أنا أقول الله يوفقك قل أمين دنيا وأخرة

ما دام الأفضلية لأصحاب الخبرة أجل خذ الراي..

أولا..لون البشت.. في مثل هالمواقف الكربوهيدراتية أقول ما مثل السكري ماهوب التمر;) أقصد اللون أو البيج

ثانيا .. لون اللي عليه العقال.. رأيي غترة يعني لونها واااااايت ..بس ترى اللي ما قد لبسها يبي له يوم أو يومين عشان يعرفلها

ثالثا.. لون الجزمة ( تكرم ) أعتقد مافيه مثل العنابي ( أمحق مزاج ) أقصد الأسود ..

رابعا .. العطر.. ثمانويله لاغبط ==> المشكلة مانتب لاقيه
الله ما لي في العطور..أهم شيء يكون العطر زين واترك الاسم..

خامسا..لون السيارة أقصد نوع السيارة ..مافيه زي الفياجرا..وإذا ما توفرت كابريس;)أو VXR وتراه موجود وفيه فتحة بعد..

أقول الله يوفقك ..واسأل واحد على قولتك له خبرة ..

ولك تحياتي ،،،

أخوك / البارق

والله ماعندنا الا الدعاء لك بالتوفيق0

ونفس ماقال البارق في لون البشت ، من وجهة نظري تراه شي0

أنا راعي البل راعيها 0000000


بإختصار حبيب ألبي 0000>>> ((( وشلون راعي البل وحبيب ألبي )))


لون البشت : أسود 000 وأترك عنك الخرافات 000 على ثوب ناصع البياض وغترة

ناصعة البياض (( طبعا تكون منقوعة في -- تايد و كلوركس وأريل -- لمدة 3 أيام ))

وتكرم جزمة بوت سوووووووده00>> يعني البوت (( نص كم ))

العطر : عطر إيكو ECHO <<< بس بشرط القارورة كلها تكبها على ثيابك وبعدين

تأخذ دهن عود ورد طايفي 000 وتحط على وجهك و شدوقك منه 000 وقفا يدينك

وإذا جيت تخش على العروس 000 عليك بعطر (( ديون من كريستيان ديور )) 000

أما السيارة 000 فماأقدر أفتيك فيها 000 <<< وش عنده اللي مايفهم مرة ؟؟!!!

ومبرووووووك سلفا 00000000

هلا وغلا ومسهلا ومليون وتسع ميه وتسعه وتسعين مرحبا

حبيب البي عارف أسمع مني وأترك عنك حكي ((((( البعض ;) ))))) اللي ودهم يخربون عليك الجو بيوم عرسك


اولاً: لون البشت أو المشلح ((( أسود ملكي ))) بيطلع عليك يجنن

ثانياً: غتره نادراً مانشوف عريس لابس شماغ

ثالثاًَ: الجزمه مثل ماقال بروووووقي وعندك ماركه (( ستيف ميدن )) منزله جزمه روووعه 2×1 تنفع للرسميات وتمشي مع الكاجوال بعد

رابعاً: خذ هذي أحسن العطور المتوفره في السعوديه:

## (( Eau de Toilette Fraiche )) (( أودي تواليت فريش )) من (( Givenchy )) (( جيفنشي )) ..

## (( Le Male )) (( لو ميل )) من (( Jean Paul Gaultier )) (( جون بول جوتييه )) ..

## (( T )) (( تي )) من (( Tommy Hilfiger )) (( تومي هيلفيجر )) ..

## (( Tsar )) (( تيزار )) من (( Van Cleef & Arpels )) (( فان كليف آند اربيلز )) ..

## عطر (( Bulgari )) (( بولجاري )) الشركه المنتجه تحمل نفس الاسم ..

## (( Zanzibar )) (( زنزيبار )) من (( Van Cleef & Arpels )) (( فان كليف آند اربيلز )) ..

## (( Cartier )) (( كارتير )) الشركه تحمل نفس الأسم ..

## مجموعه (( Travel Spray )) (( ترفل سبري )) من (( Chanel )) (( شانيل )) .. هذه المجموعه مكونه من خمسه عطور متنوعه ورائعه وهي :
1/ (( PLATINUM EGOISTE )) (( بلاتينوم اجواست )) ..
2/ (( POUR MONSIEUR )) (( بور مسيو )) ..
3/ (( EGOISTE )) (( اجواست )) ..
4/ (( ALLURE HOMME )) (( الور اوم )) ..
5/ (( ANTAEUS )) (( أنتو )) ..

