السبب الاكبر وليس السبب الاصغر في خسارت الهلال والكل للاسف يجهله ويمشيه - نادي الهلال السعودي - شبكة الزعيم

روحي الوجله · #1 04/02/2009, 04:29 AM

صباحكم عسل وسكر وهاردلك على الخساره الغير متوقعه

الكل يعرف ان اسباب الخساره متعدده وكثيره في هذي المباراه

والسبب الاصغر هو الحكم النصراوي المتعصب والسئ الجروان

ولكن السبب الاكبر والرئيسي برايي هو المدرب المغرور كوزمين

الكل نفخ في كوزمين الداهيه,,,,,,,,,عضو الشرف,,,,,,

المتعاقد مع الاجانب المنفذ الآمر الناهي وكل هذي كبرته وغطت على سلبياته

الواضحه وضوح الشمس في الظهر

...مدرب اجابياته كثيره ولكن سلبياته كوارث وتخسرك بطولات

واكبر دليل ومحفور في ذاكرت الجميع مبارة القادسيه العام الماضي

بالدوري يحتفظ باللاعبين الدوليين في خارج القائمه ولايشرك ويتعادل

وكدنا نودع الدوري ولولا الحظ اللي فوزنا بالدوري اخيرآ

ووكرر فعلته في مبارة الوطني اللي اتوقع لو خسر الهلال الدوري والبطوله

الثانيه هو المتسبب مباراه سهله وتغيب فريق اساسي كامل عن المشاركه فيها

وهي مباراه هامه في مسيرة الدوري على الاقل اشرك ثنين على الاقل خلهم احتياط

ولاحيات لمن تنادي""""""""وهاهو يكرر فعلاته وخوفه وجبنه مع الاهلي

في الدوري يتقدم بهدف ومن ثما يختار افضل الاعبين سوى مهاجمين او وسط

صناع لعب ويخرجهم ويبقي على الدفاعيين والسيئئن ويدافع والاهلي يضغظ

علينا وكدنا نخسر وكرر فعلاته في اخراجه لافضل الاعبين في مبارة الشباب

الكارثيه لمدرب مغرور وغبي وبليد كيف تطلع الشلهوب وهو افضل لاعب

في الوسط والدليل صناعة الهدف وصناعة اكثر من كره خطره وزاد البله طينه

باخراج العنبر مسجل الهدف والخطير على المرمى واللي ممكن يسجل في اي لحظه

والابقاء على اسوء لاعب تشهده الملاعب السعوديه سيول"""""""والله حرام

هذا النفخ في المدرب مانقول اقيلوه هذا خطا كبير ولكن ناقشوه وحاسبوه

علموه انه يرتكب اخطاء كوارثيه والجمهور ماعاد يقدر يصبر احنا ترا نفهم

كوره لايجيني واحد يقول احسن درب بدال كوزمين ايه ادرب وافضل منه

لو مسكت الهلال ياخي عندك نجوم واضحين بالعربي كوزمين

فكره فكر اعداد وفكر مدافعين والسبب لانه بالاصل مدافع والدليل ان لعب

الهلال صار مثل الانديه الايطاليه دفاع فقط ولافيه متعه ولا فيه اهداف

هدف واحد في المباره طوال المباره واحنا في حالت دفاع كنا فريق عقيم

وصغير ومع ذالك حالوا الاعبين بمهارتهم انقاذه وماقدور وبعدين الكارثه

الكبرى في ضربات الترجيح اشلون المبارك يشوت والله حرام وحتى الذياب

فكر ميح""""""والدعيع لاول مره اقول انه شيب ولا قفزه صح معقوله الدعيع

المشهور بصد ضربات الجزاء كذا ما اصدق اعتقد اني شاهدة مباره ثانيه نضحك

من وليد عبدالله في نهائي كاس الخليج وطلع الدعيع مثله واردى منه الخوجه يصد

ضربتين والدعيع حتى قفزه محاوله قريبه مافيه شايب...

المعذره من الجميع اعرف الكثير مايعجبوهم الكلام وخاصه اللي مع الخيل ياشقرا

انا اقول وجهت نظر ومقتنع فيها وخاصه في ((((كوزمين الدفاعي)

FLETCHER · #2 04/02/2009, 04:37 AM

هلا بالغالي

< دايم يشوفك بالملعب ..

كوزمين خطأه الكوارثي ادخال الخثران

الخثران مع احترامي له طاح مستواه ميه بالميه صاااار ميييييييييييح ما ينفع ابد ..

