للفرفشه قبل الاختبارات....مذكرات عاطل - صفحة رقم 3 - نادي الهلال السعودي - شبكة الزعيم

امي ولدتني هلالي · #1 03/02/2009, 02:18 AM

صباح الخير

طبعا اكثر الناس الآن عندهم اختبارات ان كانوا بالجامعه

والا بعد كم يوم ان كانوا بالمدرسه

وبعضهم خلصوا مثل الابتدائي وجامعة الامام

وبعضهم عطيلي بطيلي

وبعضهم موسعين صدورهم
لا دراسه ولا هم >>> اهداء للموظفين

واذا الموضوع بيدي كان خليت طول السنه اختبارات
خلونا نرتاح من هالعالم وخاصه في الرياض
الحين الشوارع فاضيه
وكل هذا من خير وزارة التعليم

طول الله عمر وزارة التعليم

الحين يمديني اروح اي مكان
ولو حتى ماكدونالز طريق الملك عبدالله حي الورود

تلقاني لحالي

حتى الفلبيني طفشان وقاعد يقولي كم سعر الإيبد الي معي ومن وين شاريه
شفتوا الفضاوه

طول الله عمر وزارة التعليم

حتى الاسواق فاضيه
اخيرا ركدوا هالحريم
ما حصل يركدون ابد
انا ما ادري ليش هالحريم يحبون هالاسواق
المشكله تقعد تدور 5 ساعات
وفي الاخير معاها كيس واحد تلقى فيه
مجلات واعلانات

اكثر شي يحببني في الاختبارات
ترتاح من هالحريم
اجل حياة مول فاضي !!!!!
ادخل واتمشى واتمخطر على كيفي ما حولي رقيب ولا حسيب
حتى الي يبيعون تلقاهم ينطون عليك نط
لأنك على قولة المصاريه
لؤطه
ما يخلونك ابد
واذا دروا انك ملحط ما فيه جيبك ريال
قعدوا يسولفون معاك من زود الفضاوه

حتى الهيئه ماهم فاضين لأحد
بزارينهم عندهم اختبارات

وكل هذا من خير وزارة التعليم

طول الله عمر وزارة التعليم

وكل ما قابلت واحد جامعي
يقول
انا حامل

حملت مادتين

الله يستر شكلي ابي احمل

ما ابي احمل

والي الى الأن ما اثبت حمله الا بعد الفحوصات النهائيه >>> الاختبارات النهائيه

وين ما صارت جامعه ؟؟؟
صار مستشفى نساء وولاده
كل(ن) حامل

هههههههههههههههههههههههههههههههههههههههههههه
يا جامعيين توكلوا على الله واستعملوا

موانع الحمل
وانا اقول وش سالفة هالصيدلي هاليومين فاك كشرته من الوناسه

وطبعا الصيدليه كسبانه
وكل هذا من خير وزارة التعليم

طول الله عمر وزارة التعليم

ووقت الاختبارات
الصبح
بوفيات الكبده
تقلب حراج
من سبق لبق
وكل هذا من خير وزراة التعليم

طول الله عمر وزارة التعليم

ورجال المرور يبدون الشغل الحقيقي
بدل ما يقعد العسكري هو وكرشته يدور بهالموتر
وبيده اليمين كبده واليسار عصير ربيع ليمون

الحين يبدأ الشغل
يقعد يطارد بالبزارين الي ماخذين هالموتر من سواقهم
ويقعد يسوي فيها حبه ونص قدام اخواياه هالمساكين
ويركب الي يبي >> وإخرتها فان موديل 2000 رصاصي
الحين يجيك رجل المرور
يعني وزارة التعليم فعلت خير لم خلت هالعساكر يخففون كروشهم ويقعدون يطاردون بهالبزارين

طول الله عمر وزارة التعليم

في النهاية
الله يوفق جميع الطلاب والطالبات
ويسهل اموركم
ويعمي مدرسينكم عند التصحيح

>> علشان ما يشوفون اجوبتكم الي تسد النفس

ويعين طلاب الجامعه والاكادميات والمعاهد
وبالذات
جامعة الملك سعود للحمل

اوووووووووه

قصدي جامعة الملك سعود

وترى كل شي فوق للفرفشه فقط لا اكثر

اخوكم
.
.
امي ولدتني هلالي