أن اذهب بعد الصلاة بخطوات مباركة الى ذلك المتجر الذي يدعى ( كارفور ) في مركز غرناطة التجاري

وانني من هذا المنبر

ادعو اخواني واخواتي.. عشاق التعدد واعداءه على حد سواء

أنّهم اذا مسكت معهم ( مقاضي ) لايوطوطون على البقالات ( الكادحة ) وينصون المولات والمراكز الكبيرة

لأنها أحفظ للمال وأسلم للمخباة --> عاد ماقال هالكلام الا انت ووجهك

ماودي اشطح

المهم... رحت للمركز علشان سبب مهم جدا وجوهري

وهو سر من اسرار تميزي على كل حال

رحت علشان اشتري لي شوية زيتون مغربي اخضر

علشان ارجع اعبّس من الزيتون وارد على المعصبين في موضوعي

مانيب خبل مثل بعض ناس يقشمون فصفص على بروستد

انا انسان ادوّر الفائدة

والزيتون مذكور في القرآن

والقرآن كتاب الله

والله جل جلاله هو الخالق

وانا مخلوق

ومالي خلق هاللي يلبسون خلاقين في البرد مثل هذولا

7

7

الزبدة

رايح كارفور ابي اشتري نص كيلو زيتون اخضر مغربي بـ 6 ريال فقط لاغير

اصطدمت في طريقي وانا في ردهات السوق بذاك المسوّق المصري الشقيق

فبادرني بالقول : بص ياباشا... مكيف ( سامس سونج ) سوبر اسبيشل 220 فولط حاقة مفتخرة

قلت له : غربلك الله تبيني اشتري مكيف الحين ؟؟؟ بهالزمهرير ؟؟

قال : أيوه سعاتّك.. مهو هنا بئى يبان المخ النضيف

قلت : وشلون ؟؟

قال : دلوئتي تاخدوه بسعر التراب.. وتخزّنه عندك للصيف.. ولمّا ييجي الصيف... الناس تولّع وانت تشخلع وترؤص على وحده ونص

ومثل ما انتم خابرين اخوكم ( دابّة عمياء ) ومكينة صراف متنقلة

قلت : إليّ بالمكيف ايها الكناني... فأنا ابوها ورب الكعبة

قال المصري : انشهد إنّك ابوها وسيد سيدها كمان

وشريت المكيف... وجحدت ام الزيتون

ورجعت للبيت ونزّلت المكيف من السيارة وحطيته قدامي في الصالة وقعدت اناظر نفسي في المراية واقول : الله يخلف على اميمتك

تدرون ليش ؟؟

لأني شريت المكيف جبرا لخاطر ذلك المصري.. ببساطة شديدة ماعندي ولاغرفة في البيت محتاجة مكيف

طيب ياثوووور يا انا

ليش تشتريه ؟؟؟

الى متى وانت كذا ؟؟؟

شكل الفلوس جايتك ببلاش ؟؟؟

الله يخلف على الأمّه العربية والاسلامية دامك فيها يا عدو الفلوس

إقتباس ليش تشتريه ؟؟؟

جاوبت بما سبق بأنك ثور << حشاك

إقتباس ليش تشتريه ؟؟؟

المصري لحسك بلسانه وأنت جيت مطفي النور

إقتباس الى متى وانت كذا ؟؟؟

ألخ........

إقتباس شكل الفلوس جايتك ببلاش ؟؟؟

أنت العالم

ع العموم يالله أهم شي شريته رخيص

وللضروره أحكام

دمت بود

اخص شرا مكيف اذا ما تبيه قلي ترى عندنا استراحه جديده تونا ما شرينا مكيفات

اذا تتكرم ووتنطله فالاستراحه وبعدها ما اعرفك ولا تعرفني

ثور هههههههه الاعتراف بالحق فضيله

وبعدين يوم انك تاخذ معك فلوس كثيرات خذ 100 ريال بالكثير ..!

