بيان هام ( قرار دكتاتورى رقم 1009002) - نادي الهلال السعودي - شبكة الزعيم

ابو الذهب · #1 27/06/2002, 05:14 AM

بنا على ماذكر فى البيان الهام رقم 1009001 وبعد مالوحظ من اختلاط

الامر واتهام الفريق ابو الذهب بالاختلاس عليه قررنا مايلى :

اولا: يتم حرما الاعضاء من وجبتى الفطور والعشاء اما الغداء فيتم
اعطائهم وجبه دسمه عباره عن حبتين بسكوت شاهى مع نص قاروره مويه

ثانيا: النوم فى الهواء الطلق حتى يحس الاعضاء بالحيويه والنشاط
خيام مافيه

بعناها فى الحراج

ثالثا : يتم توزيع العمل كمايلى :
باواو :مرشد سياحى وخصوصا انه يجيد اللغه المصريه تحدث وكتابه
جاج : المسؤول عن الطبخ
المملكه : تحضير الشاهى واذا كان فيه زنجبيل لامانع يازينه فى هالحر
نجمه الابداع : تقطيع البصل والطماطم وتجهيز اللحم والدجاج للشوى
وهذا وجهى اذا لقيتو شى من اللى قلت

الفيروسه الزرقاء: صيد السمك من احد الشواطى المجاوره

الجنرال فيصل : طابور الصباح مع النشيد الوطنى للمخيم

كما تم جلب فرقه موسيقيه لاحياء اجواء الرحله
على العود ابو الذهب والكمنجه حبى تيماوى والايقاع البارق وبقياده
الموسيقار ابوسليمان ( منتاب عاقل ياعمر كدرس )

تم بحمد الله توزيع العمل على جميع الاعضاء والجميع متواجد فى المعسكر الفاخر المعد لهم

وجاج لابس لبس الطباخين وماسك فى يده ورقه ويقدمها للاعضاء ويقول لهم لو سمحت اشر على الاكله اللى تبيها
ونسى الحبيب ان مافيه الا معلبات

وبعد ماخلص راح وشب ناره يبى يصلح كبسه وهو اللى يصرخ ذيك الصرخه اغمى فيها على الجنرال فيصل
اثره يبى شاهى والمملكه ماجابت خبره لاهيه تسئل الاعضاء لوسمحت يوم ننقلب ماشفت روجى

يوم سمعت جاج وهى اللى تجيك تركض ماتشوف الا عصاقيلها ياحليلها والله عليها عصاقيل كأنها مراجيح الثمامه

وهى اللى تجهز المويه يوم طالعت الين مافيه لاشاهى ولا سكر
واكثر ماجاب ابو الذهب ملح يقول علشان يسد جوعهم

وهى اللى ترسل باواو لمخيم قريب بس شكلهم عيال نعمه يوم وصل عندهم وشاف سعه الصدر وهو اللى ينسى وش قالت له المملكه يوم بغى يرجع قال لهم نبى دارسين وبقدونس

وهو اللى يجيبه وتأخذه منه وتحطه فى البريق وتصلح ذاك الشاهى اللى مهوب صاحى
ابو سليمان عقب ماشرب منه يقول غريبه الشمس وش مطلعها فى الليل
وجاج عقب ماتقهوى يقول للبارق ياانت بتاكل كبسه تونه هتاكل صوابعك معها اصلنا مافيه الا فول وجبن

وهو اللى يلقط كم علبه فول يحسبها تونه لعب فيه الشاهى

يوم طبخت المويه وجاء بيكب الرز الين مافيه رز

توه بيرسل باواو وهو اللى ينقز الجنرال ويسبقه
يوم وصل للمخيم وصفقه براد المكيفه ساحت خشته وقال لهم تكفون نبى شويه قريض والله ماقاصرو وهو اللى يجيك طاير لاعب فيه البراد ويحط هالقريض وسط القدر

وجاج مجهز صحن لكل عضو مع علبه عصير فاضى
بس الغريب جاج قاعد يأكل طحينيه مع خبز فرنسى مدرى من وين جابه
وبعد العشاء نامو جميع الاعضاء طبعا النوم اجبار لان فيه قوه الصباح
ومع زئزئه العصافير بدا الطابور الصباح بقياده الجنرال وبعده السلام الوطنى للمخيم

النشيد الوطنى للمخيم :
خيمتى ياخيمتى ** ذبحنى الحر فى رجيلتى
رحتى ولابعد جيتى ** واندبغت دمجتى
ودى ارجع ديرتى ** بس الفريق مايبى
صار حالى هثولى ** كأنى ارتيرى منتهى
خيمتى ياخيمتى** ذبحنى الحر فى رجيلتى

غدا البيان رقم 1009003

الحكم · #2 27/06/2002, 05:46 AM

الجنرال فيصل : طابور الصباح مع النشيد الوطنى للمخيم
ههههههههههههههههههههههههه

ابوك يالفراغ شو بتزل هههههههههههههه

حلوووة منك ابو الذهب

بس عاد مالقيت يصلح الشاهي الا المملكة اعرفها حتى البيض المقلي ماتعرف تسوي نيهههههههههااااي

ابو سليمان عقب ماشرب منه يقول غريبه الشمس وش مطلعها فى الليل

هههههههههههههههههههه الله يرجك ياشيخ هع هع هع

$ولدالزعيم$ · #3 27/06/2002, 05:13 PM

ههههههههههههه...

وشكوووووووور الله يعطيك ألف عافية .

أقول باواو وش صار عليه.;)

المملكة · #4 27/06/2002, 05:37 PM

ههههههههههههههههههههههههههههههههههههههههه

إذا صار فيه مفاطيح .......... حطني على يمناك ؟؟؟؟؟؟؟؟؟؟؟ يالقحيطي .. مهوب

برابيسك؟؟؟؟؟؟؟؟؟؟؟؟؟؟؟ يا زنزنة العصافير ؟؟؟؟؟؟؟؟؟؟؟؟؟؟؟؟؟؟؟؟؟؟

عشت يا عبادي الجوهر ........... عود مرة وحدة ؟؟؟؟؟؟؟؟؟؟؟؟؟؟؟؟؟

الله يخس ابليسك ................. يابو الذهب ..........

ابو روان · #5 27/06/2002, 05:48 PM

وانا كنت متحمس أخاويكم واقول عندهم علوم سنعة اثرها حبة

بسكوت ونوم بدون خيام الله من حمسة الشمس

والا من زين الامور زنجبيل بهالحرورة؟؟؟

قل عصيرات مثلجة يمكن اما زنجبيل صعبة مرة

لكن ممكن اخاويكم اذا تعاقدتوا مع شركة اعاشة

الصبح فطور موب لازم يكون ثقيل يعني

لكن العشا مفطح

والغدا مفطح وبينهن مفطح هههههههههاي داخل مشروع

تسمين

ابو الذهب · #6 27/06/2002, 10:57 PM

الحكم: توهقنا والشكوى لله امحق من شاهى

$ولدالزعيم$: باواو انحاش

المملكة : وشوله التبذير ليش مفاطيح انا احافظ على رشاقتكم

ابو روان: مفاطيح فى المخيم اللى جنبنا