#1  
قديم 04/02/2009, 11:03 AM
الصورة الرمزية الخاصة بـ مـوت ومـيـلآد !
زعيــم مميــز
تاريخ التسجيل: 22/12/2008
المكان: روما البدايات وآخر ساحل ومينا *
مشاركات: 5,084
Unhappy ســــعـــوديــــات......

بطله بطله بطله
عااااااااااااااااااااااااااااشت كاتبه الموضووع
بصراحه خطيره وتستاهل بوووس على .على .على.خدهــا لبى قلبها




كان يا ما كان

قبل 10 سنوات او حولها

كنا لما نمشي في ديرتنا ونشوف اجنبيه فاتشه

تطير عيوننا .. نقول وش هذي .. يا ساتر ..

كان يا ما كان

قبل ثلاثة ايام

افتح ايميلي واشوف رساله من قروب مشهور... صور لبنات ويتفاخرون انهم سعوديات

السعوديه فخر بس للأسف ما يستاهلون يرفعون هذا المسمى على الصور الي كانوا طالعين فيها

مثال ..

صورتين

لـ 6او 7 بنات..صافين..عالجدار وملقينا ظهورهم..ومرفعين يدينهم (كأنهم معاقبات).. ومنزلين البنطلون..ونص البتاع طالعه..



قله الحيا هذي مهيب مقبوله!!

10 سنوات فتره موب قليله ..

كيف وصلنا لهذي الدرجه من فراغ الاخلاق . ؟؟


الصيف اللي راح.. للأسف غلطنا ورحنا مصر .. وما ادراك ما مصر ..

مع الحرص الشديد الحمد لله للابتعاد عن اماكن الفساد .. لأن يوجد فيها فساد اكثر من الدول الغير عربيه صراحه!!

ويلومننا ليه نكره الدول العربيه!


رحنا لمطعم سقيم..طلع فيه واحد عالستيج.. ومسك المايك وقال((احلى تحيه لشعب السعوديه))

وتصفيييييييييق..!!


لحقونا بعد شوي الشعب الاماراتي والكويتي..


بس السعوديه عادها يمكن 6 مرات..


جلست افكر.. ليه يعني حنا اكثر؟؟

فكرو فيها شوي.. لين يخلص الموضوع بعدين جاوبو..


......
ارجع الحين لصلب الموضوع..

ليش صرنا نشوف صور كثيره.. وعناوين الصور((سعوديات..سعوديات..سعوديات))


لو نتفرج عالصور..


نلقى رجول..


نلقى جزم!


نلقى اساور خضرا<<يعني ترا حنا سعوديات..



والفيس بوك عاد..والهاي فايف.. انواع الصور اللي مدري وش اقول عنها


شفايف..


* * *...

عيون..


ونادر ما تلقى وحده حاطه وجهها..



على فكره.. اللي تحط صوره وجهها,, محترمه اكثر من اللي ترزز اشياء ثانيه!!



يعني عشانكم تتغطون..تروحون تصورون ذا الصور..!


تمنيت اني اطيح على بروفايل احد..والقاه حاط اسم كتاب حلو نقراه..خاطره حلوه من كتابته.. موقف مضحك مر فيه..موقف مؤثر..


او اذا كانت او كان.. يعشق التصوير.. ليه يصور هالاشياء السخيفه..؟؟ اللي ما تدل الا على سخافه تفكيره؟؟


ااذا يحب التصوير..ليه ما يحترف..ويصور صور فوتغرافيه احترافيه..وراح يبدع فيها!..


ليه كل اللي اشوفه..بربسه حكي.. واحيانا قله حيا!! لا صراحه.. موب احيانا.. غالبا..

وش هالفضاوه في العقل لدرجه انكم تصورون يدينكم.رجلينكم.. ((شنطكم الماركه))..


يمكن الفضاوه.. اقدر اتقبلها.. او ابلعها..لأن احيانا نسويها حنا انفسنا.. من كثر الفراغ اللي حنا فيه.. او يمكن شكل الصوره حلو..


بس ان الوحده تجي تصور سي مقفاها.. هي وخوياتها.. وكاشخه بالجي سترينق!!

والمنتديات والقروبات السعوديه تتسابق لنشرها ..

