والي يرحم والديك فارق وفكنا [ فض فضه ] - نادي الهلال السعودي - شبكة الزعيم

فبريقاس الرياض · #1 11/02/2009, 04:27 PM

السلام عليكم ورحمه الله وبركاته

هارد لك يا اخوان الهزيمة المستحقه والي كانت بهدف واحد مع الرافه امام الطحاطيح عيال النويي

انا بعرف الحين يالجوهر يالي مطقعنا بالتكتيك يابني آدم يامحترم يا ابن البلد

س/ وش فايدة المباريات الوديه اذا ماتطبق فيها تكتيك المباراة الرسمية ؟ عشان تجرب لاعبين منقطعين يعني ؟
لا وتجرب لاعبين وبعدين ماتخليهم حتى في الاحتياط ...يعني الدعوى خساير فلوس ؟

س/ اذا عزيز موقوف وكريري ( بحاول اصدق واقول منخفض مستواه ) اخذ اي لاعب محور دفاعي لازم وغصب عليك يابني آدم تاخذ محور دفاعي يغطي غيابه مو تجيب لي محور هجومي وتحطه مكان عزيز؟

منصور الموينع وصاحب العبدالله وماجد المرحوم وعلي الشهري وياشيخ لو اي محور دفاعي في الدرجه الثانية بس يبقى محور دفاعي عنده ميزة قطع الكور

اجمعوا لي مجموع الكور الي يقطعها احمد عطيف + تيسير الجاسم واضربوها في 2 صدقوني ماتجي نص الكور الي يقطعها عزيز ولا كريري في موسم واحد

س/ الحين يوم تغير تدخل احمد الموسى وتحطه محور ؟

وش تحس به انت وكابك ذا المنعفط ؟

طيب ياسر ماهو جاهز ويلمح في عشرين تصريح انه مرهق هالموسم والرجال مايبي يلعب وهو مو جاهز ليه تغصبونه يلعب

استعباد الدعوى .. العب ورجلك فوق راسك وياويلك بس لو قلت انك مو جاهز

وخلني اشوفك تتعب نفسك مع ناديك

سؤال اخير

متى يحق للانديه استدعاء لاعبي المنتخب بما انهم اصبحوا لاعبي منتخب وليسوا لاعبي انديتهم

يجلس طول الموسم في المنتخب ويصاب خمس طعش مرة ولا يؤهل صح ويمنون على انديتهم فيهم

hp_sa · #2 11/02/2009, 04:36 PM

صدقت ياليت يترك المنتخب ونشوف وش بيسوي صاحب الخطط المدروسه بيجدد الثقة ولا؟؟؟؟؟؟؟؟؟؟؟؟؟؟؟؟؟؟؟؟؟

المااااااسي · #3 11/02/2009, 04:40 PM

لاتظلمون الرجال اهو مجرد ديكور والمنتخب يخطط له خطط مدروسه والشوق حقهم

abo-hasan · #4 11/02/2009, 04:50 PM

انا اقول وبصراحة عقب مبارة اليوم لا احد يفكر لا في اسيوية ولا في غيرها
خلونا في انديتنا ويخب ما دام كل واحد يحطله خطة من عنده وتشكيلة واسماء من عنده
نصير في الدوري ولا نشغل انفسنا >>>>> انا محبط عقب اليوم وقاعدين في مقهى و زحمه والوقت اللي اهنيهم عليه حتى الاختبارحق الجامعة ما عرفت احله تقولي كاس العالم
مش ثمك انت وياه عقب اليوم

كنـق دوم · #5 11/02/2009, 04:54 PM

ههههههههههههههههههههههه
يارجــال شـف أتـحـاَدك الـدلـخ
اللي كـل لاأقسـاَم رئيـسهاَ واَحـد
ومـشـرفهـاَ واَحـد و و و و و ...؟

يعني السعوديه يبيلها تغيير 180 درجه
الله يرحم فيصل

سعودي دريسدين · #6 11/02/2009, 05:37 PM

ياشيخ روح قسم بالله انك جبتها عالجرررررررررح ,,,

وربي صدقت بكلللل كلمة قلتها ,,,

فعلا مدري وش يحس به ذا الجوهر !

عاشق زيـ 10 ــدان · #7 11/02/2009, 05:54 PM

مدرب خطته طق الكوره والحقها

وخل كل واحد في مكانه

وما فيه اي تكتيك ..

وعطني كأس آسيا : مافيه شك ان المنتخب السعودي سيطر في المباراة لا كن ما اراد الله .

عطني كأس الخليج : أنتي كيف تروحي من المنتخب السعودي بهالطريقه أنتي تتكلمي عن دوله .

عطني تصفيات كأس العالم : ويالليل ما اطولك ............

والله تراني اكتب من القهر ,,

الزعــ20ـــــــيم · #8 11/02/2009, 06:04 PM

مدرب خطير يفكر انه اذا تاهل لكاس العالم يجرب يحط تشكيلت المبراة النهائيه >>>>> انتم ما تفهمون خطط مدروسه

WAW 879 · #9 11/02/2009, 06:11 PM

الجوهر لايستطيع الاستقاله

والامير راكب راسه ان الجوهر احسن مدرب في العالم

مالنا الا ( الدعاء )

Cataluña · #10 11/02/2009, 06:16 PM

عطني صاحب الموضوع انت وجهك

جالس تبربر لي هنا وتتكلم عن ابو عدسات خضراء

ترى اذا ما تربيت حنا نربيك ترى

ومن انت عشان تنتقد ناصر الجوهر

واحمد الموسى يلعب في كل المراكز<<شافيه بالسوني وش يلعب وحطينه محور وطاقته زينه>>

<<سلطان بن فهد بعد المباراه>>