كوريا الشمالية vs السعودية ( مواضيع مدموجة ) !! - صفحة رقم 39 - نادي الهلال السعودي - شبكة الزعيم

معاذ البرنس · #571 11/02/2009, 05:54 PM

السلام عليكم ورحمه الله وبركاته

اما بعد

يا ناس ملينى من المجاملات المنتخب السعودي

عنده امكانات عاليه فوق كل امكانات المنتخبات الاسيويه الاخرى بس فيه اشياء لازم نعرفها----------(())))

----حنى ذبحتنى المجاملات على حساب المنتخب يعني :

-- المدرب ناصر الجوهر مدرب كبير بس ماينفع يكون مدرب لمنتخب علمي يعني يكونمساعد معقوله مدرب الالومبي او الشباب او احد الفرق بس للمنتخب الاول صعبه ((يوجد في العالم مدربين عالمين بس ماينفعون حق المنتخبات )))

--الجوهر اوكي اختار افضل العناصر الموجوده في السعوديه بس الاسف مافيه تكتيك واضح للمنتخب ولا فيه هجمه منظمه من الدفاع الى الهجوم لازم مدرب على مستوى لكي يوظف الاعبين

--- ماقصرت يا ناصر الجوهر بس خلاص انت اعطيت الي عندك ومشكورين ونتمنى تكون مساعد المدرب

------ لاعبين المنخبات الاخرى يقفل الملعب ضدك ويلعب على المرتدات وذا جاب هدف صك الملعب عليك ومن اصعب المشاكل التي يوجهها منتخبنا عدم قدرته على اجبار الخصم على فتح اللعب ---يعني بالعربي اذا قفل المنتخب الي ضدك ما فيه هدف

------ انا ماكتبت هذا الموضوع على شان الهزيمه اليوم بس الاخطاء هي نفسها ما تغيرت بس الله هم مشكلت العرضيات تقريبا شبه انحلت بتواجد المرشدي وهوساوي اما الاخطاء الاخرى مازالت باقيه حتى تلقى من يعدلها وهو المدرب الذي يملك تاريخ حافل ولديه الخبرات الكافيه ولا لايمكن تطوير المنتخب

----------------ياناس حسافه هالجيل مايجيب بطولات او بالاحر مايصيطر على البطوله كاس اسيا او التصفيات الماهله لكاس العالم

الى متى وحنى ندفن مواهبنا بايدينا يا ((صاحب السمو الامير سلطان ونائبه الامير نواف ))))

المجاملات سوف تقضي على هذولا النجوم --

فيه ملاحظه :::::

اذا تكلم المحللين عن الواقع الذي يعيشه المنخب ياويلهم ليش ولا مايصلح تتكلم على الاخطاء وتحاولون تصلحونها اجل بلاش تحليل خلونا مثل زمان الشوط الاول وبين الشوطين دعايات اعلانيه ثم الشوط الثاني ليش نتعب اعمارنى واخر شي الي يتكلم صح ينتقد ويحارب والي يجامل يطاير في السماء!!!!!!!!!

اقول المنتخب لن يتطور دام هذي المجاملات موجوده ولا يوجد مدرب له قدرات عاليه ويختار الاعبين الي يشوف انهم الاميز للعب للمنتخب دون اجبار اي اسم على المدرب!!!!!!!!

انتمنى تكتبوا ارائكم ووتكون بلا تجريع على احد

اخوووووووووووووووووووووووووووكم ------((((معاذ البرنس))))

ريتاج الهلال · #572 11/02/2009, 05:55 PM

إقتباس

ويوم السبت اللي راح صرح تصريح ثاني ويقول : إن مدرب كوريا الشمالية يحتاج 20 سنة لكي يصل إلى ما وصلت إليه ( )

في هذه معاه حق و الله لو يقعد مو عشرين سنة الا مائة سنة ما يحقق الي ناصر حققه

انجازاته ثمانية المانية الله لا يعيدها بخير ولأول مرة عمان تفوز علينا و تأخذ الكأس

و كوريا الشمالية و الجنوبية تفوز علينا و نحن الي كنا عقدتها

هالحين أي أحد يبي يفك عقدته مع المنتخب يجي ويبارينا

بس بشرط أن ناصر الجوهر يكون المدرب و صدقني بيضمن

الفوز أجل حاطلي اليوم بالتشكيلة اثنين محاور هجوم ولا

في واحد محور دفاع لذي الدرجة واثق من الفوز و الله لو

أننا البرازيل ما سويناها يا صبر الأرض عليك يالجوهر

متى تقدم استقاتك ونرتاح وتأخذ معك أبو خطط مدروسة .

