#1  
قديم 12/12/2000, 05:15 AM
زعيــم نشيــط
تاريخ التسجيل: 30/11/2000
المكان: الولايات المتحدة
مشاركات: 680
Wink

سلطان بن فهد يقول سندعم الهلال بكل ما نملك ليشرفنا في أسبانيا

الهدف اللي جا فينا غير صحيح نهائيا ليه؟؟؟؟؟؟

لأن الكورة لما انرفعت من الياباني وقربت توصل عند اللي سجل الهدف راحلها النزهان حتى يقطعها لكن فيه لاعب ياباني كان بجنب النزهان مسكه من يده حتى ما يتحرك طاح النزهان وانكشف الباب قدام الياباني وسجل هدف ،،،، اللي عنده راي ثاني يقول ...

المعلق محمد البكر كان رهيب ،، كان يطمن على طول إن الهلال بيفوز ،، بس يقول هذا موهوب هلالنا اللي نعرفه ،،، الملاحظ من كلامه إنه شاب على مانجوت ،، مرة يقول شوفولكم حل معاه ومرة يقول هذا مانجوت هو اللاعب ابو ركبة اللي في طاش ما طاش .

الجميع في المنصة صفقوا بحرارة لما سجل الغامدي هدف التعادل .

الوليد بن بدر (النصراوي) كان سعيد جدا لما فاز الهلال .

بصراحة ،، الجمهور يروع بالشاشة لدرجة ما كفت معها العدسة تلحق عليه من اليمين واليسار .

المخرج ،،، تعيس تعيس تعيس .

القناة الأولى أتعس أتعس أتعس ،، قايم الظهر صايم ومستعد المباراة بتبدا بتوقيتنا الساعة 12 الظهر ،، الا وذا التلفزيون قاعد يجيبلي سليمان العيدي وفوازير رمضان ،، والقناة الثانية ما توصل هنا وارتفع ظغطي الف .

احتريت دبي الرياضية حتى نقلتها بعد ما خلصت من عندكم وما كنت عارف النتيجة ولا أبي أعرفها ،، ويوم جا الهدف فينا ،، واحد من العيال الله يذكره بالخير شد عليه القولون قمت على طول علشانه فتحت المنتدى وشفت التبريكات وهنينا بعضنا هنا .

انتم بتفحطون بالثمامة ،، وحنا بنفحط بالداون تاون


ومن بطولة لبطولة ،،، الزعيم من يطوله



------------------
عشتم وعـاش الهـلال زعـيـما
   

 

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 04:04 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2018, Jelsoft Enterprises Ltd

Google Plus   Facebook  twitter  youtube