الدال عالخير كفاعله.. والشر بعد..


بعدين انتي ياللي مصوره انتي وخوياتك..


يعني انتي همك الوحيد ما يشوفون وجهك عشان محد يعرفك..


بس.. عادي يشوفونه!!


لأن المهم عندك الناس.. موب الله؟؟


طيب صورتك قدام نفسك طيب؟؟ ما تهتز انك سويتي شي حقير ووضيع مثل هالشي؟؟


اصلن اصلن.. كيف صورتو صوره زي كذا.. يعني ما استحيتو من بعض يا بنات؟؟


عيب يعني..يعني عشانكم بنات مع بعض عادي تورون بعض يعني؟؟


ولا اقولكم..انا نسيت انكم ناشرين الصور للعيال..فما يهمكم البنات..



يعني صدق شي يضيق الصدر.. بنات سعوديات مسلمات في مجتمع مثل مجتمعنا يسوون زي كذا..



ودي اعرف امك..وابوك..وش بينظرون لك بعد ذا الصور؟؟

يعني حرام..اهلكم ربوكم احسن تربيه..

بس انتم للأسف ما ربيتو انفسكم..

فيه شي اسمه تربيه النفس.. بس انتم تتبعون اهوائكم.. او خليني اقول مخكم الفاضي!!



ولا قروب ثاني سعودي برضو..والصور اللي ناشرينها..


ذوليك عاد.. متبرقعات..وبعابياتهم..متكحلات..ومسوين حركات غبيه ومصورين..!


طيب؟ وبعدين؟؟ ابي افهم وش الهدف؟؟ مره وناسه؟؟ مره يضحك؟؟ ماااااااااااااااره كوووول انتم صراحه!!



طبعن ترا الكلام موب موجه للبنات فقط.. لأن يوجد عندنا وبكثره رجال عقول فاضيه..


اللي همهم نوم واكل.. وفلوس ياخذها من ابوه ولا امه!



تطورو شوي.. ارتقو شوي..اطلعو بصوره احلى من كذا..



انتم عارفين ان النت اكبر وسيله انتشار..


قبل فتره.. في ام بي سي فور.. تدرون ان في برنامج من برامجها عارض بروفايلات لبنات سعوديات.. باسماءهم.. طبعن موب اسماء حقيقه.. !

بس شوفو الصور انتم! شفايف و * * * * ومدري وشو.. علقو على هالشي باننا متكمكمين بعبايتنا عشان كذا نروح عن انفسنا بذا الطريقه..


ما تستحون؟؟ قبل الغرب اصلن.. صوركم قدام انفسكم!؟ ما تهتز؟؟


انشرو شي حلو,,حاولو تطلعون بشخصياتكم الحقيقيه.. موب تصيرون مثل الامعه اللي يسوي شي عشان يقلد الفنان الفلاني.. ولا البنت الفلانيه..


ليه بس تنشرون الشي الشين؟


انواع المقاطع الشينه تنتشر.. انواع الصور الشينه..


ليه؟ وش استفدت؟؟ غير الذنب والاثم.. انك خليت احد يشوفها.. وانك نشرت شي مو كويس عن المسلمين!



اقولكم شي؟

شفتو كتاب (بنات الرياض) قريته..صراحه كل اللي فيه واقع..اشياء فعلا تصير عندنا..طبعن لفئه معينه من الناس..

بس تدرون ان الكتب تترجم لاكثر من 22 لغه؟؟

تدرون انهم برا يدرسون الكتاب فيه دوله من الدول

يدرسونه؟؟ تخيلو؟؟

رجاء الصانع ما كانت تبي تنشر غسيل.. كانت تبي تفتح عيون الناس على اخطائهم..وتصلح هالاخطاء..


يا حلّو الثقافه اللي يتثقفونها بس!


يعني الحين اللي برا..يدرسون الكتاب كنص سعودي ادبي يمثل حياة السعوديين.. كله سلبيات في سلبيات,,!,,مثلا احنا الحين ندرس..روبنسون كروزو في الجامعه.. على اساس انه نص انجليزي يمثل الحياه الدينيه والسياسيه الاجتماعيه في هذيك الفتره..

