|| .. FoRzA CaLcIo .. || في ربع النهائي .. اليوفي يقابل نابولي .. التقديم في الرد 199 ][ متابعة ][ - صفحة رقم 11 - نادي الهلال السعودي - شبكة الزعيم

دمـوع · #1 02/02/2009, 11:24 PM

ا

إقتباس


	وسام إلى الحين تحب يانكو !! تذكر على أيام الرابطة يوم قلبناها حروب ومضاربات بين مؤيدين يانكو ومعارضينه حزب المؤيدين بقيادتك وحزب المعارضين بقيادة طيب الذكر ميلانيللو وبنفس الوقت ميلانيللو كان يحب امبروسيني وانت تكرهه سبحان الله ما كنتوا تتفقون أبد !! ذيك الفترة كانت شغلتك تصيد أخطاء امبروسيني وشغلة تركي تصيد أخطاء يانكو

كانت أيام حلوة

هيضت ذكرياتي يا أخوي

ليت الأحبايب يعودوا .. ميلانيللو , أبو الريش , الزعيم الميلاني , مينلستا , بروف , ضحية مجاملة , و الكثير من الأحبة .
بس على فكرة انا و ميلانيللو كنا بغالب الأمور متفقين .. تؤأمي روحي هذا ما اقدر عليه

.. و هو أكثر عضو ما زلت على تواصل مستمر معه إلى الآن .. بس بسالفة يانكو و امبرو كنا مسوينها نعطي جو للرابطة بس

<< يرقع

إقتباس

إقتباس

تسلملي والله على الصور

بعد هالشيء نقول وينهم اللي قالوا هدايا و تحكيم وووو ؟!

ترى ممكن ميلان يفوز بأخطاء تحكيمة .. لكن بلاش تتعبوا أنفسكم بكذبة تصدقوها !! خليكم صريحين ومع الحق حتى لو ضدكم << شرايكم فيني يا حقين ميلان ؟

إقتباس

إقتباس


	ههههه .. اللي مصمم هالصورة يحسب مكتوب على خششنا مخفات .. الخط ينرسم عند آخر مدافع مب عند آخر مهاجم للميلان

ترى حتى لو .. هالهدف اتلغى .. نبيك بس تعلق على صور الهدف الأول اللي قلتوا انه غش

إقتباس


	ايهـ قـلي كـذا يا شيييخ ..

إقتباس


	راح تفكيري بعـييييييد ..

سامي .. ما عليك .. اللي عليهم + هذا يعني انه قوي و لا تقرب له

لا بصراحة معلومة عاملة للجميع حول هالشيء من خلال ما اعرفه انه يعني ان داخلين اثنين من جهازين مختلفين بنفس هالعضوية .. او انهم من نفس الآي بي .

===

بالرد القادم .. أمر خاص بعشاق كالتشيو الزعيم

دمـوع · #2 02/02/2009, 11:32 PM

بعد مشاورة لبعض مسؤلي المنتدى .. تم على بركة الله افتتاح شات قروب [ كالتشيو الزعيم ]
و نأمل مشاركتكم جميعاً فيه .. مع مُلاحظة ان الإنبراشات فيه ممنوعة

.. كما نشدد على ضرورة عدم تحول النقاشات من المنتدى إلى الشات .. و انما هو وسيلة للتقارب بين محبي الأندية المختلفة و التقليل من الإحتقان , و التنسيق فيما بين الأعضاء لعمل مواضيع مختلفة تخدم الصالح العام لقسم العالمية و المواضيع المختصة بالكالتشيو تحديداً ..

للدخول للشات اتبع الخطوات التالية /
* اضف هذا الإيميل في مسنجرك :
[email protected]

* سيظهر لك الشات بمسمى كالتشيو الزعيم.. و بعد الدخول فيه بإمكانك معرفة المتواجدين بالضغظ على زر التنبية ( الهزاز ) ثم قبول و سيظهروا لذيك على الجانب الأيسر.

معاً يداً بيد لنرتقي

لا يتوقف

الكرة الهلالية · #3 02/02/2009, 11:41 PM

,,

أبدا لن تخدعني هذه الصورة

..

يعني نصدق هالصورة ولا نصدق الخط الأسود حق السكاي بلقطة فيديو .. ؟!

Abo Saud Alhilaly · #4 02/02/2009, 08:55 PM

الي يشوف شكل اللاعب وهو يشوت يقول ذي من حقات كابتن ماجد الي يمسكه الحارس ويدخل معه

الخبر يقول : كواريزما وقع مع تشلسي عقد إعارة حتى نهاية الموسم .

