نتمنى لك التوفيق بالجامعه وما بعد الجامعه والجميع ،،،
آمين وياك يارب ..
إقتباس
اعتقد انه يجب ان نحدد نوع الفرد هل هو ذكر ام انثى ،،،
لا اعتقد ان " الذكر " يمكن ان يكون ضحية المجتمع فليس هنالك ما يلزم عليه تبني قناعات او رؤى كما ان المساحة المتوفره لديه كبيرة جدا اضافة الى قدرته للحد من تدخلات الآخرين .. الفتاه الوضع مختلف تماما حتى اذا كان الشرع في جانبها فالتأثير الاجتماعي في كثير من الأحيان اقوى منها ومن الدين ،،،
المجتمع لا يعرف نوعية الجنس , ولكن صحيح هم يتغاظون عن الذكر في أمور كثيرة .. قد يكون المجتمع اليمني مختلف قليلاً من هالناحية .
إقتباس
لا ادري كيف يمكن لي الأجابة على هذا السؤال وانا اعمل منذ عمري 11 سنة الفائدة عظيمة .. ولا زلت اشكر والدي يحفظه الله على جرأته التربوية في هذا الخصوص ،،،
رائع جداً .. من جد جرأة تربوية ! ولكن حبذا لو تطلعنا على شيء من هالأعمال وقدر الفائدة المُكتسبة .
إقتباس
هذا السؤال ليس مناسب لي
جداً ماشاءالله الظاهر أنك ما خليت شغلة الا وعملتها أحس ان نفسي تقول " يا حرام سنين عمرك يا سوليدره ضاعت ... ما سويتي شيء لنفسك يا ابو يمن " <<
إقتباس
شكرا سوليدره
كلام اخي العزيز مواصل رائع الا انه في حاجة الى شخصيات استثنائية خاصة في الجانب النسائي ... لا انصحك ان تكوني استثنائية ولكن تقبلي العادات الاجتماعية حتى تتمكني ايتها الفتاه ان تعيشي مستورة
العفو اخي الكريم ..
ولماذا لا أكون كذلك ؟! هل سأُصبح فاجرة إن كسرت قيود المجتمع المتهالكة ونفذت ما أريد إذا لم يتعارض مع ديني ! من القصص التي أحب ذكرها في سياق النساء الاستثنائيات , أعرف امرأة من الوطن العربي وسلالتها عريقة جداً ماشاءالله - تجيب لك الجد السابع عشر- وفي بلدها عندهم مجتمع مثل مجتمعنا هذا , والمرأة هذي جميلة جداً وذكية وخلوقة وملتزمة "يعني تتحجب " وكانت تعمل في شركة عالمية ضخمة بدون هالشركة البلد ولا شيء! المهم كان عندها زميل في العمل بريطاني وأُعجب فيها مرة .. وحب يتزوجها المرأة ما رفضت ولا عارضت لكن قالت له اسأل والدي هذه عاداتنا , سأل والدها فقاله والدها "هل أنت مسلم؟" قال البريطاني "لا" فطلب منه والدها الإسلام حتى يزوجه من البنت وفعلاً أسلم الرجل , فـ الأب كان "ختيار"ومعروف في البلد ورح تصير سالفة لو الناس دروا .. لكن ماشاءالله راح الأب لإمام المسجد وسأله "فيها شيء لو تزوج الرجل المسلم من اي عرق أو بلد من البنت المسلمة ؟" قال الإمام "لا طبعاً (إنا جعلناكم شعوباً وقبائل لتعارفوا ) " ورغم إعتراضات كل اللي حولهم على هالزواج لكن الأب مسك يد بنته وقالها خلاص روحي مع زوجك وهذا هي اللحين رجعوا لبريطانيا وعايشة معه والناس طبعاً بدأت تتأقلم مع الوضع. هل الآن مستورة في بيت زوجها والموضوع صار قديم صار له اكثر من عشر سنوات .
شكراً لك ..
(( دقيق فاخر ))
إقتباس
موضوع راااائع .. بصراحــة مشاكلنا اذا قالوا هذا ولد قبايل مايصلح يشتغل ...
والمشكلة المجتمع يقف ضــدك ...
