عضو استشاري بمنتدى الرياضة العالمية مشرف سابق بمنتدى الرياضة العربيه والعالميه
تاريخ التسجيل: 15/09/2001
المكان: الـــــــــريـــــــــاض
مشاركات: 2,408
حيا الله المرينغي و الكتالوني و الفلنساوي و الاتلتكاوي و الخيخوني
إقتباس
1/ بـرشلونة , ريآل مدريد / آنتصآرآت متتآلية ، هل سيوآصل آلفريقآن
آلآنتصآرآت توقعآتك ومرئيآتك عن آللقآء .. ؟
ما دام ميسي و روبين يبي يلعبون .. فـ اضمن لكم الفوز للفريقين اكبر العيوب اللي اشوفها على القطبين انهم يعتمدون على الثنائي .. ممكن الريال معذور بحكم ان ما عنده جناح تقليدي بـ الفريق الا روبين ..
إقتباس
2 / آتليتكو مدريد ، آشبيلية / هزآئم متتآلية ومستويآت هزيلة
علمآ آن مبآرآة آشبيلية سوف تكون مع ريآل بيتـس وهي مبآرآة ديربي آلآندلـس توقعآتك للقآئآت .. ؟
اتلتيكو مدريد .. فريق بصراحه ما ادري وش يبي .. زيه زي توتنهام في انكلترا و الفيولا في الكالتشيو .. تجميع نجوم و فريق كـ اسماء تخليك تراهن عليه ان ينافس على اللقب و بـ الاخير نشوف مضاهرات ما لها اول و لا اخر في مدريد علشان تأهلوا للشامبينز لهم 10 سنين و هم ما تأهلو اما مباراه الديربي .. فهي شكل ثاني .. هذي المباراه دايم تصير فيها مشاكل كل مباراه بينهم تصير مشاكل و طقاق و من قوه هياط جمهور البيتيس .. انهم حاجزين سياره فريق اشبيليه اللي تحمل فنايل الفريق و تأخرت المباراه حول نص ساعه
إقتباس
اول حاجة الاستديو حق الجزيرة باااايخ بكل ماتعنيه الكلمة لا من الاخضر بو الريش والا اخوياه الاسبان
الا على الطاري , عندي استفسار / من اللي يجيبونه دايم ؟ يعني منهم ضيوفهم ؟
اول حاجه حيا الله نويصر .. هذا بيتك الثاني و ودي انها ما تصير الزياره الاخيره لك
بالنسبه لـ الاخضر بالريش .. شخص مكروه جدا منا حنا يا المدريدين و البرشلونيين ما ادري عن حبايبنا الفالنساويه ؟؟
الاستديو الاسباني اللي مخليه شين اضافه الى مقدمه الشين ان توقيت مباريات الليغا تصير ورا بعض ... يعني مباراه الريال مثلا تبداء الساعه 7 و بعدها مباراه برشلونه الساعه 10 .. يعني ما تمدي تخلص مباراه الريال الى و بدت مباراه البرسا
إقتباس
ديـل بوسكـي يستدعي 22 لاعب لـ مواجهة أنجلترا
قلوب من هنا الى مدريد .. يا لبى قلبك يا ديل بوسكي مدرب يعرف من وين تؤكل الكتف .. اشوف ان التشكيله اللي اختارها هي صفوه الاسبان من اسبانيا و خارج اسبانيا
1/ بـرشلونة , ريآل مدريد / آنتصآرآت متتآلية ، هل سيوآصل آلفريقآن
آلآنتصآرآت توقعآتك ومرئيآتك عن آللقآء .. ؟
نعم , اتوقع مواصله الانتصارات للفريقين وسوف تكون المُهمه الاسهل لـ " البرسا " نظراً
للفرق بين الفريقين " خيخون " ليس بالفريق الذي يصمد كثيراً صحيح أنه جيد هجوميا ً
لكن ليس بالمثل دفاعياً لـ ذلك لو هاجم " خيخون " سوف يقبل العديد من الاهداف .
