..|| مـجـتـمـعـنـا .. Sorry ,I can't ||.. - نادي الهلال السعودي - شبكة الزعيم

جرح يشكي · #1 21/01/2009, 03:13 AM

السلام عليكم ورحمة الله وبركاته

اسعد الله ايامكم بكل خير ..

قد نمر بـ مرحلة ركود في التفاعل مع المجلس العام .. لكن يبقى حبنا لـ اعضاء المجلس وايامنا الجميله عالقة في ذاكرتنا

بعيداً عن الدبلوماسيه

قسسسسسسسسسسم اني احبكم

فيه اكثر من نقطة ودي اتكلم عنها .. وهي بالاخير رأي جرح يشكي الشخصيه

واللي اعتقد انها صحيحه قد تحتمل الخطأ .

مجتمعنا

بشكل عام .. اول ما نشوف تصرف غريب " لكن موب خطأ " نفكر تفكير سيئ .. تعودنا ان كل شي يخالف عاداتنا وتقاليدنا خطأ ..سيطرت علينا افكار اجدادنا اللي من 100 سنه او اكثر .. اقدر اقول ان 30% من عاداتنا وتقاليدنا صالحه لـ زماننا هذا فقط .. والنسبه الباقيه لا تصلح ..

قبل اسبوعين وانا طالع لـ الدوام .. توي قريب من البيت .. طلع في وجهي سيارة عاكسه الخط .. وصدمتها وجهاً لـ وجه .. نزلت وانا قافله معاي .. وصار اللي صادمني من اقاربي بس موب قريب مرهـ .. المهم انا احترمته وكتمت عمري .. نزل وما سلم علي وقعد يصارخ علي

.. يجيني ابليس ويقول رد عليه .. واتذكر يوم كان عندنا .. وقهوته مع الوالد كل يوم .. واستحي .. المهم الرجال قعد يطالع في سيارته شويه .. وركب وراح من دون ما يعتذر لي او يقول شي مع ان الخطأ عليه 100% ..( هنا اقول قريبي وامشيها له .. اما انه يكلم الوالد ويحط الخطأ علي فـ والله لـ يبطي عظم

) انا يعلم الله ما لي نيه اطالبه بـ اصلاح سيارتي .. بس الاعتذار لازم .. موب من العادات والتقاليد المخرفه اني ابلعها وامشي ولا اقول شي .. معليش هذا خط احمر .
..|| عاداتنا وتقاليدنا اللي تقول لك احترمه وقول انه قريبك تجبرك تنسى وما كان شي صار .. i'm sorry , i can't ||..

بعيداً عن المثاليه : لكل فعل ردة فعل تساويه .

عاداتنا وتقاليدنا اللي تقتصر الحياة الزوجيه في حدود البيت .. ما تصلح لنا .

سؤال / لو شفت رجال مع زوجته في سوق .. يضحكون او ماسكين يدي بعض او الرجال شايل الاغراض .. وش بـ تقول ..؟؟

يا اخوي اترك هـ العادات والتقاليد اللي محرمه ما احل الله .. وش بيقولون الناس عنه .. موب رجال ؟ والا زوجته تتحكم فيه ..!!

هل نظرة المجتمع لـ الزواج صحيحه ..؟؟

كنت في مجلس مع الشباب .. كانوا الموجودين حدود الـ 16 واحد .. وجاء موضوع الزواج .. وصلت حدي من الجهل اللي اهم عايشينه .. معتقدين ان الزواج مجرد علاقة ( .... ) ..!! لما قلت لهم ان الرجل ناقص بدون المرأه وانهم مكملين لـ بعض .. وان الرجل بطبيعته يحتاج لـ من يعيش معه ويشاركه افراحه واحزانه .. يكفي ان تكون مشاعرهم واحده.. قالوا ان المرأه تكمل الرجل في الدين فقط .. اي انها تكمل النصف الاخر دينياً لـ الرجل .. !!

# لو كان الكلام اللي فوق .. من شخص واحد يمكن نقول هذا تفكيرهـ ورأيه الشخصي .. لكن ان يتفقون كلهم عليه .. مصيبه !! .. هذا ما فرضة المجتمع عليهم بـ نظرهـ خاطئة لـ الزواج .

يمكن ان يندرج ..|| الخوف من المعزب او الامير او ذو المنصب ||.. من العادات والتقاليد ..؟؟
في عصر اجدادنا وابائنا كان فيه تقديس وتمجيد لـ شيخ القبيله او لـ امير القريه .. ويوصل الحال الى اي شخص يكون قريب من هـ الاثنين .. معليش يا عاداتنا وتقاليدنا .. في حياتي اخاصه انا لا اعترف بـ احد اطلاقاً سوى من في " دفتر العائله فقط " .. وحياتي العمليه " فترة دوامي " اصبح تحت ادارة مديري المباشر فقط .. .

اوكي .. لهم منا الاحترام والتقدير .. مثلهم مثل غيرهم .. ان كانوا يستحقونه .

الكل شاهد ذاك التصريح الارعن من مسؤول عن قطاع مهم في المملكه .. وكيف انه تهجم وبدا في اطلاق الالفاظ السوقيه .. على اناس خدموا المملكه .. واكبر منه في السن ..!!

..|| سحقاً لـ عادات وتقاليد رسخت في عقولنا ان نقبل الاهانه .. وان ناخذها بـ صدر رحب .. سحقاً ..||..

اشهر تلك العادات والتقاليد الموجودهـ في مجتمعنا ..:
:: الاسراف في العزايم .. عشان يقولوا .. فلان كريم ..!!
:: تحجير البنت لـ ابن عمها .
... الخ ... .

الحريه الشخصيه معدومه في مجتمعنا .. اصبحنا مقيدين بـ قيود ما انزل الله بها من سلطان ..

لـ نغير تلك العادات والتقاليد بـ عادات وتقاليد مبنيه على عقيدتنا وسنة نبينا عليه افضل الصلاة والسلام .. ولن تتغير تلك الا بـ توعيه تنزل الى مستوى تلك العادات .

اقدحها يا بو متعب .. عيالك معك .
تقدم بـ البيرق .. وحنا يمناك اللي ما تعصاك .

من حبنا للموت نهذب له هواذيل
....................... والنفس قبل تموت تأخذ سددها
اليا ادبر المهزوم حنا المقابيل
....................... كم وقعة ٍ وشعب الجزيره شهدها
والآن ولى الزحف نزحف جحافيل
....................... جحافل التوحيد في رأي اسدهـا
بقيادة اللي يركي المتن للشيل
....................... عنـا ثقيلات المحامل صمدها
دليلنا وإن غاب نجم الدواليـل
....................... على الهدى ديرة مساره رصدها
نفداك ونصّر الرشا بالمحاحيـل
....................... ياللي حفرت لدفن الاعداء لحدها
معك أمـة الاسلام تصهل تصاهيل
....................... قدها يا بو متعب إلى القدس قدهـا

رأيي صحيح يحتمل الخطأ

جرح يشكي

.:. ويش فيها ..!!