جيت اطلع جواز ,,, غيرت اثباتي هع - نادي الهلال السعودي - شبكة الزعيم

ĐЯ.3βǪǪĐ · #1 09/02/2009, 03:08 PM

مساء الورد و العطر لكل من مر على القصة

و طبعا اللي فيه خير يدخل و لا يرد حيث انني مو دايم اكتب مواضيع

فلازم تبتهجون بهالمناسبة

الموووهم و لا لكم بالكلام الكثير اللي ما فيه اي خير

كنت اسولف مع واحد من فريندزي و قال ورني اثباتك

يبي يشوف شكلي و انا بزر و يضحك حيث انه الله يصلحه مسوي انه يوم يطلع اثبات كان عمره 95

المووهم
يوم طلعت اثباتي و انا مبتسم ابتسامة مكر زي الاخ هذا

قلت له ورني

اثباتك اول

و بينما هو يهم انه يطلع اثباته

ما صار شي

و طلع اثباته

و عطيته اثباتي

صدعت راسكم صح؟

المهم

و يشوفني ابو الشباب رازن السكسوكة ف البيك حق الاي دي <<< سوا لك فيها

ارتاع و طاح قلبه و خاف

قالي يا ابو عابد انى لك هذا

قلت له ااااااااااااااااه و ارتسمت على محياي فيس حزين زي الاخ هذا

قلت هذا طول الله عمرك يعود الى زمن غابر

حيث انني هذي ثالث مرة اطلع اثبات و كاني ولد الامير نايف امد الله في عمره

المهم

قال لي حدثني يا هذا كيف طلعت هذا العدد المهول من الاثباتات في ظرف 3 سنوات

انا باشرح لكم باختصار

واحد اساسي اللي هو اول مرة يطلعونه يوم اوصل 15

و الثاني بدل فاقد لاني ضيعت الاول

و الثالث تجديد لان الثاني كان الشكل القديم

ترا اللي فوق كله مقدمة

هذي طال عمركم

يوم كان معي الاثبات الثاني اللي هو قديم

و كان هالكلام ف الصيف قبل الماضي

امي قررت تسفرنا برا

و العائق الوحيد هو وجودي

حيث اني قلت لامي

يا تطلعين لي جواز و تفكيني من مرافقة اخوي الكبير

و الا سافروا بلحالكم و انا باعيش ف البيت <<< فاهم الاضراب غلط

امي خضعت للرقابة

قصدي للامر الواقع

و رحنا للجوازات انا و اخوي الاطخم اللي كنت مرافقه ف الجواز

و يوم دخلنا ع العسكري المدني

يعني عسكري بس على مكتب

انا و اخوي / السلام عليكم

هو /

نعم وش عندكم ؟ >>> ما يقلد الصخرة

ابد

انا / السلام عليكم

بس بصمت طبعا

هو / اطلع بررا

انا / السلام لله موب لك بعدين انا اسلم ع الرجال << و ااشر على اخوي مسوي ملكع الله يهديني

