وصل جهاز I-Phone من موبايلي - نادي الهلال السعودي - شبكة الزعيم

ابو هشام · #1 21/02/2009, 03:19 PM

السلام عليكم

قبل شوي وصلتني رسالة من موبايلي تقول

ايفونك وصل!
تقدم غدا الأحد الساعة 8 صباحا لشراء الايفون الذي حجزته.
الرياص : فرع طريق الملك عبد الله .
جدة : فرع طريق التحلية
الخبر : فرع طريق الملك عبد لله ( شارع الظهران سابقا ).

علما أنه لكثرة الحجز فإن النسخ المتوفرة حاليا محدودة .

وهذي معلومات خاصه مني :

لمعلومية الجميع فيوجد جهازان لدى موبايلي

I-Phone بذاكرة 8 جيجا

وله خمس باقات كإشتراك شهري ولكل باقة مميزات والسعر الشهري يبدأ من 99 ريال

I-Phone بذاكرة 16 جيجا

أيضا له خمس باقات بداية الإشتراك الشهري من 99 ريال

أما سعر I-Phone بذاكرة 8 جيجا بــ 2255 ريال

وسعر I-Phone بذاكرة 16 جيجا بــ 2650ريال

أتمنى إني أفدتكم

ونسيت أقولك المعلومات حصرية لي

iBraHem9 · #2 21/02/2009, 03:31 PM

اوووووووووووووف غآآآلي

انا شاريه من المحلات قبل فترة يمكن اربع شهور او خمس شهور بـ 2400 iPhone العادي

بس اذا كان جيل ثالث وعربي تمام التمام ,,

يعطيك العافيه

yasser99 · #3 21/02/2009, 11:54 PM

النسخه العاديه الموجوده بالسوق مو الأصليه لانها مخترقه

والآي فون له شبكه لحاله بالدول الثانيه

لكن اللي جابته موبايلي هي شاريته وهو النسخه الأصليه اما اللي على شبكة الجوال مو اصلي مخترق

الغشيان الكونكرد · #4 24/02/2009, 07:38 AM

وهذه صورة له لمن لايعرفه

سامي موجود · #5 25/02/2009, 03:46 AM

هل الجهاز عربي يا اخوان ؟؟؟

لون السماء والسحاب · #6 25/02/2009, 04:50 AM

شباب استفسار

طيب الجهاز وش فيه يعني

يعني ليه موبايلي جايبته؟؟

يعني اقدر لو اشتريه منهم واشغل عليه شريحة الاتصالات؟

محمد الهلالي00 · #7 02/03/2009, 01:03 AM

على مـا اعتقد ان الجهاز نادر ما تجده في المملكه
والجهاز روووووووووووووووووووووووووووعه

نسر الرياض · #8 02/03/2009, 06:37 AM

الناس لاعبين علييكم انا شاريه من امريكا بثلاث مية دولار يعني مايتعدى الالف ريال بس يبيلك تشتري معه قطعه صغيره وتركبه مع الشريحه لانه مايشتغل الا مع شرايح امركيه فا لازم القطعه ذي بس مارا تكلفك مثل ماراح تكلفك موبايلي

فارس القصيم · #9 03/03/2009, 11:15 PM

بس المشكله الكبيرة
مافيه لغه عربيه

ابو ياسر 2006 · #10 07/03/2009, 07:39 AM

إقتباس


	النسخه العاديه الموجوده بالسوق مو الأصليه لانها مخترقه والآي فون له شبكه لحاله بالدول الثانيه لكن اللي جابته موبايلي هي شاريته وهو النسخه الأصليه اما اللي على شبكة الجوال مو اصلي مخترق

صحيح كلامك لكن مونسخه عاديه هو الجيل الثاني تقدر تجيبه من خارج السعوديه ويوجد برنامج لكسر الشبكه ويشتغل معاك زي الحلاوهـ لا كن الي بعده مادري عنه

الفيلسوف-15 · #11 07/03/2009, 08:52 AM

طيب ياخوان الي في موبايلي

عــــربـــــي

A & S & H · #12 07/03/2009, 09:20 AM

يا شباب بس بغيت أسأل عن مواصفات الجهاز

وخاصةً عن الكاميرا كم ميغابكسل

وشكراً

A & S & H

البيانكونيرو · #13 08/03/2009, 03:51 PM

ياخـوان لاهنتـو ,,

اي واحد منكم يحط لنا موضوع فيه مواصفاته من الألف الى اليــاء

وعندي سؤال مهــم جدا

هـل اذا شريته من موبايـلي ,, اقدر اركب عليه شريحه الاتصـالات ؟؟

الكاميرا كم ميقابكسل ؟؟

وش فـرقه عن جوالتنـا العاديه (n90 - n95 - n80 ....إلخ) ؟؟

انتظـر ردوودكم