إقتباس الرسالة الأصلية كتبت بواسطة رائدة الزعيم من سالفة أمريكا وأنا حاسة أنك مندس من جد كم المبلغ هالمرة نبي نتقاسم معك من صدقك تمدح ابن همام أمريكا وبلعناها بس هذا الرجل عموما أنا أشوف أن الإتحاد الآسيوي قائم على المجاملات والمحسوبية وما أقتنعت باللي وصل له إتحادنا الآسيوي وهو إتحاد أكبر قارة فيما لو قارنته بالقارة الأصغر وجهة نظر لاأتفق معها ولكن أحترمها أخوي الصوغنن شكراً لك بالحب والإشراق

ههههههههههههههههههه اجل الرجال له مواقف سابقة ؟؟


اخوي ابو طلال اغلب الجماهير العربية لا تتقبل الرأي الاخر وتتعامل معه بقسوة


انا اخوي ابو طلال اختلف معك .. احنا نذكر الدعم الاعلامي الكبير الذي قدم لبن همام من قبل اشخاص محسوبين على الاتحاد السعودي .. واكيد بناءً على رغبة وطلب سلطان الرياضة

خلفان ابراهيم << اسم نكرة لم نعرفه الا وهو يكرم كأفضل لاعبي القارة الاسيوية والسبب ( صلة القرابة بينه وبين ابن همام ) ...

نادي القرن << تأكد لو ان نادي الغرافة او احد الاندية القطرية حققت اكثر الانجازات القرية لاخذت اللقب بسرعة البرق .. وتأكد ان من سيرأس الاتحاد الاسيوي بعد بن همام سوف يمنح الهلال اللقب المسلوب منه .. بالمناسبه رئيس الاتحاد الاسيوي السابق قد كان عازم على اعلان نادي القرن .. ولكن حول الاوراق لابن همام قبل انتهاء فترة رئاسته ..

التحكيم وما ادراك مالتحكيم << الا ترى ان السركال لايفقه في التحكيم شيء ومع ذلك هو رئيس لجنة الحكام بالاتحاد الاسيوي ؟ ..

الا ترى العنجهية فالتعامل مع كل ما يمت لرياضة السعودية بصلة ؟؟

اذا كنت لا ترى فيجب عليك ان تراجع نفسك وتتراجع عن المديح الزائد فيمن هو لايستحقه <<< وجهة نظر

تقبل مروري ودمت بود

إقتباس الرسالة الأصلية كتبت بواسطة ابو طـــــلال والشلهوب كان وصيف لخلفان !! طيب ظروري الجوائز لنا ! حتى الشلهوب في ذاك الإختيار لم يكن في المستوى .. رغم حبي لابو شلهوب .. بس خلفان ( يفت ) كوره ..

طيب اذا كان ذو عقليه وكفائه ليش ماعطانا للحين حقنا في لقب نادي القرن
لحد يقول الهلال اكبر من اللقب ادري باهالشي بس هذا حقنا والمفروض يعطيناه
بغض النظر مهم او غير مهم
وبعدين نسينا يوم ظلم الشلهوب لحد يطلع ويقول خلفان يستاهل والله انه مع جنبها
اجل الشلهوب والمطوع مايخذونها ولاعب واعد ياخذها
ولا تنسى يوم يفرضون غرامه على الانديه السعوديه بحجه عدم حضورها الورشه وبعدين بكل برود
نعتذر خطاء مطبعي وش هالخطاء اللي باربع انديه قل واحد نمشيها بس كلها معليش
بعض الاخوان يوقفون مع بن همام بحجه كثره اخطاء الاتحاد السعودي وان سلطان واتحاده غلطوا كثير
صحيح الاتحاد السعودي اغلاطه كثيره بس هذا مايعني ان بن همام شغله صح كلهم الاثنين غلط وكلهم ضلوا الهلال
والبالنسبه لكلامه في المقابلات هذا الجوهر اذا سمعت تصريحه تحس انه احسن مدرب
وادارة النصر اذا سمعتهم تحس انهم اكثر فريق مظلوم والعكس صحيح