,,,
بينما في الاتجاه المُقابل فريق " ريال مدريد " سوف تكون مُهمه أصعب من الغريم " برشلونه "
نظراً للفرق بين " راسينغ " و " خيخون " ويجب على دفاع الريال التيقن جيداً لـ " بيريرا " لاعب
سريع ومُزعج للغايه وأيضا فارع الطول " زيكتش " يجب علي قلوب الدفاع مُحاصرته جيداً .
,,,,,,,,,,,,
إقتباس
2 / آتليتكو مدريد ، آشبيلية / هزآئم متتآلية ومستويآت هزيلة
علمآ آن مبآرآة آشبيلية سوف تكون مع ريآل بيتـس وهي مبآرآة ديربي آلآندلـس
توقعآتك للقآئآت .. ؟
" أشبيليه " فريق جيد هذا الموسم ويقدم كره جميله بـ غض النظر عن النتائج وزياده على ذلك
يحتل المركز " الثالث " ولكن دائماً يكون " ديربي الاندلس " مُثير جداً وأتوقع ينتهي 1-1
,,,
وأما " أتلتيكو مدريد " صراحه يؤلمني أشوفه كيذا فريق يمتلك نجوم لكن لا أدري أين المشكله
وهو من الفرق الممُتعه صراحه لكن بدون نتائج .
,,,,,,,,,,,,
إقتباس
3 / فيآريآل ، فآلنسيآ / مستويآت متذبذبة مرة فوز ومرة خسآرة
آدلو بدلوك وتحدث عن آللقآئين .. ؟
صراحه هالفريقين غريبين جداً مره فوز ومره خساره ومره تعادل يعني مايستمرون على نفس الاداء
وبالذات " فياريال " هذا الموسم صراحه غريب الي يحصل له هزائم بالجمله ونقاط كثيره تضيع منه بسهوله
,,,
أما " فالينسيا " نفس الشيء فريق لايثبت على مستوى واحد لكنه أفضل من حال " فياريال " ولكن بالنهايه
الحقيقه لابد منها " فالينسيا " ليس فالينسيا " قبل ثلاث سنوات أو أربع كان فريق ممُتع .
=======================
" أنس " & " عبد العزيز " .. أمتعتم فـ أقنعتم شكراً
مبارة باعتقادي في المتناول ، خيخون من الصعوبة أن يصمد أم دك برشلونة المتواصل ، هدف مبكر يعني نهاية المباراة لبرشلونة ، طبعاً رفع كرت داني وامكانية شفاء بويول فك أزمة الدفاع ، الملك للحين عنده مشاكل معوية عساها بجودينسون ولاجت فيه لاكن ان شاء الله يطيب قبل المتش لأني أعتبره اهم لاعب بالبرشا بالتساوي مع ليو . اممممممم كنتيجة ممكن 3 أو 4 حرام حاطين فيهم 6 بأرضهم لازم نرحمهم ، خيخون لايملك شي ليعقد الحياة على برشلونة بهالمباراة .
من بداية الموسم وبكل البطولات برشلونة أحرز 99 هدف ونحن لازلنا بمنتصف الموسم المئوية وأكثر بلقاء الأحد ان شاء الله .
الريال vs بيتيس
طبعاً واصل برشلونة تقديم الهدايا للريال وهالمرة مونيتس كابتن الراسينغ ضحية هالهدايا ، مباراة أشوف أن الريال بيفوز فيها فوز صعب والتعادل وراد جداً .
ديربي الأندلس من المباريات اللي أحرص على مشاهدتها جماهير مجنونة وحماس كبير من الفريقين ، أتمناها تنتهي 3-3 أو 4-3 تكون مليانة أهداف لاكن توقعي 2-0 لاشبيلية .
أوساسونا بيرقع الفالنس وبيتقدم للمناطق الدافئة ، فياريال مبارة في المتناول ، والتعادل يمكن يحكم مباراة الريكي والأتلتي .