ولي هامسون · #573 11/02/2009, 05:55 PM

20 سنة علشان توصل كوريا الي مستوانا هذا كلام الجوهر شوف وصلوة في 90 دقيقة مو 20 سنة
واللة المنتخب تعبان من كأس الخليج وين المستوي حق كأس اسيا شوف الوسط يسجل الهجوم يرجع يصنع
الخلاصة لزم مدرب اجنبي يعرف توضف الاعبين
كيف أنجوس

الزعــ20ـــــــيم · #574 11/02/2009, 05:56 PM

اقول الله يخلف على المصبيح وسلطان و الجوهر

ليش انتاهل علشان نرجع ب7 و8 كانه كذا جعلنا ما نتاهل

مدرب فاااااشل بكل ما تحمل الكلمه من معنى

leo messi · #575 11/02/2009, 05:56 PM

إقتباس


	لا ما يكفي كمل باقي اسباب ما ذكرتها

انا بكمل لك

خذ عندك بعد اسباب اخرى للهزيمه ..!!

1_ مدرب المنتخب الكوري وجهه منتفـخ تقل توهـ قايم من النوم

2_اللاعبين انلخموا من الجمهور الزلايب اشكالهم رايحين سينما مهوب ملعب

3_ جميع ماذكر

>>

هاه تبي اسباب ماصله بعد ؟؟

ماراح يتعدل وضع المنتخب لين يطردون ( ابو شنب محدد من فوق << يسمع بالتلميح

المهم تحملوني

:
.............................

ماراح اتكلم عن الخطط المدعوسه ولاعن ابو شنب ( محدد من فوق )

ولانيب مشرشح فيهم ...!!

لكن بتكلم عن التخبط اللي حاصل في هالمنتخب وفي ادارته وفي الاصرار العجيب على الجهاز الفني بقيادة الجوهر ..!!
رغم ان الرجال ووواضح انه ماعنده شيء يقدمه .. وكل اللي عنده للمنتخب قد اعطاه من ايام كاس اسيا وتصفيات 2002 وكثر الله خيره ..!!

* ماقد شفت المنتخب السعودي يلعب بتكتيك دفاااعي امام فرق لاتقارن بمستوى المنتخب ولايوجد مقارنه حتى بين مستوى اللاعبين ..!!
الفريق الكوري من يوم بدت المباراة وهو متراجع خوفا من اسم السعوديه وكلن مع مرور الوقت عرف ان ماعندك احد فبداء ينتشر بسرررعه
وحقق مبتغاااه مع اول تهديد حقيقي للمرمى السعودي ..!! وهو مامنح الكوريين الثقه لزيادة الضغط على المنتخب وكادوا ان يزيدوا الغله ..!!
لولا الدلاخه اللي فيهم

..!!

تشكيلة المنتخب منذ البداية سيييئة .. بسبب اصراره على تكثيف المحاور .. وركن الموهوب عطيف بجنانبه ........!!
فلو استغنى عن الفريدي ولعب بعطيف وابقى على الجاسم احتياط في مقابل الزج بمهاجم بجانب ياسر من البداية سواء الراهب او الشمراني ..!!
مع ترك الحريه لنور للقيام بأدوار مزدوجه لصناعة اللعب مع عبده عطيف .. مع وجود احمد عطيف كمحور ارتكاز ...!!
لشاهدنا مستوى للمنتخب افضل ما ظهر به .....!!

* الان انقضت المرحله الاولى .. والمنتخب اكبر الخاسرين ,, والمرحله المقبله اكثر صعوبه بسبب ان لقاءاته مع المنتخبات القويه ( كوريا الجنوبيه وايران )
القادمه ستكون خارج ملعبه ... وهذا سيصعب الموقف كثيرا ويضعف امال المنتخب في التأهل اذا مااستمر الوضع على ماهو عليه ..!!

اعتقد ان الحل الانسب الآن .. هو الاستعانه بمدرب اجنبي واعطائه الحريه كااامله دون التدخل في عمله ( رغم انه من الصعب ذلك )
واتمنى مايجيك ابو الخطط مطفي النور وكالعادة اقرب مدرب هلالي يفك الزنقه ... يجب ان يحضر مدرب للمنتخب عاجلا لكي يتعرف على اللاعبين ..!!
ويقف على مستوياتهم من خلال الدوري ومشاهدة مباريات المنتخب الماضيه .. .. ويحاول ان يصلح ماافسدته الخطط المدعوسه

* عموما المنتخب .. علته واااضحه للجميع .. فهو يملك افضل النجوم في اسيا دون مبالغه لا من حيث المهارة ولا من حيث صناعة اللعب ..!!
ولامن حيث الخبرة .. وحتى معدل االاعمار ممتاز بالمقارنه مع بعض المنتخبات القويه الاخرى .. ولكن ينقصه ادارة واتحاد ( احترااافي بمعنى الكلمه )
فما يحدث الان مهزله بحق الكرة السعودية .. ونسف لتاريخ جميل ورااائع تركه الامير فيصل عليه رحمة الله

عاشق زيـ 10 ــدان · #576 11/02/2009, 06:02 PM

سر اقتناع سلطان بناصر الجوهر هو ـ

عشان أنا ياسلطان بن فهد امشي الي ابي واحط الي ابي

ياخي فكنا منك لا انت ولا من المصيبيح ولا من الجوهر ولاعبكم على العالم

Cataluña · #577 11/02/2009, 06:04 PM

حقيقة بعد لعب اليوم صارحه انواع الدباشه من المدرب

واتمنى جلب سكولاري للمنتخب

معن مافيه امل لان ناس يبون التشكيله على كيفهم

سوال احمد الموسى يوم دخل وين حاطه ناصر الجوهر ابوعدسات خضراء؟

والله حرام الواحد ما يروح الدوام والطلاب ركض من المدرسه عقب الاختبار

عشان يشوف منتخب كوريا يفوز علينا والحراس بالهدف يقول للمهاجم الزاويه مفتوحه لك شوت