هم يدرسون (بنات الرياض) لتمثيل المجتمع السعودي!


انا ما الوم رجاء الصانع على اللي كتبته.. بالعكس انا عاجبني الكتاب من إلى.. وكل اللي كتبته اشوفه بعيني عندنا..

وكل اللي سوو عليه ضجه.. هذولي يبون يعترضون لمجرد الاعتراض..


ليه تعترضون؟؟ لييه؟؟ ما تشوفون بناتكم؟؟ ما تشوفون عيالكم؟؟ ما تشوفون مجتمعكم كيف!!

ليه تنكرون كل اللي بالقصه وانه موب موجود!

الا موجود ونص والدليل هاللي نشوفه بالنت والسوق والجامعه وكل مكان!

رجاء الصانع تبي تصلحكم وتفتح عيونكم على اخطائكم..

لكن موب الغلط في اللي كتبته رجاء.. لكن الغلط في مخ كل من يقرا الروايه!!

شلون الواحد يصلح مجتمعه؟؟ بأنه يكمكم على اغلاطه ولا يحكيها عشان ما ينفضح قدام الاجانب والناس!


بس عادي يدشرون ويخربون وكل شي.. بس ما ينتشر عنهم شي!


ويستمرون بنكران كل قصص الدشاره والصياعه اللي عندنا بحكم اننا سعوديين.. مدري يمكن قصدكم سعوددين= ناس طاهرين!


غلط ! كل دوله بالعالم فيها الصالح والطالح..

البيت الواحد فيه الصالح والطالح..


ما تحبون احد يحكي فيكم ابد.. بالرغم من كل الاغلاط بحياتكم..

رجاء الصانع.. احبك..


قبل فتره سمعت انهم رحلو هشوم الرياض.. الى ديرته الحقيقه(سوريا)

وانه لا يمت للشعب السعودي بصله!

كأن ما عندنا سعوديين من هالجنس!!





ليه ما تصلحون ايميلات تعود لكم بالفايده؟وتحسن سمعتكم! وتظهر الجانب الحلو في كل سعودي وسعوديه؟


بقولكم مثال..لوحده اعرفها شخصيا.. قبل ما ينتهي رمضان.. ارسلت مسج لكل اللي تعرفهم..وقالت انهم بيجمعون فلوس هي وبنات خالاتها.. وبيروحون يشترون العاب..وحلويات.. ويرسلونها لجمعيه الايتام..وفعلا جمعو.. ووصل المبلغ لين 22الف.. كله من بنات عشرينيات في العمر..كلهم تحمسو لهالشي.. كلهم اتشغلو وشرو العاب..وحلويات.. شرو ميك اب..وشرو اشياء ثانويه الجمعيات ما توفرها للمحتاجين والايتام.. يعني البنات فكرو بتفكير مررررره حلو,, فكرو بالاشياء اللي يحتاجونها الفقرا..ويفرحون فيها,, بس ما توفرها لهم الجمعيات لانها مهيب ضروريه مثل الاكل والبيت والملابس,, يعني هالمثال صراحه اوقف واصفق له بحراره.. هذولي هم السعوديات اللي نعرفهم!!



شله شباب..اعرفهم بعد.. طبعن هم نجديين..طالعين لجده..في رحله بحريه..وصادو كميه لا بأس بها من السمك..

تدرون لو بيبيعون هالسمك.. كم يبيجب لهم؟ تقريبا 4 الاف..

بس هم كانت نواياهم اهم من الفلوس..

اخذو هالسمك وودوه لمنطقه فيها ناس فقرا.. وتصدقو..




برضو حمله تبرعات الراجحي..

ترا اكثر من تبرع فيها شباب..


((المواقف مذكوره عشان ابين انو فيه ناس كويسه,,يعني ابين الجانب الايجابيه))


يعني فيه ناس تشتغل.. فيه ناس عندها اهداف..

موب بس بالنت.. حتى برا النت,,

سواء بنات او شباب..

نبغى جيلنا السعودي الجديد ينتشر عنه كل شي حلو..

انا ما اقول انكم ما تنبسطون.. ما تسوون هبال.. بس برضو بحدود..