يالبى الأسد والبرشا اللي قاعدين على قلوب بعض الناس
أختيرت التشكلية { المثالية } لـ منتخب أفريقيا من 54 دولة أفريقية .. وضمت التشكلية نجوم الدوري الأسباني { ايتو & كاميني & يايا توريه } .. وغاب عنها نجم نادي أشبيليه { كانوتيه }
يعطيكم العافيه انس وعبد العزيز وماقصرتوا على التقديم للجولة .
بداية مع ضيفنا خفيف الظل ناصر الله يحييك في اي وقت ، وترى كاميني انطرد المباراة الماضية قدام ريكرياتيفو وماراح يلعب ، يعني عادي لو شجعت اسبانيول ضد خيتافي وبعدين هذولا الابن العاق لكاتالونيا والمفروض تشجعهم يالمدريدي .
نجي للمباريات والبداية مع برشلونه وسبورتينغ :
مباراة من الناحية النظريه سهلة للمتصدر والثلاث نقاط شبه مضمونة لبرشلونه ... سيناريو معروف للمباراة ضغط هجومي من برشلونه ودفاع بحت من خيخون مع الاعتماد على الهجمات المرتدة وهدف مبكر من البداية لو حصل ممكن نشوف مهرجان اهداف مثل مباراة الذهاب .
ريال مدريد - راسينغ :
وضع مشابه لمباراة برشلونه ... راسينغ قدم مباراة قوية ضد البرسا ولكن هذي المباراة خارج ارضه يعني الوضع مختلف ... الريال ممكن يواجه بعض الصعوبات في المباراة ولكن في النهاية فوز متوقع بنسبة كبيرة والنقاط الثلاث .
اشبيليه - ريال بيتيس :
ديربي الاندلس ... ديربي المشاكل والبطاقات الملونة داخل الملعب وحرب جماهيرية في المدرجات كالعادة ، مباراة صعبة للفريقين اشبيليه هو الاقرب للفوز لكن اتوقعها تنتهي بالتعادل .
بالنسبة لباقي المباريات ، اتلتيكو مدريد بداية جديدة مع المدرب الجديد واتوقعها عودة قوية لهم والثلاث نقاط في ملعب ريكرياتيفو ، وفالنسيا وفياريال سيكون لهم الفوز وان كانت مهمة الخفافيش لن تكون سهلة في ملعب اوساسونا .
يا سلام سلم الواد ناصر بيتكلم <=== قاعد يسمع احمد الطيب
الا صحيح وينه هالمعلق احسن من اولالالالالالالالالالالالالالالالالا
حياكم الله يا شباب
ما ادري ليه ماسكه معي اتكي بهالاستديو لين يتقفل , بخاطري مليون شي عن الليقا والان انا في مزاج ممتاز اني اناقش امور الاسبان هنا
اقلط اقلط .. تيكيلا والا شاهي ؟
اول حاجة الاستديو حق الجزيرة باااايخ بكل ماتعنيه الكلمة لا من الاخضر بو الريش والا اخوياه الاسبان الا على الطاري , عندي استفسار / من اللي يجيبونه دايم ؟ يعني منهم ضيوفهم ؟
الايطالي فيه هشام الخلصي ومع مالديني الميلاني والتوبولي الانتراوي ونبيل معلول العقلاني <==== احسن يالنثر
فياليت تعطوني نبذة عن حقين الاستديو
الثابت او المعتاد .. يكون في الاستوديو الاخضر بالريش ومخاوي الليل طارق ذياب .. ولكن في الاستوديوهات الخاصه ( ملخص الليقا يوم الثلاثا ++ واحياناااااا اذا كان عندهم فايض في الميزانيه يجيبو ناس في استوديو ليلة السبت ) احيانا يجي لاعب جزائري او مغربي ماعرفت اسمه ليومك
يجيبو احيانا رابح ماجر
تيري فينابلز مدرب برشلونه في منتصف الثمانينات
بويو حارس الريال القديم
بورجوس حارس اتلتيكو مدريد السابق .. هذا مره بعد خلوه يغني لأن من قبل لايعتزل وهو مسوي له فرقة روك ..
و باكيرو اللاعب السابق في برشلونه
بس هذولي مايجو بشكل دائم .. ممكن بويو ورابح وفينابلز اكثر ناس يجو ..
