السلام عليكم
مساااء الخير لجميع الزعماء عود والعود احمد
*** انا اعرف ان هذا ليس هو مكان هذه الرساله ولكن ليس هناك اشد من وقع الظلم على انسان عاجز عن اخذ حقه ولذلك استميحكم عذرا في نشر هذه الرساله وكلي امل في تفاعلكم معها ***
وصلتني هذه الرساله عبر الايميل من شخص عزيز على قلبي ويطلب منكم مساعدته في نشر هذه القصه في المنتديات الاخرى كجزء من رفع الظلم ومساعدة المظلووم كيف لا والمظلووم طفل لا يستطيع دفع الاذى ولا يملك الا البكاء والان اترككم مع القصه

السلام عليكم ورحمه الله وبركاته


والله عندي موضوع ..ومو عارفه شلون ابدى فيـه ..واتمنى اي احد يقراهذي الرسالـة او تمر من عندة .. ان ينشرها لكي يساعد هذا الطفل..

من هالظلم اللي .. ذقناه من مدارس منارات الشرقيـة(الخبر)

بداية يوم الاثنين..راح اخوي "رابع ابتدائي_عشر سنوات" للمدرسـة ..يستلم الشهاده

راح الولد مبتسم ..طامح انه يجيب الشهادة ويشوف البسمة على شفاة امي..اللي وربي قدام عيني كانت تذبح دم قلبها عشان تدرس اخوي..

راح للمدرسة ..وعيونه فيها بريق فرحة ..بيرجع البيت ويفرح امي..يمة شوفي ولدك الكبير نجح..

دخل على الاستاذ..استاذ..وين شهادتي؟

رد باستهزاء واسلوب اقل شيئ اقول عنه انه مثل " الزفت وانتم بكرامه " .. ..روح للوكيل بس يعطيك شهادتك ..وببسمة تتراوح بين الاستهزاء..والاستهتار..

انصدم اخوي من موقف الاستاذ؟ سكت !! راح للوكيل .. سوري الأصل..

استاذ لو سمحت..يقول لي الاستاذ ".فلان.." ان شهادتي عندك ؟ القاها هنا؟

قام الوكيل ودف الولد "خارج الغرفة"..يالله بس روح روح ..انت مالك شهادة عندنا ..! ارتسمت علامات غريبة على وجه الولد الف سؤال وسؤال.. يشوف هالمواقف بالافلام والمسلسلات ..لكن تصير له واقع ؟؟

استاذ ؟ وين الشهادة ؟!!

رد وهو يطلعه من الغرفه : اقول لك يالله رووح مالك عندنا اي شهاده وبعدين نادي ابوك يجي نتفاهم معاه .. وقل لهم هالكلام وهم يفهمون ..

جانا اخوي..يصيح ..

يمـه ماعطوني الشهادة.. يمة انا ساقـط ..

يمة شوفي شلون الاستاذ سوا فيني .. يمه ليه سوى فيني كذا؟انا ماسويت له شيئ

ليه ؟ شلون يعني انا ساقط ؟؟

-------------------

اخوي.. مستوى ذكاء يفوقني غالبـا ..ذكي..ذكي ..ّّ ماشالله بطريقة غريبـة

لكن علته الوحيدة ..ألمشاغبة ...يحب يمزح مع الاساتذه ولو كان دمه ثقل او مزحه ثقيل !!

اخوي..انا مدرسته بأيديني..

اخوي بأيش ساقط يمه ؟ رياضيات ؟؟علوم ؟؟ قواعد ولا جغرافيا..

دمّعت عيون امـي..كلّمت المشرف وقالت له:

ولدي..بايش ساقط ..؟؟

والله ولدك ساقط بـالـ

المحفوظات

القران

التعبير



.


.


.

نزلت الصدمه علينا...

حنا اللى مدرسين اخوي بيدنا00وش هالكلام الفاضي؟

ماكان يطلع الا وهو حافظ ..

سقوط ؟؟

وقرآن ؟؟ فيه احد لا يستطيع حفظ كتاب الله !!!!!!!!!!!؟؟؟

والا المحفوظات الماده المحببه لدى الاطفاال لما تحتويه من اناشيد جميله !!!!!!!!!!

والمادة الثالثه ايش؟؟ تعبيــــــــر



تعبيــر مادة عمري ماشفت احد قد سقط فيها..!! تعبير تعود اولا لقدرات الولد

وثانيا لدور الاستاذ في تنميـة مهاراته ..وتشجيعه لأسلوب افضل...!!

هذولا هم .. طول عمرهم ..يربطون سلوك الولد واخلاقه وشغبه مع العلامات ..ايش الاسلوب التربوي هذا؟؟

ياجماعه انا مقهوره ..

وليه مو من حقي انقهر؟

خذلهم الولد وخيّب ظنونهم واجتهد في اخر الوقت ونجح بكل المواد ..رياضيات قواعد ..وغيرها

ماحطوا حيلهم هالمدرسين الا بالمواد الشفوية .. لانهم يدرون انها تقييم وماراح نطلب الاوراق..!!