وبعدين احد يشتري زيتون من كارفور ما ارد من البقاله الا كارفور

الله يخلي سوق الجمله بحي الربوه بجوار سوق الخضار بتلقى العجوز هناك ههههههههههههههه

وبعدين من هالحلو هذا اللي ياكل بروستد وفصفص اشك انه ذيب ولد ذيب

المهم المكيف اذا تبي تصرفه قلي تراي شراي

سلااااااااااااااااااام


على طاري الثور

خذ ذي

يقول لك فيه واحد جايب له شغالة هندية

ولاحظ عليها تصرفات غريبة !!!!!

تلاحق زوجته بكل مكان بالبيت مثل ظلالها وتحترمها بشكل غريب جداً


كلم المكتب اللي جابها منه

قالوا له انها هندوسية ..... تعبد البقر


وسلااااااااااااااااااااااااام

إقتباس الرسالة الأصلية كتبت بواسطة $كاكاتبوك$ جاوبت بما سبق بأنك ثور << حشاك المصري لحسك بلسانه وأنت جيت مطفي النور ألخ........ أنت العالم ع العموم يالله أهم شي شريته رخيص وللضروره أحكام دمت بود

لاهنت << حاشاك

لحسني بلسانه

يعني بالنهاية انا صرت -->

الله يخلف على اميمتي

إقتباس الرسالة الأصلية كتبت بواسطة أبو لارا@ راح تشتري زيتون ورجعت معاك الزيتون الأخضر والمكيف السامسونج يا حيلك يــــ الصخرة شكلك دايم تنخدع بهؤلاء أما أنت ثور لـــا.... والله أنت رجل يــــا فهد .. مشكور على موضوعك الرائع

ابو لارا البس نظارتك لاجيت تقرا مرة ثانية يابعدي

ياليتني رجعت بالزيتون.. كان على الاقل انزل درجة عن ( ثور ) واصير ( دلخ )

ياحبي لك... شرواك المراجل والطيب والمخابر وكل ابو شي كويس

إقتباس الرسالة الأصلية كتبت بواسطة T U R K I _ 15 اخص شرا مكيف اذا ما تبيه قلي ترى عندنا استراحه جديده تونا ما شرينا مكيفات اذا تتكرم ووتنطله فالاستراحه وبعدها ما اعرفك ولا تعرفني ثور هههههههه الاعتراف بالحق فضيله وبعدين يوم انك تاخذ معك فلوس كثيرات خذ 100 ريال بالكثير ..! وبعدين احد يشتري زيتون من كارفور ما ارد من البقاله الا كارفور الله يخلي سوق الجمله بحي الربوه بجوار سوق الخضار بتلقى العجوز هناك ههههههههههههههه وبعدين من هالحلو هذا اللي ياكل بروستد وفصفص اشك انه ذيب ولد ذيب المهم المكيف اذا تبي تصرفه قلي تراي شراي

مايمديك أهديته لجاري الصبح

قسم ياهو متمصع من الوناسة

اللي رافع ضغطي... كل ما اقابله واعطيه شي اشوفه بعد ما امشي يكلم بالجوال وهو ميّت من الضحك

وش ظنّك يقول ؟؟ ويكلم من ؟؟

وبعدين ماكان معي فلوس كثيرات << متعوب عليها

الله يسلم البطاقة

إقتباس الرسالة الأصلية كتبت بواسطة الـصـخـرة مايمديك أهديته لجاري الصبح قسم ياهو متمصع من الوناسة اللي رافع ضغطي... كل ما اقابله واعطيه شي اشوفه بعد ما امشي يكلم بالجوال وهو ميّت من الضحك وش ظنّك يقول ؟؟ ويكلم من ؟؟ وبعدين ماكان معي فلوس كثيرات << متعوب عليها الله يسلم البطاقة

عاش مصرف والحاضرين عاش كمنجي اهديته لجارك هه ..