موب عشانكم ورا الشاشات يعني عادي؟؟


(هياط ورا الشاشه = مرض)


الصور اللي من النوعيه اللي ذكرتها في البدايه.. بطلو تنزلونها النت.. بطلو تحطونها بالبروفايل حقكم.. ترا صدق يعني هالشي ما يبين الا فضاوه عقولكم..لأن هالبروفايل يبين شخصيتك..


اي احد يشوف هالصور..ولا يجيه ايميل من هالنوعيه.. يبطل ينشرها.. لأنها يساعد على انتشار هالظاهره..لأن التقليد عندنا اعمى!!


وابي اتطرق لموضوع بيخش فجأه بس لازم اعلق عليه(( فضيحه بنت .. الخ)) هالنوعيه من الصور والفيدوهات.. ترا عليكم اثم لو نشرتوها..

حرام.. يعني ما تخافون من ربي؟؟

اولن نشرت شي حرام. ثاني شي ما سترت على بنت او ولد الناس..

ما تخاف ربي يفضحك بشي بعد سنه او 2 او 100!!


قال الرسول صلى الله عليه وسلم(من ستر على مؤمن بالدنيا,,ستر الله عليه بالاخره)

اتمنى ان موضوعي هذا ينتشر بنفس الطريقه اللي انتشرت فيها هالصور..


يهمني الموضوع ينتشر في المنتديات السعوديه.. اكثر من المنتديات العربيه..


لأننا نحاول نناقش قضيه سعوديه داخليه..ومافيه مجتمع ما يخلو من الاخطاء..


ابغى اذا احد قال((احلى تحيه لشعب السعوديه)) وعادها 6 او 10 مرات..

اعرف ليه قالها.. واقول معه حق..
.
.
.
.




تناقض المجتمع وتناقض الافكار ينتقل بصوره عجيبه!







..


منقوووول


مع تصفيق حاااااااااااااار لكاتبة الموضووع ...



وبصرااااااااااااااااااااحه هي اللي قالت انشروها وانا اللي علي سويته...


واتمنى الكل يفكر بعقله...
اضافة رد مع اقتباس
  #2  
قديم 04/02/2009, 11:40 AM
الصورة الرمزية الخاصة بـ دمي ازرق واحب الابيض
زعيــم مميــز
تاريخ التسجيل: 26/08/2007
مشاركات: 2,804
الصراحه تجذب القارئ
جذبتني الين ماخلصت الموضوع
والصراحه اهنيها وش اقول مادري وش اقول
اضافة رد مع اقتباس
  #3  
قديم 04/02/2009, 11:41 AM
زعيــم مميــز
تاريخ التسجيل: 13/11/2006
المكان: ๑ دآر كسِاهآ بآلعِز قآيدهِآ *
مشاركات: 4,738
المفروض يكون خليجيات وليس سعوديات

الموضوع مهم جدااا ... لكل البنات ...


::


انا من محبي التصوير ...


::
اشكرج ع هالموضوع ولو انه منقول ...
وكاتبته كاتبه رائعه وتفكر وتحرص على خواتها ...
وانا من هالمنبر اشكرها >>> تتحسب تيلفزون


واشكرج على حسن الانتقاء في النقل
ورده

اخر تعديل كان بواسطة » dal3_uae في يوم » 04/02/2009 عند الساعة » 02:44 PM
اضافة رد مع اقتباس
  #4  
قديم 04/02/2009, 12:04 PM
الصورة الرمزية الخاصة بـ نائبة الملك
زعيــم فعــال
تاريخ التسجيل: 02/12/2008
المكان: ضآيعه
مشاركات: 239
الله يهديهم .. من زين الخشش كل وحدهـ اشين من الثانيه .. اللهم لك الحمد..
يعني ماخذين في نفسهم مقلب ,,
وناقصين عقول ..
وناقصين شخصيه ’’
ومنعدمين بالأخلاق !!

اقسم ىالله.. اذا شفت مقطع عن سعوديات او سعوديين .. يطيح وجهي !!
يعني فضااايح.. يروحون برا وينكبون العفش ..!
اقسم بالله ناقصين عقل ودين واهل وكل شي .. يعني اهلهم مايشوفونهم!