:clapping

إقتباس الرسالة الأصلية كتبت بواسطة y-11-9-10-y طيب اذا كان ذو عقليه وكفائه ليش ماعطانا للحين حقنا في لقب نادي القرن لحد يقول الهلال اكبر من اللقب ادري باهالشي بس هذا حقنا والمفروض يعطيناه بغض النظر مهم او غير مهم وبعدين نسينا يوم ظلم الشلهوب لحد يطلع ويقول خلفان يستاهل والله انه مع جنبها اجل الشلهوب والمطوع مايخذونها ولاعب واعد ياخذها ولا تنسى يوم يفرضون غرامه على الانديه السعوديه بحجه عدم حضورها الورشه وبعدين بكل برود نعتذر خطاء مطبعي وش هالخطاء اللي باربع انديه قل واحد نمشيها بس كلها معليش بعض الاخوان يوقفون مع بن همام بحجه كثره اخطاء الاتحاد السعودي وان سلطان واتحاده غلطوا كثير صحيح الاتحاد السعودي اغلاطه كثيره بس هذا مايعني ان بن همام شغله صح كلهم الاثنين غلط وكلهم ضلوا الهلال والبالنسبه لكلامه في المقابلات هذا الجوهر اذا سمعت تصريحه تحس انه احسن مدرب وادارة النصر اذا سمعتهم تحس انهم اكثر فريق مظلوم والعكس صحيح

هذا الكلام العقلاني من جد

صادق في كل كلمة قلتها
وشكرا لك على هذا البوست الرائع

يعطيك العافية اخوي على موضوعك

واذا جينا للصدق ابن همام طور الكورة الاسيوية
وجالس يبذل مجهودات ممتازة جدا

تبي تعرف كيف شوف قبل فترة رئاسة
كيف كنا وبعد رئاسته كيف صرنا

اعلامنا ظلم ابن همام على امور بسيطة او امور لا شأن له فيها

اتمنى ان تمتد فترة رئاسة فهو من يستحق الرئاسة

والله وانا اخوك

الطاسه ضايعة كل يقول كلام والله ماندري وش الصدق ولا الكذب

الله يخلف عليكم اذا هاذا تفكيركم ابن همام مسوي فيها مسكين وانه مظلوم ياعمى حسوفه

هو اول من فكر فى التكتلات فى الاتحاد الهمامى لاتنساء الدبل رحمه الله عليه لما جاء يرشح نفسه

وش كان فيه من تكلات كان قائدها ابن همام فى ذلك الوقت ضد عبدالله الدبل وكان المنافسه الوحيد

السركال الى لايحل ولا يربط نائب لرئيس صورى اما لو مسك عبدالله الدبل وش راح يكون موقف ابن همام

كان ولازال ابن همام يمارس وصايه على الاتحادات عشان يكسب اصوتها والله ثم والله انى راح اكون

مبسوطه لما تروح منه عضويه المكتب التنفذى ويسقط او يستقيل من الاتحاد الاسيوي

عشان راح اتفرج

وتحياتى للجميع

اخوي راجع معلوماتك عدل وشوف اللي سواه بن همام مع الاتحاد الاسيوي وشوف رؤساء الاتحادات الثانيه وين وصلوو بقاراتهم هذا اول شي

من عمرنا واحنا نشكي من التحكيم بالخليج وباسيا وشوف وين وصلو فيه القارات الثانيه

وهناك انديه متضرره كثيره من سيطره بن همام على الاتحاد الاسيوي واولها الهلال وسالفه نادي القرن ومرورا باحداث كثيرا جدا ومنها سالفه مباراه القادسيه الكويتي والسد القطر واللي صار فيها وبعدها شوف الحكم اللي صدر وراجعه عدل وشوف اذا بن همام كان عادل فيها والا لا وعندك جائزه افضل لاعب اسيوي اللي خذاها خلفان

المهم هذا ما راح يزيد ولا ينقص شي والكل يعرف بن همام ويعرف من يكون والتلفزيونات موجوده بكل بيت والانتر نت بعد يعني الكل راح يدري وراح يعرف من غير ما تقعد تمدح فيه وتعطيه اكبر من حقه

والايام راح تبين لك انه على غلط وشوف تصريحاته الاخيره وراح تعرف

وش انجازات ابن همام ؟!

الجوائز اللي يعطيها ويمنعها بمزاجه !
أو دوري المحترفين الاسيوي اللي لسه ما شفناه ؟! وكلنا نعرف انه مستنسخ من اوروبا !
او التجاهل الصارخ لاكثر نادي يحقق بطولات اسيوية لأسباب غير مجهولة؟
او بطولة اسيا اللي عملها في اربع دول والكل ضحك عليها ؟
او الحكام اللي تدهور وضعهم بعد ما كان لهم وضعهم القوي عالميا في التسعينات ؟
او خرابيط مؤامرات الترشيح والانتخابات اللي ما كنا نسمع فيها ؟
او هجومه على دول الخليج ووصف بطولتهم الجماهيرية بدورة الشيوخ ؟

واحد ذراعه اليمين يوسف السركال ويشهد بكفاءته احمد اليوسف وش ترجون انجازات من وراه ؟!!!