اكثر ناس تحس عندهم نظره فنيه فينابلز وباكيرو .. مع انه باكيرو ماجا الا في الكلاسيكو .. فينابلز جا في الكلاسيكو واستوديوهات يوم الثلاثا مع رابح ماجر ..
اما الباقي .. مملين واجد .. وهالشئ طبعا سببه الاكبر الاخشر بالريض ( ترى متعمد لاتقولو بتقفطوني خخخ )
لكن هذا ابو المكياج .. يجي .. اممممممم .. نعم .. امممممم .. حسنا .. والا يقهرني .. انه طارق ذياب المفروض هو المحلل والا عنده نظره فنيه ويسترسل فيها .. لكن نشوف الاخضر هو الا يمهد له في النقاط ويقاطعه على كيف كيفك ..
ياحظكم في نبيل معلول بس << القلب لكلمة بس مو لنبيل ..
<<< تحسو الصور قديمه صح .. الشعر غير وكل شئ غير خخخخ
= = =
ريـال مدريد Vs رآسينق سآنتآندير
على فكرة يا شباب تراني اكره راسنق ذولا لان اذكر ان معهم لاعب يهودي اسمه بنجامين ومركزه محور وعييير اصلا حتى لبسهم بايخ مسوين فيها ريال بيتس وما يعرفون يعني ان شاء الله مدريد يصلخونهم صلخ للمعلومية , كل واحد عنده عيوب سقيمة انا عندي عيب سقيم ويعرفه خالد ( تورام ) زين عيبي وبكل بساطة اني اكره فرق بايخه يعني اللي اكرهم ( بولتون + سندرلاند + فولهام ) بالبريمر وبالليقا ( راسنق + اسبانيول علشان حارسهم + مايوركا علشان رقم 23 اللي كان معهم قبل سنتين ) ادري انها انواع السقامة وبتقولون الله اكبر من انت علشان نعرف ميولك يا اللي ذابحنا بس علشان احطكم بالصورة لاني ابسير عليكم واااجد وان شاء الله اكون ضيف خفيف عليكم
والله انا يا ناصر احسك جمل اذا حقدت خلاص لا احد يدانيك .. على فكره اظن بنجامين كان في بيتيس مو الراسينق .. كان اسمر وشعره شوي مجدل كأنه بوب مارلي .. بن عيون حق الليفر كان في الراسينق اذا ماكنت غلطان ..
آشبيلية Vs ريآل بيتـس
اشبيله بالطريق انه يكون ديبرتيفو لاكورنا ثاني بدأ بقوة وانجازات بعدين بيكون نادي من اندية الوسط
مااعتقد يا ناصر .. اشبيليه عنده خط صناعي من المواهب .. سياسته ماديه اكثر من ديبورتيفو اعتقد .. ديبورتيفو كان عليه ديون اظن .. بس اشبيليه من الناحيه الماديه شغالين صح .. صحيح طلعو من عندهم لعيبه كثار بس اتوقع ممكن يرجعو شوي شوي .. لكن مو لدرجة ان يتراجعو مثل ماتراجعو الديبور ..
خيتآفي Vs آسبآنيول
يارب خيتافي علشان حارس اسبانيول الكاميروني يخرب بيته معقدني من زمان زيدان وفيجو وبيكهام ورنالدو يمزعونه بكل زاوية ويرد كل كورهم ويزعل لو جاء هدف بس برشلونه لو يناولونه كورة يخليها هدف
روح عنيييييي ناصر كاميني يهودي ترى اذا شاف ايتو كأنه شايف موزه .. يصيده يصيده .. كاميني بصراحه يستقعد للكل .. وركز زين بتشوف انه هالحارس فاهم المنافسه غلط اقصد صح
بلد آلوليد Vs آتليتك بيلبآو
لو المباراة على ارض بلباو بتكون جو ثاني بس ودي بلد الوليد يفوزون علشان الوليد ذا شكله من اللي فتحو الاندلس
من الا فتحو الاندلس اجل هههههههههه .. بلد الوليد الصراحه طريقة لعبهم محترمه واجد ويقدر على بلباو
برشـلونـة Vs سبورتينق خيخـون
" اتوقع 6 - 0 برشلونه " خير الكلام ماقل ودل يعني ههههههههه ..