المصدر

توتيCOM · #5 03/02/2009, 03:17 AM

إقتباس

الرسالة الأصلية كتبت بواسطة اليوفي و بس


	مورينهو !! لم يقدم للكالشيو سوى التصاريح و الإثارة و الخربطه التكتيكيه و الا كرسبيو و زلاتان و كروز و مانسيني و كوارزيما يلعبون كلهم مع بعض بصراحة مورنيو لاقي محبي الانتر

و اللهـ من جـد ..
مشكـلة موري من يومـهـ مع تشلسـي ..
اذا تخلـف بهـدف [ يسمـع بالتكتيكـ

] ..

إقتباس

الرسالة الأصلية كتبت بواسطة Abo Saud Alhilaly


	الي يشوف شكل اللاعب وهو يشوت يقول ذي من حقات كابتن ماجد الي يمسكه الحارس ويدخل معه الخبر يقول : كواريزما وقع مع تشلسي عقد إعارة حتى نهاية الموسم . المصدر

اووووهـ ابـو [ . . . ] ..

سنفتـقد للـضحكـ المهـاري في الدوري الايطـالي ..

بس اوووكي انتـقل للبـلوز ..

الحـين ابيكـ تتـذكر كلامـي زييييين يا [ حمـادهـ

] .. << و اللهـ ياهـو نشب لهـ

مـرحـبـاً يا كـوا كـوا للدوري اللي بتـلقى فلتكـ فيهـ ..

و لفـريقي الانجـليزي ..

سـلاآآآآآم ../

عاشق الأمير الأسيوي · #6 02/02/2009, 08:59 PM

8

السكاي سبورت مباشر تقول كواريسما بلندن لأجل السبيرز وبيجي بداله للآنتر
جيناس ..

السوق شعلل بآخر ساعتين ..

Abo Saud Alhilaly · #7 02/02/2009, 09:51 PM

^^^

دايم اخر يوم بالإنتقالات شعلل يا مشعلل

J o S e · #8 02/02/2009, 09:55 PM

:: كواريزما إلى تشيلسي دروجبا إلى الإنتر ::

الحديث عن البرتغالي كواريزما و إعارته إلى تشيلسي و تبادل مع دروجبا بالإعارة .

:: من جول كواريزما لتشيلسي ::

طبعاً جول أضافوا بهاراتهم و قالوا ممكن المقابل بيكون جو كول .

الزعيم القاريMILAN · #9 02/02/2009, 11:40 PM

يالله حيّهم جميعاًاً ..

إقتباس


	:: من الرسمي كواريزما إلى تشيلسي على سبيل الإعارة ::

أحسن له اللي راح .. بالإنتر ماله مكان .. وبتشيلسي إمكانية كبيرة إنّه يضمنه أساسي ..

لهذا قرار سليم ميّة بالميّة .. وهـ الإعارة ذي أتوقع يتم شراء عقده كامل بعد ماتخلص ..

-------------------------------------

إلّا مير ..

قاعدتن تجول بخاطري فكرة عن الإستوديو ..

لا صحيح .. الحين لو بدال مايصير الواحد يقعد يلاحق الصفحات وحدة ورى الثانية يدوّر النتيجة ..

تصير علطول بالصفحة الأولى .. يعني يحدّث الموضوع ويحط تحت بطاقة المباراة النتيجة ..
واللي جابوا الأهداف .. صح يمكن به موضوع الأهداف .. بس أحسّ إنّه اسمه استديو يجيب كل شي ..
وتحدّث الأخبار والجدول وترتيب الهدّافين وكل شي ..

مثل تسذا يعني ..

إقتباس


	لاتسيو vs ميلان

إقتباس


	0 - 3 ................................................... بــاتو ' 42 ............................................ أمبروزيني ' 48 ................................................. كــاكــا ' 83

فقط للتوضيح ..

فـ م ـان الله

أبوحمد _ Mi · #10 02/02/2009, 11:49 PM

السلام عليكم

حيا الله الكالشيوية

محمد : الكره الهلالية

ترا مب كل من فاز يعني فاز بغش , ولا هو كل من سجل هدف قلتو هدية !!

