
هو من ناحيه قلبه طيب ما أعتقد في هلالي يختلف على هالشئ

لا وأقولك شئ قلبه أبيض بعد
اضافة رد مع اقتباس
  #9  
قديم 01/03/2009, 04:28 AM
زعيــم متواصــل
تاريخ التسجيل: 13/10/2008
مشاركات: 198
وانت في بلد الحريه لا حريه لديك
اضافة رد مع اقتباس
  #10  
قديم 01/03/2009, 04:28 AM
الصورة الرمزية الخاصة بـ التروبيكالي
زعيــم مميــز
تاريخ التسجيل: 06/02/2008
المكان: الرياض-عاصمه المملكه العربيه السعوديه
مشاركات: 4,925
حسبي "الله " ونعم الوكيل
اضافة رد مع اقتباس
  #11  
قديم 01/03/2009, 04:31 AM
زعيــم فعــال
تاريخ التسجيل: 09/11/2007
المكان: مدرج الزعيم
مشاركات: 481



ههههههههههههههههههههههههههههههه


روووعه التوقيع يابطل


وانااقول ياشباب خلونا نفرح بالبطوله

لان كذا حققوا مرادهم بقتل الفرحه حسبي الله ونعم الوكيل
اضافة رد مع اقتباس
  #12  
قديم 01/03/2009, 04:31 AM
الصورة الرمزية الخاصة بـ R o M a N
محرر أخبار رابطة توتنهام
تاريخ التسجيل: 09/11/2007
المكان: White Hart Lane
مشاركات: 490
ياخي مجنوووووون انت



شف وش مسوي سلطان


ما الووم بتال القووس يوم يقوول
الاعتذار من شيم الكبر
زبد لك يا سلطان اعتذر من بن همام
مو تتكبر

تر الملكة ماهي لك لحالك


تبقى الاسود اسود

اخر تعديل كان بواسطة » algohmani في يوم » 01/03/2009 عند الساعة » 05:16 AM
اضافة رد مع اقتباس
  #13  
قديم 01/03/2009, 04:31 AM
زعيــم جديــد
تاريخ التسجيل: 23/02/2008
المكان: في قلــب أمــي,,
مشاركات: 17
[/I]
واااااااااااخ جبتها ع الجرح موضوعك يبرد الكبد
وربي من صحيت من النوم وانا منلهد=منغث
ضاقت بي الدنيا وجتني غلقه وكنت داخل بتهااوش معك>>برااسه حرش
بس بردت كبدي والله حسبي ونعم الوكيل بالله هذولا كيف يفكرون اشك انهم يفكرون
الله ع الظالم والله ع المفتري وياويلهم من حسيبهم
الله ينصر الهلال ويوفقه في جميع الاستحقاقات القادمه
ويرد كيدهم في نحورهم ونشوفهم من جفره لدحديره>>>خلط الحابل بالنابل
اضافة رد مع اقتباس
  #14  
قديم 01/03/2009, 04:32 AM
زعيــم مميــز
تاريخ التسجيل: 23/04/2006
مشاركات: 1,728
ماتسذبت وانا اختك وليه يحذفونه


هالدلخ يدربي راسه وراسهم
اضافة رد مع اقتباس
  #15  
قديم 01/03/2009, 04:32 AM
الصورة الرمزية الخاصة بـ المملكة
شاعرة الهلال
تاريخ التسجيل: 29/12/2001
المكان: الرياض
مشاركات: 7,889
جيت بوقتك يالمشاغب !
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 05:50 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2021, Jelsoft Enterprises Ltd

Google Plus   Facebook  twitter  youtube