لازم راتب وزير ... ودوام وزراء ... ولا تسدح بالبيت ... والمشكلة انه مامعه ولا شهادة ابتدائي ...
والله العظيم ان عندنا سعوديين سباكين ونجارين وكهربائيين ويشتغلون ... وتركوا عنهم كلام الناس ...
هذا اللي ابي اوصل له .
إقتباس
هذا من اول العقباات وانا بزر ... الله يعين على القااادم ..
اذا على الله يعين ..فـ الله يعين من جد
شكراً لك ..
(( Abo Saud Alhilaly))
إقتباس
السلام عليكم عذراً ع القطة في المجلس حقكم
أنا بس بقول سالفة غريبة حدث الصيق الماضي . دخلت مطعم ماكدونالز . وألقى واحد كاشير سعودي , أعرفه معرفه بسيطة . لكن الغريب في الموضوع أن هذا الشخص أبوه عنده محلات كبيرة للأدوات الكهربائية , وله كذا فرع ومعروف في السوق . وأمورهم المادية ممتازة جداً . ما إستحى الرجال وقال أنا ناقصن فلوس أو شي .. إشتغل زيه زي اي شخص ثاني وما ضره.
تحياتي
وعليكم السلام .. ابد حياك المجلس مجلسك ولو...
أجل حدث بالصيق ولا بالصيد ولا بالصيف حدد الإجابة الصحيحة
ماشاءالله عليه عجبني .. لا ويشتغل بمطعم يعني كل العالم بيشوفونه
شكراً لك ..
(( hilali-arsenali))
إقتباس
بعد عناء طويل و مرمطة مابين مكتب العمل و مكاتب التوظيف و هالشركات
لقيت وظيفة محترمه جدا
لو سمحت بلا اهانات اجل مبرووووووووك الوظيفة المحترمة
إقتباس
ماكان عندي اي مانع اني اشتغل عندهم
لكن الي خرب الشغله كلها ان الشركة تجبرني البس بنطلون مكتوب عليه اسم الماركة يعني يشوفوني الناس ينادوني .. ياصديق
ماشاءالله شكلك انسان جريء وقراراتك قوية ..
يا صدييييييق ..
إقتباس
دقيت على امي وقلت لها
قال والله لو اشتغلت فيها اني لدق خشمك تعجبني امي حماسية
ههههههههههههه ورى ما قالت "نتبرى منك منت بـ مننا"
شكراً لك ..
(( f*y*d))
هلابك اخوي .. بس لو تكرمت غير اللون اللي تكتب فيه
إقتباس
أعجبتني فكرة موضوعك وبساطة الأسلوب في عرضها فلا تحرمينا من هكذا مواضيع ..
شهادة اعتز فيها صراحة .. <<<يا كثر الشهادات
إقتباس
انا برأيي المتواضع فكرة الأعمال البسيطة مثل هذه قبل الإنتهاء من الحياة الدراسية تجربة مفيدة جداً ومثرية لشخصيتك بغض النظر عن المقابل المادي
ومادام الشغلة ما فيها عيب فليه تكون عيب على فلان لأنه ابن فلان الفلاني !
طبعاً الأمور نسبية من شخص لآخر
كلامك صحيح .. لكن ابي اعرف وش المقصود بـ "نسبية من شخص لآخر " ؟
إقتباس
<<== الوظيفة : مدير مكتب ماجد مقبل
والله منت بهين يعني لا بغينا واسطات جينا عن طريقك
شكراً لك ..
(( هلالية بنت هلالي ,, ))
هلا اختي .. الله يبارك بعمرك ما صدقنا تجي العطلة لا كلها كم يوم وتخلص
إقتباس
امــآ ع طــآري توظيف د:كيف والله انــي من يوم شفت ذا اللوحـة اللي طول قريح ومكتوب عليهــآ بدأ التوظيف وانـآ غاسلتن يدي منهــم اجــل بدأ التوظيف ..؟! ويــن احنــآ فيــه .. يعني يبون اي وحــدهـ عاادي لو كــاان شغلهــآ اي كلااام ..’!