والله اشوف انه فريق ابو خريون بدأ يتأقلم على الدرجه الاولى وهو قادر على خطف شئ من الكامب نو .. خصوصا وان الفريق حاليا قاعد يمر بضغط كبير من المباريات ..
= = =
في الختام , انا شغلي الشاغل بهالاستديو اني اناشب البرشلونيين ياويلكم وياسواد ليلكم مني خصوصا اللي يحطون صورة ايتو
That moment, when you realize the inevitable beat up is about to happen
The legacy that Xavi, Puyol and other veterans of this team will leave, Sergio will carry on. He will be responsible for integrating new players and will not even need to talk. Just watching his behaviour, everyone will see how things are done in this club
الحراسه // Iker Casillas (Real Madrid) - José Manuel Reina (Liverpool)
الدفـاع // Raúl Albiol - Carlos Marchena (Valencia) Álvaro Arbeloa (Liverpool) Joan Capdevila (Villarreal) Juan Gutiérrez, "Juanito" (Real Betis) Gerard Piqué - Carles Puyol (FC Barcelona) Sergio Ramos (Real Madrid)
الـوسط // Xabi Alonso - Albert Riera (Liverpool), Sergi Busquets - Xavi Hernández - Andrés Iniesta (Barcelona), Santiago Cazorla - Marcos Senna (Villarreal) David Silva (Valencia).
الهجـوم // Daniel Güiza (Fenerbahce) Fernando Llorente (Athletic) Fernando Torres (Liverpool) y David Villa (Valencia).
قويزا على انه هداف جيد .. لكن احس لاسبانيا بالذات المفروض ماياخذوه ثقيل مقارنة بباقي اللاعبين .. خصوصا ان قوة اسبانيا في النص اكثر .. يعني لو اخذ خواكين .. او ارتيتا احسن عندي بدل لاياخذ قويزا .. ويورينتي مهاجم عنده امكانيات بدنيه كبيره وللمستقبل يعني .. ان شاء الله يبدع
اما مارتشينا .. ماكان ودي ياخذه .. اوكي هو خبره .. لكن اعتقد مثل ماسوى اراقونيس باستبعاده لراؤول واعطى الثقه للدماء الجديده .. اعتقد مارتشينا يحتاج يبتعد عن المنتخب لين مايرجع مستواه .. ويعطو الى اموربييتا مدافع بلباو فرصه اكبر لأن الولد عنده الموهبه .. او يجيب كويار مدافع استون فيلا او وست هام نسيت .. يعني يجرب لاعبين مختلفين ويشوف وضعهم ..
That moment, when you realize the inevitable beat up is about to happen
The legacy that Xavi, Puyol and other veterans of this team will leave, Sergio will carry on. He will be responsible for integrating new players and will not even need to talk. Just watching his behaviour, everyone will see how things are done in this club
الإسبوع إلي راح صار الحدث التاريخي ّ بـ الريال وهو وصول راعول ّ لـ القول الـ 307 وبكذا يساوي رقم ّ دي ستيفانو ّ واليوم شكله ّ بـ يعديه ّ ضد الراسينغ ّ بـ النسبة لـ مباراة اليوم المباراة ّ راح تكون مباراة سهله نسبياً إذا نظرنا إن الفريق
راح يلعب بـ البرنابيو والفريق واصل لـ مستوى ممتاز من حيث النتائج والإداء ّ لكن المشكله اليوم إن الريال بـ يلعب بدون قوة الهجوميه روبين وبـ نشوف كيف خواندي ّ يتصرف بـ غياب روبين ّ , بـ النسبة لـ الراسينغ يعتمد كثير على زيقتش بـ الكور الطويله ّ يا عرضيات أو كور تجيه طويله من الدفاع وينزلها لـ الإعبين ّ