الله يرحم ايامك يابو عبدالعزيز

واعذورن ياخوان من الي فيني الكلام كله غير مرتب

ع ل ي 666 · #578 11/02/2009, 06:08 PM

بالعكس كلام مرتب وسليم

نتمنى سكولاري أو أقل شي يرجعون أنجوس

بس يفكونا من راعي دفتر أبو 60

MURTADHA · #579 11/02/2009, 06:10 PM

لن فلن يتاهل منتخبنا السعودي الى كاس العالم مباشرا بعدما فرط في فوزين على ارضه وبين جمهوره وحصل على نقطه واحده من اصل 6نقاط وهزيمته من كوريه اليوم لذى خسر المنتخب السعودي 8نقاط من أصل 12 نقطه وخاصه بعد الخساره الاخيره امام كوريه الاضعف من كلا من كوريه وايران ولم نستغل الفوز اليوم للأسف المباراه الاتيه مع ايران اذا خسر منتخبنا الوطني ضد ايران فسوف يزداد الصعوبه في اقتناص على الاقل تقدير حصولنا على المركز الثالث طبعا سوف تنحصر المنافسه للمركز الاول والثاني راح تكون الحظوظ اقوى لكل من الكوريتين وايران على المنتخب السعودي ان لايفرط اي نقطه بعد الان حتى لو خارج ارضه لان سوف يذهب المركز الثالث احد المنتخبات الثلاثه لتقارب النقاط بين بعض

المباراه القادمه بين منتخبنا السعودي والايراني مصيريه للمنتخب السعودي للتنافس على المركز الثالث واذا خسر المنتخب السعودي المباراه القادمه فسوف نقرأ على المنتخب السعودي السلام

ســـــــــــام9 · #580 11/02/2009, 06:10 PM

بعد السلام عليكم

ماادري من وين ابدأ

يااخوان من جد حنا نعاني

نضحك على مدربين المنتخبات الثانيه وبلانا الله بواحد دكتاتوري ..][ناصر الجوهر][

مو معقوله اللي يصير فينا كمنتخب عريق<<<<<<كان زمااااااااااان ياعريق

والله والله والله مانتأهل اذا مدربنا ناصر الجوهر ][خالف تعرف][

حسبي الله ونعم الوكيل

مقعدلي الموسى ومدخل النمري في مباريات حساسه ومفترق طرق

بالامس وانا اتفرج على مباراة البرازيل وايطاليا

اقول بنفسي ياليت منتخبنا زي البرازيل اخيييييييه بس

واليوم مارست علينا كوريا الشماليه انواع التعذيب والاستماته

دق كعوب..كنترول ولا اروع..

وياسر وحيد بين 6 مدافعين

ياناصر الجوهر وين تبي تودينا؟؟؟؟

ياناس عطوه كم قرش
وخلوه يروح مانبيه مدرب ياهووووووه مانبيه <<<ايييييييه صح فهمت الحين لانه مدرب مطيع ويسمع كلام الخطط العلميه المدروسه؟!!

بعد ماجا الهدف الكوري قلت لا اشوا بيهدي الله ناصر الجوهر وبيتحرك ويدخل مهاجم ثاني
لكن ماشش صاحبك اصمممخ

][ قفــــله][

بعد المباراه تعبت كثير ورحت اقرب مستوصف وللاسف طلع فيني سكر

كل هذا يطلع منك يالجوهر؟ مالها داعي يافاهي

تقبل التعازي هنا

ومااقول الا حسبي الله ونعم الوكيل

حسبي الله ونعم الوكيل

WAW 879 · #581 11/02/2009, 06:17 PM

الصحافه خايفه ولن تستطيع الكتابه بعد اتصال سموه في الاستوديو التحليلي

بالتالي سيعتقد البعض ان الوضع عادي وأن الشعب الرياضي على أحسن مايرام

على الجميع رفع اصواتهم ،،،، فنحن نرى انجازات الرياضة السعوديه كل يوم تتهاوى اكثر واكثر

بخطط علمية مدروسه !!!!

Y I V E N C H Y · #582 11/02/2009, 06:18 PM

الدعيع المنتشري مدرب عالمي وقرصة آذن للاعبين ..هذا هو الحل

Cataluña · #583 11/02/2009, 06:20 PM

مشكور اخوي على الرد

الدفتر هذا معه من كاس اسيا 2000

يكتب فيه عشان يوري العالم انه مدرب قدير

!!! h.i.l.a.l !!! · #584 11/02/2009, 06:20 PM

أنا أشارك الأغلب بالرأي ان العلة في المدرب والدليل شوف اللاعبين في الأندية
أداء و فن و ثقة

MURTADHA · #585 11/02/2009, 06:21 PM

يالله نتظر ردودكم .............................