النصيحـــة .. هل انت ممن يتقبلونها - نادي الهلال السعودي - شبكة الزعيم

أنطونيـو · #1 09/02/2009, 08:22 PM

طبعا ماهو معروف ان اللي ينصحنا يبي لنا الخير ويبي مصلحتنا

فقد قال الرسول صلى الله عليه وسلم : الدين النصيحه

لكن هناك نوعين من المنصحين :
منصح ينصح برقه وبإبتسامه

ومنصح ينصح بحده وبغلظة

ومتقبل النصيحه نوعين :
يتقبل ويخجل من نفسه ويقول مشكوور , جزاك الله خير ..... الخ

ونوع مايتقبل ويعفس وجه وينتظر متى تخلص

قال رجل لأبي حنيفة رحمه الله : اتق الله
فانتفض واصفر وأطرق وقال : جزاك الله خيرا ، ما أحوج الناس كل وقت إلى مايقول هذا .

كان بين عمر بن الخطاب رضي الله عنه وبين رجل كلام في شيء
فقال له الرجل : اتق الله يا أمير المؤمنين ، فقال له رجل أتقول لأمير المؤمنين : اتق الله
فقال عمر : دعه فليقلها لي ، نعم ما قال
ثم قال عمر لا خير فيكم إذا لم تقولوها ولا خير فينا إذا لم نقبلها

س / هل انت ممن يتقبلون النصيحه ؟ وهل شكل المنصح له دور في تقبلها ؟

فَيْلَـسُــ زَمَانَهُ ـــوفْ · #2 09/02/2009, 08:27 PM

س / هل انت ممن يتقبلون النصيحه ؟ وهل شكل المنصح له دور في تقبلها ؟

اخوي والله العظيم على حسب الأسلوب فيه ناس ينصحك بأسلوب راقي وخلقي والأبتسامه على وجهه

وفيه بعضهم ما اقول الا الله يهديهم

тħέ Eήđ . . ! · #3 09/02/2009, 08:33 PM

إقتباس


	س / هل انت ممن يتقبلون النصيحه ؟ وهل شكل المنصح له دور في تقبلها ؟

إيه أكيد بكون من المتقبلين للنصيحه !!

بس مو أي نصيحه بعد ..!؟

أتحفنـآ بجديدك ..

_ricardo_KAKA · #4 09/02/2009, 08:40 PM

على حسب الناصح..
به ناصحن يدبل سبدك وحتى انه مايتسمى ناصح وياحبه لنصيحه قدام الناس بس يبي يفشلك ..

وبه ناصحن مسوي فاهم كل شي وانا اكبر واحد وفاهم ودايمن ارائي سديده و... وتلقى ينطبق عليه المثل (( باب النجار مخلوع )) ..

واشد نوع من النصيحه الي يجي يتفلسف عليك ومسوي ينصحك بس لانك مسوي شي يخالف الي هو متربي عليه يعني يبي العالم تمشي على هواه ..

بإختصار انا من النوع الي ما يتقبل النصحيه لاني اعرف الي اسويه

..

نائبة الملك · #5 09/02/2009, 09:14 PM

س / هل انت ممن يتقبلون النصيحه ؟

على حسب مغزى النصيحه والناصح ..
يعني تجيني وحدهـ ماتمون علي تقولي ..:
انتي مسويه كذا وهذا حرام ولا هذا موب زين ومدري وش ..
عشان تفشلني ..
والله ماقبلها ,, بالعكس اعاند!
//
بس لو تجيني وحده بهدوء وادب وقصدها النصيحه ,, اتقبلها بصدر رحب ,,
بالعكس استانس .. لأنها نبهتني على شي غلط كنت مسويته ..
//
بختصار :
على حسب الناصح .. وطريقته واسلوبه ومغزاهـ ..
وهل شكل المنصح له دور في تقبلها ؟
//
يعني ..
له اثر ..كبير بعد ,,
صراحةً صراحةً ..

انا احب الشيخ العريفي (حب في الله)..

كل شي فيه حلو ..

اسلوبه .. ومملوح .. وطريقة كلامه .. وكل شي ,,

واكيد الشكل له اثر ,,
يعني يخليه يدخل القلب علطوول بدون استئذان

واحس اهم شي في الناصح .. :
1) الأسلوب ***
2) الشكل **
3) المغزى *
بس,,
برح الحق على 99 فيه العريفي

//
//
شكراً ,,
..

}~

&زهرة اللوتس& · #6 09/02/2009, 10:20 PM

س / هل انت ممن يتقبلون النصيحه ؟ وهل شكل المنصح له دور في تقبلها ؟

أنا أتقبل النصيحه دائما بغض النظر عن شكل المنصح بذات أذا كانت تتعلق بالدين لأنه أخاف ربي يعاقبني أذا رديت على المنصحه أو رفضت نصيحتها . بعدين أنا أذا أحد نصحني أقول: مشكوره و أدعي الله يهديني
وشكرا على الموضوع الحلو

Hilali88 · #7 09/02/2009, 10:36 PM

يهمني نوع النصيحة أكثر من الناصح وأسلوبه
حتى لو الناصح له هدف غير سوي بالنصيحة لكن أحتاج أفكر بالنصيحة أكثر وأترك نيته
وتقبلي لها على حسب اقتناعي بها
إذا اقتنعت أخذ بها
وإذا لم اقتنع أرد عليه وأبين وجهة نظري
وفي الحالتين يشكر على النصيحة

شكراً على الموضوع

طوق الحمام · #8 10/02/2009, 04:48 AM

س / هل انت ممن يتقبلون النصيحه ؟ وهل شكل المنصح له دور في تقبلها ؟

شف اخوي النصيحة شئي حلو بس مو كل الناس تتقن فن النصح ..

