نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - || .. FoRzA CaLcIo .. || في ربع النهائي .. اليوفي يقابل نابولي .. التقديم في الرد 199 ][ متابعة ][

ذيــب الانــتر · #11 03/02/2009, 12:30 AM

::

صباح الخير شباب ..

خروج الاستعراضي ممتاز وقرار سليم .. خصوصا انه احتمال
يبدع بـ دوري شتها وتجي قول

.. وان شاء الله نبيعه بـ ضعف الي شريناه

..

إقتباس


	وفوق كل هذا نشوف الاهداف دايم ما تجي بلعبة فردية او بكرة ثابته , ونادرا ما نشوفها بلعبة تكتيكية او ارتداد سريع مثل ما كانت مع مانشيني .. الانتر يفوز مافيها كلام .. لكن اذا فاز يفوز باسماء لاعبيه مب بتكتيك مدرب !! وهالشي يمكن يخدمكم بالدوري لكن صعب يخدمكم بالابطال

اولا .. اخبارك ابوحمد عساك بـ خير

..

معليش ترى فيه فرق بين انتر مانشيني وانتر مورينيو .. !

اولا اعرف ان هالموسم غريب .. لان الاندية الصغيره تجي لـ ملاعب الكبيره وتهبل بهم ..
وهذا الكلام مانشوفه دايم الموسم الماضي .. وايضا رجوع ميلان واليوفي لـ المنافسه ..
وهم اقوى واصعب من روما بـ شكل كبير ..

مع انتـر مورينيو شفنا كم لاعب رجعو لـ مستواهم .. واولهم ستانكوفيتش العلامه الفارقه في تشكيله مورينيو ..
هـ اللاعب الموسم الماضي كان اكره لاعب بالنسبة لنا .. لكن الحين الوضع تغير ..

الموسم الماضي لما يخسر الانتـر يضيع على طول .. والدليل اخر الدوري شف وش صار .. خصوصا بعد خروجنا من ليفربول ضعنا ..
وبـ اللعنة واختها وبـ فضل ابرا جبنا الدوري ..
ولا مانشيني كان نايم بالعسل .. ومغير يصارخ ويزاعق .. !

على عكس مورينيو الي خسر في الديربي وبعدها فاز وسيطر على الوضع مباشره ..

مع مانشيني كنا نحفر مانفوز على اليوفي

.. ومع مورينيو لعبنا فيهم لعب

الفارق الكبير بين انتر مورينيو وانتر مانشيني [ غرفة الملابس ]

..

مورينيو مدرب اجنبي .. وركز على هالكلمة .. وقليل الاجانب الي يدربون
بالكالشيو وفي اول موسم يتصدرون

تاثير مورينيو على الانتـر مابعد اكتمل مره .. وبـ الصيف بنشوف غربلة كبيره
ولاعبين جدد كثار ..عموما هذا ردي عليك على عجل واستعجال

..

ومبروك الاشراف بعد الزحمة