بللهي ممكن تقول لي وش الهدية ولا وش الغش اللي صار ؟؟

عجزت اعصر مخي ابي القا هالغش مالقيته .. ولا صح حنا نتكلم عن ميلان

يعني اي شي يسوونه غلط

حنا واياكم فزنا على لاسيو بثلاثة .. لكن فرق بين الثلاثتين

ثلاثة نظيفه ما فيها اي مشكلة , وثلاثتكم كانت مع هدف لاتسيالي وهدف ملغى وبلنتي ما احتسب لهم , مع هدف لابرا بتسلل فاضح وماصخ

ـــــــــــــــــــ

بالنسبة للنقاش حول موري ..

اكيد ان الفريق فيه عاهات .. وكل فريق بالعالم لابد فيه عاهات .. لكن لما اتكلم عن الانتر تشوف ان الاسماء اللي فيه وذكرتها بردي الاول اسماء مالها مثيل في الكالشيو .. واذا تبي تحط تشكيلة لافضل لاعبي الكالشيو عموما اقل شي ستة من الانتر !!

والشي الثاني لما نتكلم عن مدرب ونقول هاللاعب ما ابدع او ماكان بيومه طيب وين راح شغل المدرب ؟؟ ووش وظيفته اصلا ؟؟

وفوق كل هذا نشوف الاهداف دايم ما تجي بلعبة فردية او بكرة ثابته , ونادرا ما نشوفها بلعبة تكتيكية او ارتداد سريع مثل ما كانت مع مانشيني ..

الانتر يفوز مافيها كلام .. لكن اذا فاز يفوز باسماء لاعبيه مب بتكتيك مدرب !! وهالشي يمكن يخدمكم بالدوري لكن صعب يخدمكم بالابطال ..

ذيــب الانــتر · #11 03/02/2009, 12:30 AM

::

صباح الخير شباب ..

خروج الاستعراضي ممتاز وقرار سليم .. خصوصا انه احتمال
يبدع بـ دوري شتها وتجي قول

.. وان شاء الله نبيعه بـ ضعف الي شريناه

..

إقتباس


	وفوق كل هذا نشوف الاهداف دايم ما تجي بلعبة فردية او بكرة ثابته , ونادرا ما نشوفها بلعبة تكتيكية او ارتداد سريع مثل ما كانت مع مانشيني .. الانتر يفوز مافيها كلام .. لكن اذا فاز يفوز باسماء لاعبيه مب بتكتيك مدرب !! وهالشي يمكن يخدمكم بالدوري لكن صعب يخدمكم بالابطال

اولا .. اخبارك ابوحمد عساك بـ خير

..

معليش ترى فيه فرق بين انتر مانشيني وانتر مورينيو .. !

اولا اعرف ان هالموسم غريب .. لان الاندية الصغيره تجي لـ ملاعب الكبيره وتهبل بهم ..
وهذا الكلام مانشوفه دايم الموسم الماضي .. وايضا رجوع ميلان واليوفي لـ المنافسه ..
وهم اقوى واصعب من روما بـ شكل كبير ..

مع انتـر مورينيو شفنا كم لاعب رجعو لـ مستواهم .. واولهم ستانكوفيتش العلامه الفارقه في تشكيله مورينيو ..
هـ اللاعب الموسم الماضي كان اكره لاعب بالنسبة لنا .. لكن الحين الوضع تغير ..

الموسم الماضي لما يخسر الانتـر يضيع على طول .. والدليل اخر الدوري شف وش صار .. خصوصا بعد خروجنا من ليفربول ضعنا ..
وبـ اللعنة واختها وبـ فضل ابرا جبنا الدوري ..
ولا مانشيني كان نايم بالعسل .. ومغير يصارخ ويزاعق .. !

على عكس مورينيو الي خسر في الديربي وبعدها فاز وسيطر على الوضع مباشره ..

مع مانشيني كنا نحفر مانفوز على اليوفي

.. ومع مورينيو لعبنا فيهم لعب

الفارق الكبير بين انتر مورينيو وانتر مانشيني [ غرفة الملابس ]

..

مورينيو مدرب اجنبي .. وركز على هالكلمة .. وقليل الاجانب الي يدربون
بالكالشيو وفي اول موسم يتصدرون

تاثير مورينيو على الانتـر مابعد اكتمل مره .. وبـ الصيف بنشوف غربلة كبيره
ولاعبين جدد كثار ..عموما هذا ردي عليك على عجل واستعجال

..

ومبروك الاشراف بعد الزحمة

أبوحمد _ Mi · #12 03/02/2009, 01:28 AM

^^

هلا بالذيب

الله يبارك فيك << ابعتزل الحين وانت توك تبارك

نجي لنقاشنا ..

