تررررررررن ترررررررن ...صوت الجرس يرن..والدة نينيتا : نينيتا اقحصي وافتحي الباب يابنيتي.

نينيتا: طيب لاحين أرد من اللي مزعجنا بهالوقت.

من اللي على الباب ؟؟...فتحت الباب..من..استراخان..وش عندك جاي ؟؟ وش تبي فيني ؟؟.

هـو موب من حقي أسلم على حبيبت قلبي نينيتا ولا ماتبيني أسلم.

نينيتا (طررررراخ على وجهه ) جاي تسلم علي بعد ما شفتك مع ذيك المغفلة..ضف وجهك ولا عاد أشوفك.


طلع استراخان زعلان ومتنكد وهو في الطريق سوى حادث والسبة نينيتا.

وبعد برهة.. تررررررن ترررررررن صوت التلفون يشبه صوت الجرس.


الخادمة: منزل رابين كارلوس خير وش تبي ؟؟؟

أنا الدكتور أوكيستو هل لي أن أتحدث مع نينيتا..

اوكيستو : أنا الدكتور أوكيستو ..بصراحة أنا مادري وش أقولك..بس استراخان تعرض لحادث مروري والحين مرقد عندنا بالمستشفى.
آآآه آآآه من صدقك أنت ؟؟؟..ذبت السماعة واغمى عليها.

والدتها : آآآآآآآآآآآه الحقوني جيبوا بصل والا ماء..

وبعد أن فاقت..

نينيتا : يمه يالله مشينا للمستشفى استراخان سوى حادث وهو في المستشفى.
الأم : طيب بنروح بس لحظة أغير هدومي.

نينيتا : حتى أنا بس يالله بسرعة.

وفي المستشفى...

عند الرسبشن..من فضلك نبي يرقم غرفة استراخان ماكسيما.
الرسبشن : روحي لآخر بالسيب على اليمين .. مشكورة.

وعند باب الغرفة : يمه أخاف أدخل عليه القاه مكسر ؟؟؟.
الأم أقول امشي بس سمي ولا عليتس انشاء الله انه بخير.

والمفـــــــــــــــــــــــــــــــــــــــــــــــــــــــــــأة....

وجدت عشيقته لورانسا بجانبه.

نينيتا : بعد هذا اللي ناقص..وصلت فيك المواصيل فيك أنك تناديها عندك لا وبعد في المستشفى..الشرهة ماهي عليك الشرهة على المتخلفة اللي تعبت نفسها علشانك يا **** .

استراخان : لورانسا يالله ضفي وجهك.... نينيتا حبي الوحيد..يالله من غير مطرود.

استراخان : تعالي بقربي ياحبيبتي تعالي.

قربت نينيتا وعيونها تصبب دموع قام استراخان ومسحها لها...وقال : مالها داعي يالله اضحكي.

نينيتا : ليش خليها تزورك بالمستشفى...مو انت تحبني وبتتزوجني ؟؟؟.

استراخان : تامرين آمر أصلاً ماأدري وش اللي جابها ( أبوك يالترقيع ) خلاص ياروحي بكره باطلع وبنتزوج..اوكيه .

اوكيه حبيبي...قربت رأسها لمه وشوي شوي قربوا لين... والآن فاصل اعلاني قصير ونعود اليكم... مع ملاحظة قطع المشهد الأخير.

============================================================================

اعلاناااااااااااااااااااااااااات......


نتابع معكم المسلسل المكسيكي المدبلج ( لماذا ياحبيبي لماذا ).

============================================================================

جاء بكره ورجعوا للبيت وجاء استراخان وطق الباب.

ودخل وكلم الأم...عمة بصراحة أنا جاي أخطب نينيتا وأبيها على شرع الله.


الأم : والله ياوليدي هاذي الساعة المباركة.. بس..خلني أشاور البنت..هاه يابنيتي نينيتا نقول مبروك.

حمرت خدودها..

الأم : قومي يابنيتي اتصلي على جارتنا أم راشد وخذي من عندها رقم الطقاقات ولاتنسين بعد رقم الصبابات.

وليلة الزواج.....

استراخان : وأخيراً تزوجنا ياروحي...ماني مصدق.

نينيتا : هذا أسعد يوم في حياتي.

استراخان : طيب ياحبي وش بنسمي ولدنا ؟؟؟.<===== مستعجل .
نينيتا : أكيد حبيبي بنسميه على اسم أبوي رابين.

استرخان : والله وناسه يعني بيسموني أبو رابين.

نينيتا : طيب حبيبي.. وين بنروح شهر العسل ؟؟؟؟.

والله حبيبتي أنا ودي نروح الرياض بالسعودية...يقولون جوها ماهنا أزين منه...هاه وش قلتي ؟؟.

اللي تشوفه ياروحي وين ما تروح أنا وياك.

وفي المطار....

تعلن الخطوط المكسيكية عن اقلاع رحلتها رقم 639 والمتجه الى الرياض فعلى المسافرين على هذه الرحلة سرعة التوجه الى الطائرة.


نينيتا : يالله يمه نشوفك على خير...أول ماأوصل أدق عليك..امووووووه يالله باي.


استراخان : يالله عمة توصينا بشيء نشوفتس على خير يا وجه الخير.

الأم : هاه ياوليد استراخان ترى ماأوصيك تراها بنتي الوحيد بعيونك...توصلون بالسلامة انشاء الله.

استراخان : يالله ياعمة مع السلامة لاتوصيني عليها هي بعيوني.


مشت نينيتا على نيتها ولاحظوا معي انها لابسه تنورة فوق الركبة..وبلوزة مزلطة..ولا جابت معها عباية على بالها رايحه أمريكا.

ويوم وصلوا مطار الملك خالد...نزلت نينيتا على نياتها وجوا بيركبون التكسي الا وجمس الهيئة يصفط عندهم.

ومسكوا نينيتا وقطوها بالسجن واستراخان يصارخ...نينيتا.....نينيتا.. وهي ....استراخان....استراخان.

استراخان قاعد يكلمهم ولا فيه فايدة....قالوا له ماعرفنا انقليزي علشان نعرف مكسيكي.



مل استراخان من كثر مايحاول فيهم ومع الأسف (الوصخ ) رجع لديرته وراح وتزوج لورانسا...حتى أمها مادرت انه رجع..والأميمه المسكينة ماتدري عن شيء.

المسكينة نينيتا خاست بالسجن لين طلعتها السفارة وسفرتها لديرتها.

وبعد ما رجعت لديرتها وعلمت أمها عن كل شيء راحت ولقت النذل تزوج لورانسا...قامت من العصبية وثورت فيه وفي لورانسا وفي الأخير ثورت في نفسها.

وبكذا خلص المسلسل لكن الحلقة الأخيرة منعتها الرقابة لأنها ( لماذ ياحبيبي لماذا ماشفتوه ) <===== يقلدون طاش ما طاش.





منقول...









أخـــــــــــــــــوكــــــــــم /Daredevil