أتلى الخبر ( آخر علمه ) بأخيته يوم عرسها وعقبها بيوم أو يومين ...وبعدها صارت في عالم النسيان ..!!

سلّمها للرجال وتوكل على الله متخيلاً أنها الآن في ذمة رجلــها ..وهو ماعاد له دور في حياتها ( وقع العقد ، وسلّم البضاعة ، وانتهت المهمة ) .


أخيتك / تزيد حاجتها لك حتى لو تزوجت ، فهي بحاجة أكبر لعطفك – استشارتك – بث همومها لك – تثبيتك لها ونصحك ...



أخيتك / بسؤالك عن أحوالها تَنَتعْش ( تحيا ).

تقول إحداهن واصفة حالها عند زيارة أخيها لها :
أحس أني انتفش من الفرحة بزيارته ونشدته عني ، وأبدأ طول الليل أهذري به عند أبونا ( زوجها )، وأسولف عن حنان أخيي وطيبته ( نوع من الفخر والاستعداد لأي طلق ناري من الزوج فلابد من الكيد البسيط ) هاااااااه ترى لي أخوان حدك حدك وأبشر بحقك ...!!



وأخرى ( مسكينة ) تقول : أضطر إلى الكذب على زوجي !! فأخبره بأن أخي يسلم عليه ( متصل اليوم يسأل عني ) !!! أخيتك/ بنشدتك عن أحوالها وزوجها ، والإطمئنان على نفسيتها وحقوقها ..تشعر بأن الحق جاها ، والخير ماتعداها ..

هو الحكي بفلوس ...؟

سلام وسؤال ودعوة طيبة منك ؛ تجعل من أخيتـــك ملكة زمانها في ذاك اليوم ..!!!


أخيتك / لو يرن التلفون برقمك بدت تسولف معك بالصوت العالي ، ليسمع زوجها و( حمولتها ) أن لها أخ حبيب عضيد يسأل عنها ، وأسد يقف بجوارها يتفقدها بين الحين والحين ، فرحة ، فخورة بك ...ولسان حالها يقول : أنت لي ملاذ لو ساءت الأحوال ياخوي ..


أخيتك / لا تاخذك الزوجة ،والأولاد ، ومشاغلك عنها ، فهي بك تعتز ، وبك تقوى ، وبك تشعر بأن الدنيا فيها خير وسلام .



( ألا يكفيك بأنها بُنيّـــة أمك ) ..!!


أخيتك/ يكبر قدرها عند زوجها ، ويحسب لك ألف حساب خاصة لو كان ( راعي علوم شينة) .

الله الله بأخيــتــــــك

لي رجعة بعد مايتغير الخط


ماني قادراركز

كلام درر ..

بالفعل الاخت تحتاج اخوهااا ,,
يكون صديقها ودايم جنبها لانه سندها بعد ابوها : (


يعطيك العافيه يا رائعه

كلامك حلو
بس الخط احسه الآله القديمه ذيك اللي تكتب فوري

موضورع راائع اختى
الله يعافيك ع الطرح

لاعدمناكـ

بصراحة كلامك وأسلوبك البسيط القريب المؤثر في النفس حرك المشاعر الخامدة
بل قد يعتقد البعض أنني أبالغ لو قلت أني أنوي زيارة إحدى أخواتي اليلة..
لك كل الشكر على طرحك القيّـم.

كلام اكثر من رائع اختي ثادقاوية
واللي ما فيه خير لاهله ما فيه خير للناس ,,

إقتباس بل قد يعتقد البعض أنني أبالغ لو قلت أني أنوي زيارة إحدى أخواتي اليلة..

ليه ماخذين فكرة انها حالة شاذة الاخو يزور اخته ..
بالعكس انا اشوف اللي ما يزور اخته حالة شاذة ونادرة ..

يعطيك العافية على الموضوع الاكثر من رائع ,,

هلا والله ببنت ..>ماتبي تقول ديرتي عشان ماتنفضح
حياك ياقلبو

صراحة أنا اللي اسأل عن اخوي مو هو يعني والله اني حريصة عليه احسن اني انا اللي اكبر منه مو هو بس والله اني احبه من كل قلبي الأبيض

تصدقين ما يدق الا يسأل وش اسوي ووش احط وسويلي وحطي لي مو عشان اخباري
^^^
أغلب الشباب كذا

ع العموم مشكوره على هيك موزوع تقبلي مرور بنت ديرتك

بنت فهد

موضعتس حلو بس لو انتس مغيره ذا الخط اللي مدري وش يبي شكل ذوقس رايحن فيها


تسلم يدياتس على الموضوع الحلو وجزاس الله خير

هلا و الله بالثدقاوية بنت ديرتي
كلامك قمة في الروعة و ننتظر المزييييد..