كانت فرصة انتقام للولد .. ولد مسكين ..عمره 10 سنوات ؟؟

يسقط بصف رابع ؟!! رابع ابتدائي؟؟ ومن اي مدرسة؟؟ المنارات ؟!! ويـــن المشرفين والمدير؟؟ وين الرقابة .. مدرسة طويله عريضه سمعتها زينـه ..مافيها واحد من المصححين او المقيمين يخاف الله ؟؟

يسقطه بالتعبيـر؟ بالمحفوظات ؟

وينك يا امير محمد الفيصل00ما تدري عن هالمهزله فى مدراسكم00وين توجيهات سموكم على التعليم والتربيه؟؟؟

والله انه وهو يقول لامي الخبر..كأنه يقول لي...هذي هي نتيجة اجتهادنا مع الطالب طوال السنه ..سقوطه..!

حاله حال اي طالب ماحظر ..واعلى مافي خيلكم اركبـوه ..!

اولا..وين المدرّس قبل الامتحانات ؟؟ ليش ماكان يعطينا انذارات او يتصل بالام يقول لها ان طالبك مستواه شوي نازل..

ولا ولد تمام ماشي طوال السنه..جايب جيد جدا بالشهري..يسقط فجأه مره وحده ..السالفه فيها انّ!!

وين متابعته اليوميه للطالب؟؟ وين وقوفه معه ؟ ليه ماكان ياخذه لوقت الفراغ بدال حصص الرياضه والقرآنيه اللي خمس حصص باليوم

اخر ايام المراجعه ..يدق علينا اخوي من المدرسة..تعالوا خوذوني..المدرسين يتقهوون وتاركيننا نلعب..

خزي وعار وظلم ظلم مابعده آخر ...للمـنارات

وياجماعه بغض النظر عن الظلم اللي شافه ..سقوط قدام عينه والسبب تقييم من ناس مايخافون من ربهم ظالمين الولد وظلموا انفسهم معـاه ..!

بغض النظر عن ان الاستاذ كان ينتظر هالفرصه عشان ينتقم فيها من الولد ..اللي شاد حيله ..

اللي كانت امى تدرسه بيدها وتسهر معه الليالى.. ويسمع لها قدامها..ساقط ؟؟ بأي حق..!!

كان يطلع ويقول..يمه ادعي لي..ويرجع وهو مستانس..يمه ابشرك ..سويت تمام !!

هذا اللي طلعوا فيه المنارات ... سقوط للطالب ؟!

بغض عن هذولا كلهم ..خلوني اتناسـى ..أبي انسى بعض هالهموم..ابي اركز ..المشكله منهم ناخذها من وين ولا من وين ؟

وش رايكم بأسلوب تعامل الوكيل؟؟؟؟؟؟؟...هذا هو اسلوب المعاملة مع الساقط ..

خاصةً,,,الساقط ظلما !!

يطرده من الغرفة ؟؟ هذا بدال ماياخذه على جنب ..ياولدي.. ليش ماتجتهد ؟

ياولدي ...ليش ماتحاول؟ وترا السقوط مو نهاية العالم ..

ياولدي ليييش ماتقعد تدرس وتجتهد شوي وتعيد الدور الثاني وبتروح صف خامس مع اصحابـك..

هذا اللي قدر علـيه ؟؟ يطرد الولــد

حسافة شهادة التعليم اللي اخذوها..التعليم ماعلمهم الخوف من الله ؟؟

ماعلمهم الاسلوب التربوي مع الاطفال..

ياناس..طفل..طفل..بصف رابع ابتدائـي .. ماتسوى ابتسامته وهو يحمل الشهادة

ماتسوى ضمة امي له بفرحة ..ولو تقدير ضعيف..معليش..!!

ليــه ؟؟ سوري الاصل.. يهزأ ولد السعودية .. ويمرمطه بدولته ..ومن غير حق..

حطم حياة ولد ..والله قليلة ان اخوي متحطم ..ليته متحطم وبس..

يقول لي..خلاص..انا ما ابي المدرسه ..ابي اقعد جمب امي

ايييييش هالتحطيم اللي سببوه للولد ؟؟ وبأي حق؟؟ الولد قدامي كان يطلع تمام ..

ياناس...لاحظتوا الظلم ؟؟؟؟؟؟؟

لكن ما اقول الا ياحسافـة شهادة التعليم على ناس.. رديئين نفس..

ما اقول حقيرين ..لان الحقيـر..انسان

هذا متجرد من المشاعر.. هذا...مو انسان ...احلف لكم الحيييين !!!!!!! مو انسان هذا



صاحت امي قهــر..جعل اللي بكّاها يصيح دم .. جعل اللي انزل هالدموع تنزل دموع عيالة بنفس الموقف..

سؤال للمعلمين الخائبين هل سبق وان رائيت دموع امك تتساقط امامك ؟؟؟ قل لي بربك ماهوو شعوورك؟
لكن الاكيد انك بلا شعوور ولا احساس ولا ضمير

وكأني بالطفل الحاير المسكين يصرخ ويقول : مهلا مهلا يا خائبون ,, دمعة امي كيف تهوون
ما هنتي يا امي بل هانواا من اجرى الدمع بعينيكي ,,,, مهلا مهلا ولك يوم يا ظالم

جعله يشوف القهر اللي شافته امي..وشافة الولــد ..