هو / اهاه وش عندك انت

انا / جاي مع الرجال ابيك تطلعني من جوازه لانه ابثرني

هو / طيب اطلع برا <<<< طايح من عينه بزر ذيك الايام

اخوي/ رد ع الرجال و انقلع <<< كنت اظن اني حبيبك

شوي و الا دخل هندي جايب له 2 كبدة ف كيس مع عصير خلاط ف كوب بلاستك

و قبل لا اطلع حبيت اعصبه شوي

قلت له / ابي افطر

هو ناظرني و هو منصدم و شوي و يقول وش ذا البجاحة

قال البوفيه من هناك <<<< يصرفني

و بعد هالخرابيط و الكلام الكثير

رحنا للاحوال المدنية عشان الجوازات قالوا لازم اثبات جديد ابو شريحة من ورا

و ليتنا ما رحنا

اسبوعين كاملين افرفر ف الاحوال و اجي قبل الموظفين

و اطلع بعدهم بعد

انا تنرفزت

و قررت اشوف حل للمعضلة

سالت وين مدير الحاسب

قالوا مكتبه هناك

رحت و طرقت الباب

قلت له تكفى اخلصوا علي خذيتوا اثباتي القديم و لا عطيتوني جديد للحين

و ما عندي جواز يعني انا كاني بدون

و عندي اختبار قياس و ما اقدر ادخله الا بالاثبات

ناظرني بنص عين

و رد على جواله

قال للي يكلمه : لا قله انا جايك من طرف ابو عبدالعزيز

و يوم سمعته قال كذا

جتني فكرة جهنمية

و اول ما خلص مكالمته قال لي ايوه وش كنت تبي

قلت له / لا بس جاي اخذ قلم .. عندكـ..؟

ناظرني بازدراء و احتقار و كل شي بايخ

طلعت من عنده و رحت للمكان اللي يوقفون طابور فيه

رحت للعسكري اللي ينظم الطابور

ابو عبدالعزيز يسلم عليك و يقولك هذا ملفي و عطه لابو محمد <<<<امس كانت سامع اسمه

العسكري عقب ما كان وحش هائج

صار حمل وديع

و قال لي تفضل معي

و عطا ملفي لابو محمد

قلت لابو محمد يسلم عليك ابو عبد العزيز

قال لي يقرب لك هو؟

قلت لا بس خوي جيراننا

سوا زي كذا

<<< يقول لي مسوي تنكت

و قال : خلاص اذا سمعت اسمك تدخل للتصوير

و كله ربع ساعة و انا مخلصن اموري

و شسمه

و طلعت جواز

و سافرنا

و شسمه بعد

ايه صح رجعنا

الزبــــدة من سالفتي

شفت الصخــــرة

منزل موضوع عن دائرة حكومية

قلت خير و انا ما لي رب

ثانك يو و اسف ع الاطالة هع

هام ما ورد اعلاه قصة حقيقية و ربي يشهد على كلامي >>> عشان يسكت بعض الناس

محب الجنه الخرج · #2 09/02/2009, 03:24 PM

ههههههههههههههههههههههههه الله يرجك ياشيخ ماشاء الله قصة حياتك مختصرة قلتها

اقلك ماتطلع لنا واسطة يغيرون احوالي بطاقتي من يوم اني املط ومو راضيين يغيرونها بسبب 6 سنوات باقية مشكلة اللي ماعنده ابو عبدالعزيز

على فكرة انا ماقريت موضوع الصخرة اللي قلت عنه بروح اقراه

شوي ويجيك الصخرة يرد على موضوعك هم ثلاثة بالمجلس من يوم يسمعون يوزراتهم تلقاهم موجودين <<<<<<<<مسوي ميانة

تقبل مروري <<<<<من طرف ابو عبدالعزيز

دق التحيه معك هلاليه · #3 09/02/2009, 03:47 PM

ههههههههههههههههههههههههه

عليك قصه تجننننننن...

عاشق الابداع 10 · #4 09/02/2009, 04:05 PM

سلام عندي سؤال اخوي الحين انا عندي جواز وابي اطلع اثبات جديد كيف عادي لو اروح لم الاحوال واقولهم ابي بطاقه جديده بدل ذي ؟؟؟؟؟؟

Fahad Al Sudais · #5 09/02/2009, 04:58 PM

معقووووووووووووووووووووووله ؟؟ .................... قسـم

انا من بعد الغداء واذني اليسار فيها ( وشّـه )

حاس ان احد جايب طاري الـصـخـرة

أثاريك انت يا ( هيس بن اربد )

تيّب سلفني يوزرك الى باكر خلني اروح اخلّص هالمعاملة حقتي اللي عيّت لاتخلص << مسوي ذكي

والا خل ابوعبدالعزيز يقابلني الليله علشان اسأله وش اسم ابوعبدالعزيز حقهم الثاني اللي هناك << اووم اللحسه

بس اترك عنك.. والله انك ذيب بن امعط... خلصتها منت مثل هالرخمه اللي هو محاكيك

إقتباس

الرسالة الأصلية كتبت بواسطة الحزين 2008


	الزبــــدة من سالفتي شفت الصخــــرة منزل موضوع عن دائرة حكومية قلت خير و انا ما لي رب ثانك يو و اسف ع الاطالة هع

علشان تعرفون اني قدوة حسنة

ProCotoy · #6 09/02/2009, 05:06 PM

ههههههههههههههههههههههههههه

الله يرجكم ثنينكم

الحزين الف شكر

الصخره لاهو غار منك ماقتدا بك

ĐЯ.3βǪǪĐ · #7 09/02/2009, 07:10 PM

إقتباس

الرسالة الأصلية كتبت بواسطة محب الجنه الخرج


	ههههههههههههههههههههههههه الله يرجك ياشيخ ماشاء الله قصة حياتك مختصرة قلتها اقلك ماتطلع لنا واسطة يغيرون احوالي بطاقتي من يوم اني املط ومو راضيين يغيرونها بسبب 6 سنوات باقية مشكلة اللي ماعنده ابو عبدالعزيز على فكرة انا ماقريت موضوع الصخرة اللي قلت عنه بروح اقراه شوي ويجيك الصخرة يرد على موضوعك هم ثلاثة بالمجلس من يوم يسمعون يوزراتهم تلقاهم موجودين <<<<<<<<مسوي ميانة تقبل مروري <<<<<من طرف ابو عبدالعزيز

هلا و غلا

<<< لانك ولد قلب

حلو من هم الاثنين الباقين

خلهم يرفعون روايتي

تقبلته <<< ابو محمد

ĐЯ.3βǪǪĐ · #8 09/02/2009, 07:11 PM

إقتباس

الرسالة الأصلية كتبت بواسطة دق التحيه معك هلاليه


	ههههههههههههههههههههههههه عليك قصه تجننننننن...