فيه ناس يوم تشوف اسلوب نصحهم من كثر مو يقهر تبي تكفر بس عناد فيهم لان اسلوبهم اقرب ما يكون للزبالة اسمحلي على ها الكلمة
اسلوبهم صراخ
وهي جايه من بعيدا اتزهب لاني احس با ادخل مصارعة ثيران مو نصيحة
تحس وهي تنصح با تصكني كف يقالي متحمسة وهي تنصح
واللي حولي كلهم عرفو انها جالسة تنصح <<< الله يهديهم ولا يجعلهم يتسلطون على احد ينصحونه

..

وفيه فئة تنصح بس والله انا نفسي المخطئة اخجل من اسلوبهم من كثر ما هم لبقين ويعرفون المكان والزمان اللي ينصحون فيه <<< يا لبى قلوبهم ودي كل اللي ينصحون كذا يكونون
نصيحتهم كلها ذواق وهدواء وتدخل القلب لانه اساسا طالعة من قلب صادق

...

وفيه فئة من اللي ينصحون اعوذ با الله منهم
كيف ينصحون با طريقة السخرية فيك قدم العين يعني ترا انا مطوعه انصح وخفيفة دم في نفس الوقت يعني ما تعرف تفصل بين التنكيت ونصيحتها<<< هذولي انا صراحة عن نفسي فئة ترفع ضغطي ويطلعوني من طوري

أنا اتقبل النصيحة على حسب موضوع النصيحة نفسها والاهم الاسلوب

مشكور على ها الموضوع ربي يعطيك العافية

با التوفيق

فجر الرياض · #9 10/02/2009, 05:03 AM

طبعاً الاسلوب له دور كبير فرق بين انه يجي ينصح بذوق واخلاق وهو قصده النصح

هنا بتخجل من نفسك ومن اسلوبه واكيد بتوافقه باللي يبيه وبطيب خاطر

وفرق بين انه يحاول بنصحه ينبه الموجودين بطريقة شوفوني وانا انصح

ماراح يحصل فايده من هالاسلوب لامن اللي قدامه اللي ماراح يتقبل

ولامن اللي شافوه لأن اكيد محد يرضى يكون بهالموقف

تعهدني بنصحك في انفرادي - وجنبني النصيحة في الجماعه
فإن النصح بين الناس نوع - من التوبيخ لا أرض استماعه
فإن خالفتني وعصيت قولي - فلا تغضب إذا لم تُعط طاعه

فديت السعوديه · #10 10/02/2009, 06:08 AM

س / هل انت ممن يتقبلون النصيحه ؟ وهل شكل المنصح له دور في تقبلها ؟

نــــــــعم انا ممن يتقبــــــــــــلون النصيحه بس بــــشرط .......

ان يكــــــــــون الأمـــــــر يستاهل النـــــــصح مو اي شيئ لا يناسب العادت

والتقاليد ينــــــــصحوني فيه مع انه غير محــــــرم شرعآ.....

وان يـــــــــكون الناصح يتكـــــلم باسلوب راقي يحسسني فعلاانه يبغى مصلحتي

مو من بــــاب الأحراج لا اكثر ولا اقــــــــــــل

امـــــــا الشكــــــــــل بعض الأحيان الأسلــــــــوب وطريقه النصح تغنـــــــــي

عن الشــــــــــكل ؟؟ والشــــــكل له دور عند المراهقات

>>>يقالي ثقيله

عن نـــــــــفسي استمتع بمحاظرات عائض القـــــــــرني

دمـــــــــــت كما تحـــــــــــب

أنطونيـو · #11 10/02/2009, 10:43 AM

عشقي 20 - тħέ Eήđ . . !
نائبة الملك - Hilali88 - محامية - فجر الرياض - فديت السعوديه

الف شكر لكم على مروركم الكريم

أنطونيـو · #12 10/02/2009, 10:46 AM

إقتباس

الرسالة الأصلية كتبت بواسطة _ricardo_KAKA


	على حسب الناصح.. به ناصحن يدبل سبدك وحتى انه مايتسمى ناصح وياحبه لنصيحه قدام الناس بس يبي يفشلك .. وبه ناصحن مسوي فاهم كل شي وانا اكبر واحد وفاهم ودايمن ارائي سديده و... وتلقى ينطبق عليه المثل (( باب النجار مخلوع )) .. واشد نوع من النصيحه الي يجي يتفلسف عليك ومسوي ينصحك بس لانك مسوي شي يخالف الي هو متربي عليه يعني يبي العالم تمشي على هواه .. بإختصار انا من النوع الي ما يتقبل النصحيه لاني اعرف الي اسويه ..

الف شكر حبيبي على مرورك...

إقتباس


	بإختصار انا من النوع الي ما يتقبل النصحيه لاني اعرف الي اسويه

طيب وش نسمي هذا بالضبط ..

كبر , غرور ....

ولد النشوان الهلالي · #13 10/02/2009, 10:52 AM

س / هل انت ممن يتقبلون النصيحه ؟ وهل شكل المنصح له دور في تقبلها ؟

اذا كان اسلوبه راقي واسلوبه حلو ,, شئ اكيد اني ابتقبلها

لكن فيه ناس يرفعون ضغطك ,, اذا جاء ينصحك شوي ويجلدك ,, وهذا ماراح اتقبل نصيحته