صاحي إنت وإلا مجنون إنت حاله خاصه ، لكن فيه إثنين من أخوياي مثلك أولهم كنت أنا وإياها ساكنين لحالنا بمدينه جدة الحبيب طلع يجيب عشاء رجع معه عصا ( نّاي ) سألته : وش عندك شاري ( النّاي ) إنت تعرف تعزف عليه طبعاً ما يعرف !!. بعد ما عرفت بكم شاريه سألته : دامك ما تعرف له ، ليه شاريه رد علي وقال النّاي هذا سالفته سالفه : يقول وأنا عند الكورنيش شفت ( مصري ) يبيع ( نّاي ) وناداني وأنا من ( سباهتي ) رحت له جلس ( المصري ) يقرق عليه ويبين له إن عازف النّاي إحاسيسه مرهفه وقاله جمله لحد الآن أتريق عليها فيه ( النّاي ده من الئلب للئلب ) أخونا لا شعورياً : طلع اللي بجيبه وشرى النّاي وحاول يعزف عليه عندي ولما عجز حطه بدالوبه ________________ نجي للعزيز الثاني : موظف بنك راتبه حول العشره آلاف لكن ما يمر أول إسبوع إلا وهو طفران !!!. طبعاً العزيز من نمونتك يا ( فهد ) يقولنا بطلع للبقاله بشتري ببسي وسنكرز ما ندري إلا وهو داخل علينا ( بتلفزيون بلازما ) أو مكيف جديد من الدخلات اللي دخلها علينا طلع بيجيب غداء ، ولما رجع البيت لقيناه شاري ( عنّاق ) !!!. والعنّاق : العنز اللي عمرها شهرين أو ثلاثه والسبب اللي خلاه يشتري العنّاق ، علشان بنت أخته تلعب فيها
يا أخي مواضيعك توسع الصدر عندك مثلاُ هالموضوع بلا هدف ولا معنى و أقرب ماله أنه سواليف , و أنا من الناس اللي أكره هالنوعيه من المواضيع , لكني قريته من أول سطر بموضوعك إلى آخر رد عليه , ليش مادري ؟
على فكره أسلوبك جذاب , و عباراتك سلسه و مميزه . ميخالف تصير صديقي
عندك مثلاُ هالموضوع بلا هدف ولا معنى و أقرب ماله أنه سواليف , و أنا من الناس اللي أكره هالنوعيه من المواضيع , لكني قريته من أول سطر بموضوعك إلى آخر رد عليه , ليش مادري ؟
على فكره أسلوبك جذاب , و عباراتك سلسه و مميزه . ميخالف تصير صديقي
الوضع العادي