تشكيلة الدفاع ّ ماراح تتغير إكيد زي المباريات الجايه ّ , اليوم كنكن & بيبي َ عليهم دور كبير ّ بـ رقابة زيقتش وتكون مراقبة man to man ماتكون متبادله لإنها تسبب مشكله وتصير فيها إتكاليه ّ بينهم وتصير فيها غلطات ّ واجد عشان كذا نبيها مان تو مان وياحبذا ّ يكون بيبي معه علشان الكرات العالية ّ
كنكن لازم يراقب مونيتس ّ وينتبه هـ الإعب ذكي ومناولاته ّ قاتله وبعد عرضياتهُ راموس الظهير اليمين لازم اليوم يكون له دورهجومي إكثر من هاينزه , هاينزه يذبحنا إذا تقدم مافيه فاعليه إبد , لكن لازم ينتبهون لـ الإجنحه والكور العرضيه إلي تجي لـ زيقتش << ماصار زيقتش ذا , هذا هجومهم من رجع وهم فالينها
اليوم غياب القوة الضاربه بـ الوسط إلي هو روبين ّ وبعد غياب جاجو عن المحور ّ , أتوقع خواندي راح يدخل بـ لاس مع ويرجع شنايدر لـ الوسط مع لاس لإنه عنده النزعه الهجوميه إكثر من خافي جارسيا ّ مب معقول ّ إني إبدأ بـ محورين دفاعين تقريباً ضد راسينغ , كذا إفضل شنايدر & لاس
وبعدين ودنا نشوف شنايدر بـ النص وبـ إدوار هجوميه ّ كوده يقدم شئ من مستواة الإولي ومتفائل فيه اليوم ّ إن شاء الله , روبين يمكن يلعب ترا مع إنه ماودي يلعب خلونا نريحه ّ شوي , إتوقع يدخل فوبيرت ّ يمين محل روبين ّ وبعد دخول فارت اليوم بـ الجناح الإيسر ّ , إعتقد هذا إفضل الموجودّ
الهجوم بعد صارله فترة نفسه هيغو & راؤول نبي منهم فاعليه إكثر خصوصاً هيغو ّ إلي من رجعنا من العطله الشتويه وهو ماله حس وعادي كل لاعب يصير له drop بـ مستواه , راؤول اليوم راح يسجل إتوقع جوله 308 بـ إي طريقة ّ
كانت , اتمنى من خواندي إعطاء الفرصه لـ هونتر ّ إكثر علشان تتاح له الفرصه لـ التسجيل والدخول لـ جو المباريات مع الريال , لإننا نحتاجه خصوصاً بـ الدوري لإنه ماراح يلعب بـ الإبطال وعشان كذا مفروض نستغله ونريح المهاجمين لـ الإبطال
مبـارة أتوقـع انها في متنـاول يد الريال .. صحيح ان راسينغ فريق عنيد ومقدم اداء كويـس خصوصـاً الأسبـوع المـاضي ضد برشلونـة ، ولكـن الريال على أرضــه مـا يعرف طعم الخســارة ، اتـوقع ان الـراسينغ راح يدخل بـ كتلة كبيرة من الحماس وممكـن يـزعج الريال في المبـارة امـا بالتسجيـل في البداية ، أو في حـالة تقدم الريال بالنتيجـة يتعـادل ، فريـق راح يفقد لاعبيـن مهمين جداً أولهم مونتيس الي أخذ الكـرت الأصفـر الخامس في مبـارة برشلونة ، والـلاعب الثاني ولدنـا جـاراي المـــعار الى راسينغ حتى نهـاية الموسم .. اما الريال ممكن يعـاني من غياب فرنـاندو جـاجو بسبب الكـرت الأحمر في مبارة نومـانسيا وايضـاً آريين روبين والي متوقـع انه ما يبـدأ المبـارة بسبب انه كان مصاب بالأنفلونزا الحـادة وما تدرب مع الفريــق الى يوم الجمعـة .. أتوقــع يدخل خواندي بـ هذا التشكيــل
الإتحـآد الكتلوني يرفع الإيقآف عن ألفيس و يقول لـ جآجو ما فيه .. والله مهزلة ..