## (( Calven Klain )) (( كلفين كلاين )) الشركه تحمل نفس الأسم عطر حلو بس عيبه أنه على شكل (( ولاعه )) ..


ولاتنسى دهن العود والبخور ترى مالك عنهم غنى ..

خامساً: مالك الأ خشمك ولوكان أعوج تروح تستاجر سياره وتحوس الدنيا أنا أنصحك بسيارتك مهما كان موديلها ونوعها والرجال يالحبيب مخابر مهي مظاهر

نصائح مجانيه

## أستخدم شامبو الجسم (( DKNY )) (( دي كي إن واي )) ..

## استخدم كريم البشره (( Multi Active Day Creem )) (( ملتي أكتف داي كريم )) من (( Calrins )) (( كلارنس )) ..

## من ماركه (( Balenciaga )) (( بالينسياجا )) استخدم جل (( Cristobal Pour Hommes )) (( كريستبال بور هوم )) ..

## أستخدم مرطب البشره لمابعد الحلاقه (( Lolita Lempicka )) (( لوليتا لمبيكا )) ..

## أستخدم صابون (( DDF )) فهو عباره عن صابون عطري لطيف مضاد للأكسده ..

آسف حبيبي عارف أذا طولت عليك

أخـــــــــوك
نواف السديري

أخي العزيز عــــ الهلالي ــارف الجماعة اللي علقوا على موضوعك قبلي ماقصروا وخصوصاالأخ نواف السديري .. شكل الرجال متزوج أربع وطابخ طريقة الكشخه طبخ0

بس كل اللي أقوله .. الله يوفقك ويسعد أيامك ويرزقك الذرية الصالحة ويتمملك بخير .. وألف مبروك مقدما والله يوفقك لكل خير .. قول امين0

ألف مبرووووووووووووووووووووووووووووك وعقبال الباقين

آلف مبرووووووووك أخوي " عارف الهلالــي " ..

وبالــرفــاء والبنـيــن

وأنا ماعنـدي خبره ... لذلك ما اقدر اجاوبك


والاخ العزيز " نواف السديري " ...

الله يعطيه آلف عافيه .. ماقصــر

واعطاك النصائح .. وما تحتــاجه وماطلبتـه منا

فله الشكر ... والموضوع ابخليه بالمفضلة

علشان لا جاء وقت زواجنـا ,,, نشوف توجيهـات ونصايح نواف ماشاءالله عليه

@@ حبيبي وصديقي و ولد ديرتي عروف افندي>

@@ كل اللي ردو قبلي ماعندهم سالفه وشكل الموضوع وحدة من ثنتين يانهم مايحبونك ويبغون يورطونك او ان السالف غيرة بااااء.

@@ اسمع مني بقولك اول شئ الكشخة والبشوت هذه موضه قديمة ولا اتركها عنك , ابيك الله يسلمك لليلة الزواج تجئ متاخر شوي لين اكثر المعازيم يوصلوا لصالة الزواج وبعدين التاخير يعني تسوي ثقل !!!!! وتجئ مكمل ببدلة رياضة سبورت يعني وبشرط تكون من بدال وزارة المعارف الأوله اللي عليها شعار السيفين والنخلة .

@@ عند دخولك الصالة حاول تحول بعيونك واول واحد يقابلك اكفخه طراق يعني مسوي فيه انك تمون على كل المعازيم !!! بس لا يكون أنا لأنك لو سويتها يمكن ابكي وأفشلك ...!!!! هلال رحيمة معليش !!!!