متمصع من الوناسه عشانك شاري له مكيف شي اكيد

طيب متى بتشتري جبن دمياطي كود تجيب لنا تلفزيون مسطح 32 بوصه

لانك ذكي ما شاء الله اكيد يكلم صاحب المكيف ويقول بعته على واحدن ثور احس اني زودتها

وشهوله تاخذ بطاقه والله يا انت مشوار من جد
انا واعوذ من كلمه انا اسوي هالحركه ...

اذا قمت من النوم اصرف 100 ريال ومستحيل اتعداها وتبقى بعد .. بنزين 10 اكل 40 لريال والباقي احتياط تقريبا .. كيف الصرفيه ..؟
والبطاقه الله يسلمك حطها فالسياره قبل ما تنزل

إقتباس الرسالة الأصلية كتبت بواسطة ريفيلينو سلااااااااااااااااااام على طاري الثور خذ ذي يقول لك فيه واحد جايب له شغالة هندية ولاحظ عليها تصرفات غريبة !!!!! تلاحق زوجته بكل مكان بالبيت مثل ظلالها وتحترمها بشكل غريب جداً كلم المكتب اللي جابها منه قالوا له انها هندوسية ..... تعبد البقر وسلااااااااااااااااااااااااام

اها قصدك يعني انها تلاحق الزوجة تقولها : ياماما جيبي لي بقرة بالحوش << يبي يرقعها لكن مآآآش

ههههههههههههههههههه انت تمزح ياريفو .. صووح ؟؟ هههههههههه اكيد تمزح

منور يابوشنب

برايفت : اقسم بالله وجهة نظر ريفلينو لاتمثل الا نفسه وانا مالي دخل ولا اقرّها ابدا

إقتباس الرسالة الأصلية كتبت بواسطة Mr.Marwan يبدو أنك كاتب الموضوع تبي تسوق للمكيف بس خل عنك من زيتون إلى مكيف أنا أقول روح مرة ثانية كأنك تبي تشتري خبز للزيتون ثم قل للمصري يمدينا نهون

أي خبز... المكيف راح الله يخلف وراحت فلوسه

وبعدين اخاف ارجع للمصري ويوهقني بتلفزيون سوني برافيا 42 بوصة

اللي مثلي ماودك يوطوط السوق ابد

دوك

.
.

والله انك فله



وينك عن حارتنا بس



انا معي دي في دي شاريه بــ 300 ريال تشتريه مني بــ 500 شف دموعي





ههههههههههههههههههههههههههههههههههههههههههه




الله يرجك يالصخرهـ تحصل المصري يقول بنفسه ياليت كل السعوديين مثله





<<<<احس اني بتسطر



احبك احبك احبك<<<عشان يخف التسطير

ههههههههههههههههههههههههههههههههههههههههههههه

اجل لوك داخل وبتشتري مكيف
والله ماترجع الا والسطحى تلحقك >> شاري موتر


نصيحة لا تتعدا البقالات انت .. ولا تدري .. التوصيل السريع يفك أزمة


ومثل ماقال اخوي تركي .. المفروض تحط في مخباك 100 ريال .. لا ومصروفة امهات خمسات وريالات



ويعطيك العافية على الموضوع
ورفالينو ..>> اشوف سالفتة طالعه من قلب خخخخخ مدري لية ..



ودمت بخير يالغلا..’

إقتباس الرسالة الأصلية كتبت بواسطة T U R K I _ 15 بنزين 10 اكل 40 لريال والباقي احتياط تقريبا .. كيف الصرفيه ..؟

خييييييير ان شاءالله اكل 40 ريال

والله لو اني ( محقان ) او مخزن متنقل

وش تبي تاكل بهالمبلغ في يوم كامل ؟؟

والمشكلة الحين شابّين على ياسر القحطاني وتقولون له يالسمين لازم تنحف

عاد انا شايفك ياممشوق القوام وما اظنك تتعدى حاجز الـ 8 ريال يوميا للاكل