==][ .. مجلس الـ 16 .. دردشة .. سوالف .. نقاشات .. اراء ][ == - نادي الهلال السعودي - شبكة الزعيم

Madridi · #1 19/02/2009, 03:47 AM

فكرة : Madridi
اشراف : مشرفي منتدى الرياضة العربية والعالمية

كيف حالكم يا شباب ان شاء الله طيبين

< تقاسموه

< لابو حميد لانه سعى ورا
فتح الموضوع

.
كنت جالس على المسن في احدى القوايل

قوايل جمع قايلة وتعني فترة ما بعد
الظهر الى قبل العصر

المهم كنت جالس اسولف انا وصقيقي الصقوق

ابو عابد
(عبودي المدريدي

) وقال لي ابروح اضبب قلت له طس

المهم سدحت له
هالفكرة وقلت له ابو عابد وش رايك افتح مجلس قال لي المكيفات علي

قلت له
هبلوووووه

اقصد افتح مجلس بالمنتدى يشبه مجلس قناة الكأس نجمع فيه عيال
الروابط كلهم ونصير ندردش و نتناقش ونتهاوش

، ونتعرف على بعض ،
ونشوف كيف البعض يفكر بعيد عن رسميات الاستديوهات ، لان تعرف البعض تفكيره
جهنمي والبعض تفكيره عقيم

واللي عنده سالفه يحطها واللي عنده صورة من
العصر الحجري يحطها والا فيديو من ايام السراويل القصار يحطها ، قال لي فكرة
جيدة بس يا اخي افتح شات ابرك

، قلت له لا يا اخي بس بيكون في حدود دور
الـ 16 ، اخيرا اقتنع بس نبهني لحاجة مهمة بذكاءه وفطانته

قال لازم تشوف لك
مشرف يأيد الفكرة ويصير مراقب لان فيه ناس منفلته

ومن هنا صار قصة
جديدة .

راسلت ابو حمد

وتورام

واسير

وماجد

واحمد

وكلهم اعجبتهم الفكرة
ولكن كان لهم تحفظ واحد ، ان هالمجلس يأثر على الاستوديو ، فدخلوا في مشاورات
مع الاستشاريين ثم جتني موافقة على مضض

، فقلت لابو حميد لانه هو اكثر واحد
راسلني

قلت له اذا بدأ الاستوديو انا بطفي النور والمكيفات

و الدحمي

او
انس

بيقفل الدرايش

وانت صك الباب

. بمعنى قفلووووه ، فقال تم

الحين يا شباب اللي عنده تهاني او افراح او نورة

لحظة انا شطحت

اقصد اللي
عنده موضوع او نقاش او ذكريات او حتى سالفة في حدود دور الـ 16 يسدحها
والكل يشارك .

كنت بحط رأي بس قلت لا يحسبه البعض هو اساس الموضوع

شباب ملحوظة مهمه : اتمنى ما نخرج عن اطار دور الـ 16 وما نخرج عن ادابنا
وتقاليدنا وعن قوانين المنتدى .
طلب اخير : اتمنى يا شباب ان هالموضوع ما يأثر على تواجدنا في الاستوديو الخاص
بالمباريات واللي بينزل بحول الله يوم الاثنين المقبل ، لان الاستوديو هو واجهة
المنتدى وهو في نفس الوقت فرصة لكل من لديه امكانات جيدة ليبرزها .

حطوا رايكم واعجابكم بي واني كفو واني احسن بني ادم قبل تشاركون

فلووووووووووووووووهاااااااااااااا

Carlitos 32 · #2 19/02/2009, 03:58 AM

سليم على ما اظن ؟

يعطيك العافية على هيك افكار يا شييخ ..!

والله فكره بطله .. واهم شي راح نبتعد عن الروتين المعتاد ..!!

راجع لكم إن شاء الله

Madridi · #3 19/02/2009, 03:59 AM

حياكم الله تفضلوا

طبعا هذا ابو حميد شايبنا

يقلطكم وشوي بقهويكم

ادخل بالرجل اليمين انت واياه

L7ǿǾǿй · #4 19/02/2009, 04:02 AM

.
.

ألف ألف مبرووك افتتاآح المجلس

وإن شآء الله مآيصير فيه هوآش زيّ مجلس ذوليك

مدريدي

ولي بآكـ إذآ شفنا نقآش

.
.

أسيــ الزعيم ــر · #5 19/02/2009, 04:12 AM

سليم انت احسن واحد

يعطيك العافية

و آسف على السحبة

:$

اللحين ما عندي شي اكتبه الا اني اشكرك .. كتابتي بخليها تعليقات .. نبي نشوف شي يحمس يا شباب

و اي شي منكم عسل

دحوم وش موديك تحت المكيف

لي باك

القطو الازرق · #6 19/02/2009, 04:16 AM

ممكن اشارك

؟

فكرتك مش بطّالة سليّم

لي رجعة

الله يعافيك على هيك فكرة

شف هالقلب اللي بتوقيعي خذه لك مدري وين اجدعه

MiLAN LoVeR · #7 19/02/2009, 04:16 AM

//

صباحكم ومسائكم اكوس شي

كل يوم نشوف ابداع متواصل وافكار حلوه

يعطيك العافيه (Madridi) سليم على قولة الشباب

لنا عودة في الصراخ والهياط

طبعا في حدود المحبه

BRB

دحيم <<لعيون سليم

//

L7ǿǾǿй · #8 19/02/2009, 04:22 AM

.
.

طيّب بمآ أني فري متحمّس

بأسدح لكم نقآش ..