وكذلك لا تنسى اخراج الشلهوب رجل المباراه ..

شي يقهر

لاكن فدا وباذن الله الدوري والكاس يعوضونا فيها

شكرا

مدمن سامي9 · #3 04/02/2009, 04:40 AM

والعام الماضي لما اخذنا الدوري طلعتو السمااااء افضل مدرب

لايكثر بس ورعان وطاحو بالابتوبتات

يكفيك ياقلبي00 · #4 04/02/2009, 04:49 AM

مع أحترامي لك كوزمين مايقيمه واحد منسدح قدام النت كل النقاد والمحللين شهدوا له بالكفائه

وبالنسبه الدوري العام الماضي لم يخدمنا الحظ فيه ( كماتدعي ) بل برأسيه ولا أحلى من القناص وبأرض الأتحاد ..

zezo_-_10 · #5 04/02/2009, 04:50 AM

اجل كوزمين مغرور وغبي

خلاص وش رايك تستلم الفريق يا كابيلو انا من شفت طريقه كلامك وانا داري ان ماعندك سالفه

الله يعينا على امثالكم

احمد الصانع · #6 04/02/2009, 04:53 AM

الكارثه والغبي انت اللي مخلينك بالمنتدى لين الحين

من انت يوم تحكم على مدرب

منسدح فبيتكم وجاي تهايط هنا وتقول وتسب

اذا جيت للملعب ذيك الساعه تكلم

بعدين ذاكر اختباراتك بالطريق

الله البزارين اللي تعلمو النت وجايين ينافخون هنا

روحي الوجله · #7 04/02/2009, 05:21 AM

[quote=احمد الصانع;10974803]الكارثه والغبي انت اللي مخلينك بالمنتدى لين الحين

من انت يوم تحكم على مدرب

منسدح فبيتكم وجاي تهايط هنا وتقول وتسب

اذا جيت للملعب ذيك الساعه تكلم

بعدين ذاكر اختباراتك بالطريق

قيم الفاظك انا اكبر منك ويمكن انت مثل واحد من اخواني الصغار

وايه انا اقيم كوزمين واقيم اكبر مدرب في العالم دام معي عقل ومخ

وانسان وبشر """""""وكوزمين ماقلت انه فاشل او انه منتهي الصلاحيه

قلت عنده اخطاء كوارثيه والكثير يتجهلونها ونبهة عليها فقط لاغير ولاكبرون

الموضوع................

karemovitch · #8 04/02/2009, 05:44 AM

إقتباس


	الهلال صار مثل الانديه الايطاليه دفاع فقط ولافيه متعه ولا فيه اهداف هدف واحد في المباره طوال المباره واحنا في حالت دفاع كنا فريق عقيم

والدليل ان الهلال الاكثر تسجيل في كاس فيصل
وثاني اكثر تسجيل في الدوري

AL_HILAL LOVER · #9 04/02/2009, 05:49 AM

إقتباس

الرسالة الأصلية كتبت بواسطة روحي الوجله


	[CENTER][SIZE=4][COLOR=red]صباحكم عسل وسكر وهاردلك على الهلال صار مثل الانديه الايطاليه دفاع فقط ولافيه متعه ولا فيه اهداف هدف واحد في المباره طوال المباره واحنا في حالت دفاع كنا فريق عقيم [CENTER][SIZE [COLOR=red] COLOR]

الهدف الواحد ذآ والدفآع هي الي بتجيب الدوري

..

20زعيم القرن20 · #10 04/02/2009, 05:56 AM

انا اللي قهني انه يطلع الشلهوب عشان يقفل ..........يامدربنا ياذكي المفروض تطلع سيول بدلا منه لانه لم يفيد الفريق

A.R....F · #11 04/02/2009, 11:22 AM

والله انك صادق في كل كلامك
ماعدا النقطه اللي تكلمت فيها عن الدعيع
ماني معك فيها
اما كوزمين
اتفق معك انه يقتل متعة الهلال
اللي تعودناها في اللعب الهجومي

تقبل مروري

روحي الوجله · #12 04/02/2009, 11:00 PM

مشكورين على الردود واختلاف الاراء لايفسد للود قضيه

الهلال صعب المنال · #13 04/02/2009, 11:20 PM

مع إحترامي لك الدعيع ما قصر وهذا شي مكتوب على ما أظن إن حنا لا فزنا حطينهم على روسنا و لا خسرنا نطلع الأخطاء السبعه و بعدين الأسباب يحددها الإدارة و المدرب .. و شكراً