@@ الشئ الثالث والاخير نوعية العطر ... يبغالك من قبل الزواج بيومين مافيه الا طحن ودق بالثوم والبصل واذا عليها شوية رشاد مايمنع وقبل الذهاب للحفلة مر على سوق السمك وشف المصري احمد عندها سطل مويه يجفف فيه السمك...!!! مايمنع انك تفرك يديك فيه لزوم الشكشة وسيده الى خشم عمك وصكه ذيك البوسه على الخشم وياليت معها شويت ترعه من زودالغلاء .!!!!

@@ وبالرفاء والبنين وحياة ثومية سعيدة .


@@ ايه نسيت شهر العسل ياليت يكون بالدريدي منطقة تهبل... تهبل من جد ..

@@ تحياتي اخوك حبيبك ولد ديرتك .

ههههههههههههههههه

الله يرجك ياشيخ على هالموضوع ..
اجل باقي سبوعين وقاعد تخطط من هالحين وش تلبس ووش تركب

والله يرج محمود سعيد قصدي نانو قصدي نواف السديري
اقول نواف ..
ماتبي تشاركني بمحل عطورات شكلك خبرة ياولد ههههه

لسن مي عارف ابي اهلب يو بيكوز عندي خبرة سابقة بهالموضوع بيفور كم يير

بشت سكري وان حصل ابيض <<== اما عريس وتلبس اسود .. مايصير
داخل جواز والا جناز( ة )

وغترة بيضاء <<== ومن قال ان فيه غترة سودا وبلا شماغ بلا هم الا اذا ...
الا اذا حبيبك ثور بخخخخخ يقولك اذا كان حبيبك ثور البسله احمر

وجزمة سودا <<== واذا عندك خضرا يكون احسن
علشان يعرفون انك وطني وتحب المنتخب ههههههه

واكيد الثوب ابيض <<== الا اذا عرسك بسيبيريا
اذا عرسك بسيبيريا لاتنسى الفروة ههههه
ولا اوصيك يكون شهر العسل بالمحيط المتجمد الجنوبي

واي عطر يعجبك انت <<== يازيني وانا احط عطر مايعجبني
تخيل اني داقها لطمة بعرسي

والسيارة <<== انت وضميرك
بس ابعد عن السيارات المرتفعة .. وماني قايلك ليش ههههه
وترى فكرة السياكل ماحد فكربها ولا احد سبقك عليها


وتراها ليلة من الليالي ..
يعني لاتشيل همها والله انها ماتستاهل .. ولا عادت من ليلة
خذها ببساطه .. ووسع صدرك واركب سدرك

إقتباس شكل الرجال متزوج أربع وطابخ طريقة الكشخه طبخ0

ياليت بنص وحده يا أزرق نت مو أربع

حبي تيماوي وش ذا شكلك شارب مويه ;)

إقتباس والله يرج محمود سعيد قصدي نانو قصدي نواف السديري اقول نواف .. ماتبي تشاركني بمحل عطورات شكلك خبرة ياولد ههههه

حبيبي هلالي الجوف ماعندي مانع بس بشروط مني الجهد ومنك راس المال ونسمي المحل (( نانو الجوف )) محمود سعيد وحسن بكري قزاز مهم احسن مننا وش قلت يابعدي ..
وثاني مره لاتقول ياولد هالمره ابمسحها في ذقن حبي تيماوي بعد كذا الله يعينك على عارض الازياء ;)

إقتباس وبعدين لايورطك عارض الأزياء نواف !!!!!!!!!!!! ما بقى كالونيا إلا جابها .. نعنبو بليسك لو حطيتها مت أنت وعروسك في ليلتكم ؟؟؟؟؟؟؟ بسم الله عليكم .....

يامملكتنا يختار واااااااااااااااااااااااااااااااااااااااحد منهم ومش ذنبي أني واد فلته وذويق درجه اولى

آسف حبيبي البي عريسنا لاني خشيت عرض

أخــــــــــوك عارض الازياء الجديد ((( خخخخخخ ))
ابوناصر