بس هاذي العينه من الناس .. نقطه سوداء في الشعب السعودي !
يعني احنا اهون من دول الخليج الثانيهـ << ماتقصد البحرين والكويت

نعتبر شعب مطوع بالنسبه لهم
احلى الشينين احنا


يعطيك الف عآفيهـ ع النقل هلاليه إيطاليه ..}
تسلملي هالإيد !!
كيف طوني مدري توني << تبي تعلمك انها تعرفه

انتي نقطه بيضاء في الشعب السعودي
اضافة رد مع اقتباس
  #5  
قديم 04/02/2009, 12:20 PM
الصورة الرمزية الخاصة بـ أحلـى هلاليه
زعيــم مميــز
تاريخ التسجيل: 19/04/2008
المكان: الاحساء
مشاركات: 4,323
موضوع مهم
انتزع الحياء من بعض البنات
او بمعنا اصح مايعرفون وشو الحياء

الله يصلحهم يارب
اضافة رد مع اقتباس
  #6  
قديم 04/02/2009, 12:45 PM
الصورة الرمزية الخاصة بـ مـوت ومـيـلآد !
زعيــم مميــز
تاريخ التسجيل: 22/12/2008
المكان: روما البدايات وآخر ساحل ومينا *
مشاركات: 5,084
إقتباس
الرسالة الأصلية كتبت بواسطة دمي ازرق واحب الابيض
الصراحه تجذب القارئ
جذبتني الين ماخلصت الموضوع
والصراحه اهنيها وش اقول مادري وش اقول



مشكور اخوي..

بس تدري وش ابي منك..

انك تنسخ الكلام وتنشره للمنتديات ..بس هذ اللي اطلبه منك ولك جزيل الشكر..

مشكور اخوي على مرورك العطر..
اضافة رد مع اقتباس
  #7  
قديم 04/02/2009, 12:50 PM
الصورة الرمزية الخاصة بـ مـوت ومـيـلآد !
زعيــم مميــز
تاريخ التسجيل: 22/12/2008
المكان: روما البدايات وآخر ساحل ومينا *
مشاركات: 5,084
إقتباس
الرسالة الأصلية كتبت بواسطة dal3_uae
المفروض يكون خليجيات وليس سعوديات

الموضوع مهم جدااا ... لكل البنات ...


::


انا من محبي التصوير ...


::
اشكرج ع هالموضوع ولو انه منقول ...
وكاتبته كاتبه رائعه وتفكر وتحرص على خواتها ...
وانا من هالمنبر اشكرها >>> تتحسب تيلفزون


واشكرج على حسن الانتقاء في النقل
ورده


هي ماكتبت هالكلام الا لما شلفت بعينها من بنات جنسها..

وبصراحه انا ماانكر انه فيه بنات خليجيات بعد من هذ النوع..

واتمنى انك تنصحين كل بنات العالم..

وشي حلو بعد انك تحتفظين بالتصوير لنفسك ..فيه تصوير عن تصوير يختلف..

يعني لو كان تصوير اشياء عاديه هذا انا ماعندي مانع انك تنشرينها لكن الشي اللي ماله داعي لا والله..


تسلميييييييييييييين حبيبتي على مرورك وردك الرااااااائع..

اخر تعديل كان بواسطة » الكلاسيكي في يوم » 04/02/2009 عند الساعة » 02:49 PM
اضافة رد مع اقتباس
  #8  
قديم 04/02/2009, 12:54 PM
الصورة الرمزية الخاصة بـ مـوت ومـيـلآد !
زعيــم مميــز
تاريخ التسجيل: 22/12/2008
المكان: روما البدايات وآخر ساحل ومينا *
مشاركات: 5,084
إقتباس
الرسالة الأصلية كتبت بواسطة نائبة الملك
الله يهديهم .. من زين الخشش كل وحدهـ اشين من الثانيه .. اللهم لك الحمد..
يعني ماخذين في نفسهم مقلب ,,
وناقصين عقول ..
وناقصين شخصيه ’’
ومنعدمين بالأخلاق !!

اقسم ىالله.. اذا شفت مقطع عن سعوديات او سعوديين .. يطيح وجهي !!
يعني فضااايح.. يروحون برا وينكبون العفش ..!
اقسم بالله ناقصين عقل ودين واهل وكل شي .. يعني اهلهم مايشوفونهم!