حبيبتي .. هذا مب مطعم عشان يأخذون فيه ناس متخصصين ومعاهم شهادات بالطبخ, ترى كل شيء بالأجهزة والماكينا ..
لو اني منك اقول .. كل يوم لخبطوا وعطوني موكا لا عزيزتي الخطأ وارد لو من أكبر طباخ , لكن انتي تعرفين الزحمة و الطلبات كثيرة فـ طبيعي بتصير اخطاء مثل كذا .
المحل الثاني في المبنى الجديد "ادارة الأعمال والمحاسبة"
إقتباس
نرجع للموضوع مجتمعنا السعودي يحتقر الوظايف البسيطه زي الكاشير والسواق ووو وهذا اللي خلاا الأجانب يغزون بلادنا غزو ويعيثون فيها فسادا لأننا تركنا لهم أغلب الأماكن خاليه
بس أنا أقول دايما إننا حنا الجيل الشاب لازم نتمرد على هالتقاليد خاصة إن ديننا ضدها ونشتغل في كل شي ونكسب رزقنا بإيدينا
يعطيك العافية على كلامك .. يبي لك حبة راس
شكراً لك ..
(( رائدة الزعيم ))
هلا بالحلا والذوق ..
إقتباس
بس في أهلي ميزة إذا نشبت لهم وافقوا لكن أنت تتحمل نتائج قراراتك ويدعمونك لو حسوا أن هذا اللي أنت تبي فعلاً
جميل جداً .. ماشاءالله اجل عندكم "ديموقراطية" تصدقين اسمع فيها لكن ماقد شفتها بالواقع ابداً
إقتباس
عن نفسي أنا عاجبني الوضع كذا ولا فكرت أشتغل بس مخلية كرت الشغل إذا طلبت شي وتأخروا فية هددت بالسالفة
إقتباس
بس لفت نظري شغلة لو أخوي دخل غرفتي وقرا أوراقي ذبحتة لأن هذي خصوصيات
لا ما عليك عندي ناس داءهم مستشري .. اللقافة عرق في جسمهم تصدقين اخوي ذا لو جلس بمكان ينفضه فوق تحت من اللقافة .. واي شيء ضاع منك روحي قولي له طلعه لي ولا ما يقصر
الحمدالله مافكر اني اشتغل هالشغلات اني اكون بياعا بمحل ولا قهوجي اولاً لاني مو مقتنع وثانياً لاني مو محتاج وثالثاً اني بنذبح ولا بينشطب اسمي من القبيله كلها ××× عمل تتمنى مزاولته ولكن هناك ما يُعيقك ؟ لاعب كورة
ليه ينشطب إسمك من القبيلة !!!. العمل بالبداية بأيه وظيفة مجال لإكتساب المهارات والإعتماد على النفس. بعطيك مثال على نظره المجتمع ( الغريبة ) واللي تغيرت مع الزمن : قبل 35 سنه كان مسمى لاعب كره القدم ( سربوت وصايع - ضايع ........ إلخ ) والآن الأب هو ما يدفع إبنه للعب كرة القدم !!!. _____________
ياهلا بسوليدرة عارفة من أمس كنت أبي أرد بس ربي ماكتب < أشغلتني وحدة عندي الله لايشغلنا الا بطاعته
نجي لموضوعك بس قبل خلني أمدح بأسلوبك الروعة , قدرتي توصلين المطلوب بطريقة سهلة ,’ من رأيي إنه مافيه عيب بالعمل لأن سيد الأمة وخاتم الأنبياء عمل برعي الغنم , لكن بوقتنا الحالي كل شيء عيب فـ مثلا مهنة الطبيبة عند بعض البنات كانت تشكل حلم كبير ويحلمون فيها لكن بعضهم خافت من نظرة المجتمع عنها عشانها بتعمل بعمل اختلاط !وللأسف إن نظرة البعض غبية بقووة مثلا بيقولون بنت فلان تشتغل بمكان اختلاط ياعيباااه! أنا أشوف مو العيب بالعمل لأن العمل دام ماحرموه ماعلي من أحد بشتغله لو كان عاجبني بس طبعًا باخذ راي أهلي لأنهم أدرى بمصلحتي ولو إن البعض من الأهالي بيرجعون لكلمة عيب تشتغلين بـ د.كيف أجل تخدمين الناس وأنا أقيس هالكلام على أهلي مثلا أمس يوم قريت كلامك جلست أتناقش أنا وأختي تقريبَا كلامنا كان متقارب,اللي هو نفس الكلام اللي ذكرته آنفًا <ياذا الآنفًا اللي صجيت العالم بها ,, رحت لأمي قلت لها لو أشتغل بـ بالجامعة بأوقات البريكات عادي قالت لي مايخسى الا إنتي تشتغلين عند الناس