إقتباس
هلْ من جديد ْ ؟!
.
يا سلام سلم الواد ناصر بيتكلم <=== قاعد يسمع احمد الطيب
منوّر أخوي ناصر ..
في الختام , انا شغلي الشاغل بهالاستديو اني اناشب البرشلونيين ياويلكم وياسواد ليلكم مني خصوصا اللي يحطون صورة ايتو
كل شيء منّك حلو .. حتى لو تنشب ولا تحجّر .. منوّر مرة ثانية .. وياليت ما يكون حظورك الأخير ..
.
مباراة كادت أن تكون صعبة ! لو لا حلّ أزمة الدفاع .. ما أتوقّع تشكّل صعوبة على البرسا .. صحيح إن خيخون لديه أكثر من مفتاح هجومي .. وصعب إذا هاجم .. لكن الدّفاع بتاعهم موب ذاك الزّود .. وما عندهم جرأة الهجوم أمام البرسَـا .. خصوصاً بالكامب نو .. أتمنّى من بيب يلعب بـ ألفيس من بداية المباراة .. ويطلعه إذا ضمن المباراة .. ما أدري عن جاهزيّة بويول .. لكن من الأخبار إنه رجع للتمرينات .. بالنّسبة لـ بيب .. صراحةً مادري وش يحس به ! في بعض الأحيان مادري وش أساس تقييمه للاعبين ! على سبيل المثال .. تفضيل جودي على هليب ،، جودي أُعطي الفرصة أكثر من مرّة ولا قدّم المستوى المطلوب .. وهليب إذا ما كنت ناسي صرّح تصريح بإنه موب راضي عن حاله الآن وإذا استمرّ ممكن يغادر الفريق بـ الصيف ..
حقيقةً .. إفتقدنا بعضاً من بريق برسا الدّور الأول .. صحيحٌ أن العقلانيّة والواقعيّة تجعل عودة الرباعيّات والخماسيّات طيلة موسم ! ضرب من الخيال ! وأضغاث أحلام .. لكن نريد أن يعود أداء البرسا كما كان .. البرسا في أواخر المباريات لم يقدّم ذلك المستوى .. صحيح أنه تطور من وجهة نظري .. لأن الفريق أصبح قادراً على الفوز بلا مستوى وبوااقعيّة كبيرة - بعكس ماكان مع طيّب الذكر رايكارد - لكن أنا أتكلّم عن نهج فريق و أداء .. بالتوفيق للبرسا ..
بالنّسبة للأسئلة النقاشيّـة ..
1/ بـرشلونة , ريآل مدريد / آنتصآرآت متتآلية ، هل سيوآصل آلفريقآن آلآنتصآرآت توقعآتك ومرئيآتك عن آللقآء .. ؟
أتوقّع إستمرار إنتصارات البرسا .. وأتوقّع أيضاً تعثّر الريال ..
2 / آتليتكو مدريد ، آشبيلية / هزآئم متتآلية ومستويآت هزيلة علمآ آن مبآرآة آشبيلية سوف تكون مع ريآل بيتـس وهي مبآرآة ديربي آلآندلـس توقعآتك للقآئآت .. ؟
أتليتكو فريق مُميّز .. ويملك نجوم رائعين ،، لكن أغيري ما قدر يوظّف النجوم ولا يستفيد منهم ..الآن وبعد إقالة أغيري المنتظرة ! ننتظر أتليتكو قوي ومنافس جيّد ..
إشبيلية فريق مميّز ، أتوقع فوزه بالديربي ..
3 / فيآريآل ، فآلنسيآ / مستويآت متذبذبة مرة فوز ومرة خسآرة آدلو بدلوك وتحدث عن آللقآئين .. ؟
![][ لاليغا 22 ][ الريال بالراسينغ يكمل .. البرسا يواصل التحطيم .. الدربي لونه اخضر ][ متابعة ][](iconimages/t714124_rtl.gif)
-----
} في استديو الليغا 
احسن من اولالالالالالالالالالالالالالالالالا 
عيبي وبكل بساطة اني اكره فرق بايخه 
الوضع العادي