و انتي عليتس مرور يجنننننن

<<وردة بس لانتس بنية

ĐЯ.3βǪǪĐ · #9 09/02/2009, 07:12 PM

إقتباس

الرسالة الأصلية كتبت بواسطة عاشق الابداع 10


	سلام عندي سؤال اخوي الحين انا عندي جواز وابي اطلع اثبات جديد كيف عادي لو اروح لم الاحوال واقولهم ابي بطاقه جديده بدل ذي ؟؟؟؟؟؟

وراك مستعجل كذا

رح للجوازات و قل لهم ابي اطلع جواز

بيقولون جب اثباتك

عطهم اثباتك و لازم يكون الشكل القديم ابو اطراف بيضا

بيقولون / يا الله ما يصير لازم جديد

بعطونك ورقة تجديد

رح للاحوال و امسك سرا لمدة لا تزيد عن شهر

لك

ĐЯ.3βǪǪĐ · #10 09/02/2009, 07:16 PM

إقتباس

الرسالة الأصلية كتبت بواسطة الـصـخـرة


	معقووووووووووووووووووووووله ؟؟ .................... قسـم انا من بعد الغداء واذني اليسار فيها ( وشّـه ) حاس ان احد جايب طاري الـصـخـرة أثاريك انت يا ( هيس بن اربد ) تيّب سلفني يوزرك الى باكر خلني اروح اخلّص هالمعاملة حقتي اللي عيّت لاتخلص << مسوي ذكي والا خل ابوعبدالعزيز يقابلني الليله علشان اسأله وش اسم ابوعبدالعزيز حقهم الثاني اللي هناك << اووم اللحسه بس اترك عنك.. والله انك ذيب بن امعط... خلصتها منت مثل هالرخمه اللي هو محاكيك علشان تعرفون اني قدوة حسنة

انت لي شهر احتريك

حالفن ما ارد الا بعد ما ترد انت

يا اخي ما قوى قلبي على تنزيل موضوعي غير موضوعك اللي قبل امس مدري متى

انت اطلق قدوة في كتابة المواضيع

حتى قلدتك ف الذبات

احبك ف الله يا رجل

بس من ناحية القدوة

اخالفك الراي يا ابو فهد مدري فهد مدري وش اسمك الصدزي

هي من باب (وراه ما لنا رب حنا بعد)

ĐЯ.3βǪǪĐ · #11 09/02/2009, 07:18 PM

إقتباس

الرسالة الأصلية كتبت بواسطة عبدالعزيز الجبر


	ههههههههههههههههههههههههههه الله يرجكم ثنينكم الحزين الف شكر الصخره لاهو غار منك ماقتدا بك

هههههههههههههههههههههـ

يعجبني الفاهم

عشان الصخرة لا يصير مغرور

بعدين خفت دمه تتحول لبثارة <<< و الله خايف عليك يالصخرة

يسلمو حبيبي ع المرور

тħέ Eήđ . . ! · #12 09/02/2009, 08:29 PM

إقتباس


	رحت و طرقت الباب

هههههههههههههه .. صدق عٍٍٍـآد طرقت البًًـآب أجل ؟

<< يآعلي تدقيـٍٍٍـق

إقتباس


	و شسمه و طلعت جواز و سافرنا و شسمه بعد ايه صح رجعنا

[FONT="Arial"]يآحظكم

..

إلى مآقلتلي وين سآفرتوآ له ..؟

<< أعـآني من اللقآفه الزآيدهـ

<

صرآحه قصتك فلله وأتوقـٍٍٍـع إن لو كآن معك * وآسطه ..

قبل لآتدخل كآن يومين وأمورك خآلصه ولآ ..؟

بس مشي حآلك نص الشعب السعودي يعآني من هالي صآر لك

أتحفنـآ بجديدكـ

..[/FONT]

كان هنا · #13 09/02/2009, 08:39 PM

لقد اني استمعت مرتن بالحيل

،،
أضحك الله ضرسك ..
وبئس القدوة والله الصخرة

..

Fahad Al Sudais · #14 09/02/2009, 09:45 PM

إقتباس

الرسالة الأصلية كتبت بواسطة كان هنا


	لقد اني استمعت مرتن بالحيل ،، أضحك الله ضرسك .. وبئس القدوة والله الصخرة ..

<< فيس طايرتن بوهته

<< انا صار لازم ودّعكن

هلالــ9ــي · #15 09/02/2009, 10:04 PM

معليش أخوي أرجوا أنك ماتفهمني غلط بس عندي أحساس إن

سالفتك صاروخ كبير

طبعا منعا للانبراش الغير محسوب ابقولك السبب

أنا صارت لي نفس السالفه بالضبط وما أخذت البطاقه أكثر من يوم

بس طبعا صياغتك للصاروخ ممتع جداً