الزبدة من هالحكي والبربرة إن العيب مو بالشغل العيب إني أكون عالة على مجتمعي يعني لو شفنا الدول المتقدمة مو عيب إن الواحد يشتغل عامل نظافة وهو بالجامعة يعني لو تدرون إن المشهور كنتاكي كان يشتغل موزع للبيبسي على سيكل بسيدني يعني شوفوا العيب كيف سوا نجاح وبرضو أوبرا من متبارية في ملكات الجمال إلى أفضل مذيعة على مستوى العالم (أقصد بالطرح الموضوعي لمواضيعها)
ليه ينشطب إسمك من القبيلة !!!. العمل بالبداية بأيه وظيفة مجال لإكتساب المهارات والإعتماد على النفس.
اها يعني اكتسب مهارات كيف اعد القهوه ازود سكر وكيف اضبط الفطور معليش عبدالله لا تقعد تتفلسف علي رح اشتغل هالشغله طباخ بـ مطعم ولا قهوجي بـ د. كيف وبعدها رح اخطب قسم ان يصرفونك اهلها مع الباب انت ومهاراتك الي اكتسبتها
إقتباس
بعطيك مثال على نظره المجتمع ( الغريبة ) واللي تغيرت مع الزمن : قبل 35 سنه كان مسمى لاعب كره القدم ( سربوت وصايع - ضايع ........ إلخ )
الا يومك هذا ومجال الشهره يدشرك يعني تبي تقنعني ان الاعبين مايواجهون مضايقات من المعجبات يعني اذا انت عمرك 20 او 24 سنه والبنات كلهن خاقات عليك هذا سبب يطرحك بالغزل وبالحرام ولما تطيح بالغزل والاشياء هذي معناتها انك ضايع
اها يعني اكتسب مهارات كيف اعد القهوه ازود سكر وكيف اضبط الفطور معليش عبدالله لا تقعد تتفلسف علي رح اشتغل هالشغله
طباخ بـ مطعم ولا قهوجي بـ د. كيف وبعدها رح اخطب قسم ان يصرفونك اهلها مع الباب انت ومهاراتك الي اكتسبتها الا يومك هذا ومجال الشهره يدشرك يعني تبي تقنعني ان الاعبين مايواجهون مضايقات من المعجبات
يعني اذا انت عمرك 20 او 24 سنه والبنات كلهن خاقات عليك هذا سبب يطرحك بالغزل وبالحرام ولما تطيح بالغزل والاشياء هذي معناتها انك ضايع
أنا آسف من الجميع يمكن ما وصلت الفكرة بأسلوب وراح أعيده : أقصد يا طارق بإكتساب المهارات ( فن التعامل ) وعلى فكرة أنا إشتغلت بأماكن كثيرة ( وما عمري إستحيت منها ) !!. منها البيع والشراء بالأسواق !!. لو إنت مثلا تشتغل ( كاشير ) بيمر عليك بالساعة ( أشكال وألوان من البشر ) النفسية - العصبي - الطيب ............ إلخ . أوادم يلبسون نفس اللباس لكن يختلفون بالتعامل. هنا تكتسب مهارة التعامل ولو فرضنا إنك إشتغلت بأحد الشركات الكبيرة مثل الإتصالات وتطلب منك العمل ( مواجهه الجمهور ) راح يطلب منك دورات تدريبيه بنفس المجال أو إن الشركة راح ترسلك على حسابها لأخذ الدورة هذي!!. وطبعاً أنا ما طلبت إن الجميع يستمر بوظيفة الكاشير طول العمر : مجرد قتل وقت الفراغ ، وإكتساب تجارب كبيرة على إن مدة العمل راح تكون قصيره ما تتعدى الشهور أو سنه بالكثير ، إلا أن يتخرج الطالب ويتجه لمجال عمل يوافق تخصصه. أتمنى إن النقطة الأولى وصلت. _____________________ بالنسبة للنقطة الثانية ( بخصوص لعب كره القدم ) : أنا ذكرت لك يا طارق إن المجتمع قبل 35 سنة كان يرفض مسمى ( لاعب ) على إنها هواية وكانوا يسمونه ( الصايع - الضايع ........ ) وأنت بنفسك تتمنى تحترف كره القدم ، ولو إنك عايش قبل 35 سنه كان رأيك بيكون نفس رأيك الآن بخصوص الكاشير!!. وراح يشطبون إسم القبيلة !!. وبعد عشرين سنه تغيرت نظرة المجتمع والآن الأب بنفسه يرسل ولده إلى الأكاديميات ويدفع مبالغ ، لعل وعسى إن ولده يحترف بكره القدم. كنت أقصد إن نظره المجتمع تغيرت 180% من العيب وشق الجيب إلى السعي خلف الإحتراف!!.
