حــبــل الــكـذب قـصـيــر ..! - نادي الهلال السعودي - شبكة الزعيم

الشانزليزيه · #1 05/02/2009, 07:17 PM

بسم الله الرحمن الرحيم
السلام عليكم ورحمة الله وبركاته

الأكيد حاليًا أعزائنا الطلاب والطالبات يتجهزون للإختبارات

الله يوفقهم وينجحهم وينجحني

,’

الموضوع يتكلم عن مشكلة اصبحت ظااهرة بيننا ..
وهي ( الكذب )
الكذااب مهما يكذب هو شخص في نظر البعض شخص داهية ذكي خطير يهب يااوجهه

>>وعند البعض الاخر عكس ما قلن أنفاً

!!

انا اشبه الكذب بالاشاعات .. مصدرها وااحد الشخص يكذب وفي نفس الوقن ينقل اشاعه هي كااذبه وغرضها التضليل في الاغلب .. والكذب ربما لتبااهي بأمر ما او مجرد مرض وعاادة يصااب بها الشخص الكااذب !!

خلوني أذكر لكم أهم الأسباب اللي تؤدي للكذب :

1- قلة الخوف من الله و عدم مراقبته في السراء و الضراء .

2- لفت الانظار و مسايرة المجالس بروايات كاذبه .

3- التباهي بالكذب على انه من سرعة البديهه و الفطنه .

4-عدم الثقة بالنفس و تحمل المسؤوليه .

5-التعود على الكذب منذ الصغر .

6-الهروب من الواقع و الخوف من مواجهة الحقيقه.

7- قد يكون يعاني من نقص ما .

على سبيل المثاال .. شخصة اعرفها عز المعرفه صديقة عزيزة ولكن عيبها الكذب المتوااصل .. في اي موضوع تطلع لك بسالفه وقسم لو الفها يمين يساارارجعها ما تمشي قوويه يااناااس قووووووووويه

!!

وللاسف اصبحت عاادة سيئة بالنسبه لها .. فـ من نااحية إنك توااجه مثل هالاشكاال .. مو كل الشخصياات الكااذبه تقدر تقولها في وجهه انت كذااب !!

بأذكر لكم سالفه صاارت لي مع نفس الشخصة المذكورة في الاعلى
كل يوم كذبه كل يوم موقف كل يوم قصة واغلبها إن لم تكن كلها خرااااط وكلاام فااضي !! في إحدى الاياام وتحديدا الصبااح السااعه 11 ونص عند د.كيف اللي توهم فاتحينه بالجامعة

شطحت أختنا بالله بكذبة ورب الكعبة ما قدرت امشيها قووويه ياانااس .. حاولت اتغااضى عنها صرفت فكري وعقلي التهيت بوحدة من البنات << كل ذاا وما قدرت انسى الكذبه

!!

اولا قالت درجة حراارتها اليوم 41

.. الشخص الطبيعي لما توصل لـ40 اقول عليه السلاام شخص على الاقل مغمى عليه إذا ماامات .. الحرمة تسولف وكأنها عندها بس زكمة !!
تفلـّت ومسكتها قداام البنات

وكل ما داار بينا في ال3سنين الي راحت سدحتها لها من كذب ونصب

قلت يمكن لما اعلمها وافهمها إنها كذاابة .. يمكن تستحي تحس بالذنب تشعر بتأنيب الضمير .. بعدها بيومين بالظبط سدحت لنا قصة من قصصها المبدعه ’’ كأني ما قلت شيء ولا كأني تكلمت وعلمتها إننا ندري إن كلاامك كذب في كذب يعني إنسانة مثل ذي من جد قوية عين

فـ هذا النوع ما ينفع تقول في وجهه أنت كذاابـ/ـة !!

بس أذكر ابوي أول يــوم إني بالابتدائي كان يقوللي أنتبهي يابنتي من بنات المتوسط تراهم يـــكذبون.!
قلــت يكذبون ؟! قال ايه يابنتي لاتصدقين أي شي يقولونه لك تراه أغلبه خراط ؟
قلت كيف يكذبون بالعكس البنت كل ماتكبر تصير صادقه وماتكذب كثير ..!

قال بالعكس الحين البنات اللي بتقابلينهم
بالمتوسط بعضهم بيخرط عليك وبيقولون حنا سوينا وحطينا وصار لنا ويمكن يضحكون عليك ويجرونك لأشياء موب زينه

عشانك صدقتيهم ....

؟! أنا صار وجهي كذا

+

.. مافهمت قصده .! لـنّه طرى على بالي كذب الابتدائي وحسبت

أنه يقصد هالنوع من الكذب ..أبوي تفكيره طلــع أكبر وأنا ماأدري ...؟

قلــت بنفسي وش هالكذب اللي بيجرني

لأشياء موب زينه ؟؟ .. ألحين لاقلت إن سامي الجابر يقرب لي ولا إذا قلت إني سافرت أمريكا ولا اذا قلت إن راشد
المــاجد صديق خالي يصير كذب موبزين ويجر لأشياء موب زينه !!

>> كيف الأسلوب ماشي معكم

؟

وبهالفتره (المتوسط).. (يوم كان كل البنات خالهم نواف التمياط

)كنت أشوف بنت عمي قدوتي بكل شي وكنت أناظر فيها على اساس انها الفاهمه والعاقله

وانها متخرجه من الجامعه وكنت أقول لها .. أحس البنت كل ماتكبر يصير كلامها كله صدق وماتصير كذابه مثل أول ,,؟ نــاظرت فيني ...!!وقامت تضحك .. قالت ايه مره

.. قلت ليه .. وكيف

..قالت بالعكس كل ماتكبر كل مايزيد فيها الكذب
ويتــأصل بعد .. أنا صارت عيوني كذا

ويوم دخلت الثانوي ( يوم إن كل البنات يقب لهم واحد مشهور

)

شفت اشياء ماعمري شفتها شفت النفاق والكذب اللي على أصول والخبث .. وقتها فهمت وش اللي كانت بنت عمي تقول لي عنه ..!