بس هاذي العينه من الناس .. نقطه سوداء في الشعب السعودي !
يعني احنا اهون من دول الخليج الثانيهـ << ماتقصد البحرين والكويت

نعتبر شعب مطوع بالنسبه لهم
احلى الشينين احنا


يعطيك الف عآفيهـ ع النقل هلاليه إيطاليه ..}
تسلملي هالإيد !!
كيف طوني مدري توني << تبي تعلمك انها تعرفه

انتي نقطه بيضاء في الشعب السعودي



والله مب كل البنات كذا فيه بنات في قمة الادب بس سبحااان الله الشيطان لعب بعقول البنات لعب..

وخلا كل وحده تشوف نفسها انها احلى واحلى..

والله العظيم البنت حلاها بأدبها واخلاقها العاليه..

وش ينفع جمالهن بعدين..

مشكوووووووووووور يابعدي انتي

وتسلمين على مرورك العطر..

نورتي موضوعي بطلتك..
اضافة رد مع اقتباس
  #9  
قديم 04/02/2009, 12:56 PM
الصورة الرمزية الخاصة بـ مـوت ومـيـلآد !
زعيــم مميــز
تاريخ التسجيل: 22/12/2008
المكان: روما البدايات وآخر ساحل ومينا *
مشاركات: 5,084
إقتباس
الرسالة الأصلية كتبت بواسطة أحلا هلاليه
موضوع مهم
انتزع الحياء من بعض البنات
او بمعنا اصح مايعرفون وشو الحياء

الله يصلحهم يارب


الله يهديهن ويهدي شبابنا بعد...


وياااك يارب..

تسلمين يابعدي على مرورك الطيب..
اضافة رد مع اقتباس
  #10  
قديم 04/02/2009, 01:03 PM
الصورة الرمزية الخاصة بـ دمي ازرق واحب الابيض
زعيــم مميــز
تاريخ التسجيل: 26/08/2007
مشاركات: 2,804
إقتباس
الرسالة الأصلية كتبت بواسطة هلاليه إيطاليه
مشكور اخوي..

بس تدري وش ابي منك..

انك تنسخ الكلام وتنشره للمنتديات ..بس هذ اللي اطلبه منك ولك جزيل الشكر..

مشكور اخوي على مرورك العطر..

انشالله 5 منتديات مطروح فيها هالموضوع
ابشري بعزك
اضافة رد مع اقتباس
  #11  
قديم 04/02/2009, 01:23 PM
الصورة الرمزية الخاصة بـ FINAL10
زعيــم مميــز
تاريخ التسجيل: 18/04/2007
المكان: منســدح بملعب الامآرآت ض1
مشاركات: 5,213
آلي فـي آلقـمة دآئمـآ مسـتهدف

وهؤلآء يـريدون آن يصبحـوآ بنآتنـآ مثل بنآتهـم

في الفسوق والتبرج والخلآعه بـ اسم حقوق المرآءة !

آنآ لآ آدري آن حقوق المرآءه الذي يطآلبون فيـه آن تتعرى على المسرح
آو على التلفآز آو آن تكـون سلعه تبآع وتشترى !

لآ يسعنـي القول آلآ :

اللهم آحفظ بنآتنـآ وبنـآت المسلميـن
من كل من آرآد آن يمسسهـن بسؤء .
اضافة رد مع اقتباس
  #12  
قديم 04/02/2009, 01:42 PM
زعيــم متألــق
تاريخ التسجيل: 12/09/2004
المكان: al riyadh
مشاركات: 1,451
شكرا على الموضوع هلاليه ورده

اخر تعديل كان بواسطة » الكلاسيكي في يوم » 04/02/2009 عند الساعة » 02:49 PM
اضافة رد مع اقتباس
  #13  
قديم 04/02/2009, 01:53 PM
زعيــم نشيــط
تاريخ التسجيل: 12/07/2008
مشاركات: 574
والله الواحد يستحي يشوف مثل هالصور كيف هم يرضون على انفسهم يصورونها