عزيزتي سوليدرة
حنا كمجتمع بصفاته الحالية لا يمكنهُ تقبُل هذه المهن لانه مجتمع يحب المظاهر ونحتاج فترة طويييلة جدا حتى نغير هذا الفكر
والله ما خلى البطالة منتشرة عندنا الا هالافكار ولا الوظايف كثيرة بس وين الي يتنازل شوفوا البنغالي يجي مو لاقي الي ياكله ويطلع مليونير
إقتباس
الرسالة الأصلية كتبت بواسطة سوليدره
× رأيك تجاه الموضوع , هل الفرد يقع ضحية ظلم المجتمع ؟
بالنسبة لي.. ايه رقابه المجتمع تقيدنا بشكل كبير
انا اعشق العمل الي فيه حركة وشغل بس مو بكافي عاد والمجتمع يشوف ان هالوظايف اهانه لأبنائه وعندي طموحات كبيرة بس طبعا مقيدة بشكل كبير
إقتباس
الرسالة الأصلية كتبت بواسطة سوليدره
×× ماهو العمل اللي حبيته ولكن صدمك الآخرين بمنعك من الخوض فيه ؟ ××× عمل تتمنى مزاولته ولكن هناك ما يُعيقك ؟
مع اني ادرس بأخر سنه بالجامعة الا انه عندي عرضين عمل بعد ما اخلص بس اهلي رافضين العملين
وهو نفس العمل الي اتمنى اني ازاوله لكن الاهل لهم كلام ثاني
لان الوظيفة المتوفرة معلمة بالروضة - والثانية معلمة بالمدرسة
طبعا كلها القطاع الاهلي
وانا ودي ادرس تمهيدي لاني احب الاطفال
طبعا الاهل ما عندهم اي سبب منطقي
وكل كلامهم ليه انتي محتاجةعشان تشتغلين بوظيفة كذا؟
اتوقع اذا ترشحت كوزيرة فيه امل يوافقون
هذي استمارتي اذا لقيتوا لي وظيفه نادوني الأسم: مع بنت الهلال آل ابد
العنوان : المجلس العام - اخر بيت بالشارع
تاريخ الميلاد : 1407 م
الجنس : انثى
الحالة الإجتماعية : آنسة
الجنسية : تبوكية
رقم جواز السفر : **********
رقم الجوال : ********05
البريد الالكتروني : hotmail.com@******* انا حطيت كل شئ كامل بس مدري ليه يطلع كذا
يعطيك العافية خيتوو سوليدرة
موضوع روعة من عضوة روووعة
والله يرزقك بالوظيفة الي ترضي طموحاتك وترضي اهلك
الفائدة عظيمة .. ولا زلت اشكر والدي يحفظه الله على جرأته التربوية في هذا الخصوص ،،، 
" <<
حدد الإجابة الصحيحة
<<وبيتي الثاني اتواجد فية كثير حول بيت سوليدرة
وأنا أقيس هالكلام على أهلي 
الوضع العادي