وهالله هالله بالتسليك حسسوني اني أعرف أنآقش

..][ نقـــــــآش ][..

1ـ توقعاتك أقوى مبآرآه في الدور هذا؟ ومن رآح تكون من نصيبه ؟

2ـ هل تتوقع فيه مباريات رآح تحسم في الذهاب ؟

3ـ أخيــراً.. الفرق اللي ترشحها تتأهل من هالدور ؟

وبس

:$

.
.

E7ssas ksa · #9 19/02/2009, 04:22 AM

الله يعطيك ألف عآفية أخوي " سليّم " على هيك أفكار ،

موضوع ولآ أروع والله !

وبإذن الله تكون فيه نقاشات ومشاركات من الجميع .. الخ .....

وعلى فكرهـ : لآ أشوف واحد يهايط على " المان يونايتد " ..

والله لأتوطا بـ " بطنه " .. !

برب / ولي عودهـ إن شاء الله ..

ســلام !

Madridi · #10 19/02/2009, 04:28 AM

هع حيهم كلهم

القطو والله اني فرحان بشوفتك بروووك

بعض العيال يخمن في اسمي واحد يقول على ما اضن والثاني يقول على قولة الشباب

اسمي : سليم العيسى . طالب في ام القرى هندسة، متنيل بستين نيلة

وياليت كلن يطق باسمه على الاقل الاول عشان نتعرف

عيال هذه المباريات حقت الذهاب .

الثلاثاء :

ارسنال Vs روما

المعلق : عدنان حمد

انتر Vs مان يونايتد

المعلق : الشوالي

اتلتيكو مدريد Vs بورتو

المعلق : الحربين

ليون Vs البرسا

المعلق : الحربي

الاربعاء

ريال مدريد Vs ليفربول

المعلق : الحربي

تشيلسي Vs اليوفي
المعلق : الشوالي

فياريال Vs باناثينايكوس
المعلق : عصام عبده

سبورتينغ Vs البايرن
المعلق : الحربين

.............................

شباب ما تلاحظون ان فيه انحدار كبير جدا في مستوى تعليق عبدالله الحربي .

صار يمط الكلام ويتمطع فيه ويجرجره من اطراف حلقه .

صار يعيد الكلمة اكثر من مرة .

بصراحة صرت اكرهه يعلق على الهلال .

فين عبدالله الحربي اول ما جاء الـ ART لما كنت اتمنى اسمعه .

إقتباس


	1ـ توقعاتك أقوى مبآرآه في الدور هذا؟ ومن رآح تكون من نصيبه ؟

والله في اكثر من لقاء ناري ، لكن انا اشوف ان لقائي الانتر والمان ، والريال والريدز هي الاقوى ، لان الفرق مستوياتها قوية . المان يو اللي شافه البارح يخاف

شيبانه تقول عيال 19

اما الانتر فأيادي لاعبيه تأدي الغرض

ويملك مدرب ما تعرف وش اخرتها معه

.

اما الريال فهو من بدأ 2009 وهو يفوز

والله يتمم له ويجلس على هالحال

ومدربه صنع فريق قوي خصوصا دفاعيا خلال 9 مباريات

. الريدز من تشوف جيرارد وتوريس تمسك على قلبك

بس ذبحونا مره يقولون بيلعب مره لا، ومدربهم اختصاصي خروج مغلوب .

إقتباس


	2ـ هل تتوقع فيه مباريات رآح تحسم في الذهاب ؟

صعب وان كنت اشوف ان فياريال بيده انه يحسمها بدري .

إقتباس


	3ـ أخيــراً.. الفرق اللي ترشحها تتأهل من هالدور ؟

مانيو ، روما ، بورتو ، بارسا ، ليفربول ، تشيلسي ، فياريال ، بايرن .

ҜђâŁЗđ 88 · #11 19/02/2009, 04:37 AM

يآآهلا والله بـ المدريدين كلهم

..

و فكـرهـ رائعه جداً و مميززهـ

.. وان شاء الله يتفآعلوون الشبآآب ويطلع هالموضوع واجهه مشرفه للمنتدى ..

تحيآآتي ولنآآ عوودهـ ..

Carlitos 32 · #12 19/02/2009, 04:39 AM

سليم .. ونعم فيك والله

أجل معلقنا الشوالي

زين اللي ما طحنا بالكواليني وعبده !
عادتهم بـ مبارياتا خخخ ..!

,

بالنسبة للإسم .. إسمي طال عمرك عمر ..!!

,

إقتباس


	PATO-7

اظن ميلان بكاس الإتحاد ..؟

بـ تهايط على وش يعني ؟؟ خخخخخخ !!

,

سلام

20 الموج الأزرق 15 · #13 19/02/2009, 04:44 AM

أخواني هذا ترتيب دوري ابطال اوربا وتذكروني زين

الاول : مانشستر يونايتد

الثاني : برشلونة

Madridi · #14 19/02/2009, 04:44 AM

إقتباس


	اظن ميلان بكاس الإتحاد ..؟ بـ تهايط على وش يعني ؟؟ خخخخخخ !! ,

حياك عمر

المشكله انه بالاتحاد وياليته يفوز البارح متعادل مع البريمن وانزاجي كالعادة ما يسجل بهالبطولة الا هو

شباب في شغلة لازم انبهه عليها : وهي ان اللي عنده خبر لا يجي يحطه مترجم من موقع ويحط مصدر زي الروابط او الاستديوهات . اللي عنده خبر يكتبه باسلوبه العادي وبدون مصدر مصدقينه