إقتباس


	اولا اعرف ان هالموسم غريب .. لان الاندية الصغيره تجي لـ ملاعب الكبيره وتهبل بهم .. وهذا الكلام مانشوفه دايم الموسم الماضي ..

بالنسبة للفرق الصغيرة .. هذي عادة الكالشيو يالغلاا من قديم الزمان

معروف عن الكالشيو انك تتوقع اي شي من اي فريق

ولا ليش سموه دوري الصلب

ولا دوري التقفيل وخطة 10-0-0 ..

وانت رديت على نفسك بنفسك .. يومك تقول ان هالشي ماكنتو تشوفونه لانكم مع مانشيني مع اننا كنا نشوفه في الميلان وروما من زمان ..

إقتباس


	وايضا رجوع ميلان واليوفي لـ المنافسه ..

وهالشي يالغالي الانتر هو اللي سواه .. الانتر يضيع مباريات سهلة ويخلي نفسه تحت الضغط , وهالشي مب قوة بالميلان ولاهي قوة باليوفي ترا ... والدليل باخر ثلاث مباريات لكم 4 نقاط من 9 تخيل لو هي 9 من 9 كان صار الفرق 11 ولا فيه منافسة ..هذا بس باخر مبارياتكم ولا تكلمنا عن الجولات القديمة ..

إقتباس


	الموسم الماضي لما يخسر الانتـر يضيع على طول .. والدليل اخر الدوري شف وش صار

يالغلاا الموسم اللي راح تخبطات الدور الثاني فقط !! يوم صار الفرق اكثر من عشر نقاط في فترة من الفترات بينكم وبين روما .. وهالشي خلا اللاعبين والمدرب وحتى المشجع ما تهمه الخسارة الين قرب روما منكم , وبالنسبة لاخر جولة هذا شي طبيعي ومع كل مدربيصير , حتى مع موري مع تشلسي قدام مانشستر اذا لعب تحت الضغط في اواخر الجولات طبيعي يصير اللعب بشكل مختلف وبشكل مغاير , لكن شف الانتر مع مانشيني في بداية الدوري ؟؟ شف وضع الانتر في نفس الدور العام ؟؟ شف وضعه قبل العام وسبعطعش فوز متتالي !!

إقتباس


	مع مانشيني كنا نحفر مانفوز على اليوفي .. ومع مورينيو لعبنا فيهم لعب

مع كامل الاحترام يا سعد

بس مع وين لعبتو فيهم

قل فزنا عليهم , بس لاتقول لعبنا فيهم ..

طبعا مع عدم المقارنة بين لاعبينكم ولاعبينهم الا ان اليوفي بصراحة كان خصم وفوزكم جا بالحسر ..

إقتباس


	تاثير مورينيو على الانتـر مابعد اكتمل مره .. وبـ الصيف بنشوف غربلة كبيره

اذا جلس دور ونص وما بعد اكتمل متى بيكتمل ؟؟

هالكلام لو هو بالجولة الخامسة او السادسة يمكن اوما ثلاث وعشرين جولة ولا بعد عرف اللاعبين والكالشيو ؟؟

إقتباس


	مورينيو مدرب اجنبي .. وركز على هالكلمة .. وقليل الاجانب الي يدربون بالكالشيو وفي اول موسم يتصدرون

هذي يالغلا مالها دخل بنقاشنا .. انا قلت من زمان ان الانتر يفوز , ويتصدر ويمديه يجيب الدوري بعد .. بس هالشي مب بجهد مدربه اللي جالسين نشوفه هالحين .. هالشي بجهد لاعبين ..فقط !!

اليوفي و بس · #13 03/02/2009, 01:57 AM

مورينهو !!

لم يقدم للكالشيو سوى التصاريح و الإثارة و الخربطه التكتيكيه

و الا كرسبيو و زلاتان و كروز و مانسيني و كوارزيما يلعبون كلهم مع بعض

بصراحة مورنيو لاقي محبي الانتر

L E A D E R _ 9 · #14 03/02/2009, 02:01 PM

إقتباس


	قل فزنا عليهم , بس لاتقول لعبنا فيهم .. طبعا مع عدم المقارنة بين لاعبينكم ولاعبينهم الا ان اليوفي بصراحة كان خصم وفوزكم جا بالحسر ..

أبو حمد تراك ظلمتنا

مباراتنا قدام اليوفي كانت على باب واحد وما أذكر لليوفي الى هجمة بالشوط الاول وراحت ركنية وكورة ديل بييرو اللي بالراس هذا اللي لهم بس ، الانتر بذيك المباراة كان إمتاع وإبداع

صحيح وإن هدفنا ميت لكن ضيعنا اهداف محققة والمفروض نطلع بأكثر من هدف .

