لغتك الام عربي وتبي تتعلم طبيعي تخطي وتعيد وتكرر وتاكل بعض الحروف
بس طبعا الشئ ما يستمر راح يتصحح مع الوقت
الله يوفقنا جميعا
الشئ انا أعيشة الاَن

إقتباس should get a girlfriend live with her she'll help you

الله يهديك بس شلي يخاوي بنات

ياولد احمد ربك انك عند امريكان لغتهم ذي


لا تستح تكلم ارطن على قولتهم

مهو انا رامين نفسي بالهند عندهم اكثر من 26 لغه وش احفظ وش اخلى


ههههههههههه

شوف يا حبيبي
اول شي شف لك شخص اجنبي وحاول تتلزق فيه حتى لو كان اضعف منك لغويا وهذا الافضل
انا بديت كذا
فيه شخص ياباني انا كنت احسن منه شوي في النطق وهو كان احسن مني في الرايتنق طبعا جلست معاه اربع شهور نطلع ونجي مع بعض والولد حبوب وهلالي فتعلمت منه كثير وصحيح كنت انحرج لما تكلم انجليزي في مكان عام حتى في مطعم لكن حاليا ولله الحمد فيه تطور كبير وصرت اطلب واشارك في الكلاس
نصيحه لك اذا كان فيه مطعم حولك حاول انك تحفظ الطلب اللي بتطلبه وتطلبه ببصوت عالي اكثر من مره واكثر من يوم وبالتالي تعود نفسك على الكلام بصوت عالي .. وبالنسبة للأخطاء كلنا وكلهم يخطون حتى الاجانب نفسهم عندهم أخطاء في اللغة " الصحيحة " الله يوفق الجميع ان شاء الله
اخوك نايف من ملبورن استراليا

هلا خيو بقولك عن مشكلتى وهى نفس مشكلتك


اولاً انا كنت ادرس لغة سنتنين وكانت فى السعوديه لكن المدرسين اوربين المهم
كنت انا الوحيد الى فى الكلاس الى كنت داج وكانوا الشباب يطقطقون وكنت اقول فى خاطري وش ذولى من وين تعلموا المهم اكتشفت بعدين انهم مع جنبها لكن كانوا احسن منى كانوا يتكلمون ويخطون ويتعلمون بسرعة

المهم ظلت معى هالحاله الخجل انى اخطى سنتنين وكنت ادرس بشكل غير طبيعى وكنت اجيب درجات ممتازه لكن المشكله عندى هى الكلام المهم

يوم خلصت السنتنين رحنا للعمل الوكاد رئيسي حطنى مع واحد اجنبى وقال خلاص انت راح تشتغل مع هذا واقعد مع ذا الاجنبى شهر مااقوله الا صباح الخير وثنكيوا و اوكية لوووووووول

عاد من جد زهقت ابى اسأله متى نخلص الشغل ولا وين شغلتنا ولا متى ننحاش للبيت لوول

واققووم اسأله شوى شوى وابد انطلق لسانى يولد وقلت فى خاطرى يليتنى متكلم ذاك الايام يومنى ادرس كان استفدت اكثر

المهم بعد مرور خمس سنوات فى العمل الحمد الله لغتى جيد وتكاد تكون ممتازه
لكن الجرأه عنصر مهم وانت رايح تتعلم فنصيحه منى اسأل
اول شى انفرد بواحد وتكلم معه وشوي شوى تكلم مع زملائك ومع الناس الى حولك وبعدين بتشووف شوى شوى لسانك ينطلق مثل الارنب لوول


اتمنى لك التوفيق

إقتباس hey man dont be shy you just go say any thing if its wrong or should get a girlfriend live with her she'll help you

ههههههههههههههههههههه
عليكـ نصيحهـ
ما رح ازيد على الي قالوه الاخوان
مع اني مو مغترب بس
عندي لغه ودي اطبقها بس مادري وين

اخوي السلام عليكم

لايضيق صدرك يابعدي هذا شي طبيعي

بس انت حاول تتكلم بطريقتك كيف يعني

اذا كنت مع عائله امسك احد منهم وقله نبي نسولف وانا اخطي كثير وابيك تصحح لي

كذا انت راح تتهئي نفسياً حلوو ؟

بعدين كل يوم ترجع من الجامعه ابد سولف كيف قضيت يومك يعني افتح موضوع
وعلى شوي شوي راح يكون عندك ثقه وبعدين تبدا تسأل وتتكلم بالمحاضرات ...

ممكن انك تشتري كتاب عن الخجل ويكون بالانجليزي بعد وتحاول انت تستفيد منه

ولا انك تخلي احد من العائله يقرا عليك من الكتاب وتتناقشون فيه ...

وفيه شي ثاني مهم اذا كنت لحالك وتقرا كلمات حاول تقراها بصوت عالي مرا لاتقراها
بينك وبين نفسك لانه ترا يختلف ...

اسأل الله لك التوفيق واتمنى اني اضفت شي