لاحول ولا قوه الا بالله

اللهم اهدي بناتنا وشبابنا

هلاليه اطاليه مشكووووووره يابعد حيي على النقل لاعدمتك

عموما الموضوع نسخته عندي بالبريد علشان ارسله

تحياتي لك
اضافة رد مع اقتباس
  #14  
قديم 04/02/2009, 02:15 PM
زعيــم فعــال
تاريخ التسجيل: 05/08/2007
مشاركات: 499
للأسف أختي احنا بمجتمع يناقض نفسه تناقض غريب
يعني ناس تسوي الغلط وتنسبه لغيرها
ولنا في هشوم الرياض خير مثال
الناس قامت تقول هذا مو مننا وفينا هذا أجنبي (وان كنت أشك)
يعني مافي عندنا من هالأشكال الشاذه اللي ماليه البلد وبكل بجاحه
ويقولون احنا مجتمع محافظ (محافظ طل)
شوفوا فضايح ربعنا بالبحرين ومصر وسوريا وغيرها والله ان الواحد يستحي يشوفهم
والود ودي أحطهم بالبلاك ليست مدى الحياة
(الثمامه وتخب عليهم)
وبالنسبه لبنات الرياض هي ماأعجبتني كروايه (الناس أذواق)
بس تكلمت عن واقع مجتمعنا اللي صاير
وللأسف طلعوا الناس وكذبوها وحاربوها وقذفوها كبنت
ماأدري هالناس من أهل القرى والا من وين طالعين والا يستهبلون
والأرجح انهم يستهبلون
لأنهم داريين ان مجتمعنا في من هالقصص وياكثرها
بس يناقضون نفسهم وعاجبهم الغباء والجحود اللي عايشين فيه من سنين وهالأيام بدأت تطلع عوارض اللي صار بعيالهم (كما تدين تدان)
على انه في ناس سبحان ربي اللي خلقها تنحط على الجرح تبرد ولما أشوفهم أحسبهم من الدولة العباسيه ولا الأمويه من طيبتهم وبساطتهم وأخلاقهم
ناس قنوعه وترتاح معهم
وفي الناس العكس تمامآ وجيههم مسودة ومنكدة ومترززه على غير سنع وينشاف الغضب فيهم
وأما البنات وماأدراك مالبنات صار الهياط عندهم أكثر من العيال
سعوديه والمشيه ملكيه
سعوديه وأفتخر
دلوعة دار مدري مين
وبنت القبيله الفلانيه
بعدين ياأم الفخر وآخرتها معك
وش عند أمك عشان تفتخري فيه
تلقاها بالسوق حدث ولا حرج
(عباية استريتش + برمودا طيحني +جزمه ورديه .........الخ) تقديرآ للعزاب
ودوران وهجولة وتآذي خلق الله (انعكست الآيه وربي)
ولاتشوفك ومعاك المدام والا أختك والا أحد من أهلك
تتسلط عليك وتآذيك وتسبب لك احراج انت بغنى عنه ياترقمني ياأطفشك
وصايرين المقيمات العربيات أحشم وأستر منهم حتى ولو كانت كاشفه وجهها
بس ساترة جسمها وماشيه بطريقها وحالها حال نفسها
عكس بعض اللي عندنا وان كانوا في ازدياد للأسف
عمومآ الله يستر علينا وعلى أهالينا وعلى بناتنا وعيالنا ويصلحهم
ويفكنا شر الفتن والعصبيه القبليه ونكران الواقع بدل معالجته
والموضوع مو موضوع بلد ولا أرض ولا قبيله
الموضوع موضوع تربية وأخلاق وقناعه ذاتيه
وان كان الانسان عينه فارغه فراح يمشي مشي هالأشكال
ولاحد يقول انت تبالغ لأن هذا الواقع واللي مو مصدق ينزل ويشوف بعينه

وآسف على الاطاله
اضافة رد مع اقتباس
  #15  
قديم 04/02/2009, 02:20 PM
موقوف
تاريخ التسجيل: 29/04/2005
المكان: الخبــر /
مشاركات: 1,640
بالذآآت الفيس بوك

انواع الحالات النفسيه



يعطيك العافيـه قلبو ع النقـل
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 11:28 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2020, Jelsoft Enterprises Ltd

Google Plus   Facebook  twitter  youtube