20/02/2009, 06:32 PM
|
| زعيــم مميــز | | تاريخ التسجيل: 03/01/2007 المكان: { .. مسآفر في سما النسيان ~
مشاركات: 2,500
| |
نصلح أغلاط الزمن بابتسامات .! ..{مدخل خلص حنانكـ مابقىآ إلا قسوتكـ ..!! << مدخل شاطح الام / من كنتي تكلمين ..؟! البنت / ريم بنت ام خالد الام / انا كم مرهـ قلت لكـ خلي علاقتكـ مع هالبنت سطحيهـ ! البنت / ليهـ يمهـ ..؟! مو هذانا نشوفهم بين فترة وفترة وعادي نجلس معاهم زي غيرهم وش تفرق اذا كلمت البنت أو لا..؟! الام / انا قلت لكـ ان هالناس ما احب نختلط معهم جلساتنا كلها مجاملات بس وإلا لو الود ودي كان مانشوفهم ابد البنت / طيب ليهـ ..؟! وش مسوين ..؟! الام / لاتقولين لي ليهـ .. قلت لكـ علاقتك سطحيهـ يعني خلاص لاتسأليني ليه ! ...... أحداث كثيرهـ تمر قرارات يفرضونها الاهل على عيالهم من غير تبرير - لا - ليه ؟ - من غير نقاش طيب مو من حقهم يعرفون السبب ..؟! تتكمون في علاقاتهم مع الناس وتحرجونهم معهم من غير مبرر ! صحيح كثير بيقول الاهل اعرف بمصلحة عيالهم ولهم خبرتهم بالحياة ويعرفون معادن الناس وما اختلفنا في هذي بس اشرحوا لهم السبب وشحوا لهم عشان يقتنعون اما تقول لهم لا وبس ! مايصير , لانهم بيزيدون عناد لحد مايعرفون ليهـ .. وبصراحهـ أوقات الاهل يكونون على خطأ طيب انا لي علاقة مع عيالهم أو بناتهم ليه تدخلوننا بمشاكل مالنا فيها دخل اشياء يمكن صارت زماااااان ويمكن حتى ماصارت بس حنا الابناء ليهـ ندفع ثمن غلطت الاهل ..! طيب ممكن هم نفسهم مو راضين عن الي يسوونهـ اهلهم في علاقاتهم واجتماعاتهم بس مو قادرين يسوون اي حاجه وبالمقابل حنا نواجهـ نفس مصيرهم وبالنهاية كلهم ساكتين ليه ؟ يجارون رغبات اهلهم اعيد واكرر الاهل يعرفون مصلحة عيالهم واعرف باللي يصير بس وش ذنب عيال الناس نحملهم اخطاء اهلهم على كذا بتمشي الدنيا هذا قد سوى ابوهـ معي كذا هذي قد سوت جدتها معي هذا قد سوى ابو جدهـ مع جدكـ كذا وتمر السنين وحنا نحكم على الابناء من ابائهم وامهاتهم وسلالتهم كلها واذا قالوا الاهل شيء نبتسم بس من غير تعليق لان الحكي ملينا منهـ نصلح اغلاطهم بابتسامهـ عاد الناس تفسرها على الي تبي ,,, ,,, جمعة حريم .. وش يكون فيها ..؟! طبعا بلا شكـ الحش بخلق الله هذا الحاضر الاكبر أوقات يتكلمون في ناس عادي ممكن اتكلم معهم يعني مثلا بنتهم بتتزوج وإلا ولدهم انتقلوا بيت جديد اشياء زي كذا عادي لكن إذا قاموا يقولون ايه شفتي يوم تقول كذا قدام ابوي اووووف والله ياهي بياعت كلام لسانها يمشي على كيفها وتعرف وشلون تخليه بصفها ويمدحها شفتي يوم تقول اني جيتكم وبناتي بالبيت انهم جالسين يسوون العشاء قالوا يمه انتي روحي سوي الواجب وزوريهم وحنا نسوي العشاء لابوي بس تبي تقول للناس ان بناتي يعتمد عليهن والصدق تلقينهن نايمات ولا سألن عنها انا اوقات بهالمواقف مقدر اقول شيء ساكتهـ لو بتكلم جاني اقل شيء فنجال يمشي مليون قد مرهـ طقيتها بوجيههم قلت وش عليكم منهم يسوون الي يبون ويقولون الي يبون وطو لكم على طرف قالوا عنكم شيء خلوهم يقولون ويسولفون براحتهم واذا غلطوا عليكم ذاك الوقت تكلموا الرد / حنا ماجبنا شيء من عندنا هذا الصدق .. أما صدق الصدق ماشاء الله داخلين بالنيات وتدرون ان الكلام الي يقولونهـ بس رياء ما أقول إلا من زينكم عاد انتم وزين بناتكم الي يشوفكم يقول ذولا اكوس ناس بالعالم مافيهم عيوب مع احترامي الشديد ادري فيكم عماتي وفيكم خالاتي وكلكم اقاربي بس الحق ينقال ,,, ,,, موقف مشابهـ تجيكـ مديرة المدرسهـ وتقول وش عرفكـ في بنات الفلان سمعتهم ترى مو ذاك الزود .! طبعا المديرهـ تقول هالكلام بحكم قربها ومعرفتها فيني قبل ماتكون مديرهـ أو حتى تجي المدرسهـ طيب سمعتها مو ذاكـ الزود وش عرفكـ فيها .!! أنا وانا صديقتها يعني قريبهـ منها ماقد قالت لي شيء يضر سمعتها أو حتى صار شيء أو مشكلهـ أو حتى تلميح من احد يعني شيء طبيعي الصديق بيكون عارف بكل شيء يصير مع صديقة فما بالكـ ناس مايعرفونهـ . ماشاء الله عليهم عارفين عنهـ كل شيء عشرت عمر انا وياها ويجونكـ يقولون كذا تخيلوا بس قاطعه علاقتي معها ليه ؟ والله عشان كلام الناس مو حلو يطيرون الناس هم وكلامهم خلاص اجل بتركها وبروح اصادق الناس الي مايجي وراهم غير الكلام والهم ,,, ,,, احسني طولتها بس منذ مبطي ودي انزل شيء وشفت الاوضاع تناسب حولي قلت اطلع الي براسي ونفتح مجال للنقاش فيهـ والي عندهـ مواقف مشابهه لا يستحي يحطها فيذا نشوف وش اخر صرخات الموضهـ بكلام الناس << منتظرهـ الي بيقولون موضوع سامج زي وجهكـ تراها وصلت قبل تقولون مخرج }.. قبلك أنا عانيت
قبلك علي الهم باسم الفرح متحايل
كل شي تركت وجيت
ما ردني الرداد عنك جيت بالعاجل
بالحق عليك أبطيت
كان الهوى سباق وانت كنت متساهل بكل ابو شيء حلو |