بالنسبة لموضوع مورينهو فريقه متصدر وطرف بكل البطولات وماسوى شي للحين !!
مورينهو بالفترة اللي راحت سوى نقله كبيرة بالانتر وأهم شي سواه رجع لنا لاعبين لمستوايتهم زي ستانكو ولاتنسى إنه طور من مستوى ابرا ومايكون واكتشف سانتون وتكفي إشادة ليبي فيه ، وعلى طاري ليبي له تصريح قبل فترة يقول فيه مورينهو قريب مني وقصده من ناحية الفكر التدريبي ، أنا أشوف اللي سواه مورينهو شي حلو للحين خصوصا وانه لاول مرة يدرب بالكالشيو ولاتنسى إنه واجه حرب اعلامية بداية الموسم لكنه كعادته تحداهم وكاسبهم للحين .

إقتباس


	أجل عمركم شفتوا فريق يلعب بخطة 4-2-4 صح مشت معه ضد ليتشي وسجل بس مب دايم يسجل إذا كان بيحط أربع مهاجمين الفرق اللي تلعب ضده بتحط 6 مساكين غير القشاش والأظهرة

على فكرة ترى لما يسويها ما ينهزم ويا نطلع فايزين او تنتهي تعادل ، وفادت الفريق بأكثر الاحيان وتعتبر أفضل من بعض الحلول اللي نشوفها مثل العب دفاع ومن دون هجوم أو أطلع محور وأنزل محور .

بالاخير تبقى وجهات نظر

Tнe LeaDeя MiLaи · #15 03/02/2009, 02:05 AM

ياليل التحكيم والقلق اللي طلع لنا من يوم فاز ميلان

إقتباس

الرسالة الأصلية كتبت بواسطة توتيCOM


	ما كـفاكـم الاول .. قفـزتوا على المساكين يوم فازو و تبون تخربون فرحتهـم .. واصـلو يا الميلان .. مالكـم عـذر اسحـبوا على كاس الاتحـاد لعيـون الاسكديتـو ..

تشوف سامي

لازم يفسدون فرحتنا

بس لعيونك الدوري لنا

ههههههههههه

إقتباس

الرسالة الأصلية كتبت بواسطة الهلال دنيتي


	,,, قال تسلل قال ~] بس كيف بيكهآم التجآري ~] ,,,

إقتباس

الرسالة الأصلية كتبت بواسطة الهلال دنيتي


	,,, لقطه لهدف باتو الأول ,, من زاوية أخرى ~] ,,, إنفراد باتو الشوط الأول ,, وقرآر صحيح بعدم وجود تسلل ~] ,,, هدف باتو الملغي بداعي التسلل ~] ,,, إنفرآد كآكآ في الشوط الثاني ,, وقرآر صحيح بعدم وجود تسلل ~] ,,, إنفرآد باتو في الشوط الثاني ,, قرآر صحيح بعدم وجود تسلل ~] ,,, إنفرآد كآكآ في الشوط الثاني ,, وقرار صحيح بعدم وجود تسلل ~] ,,,

ظهر الحق

إقتباس

الرسالة الأصلية كتبت بواسطة J o S e


	:: كواريزما إلى تشيلسي دروجبا إلى الإنتر ::

نهايه مؤلمه للحلاق

إقتباس

الرسالة الأصلية كتبت بواسطة ذيــب الانــتر


	:: تاثير مورينيو على الانتـر مابعد اكتمل مره .. وبـ الصيف بنشوف غربلة كبيره ولاعبين جدد كثار ..عموما هذا ردي عليك على عجل واستعجال ..

لايجيب ياسعد لاعبين زي مانسيني وكورايزما

----------------

تعلن رابطة ميلان اخلاء مسؤليتها عن كل ما يتعلق بالعضو ابو سعود الهلالي وانه عضو لا يمثل للميلانيين باي صلة و انه شخص غير محسوب على الجمهور الميلاني الراقي , جاء ذلك عقب حصولة على اول بلوك في شات كالتشيو الزعيم , ونحن نعلن اعلان المقاطعة معه اسوه بالمنتجات الدنماركيه خخخخ

.

وسوف يعلن في الايام القادمه عن مفاجئه جائت فكرتها من هذا القروب , وسوف يتم تطبيقها من الاستديو القادم إن شاء الله .