دقت امي على المشرف..تصيح قهر ...

صاح بوجهها...انا ماعملت كذا مع الولد ..يام فلان .. ماعملت كذا...

تحلف كذب ؟؟ طفل 10 سنوات ؟ متحطم من وين له الكذب؟؟ يامفتري؟؟

امي مع هول اللي تسمع من نفاق..لطمت خدودها !! تكذب قدامي؟؟الولد يصيح قهـر..

قال لها ببرود : الصبــر..الصبر ..!! هذا اللي قدروا عليـه ..الصبر ؟؟

نصبر على ايش يا استاذ.... على تسقيطك الظالم للولد ؟؟

طيب طلبت يحولها على الاستاذ ..استاذ العربي.. اخونا في الله اللي ..مسقطه بالتعبــير

سبحان الله ..الاستاذ هذا بالضبط ..طالع ..

طالع بنص الدوام ..؟؟؟؟سبحاااااان الله

وبعد نص ساعه .. الاستاذ هذا..رجع بس طلع ..

ولا..مشغول..

ولا مالقيناه؟

اي اسلووب واي منطق واي مبدأ يتقبله هذا التصرف السقيـم ؟

هروب يا جبان ..هارب من سواد وجهك ..!!

وحاول يهديها الاستاذ حق الدين ..وقال لها ..يا ام فلان..موب بس ولدك الساقط ..

فيه طلاب غيره ساقطين00

ثمان طلاب ساقطين بالمحفوظات

واربعه طلاب بالتعبير



ولهم عين ؟؟ كأنهم يفتخرون ..شوفوا سواد وجيهنا وتعبنا طوال العام مع الطلاب..سقوط !! وبكل بجاحه يقولها ..بكل فخر.. استح على وجهك ..ليش سقوط عيال الناس عندكم ...مثل شربة الماي؟؟



مع الاسف.. طاحت من عيني مدارس المنارات الشرقيـة الخبر..بعد ماكانت عالـية ..

اثبتوا لي ..بنفسهم ..وكلامهم ومعاملتهم .. انهم مجموعة من العصابات الحاقدة ..لاغير..

مجموعة من الشهادات الملصقه على الجدار..لكن انفسهم ..خاوية من شرف مهنة التعلـيم..لاغيـر

وخيبتي ظني يامدارس المنارات ..

وسحبنا اخواني..

ببســمة مقهورة

وخواطر اطفـال ابرياء .. مكسـورة

ودعوات من صدور صاحت الم صاحت قهر ..صاحت ظلم !!

وخاب الامل .. والام جاها ضغط ..وسكر .. وحالتها يرثى لها ..بأس مستقبل بيروح الولد بعد اللي صار له ؟..

وبأي امل بيكمل ايامه ؟

وبأي طموح راح .. يقدر يعدي الابتدائـي ..

وفي النهاية ما اقول الا .. هذا زمان راحت فيه الامانه .. غيرنا يتحكمون بمسقبل عيالنا..برفع اصبح ..او بكلمـة..

لكن ما اقوول الا اذا ماخافوا من ربهم وتجردوا بلحظه حقد من كل الانسانيـة ..

وماخافوا ربهم من نظرة هذا الطفل المظلوم ؟ ماخافوا من اللي يدور بصدره وذهنه ؟

لكن ..غفلوا عن اللي فوقي وفوقهم .اللي.ماغفى عن كل كذبه وكل زلة تهاونوا فيها ..وكل حركة استهتار متعمدين فيها يسقطون ولد ....

تنام عيناك والمظلوم منتـبه .. يدعو عليك وعين الله لم تنم

ولا نقول سوى00حسبى الله ونعم الوكيل00

يمكنكم مساعدتي عن طريق نشر هذه القصه ورفع الظلم عن الطفل


وعذرا على الاطالـة ..
® فص فص

الرجاء من المشرفين تثبيت هذا الموضوع وذلك مساهمه من هذه الشبكه العملاقه في نصرة المظلوم
وتقبلوا تحياتي

من أمن العقوبه أساء الأدب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟



أكيد بينتقمون من ولي أمره .... قد هاوشهم مرة ....!!


على كل حال صدقيني إلا ينتصر الحق ... أما تصرف الاستاذ والوكيل

فهو يستحق المساءله والعقاب ؟؟؟؟؟؟؟؟؟؟؟؟؟؟؟ أين الأسلوب التربوي

في صرح تربوي ؟؟؟؟؟؟؟ وتبين الصراحه ودوه لحكومية اصرف ؟؟؟

وتأكدي ...... أن محمد الفيصل لن يسكت إذا وصل له الخبر والبركة

في شبكة الزعيم ......

نناشد الشبكه لتثبيت هذا الموضوع للاهميه

والله ينصركم ياخوي

الدنيا مافيها امان