كنـــت بريئه << ايه مره

الكذب بصراحه مبدأي اذا بضطر للكذب بتهرب من الاجابه ’ لان الكذاب مصيره بينكشف ومااحب احط نفسي بها الموقف ’ اخذها من اقرب طريق وافضل السكوت احسن

لما كنت باولى ثانوي كنا تونا لمنطقه ثانيه وماكنت اعرف احد من البنات تعرفت على وحده كانت تسولف عن حسين عبدالغني

تقول انه ولد خالتها والله انى كنت مصدقتها

بعد فتره لما خذت على البنات قالو لى ترها تكذب عليك

فـ الكذاب يخدع نفسه قبل مايخدع غيره وينطبق عليه مقولة _ كذب الكذبه وصدقها _

ووحدة ثانية بالثانوي تقول إن جواد صديق ولد عمها روح بالروح

وإنهه قد جاهم بالبيت ووقع على جبهة أختها وأنا ساكتة وأسلك وأقول بنفسي عساه مادبج عند باب بيكم بس

مــــابعد الثانوي ....

أشوف بنات بكامل قواهم العقليه والحسيه والإدراكيه وكل شي ... و يكــذبون

ليه ؟؟! ليه بكبرك هذا قاعده تكذبين وتكذبين ولاهمك أحد ؟! وش بتستفيدين غير ان كل اللي حولك بيسمونك الكذابه (طبعا من وراك)..!

ماتخافين أحد يكشفك يوم من الايام ؟ وجهك مغسول بوشو ..؟؟ أنا اكتشفت إكتشاف عظيم

ان الكذابه فيها قوة عين موب طبيعيه ؟؟ يعني ليتها تكذب على زميلاتها وبس (إذا كان عندها زميلات) لا !! وتكذب

على أستاذتها ودكاترتها بعد ماعندها مشكله ؟كــنت أول اذا قاعده تسولف معي كذابه اسوي نفسي اني مصدقتها
ولا احاول المح لصديقاتي او لها إني كاشفتك بالعكس كنت اجاريها واسوي نفسي مصدقه بس لمتى

إختي كانت تنصحني تقول الكذابه خشي بعينها وماعليك منها وفشليها بعد ؟ قلت لا حرام بتزعل بعدين ممكن ابين لها

اني اشك بكلامها لكن أفشلها لا.. قالت اختي أنتي غبيه ..؟ ماتعرفينهم كثري ذول ماينفع معاهم الا كذا أصلا مايحسون ولا يتفشلون ماعليك منهم وجههم مغسول بكلوركس وتراهم تعودوا على طيحة الوجه ..

أجل وحدة بالجامعة تقول عندنا منصة هليوكوبتر بسطح بيتنا

يختي لو حنا بسنة رابع ابتدائي ماصدقنا , جامعة يالظالمة

أنا توني أدري ان فيه بعض البنات الكذب عندهم هوايه !!

ويكذبون بسبب وبدون سبب ..!

مرة الصبح على ام بي سي اف ام

دقت وحدة من هالطعوس تقول اهدي أغنية واحشني موت لخطيبي يااسر

<<

استغفر الله بس

برضو قبل فترة وحدة جتنا تسولف

وش تقول تقول إن خالها مدري عمها يقولها تكفين لاتلدعين ترى أروح وطي

بالله عليكم ياعالم هذا كلام خال مدري عم

يعني بظنها اننا صدقناها

عندي وحدة بالماسنجر دايم تنسخ لي كلام وحدة عندها فقاشة

اجل تقول يوم اروح لندن وانا اتمشى بسيكلي وطاقة الكاب شفت مساري ووقفت اصور معه ولاصدق اني سعودية

احتريها بس تقول وصحيت من النوم

بس ماعندها نية
آخر شي قلت قولي لها لاتقعد عند روتانا كليب واجد

وبالشفا ان شاء الله

واللي تقول بسافر تركيـا وتصقعك بلوك بعدين تقول سووري كنت مسافـرهـ ..

وتشيل البلوك شووي بس عـ أنها داخله تشييك

,’

أخر شيء عشان مايجيني أحد ويقول نبعد عن المثالية شوي ومن هالحكي

صحيح كلنا كذبنا أنا كذبت إنت وإنتِ كذبتوا بس أنا هنا أتكلم عن الكذب اللي مايخش المخ ولا يدخله والكذب المبالغ فيه لأن كلنا كذبنا يمكن للهروب من شي او مسوين شي ونكذب ونقول مهب حنا بس تراه يسمى كذب

بالأخير مافيه أحد منزهـ

""""ْ~ْ~""""

[رأى رسول الله امرأة تقول لولدها تعال أعطك فقال الرسول :ما تعطيه قالت :تمرا فقال أرأيت إن لم تعطه كتبت عليك كذبة ]

""""ْ~ْ~""""

قال صلى الله عليه وسلم :

(( إن الصدق يهدي إلى البر وإن البر يهدي إلى الجنة وإن الرجل ليصدق ويتحرى الصدق حتى يكتب عند الله صديقا ، وأن الكذب يهدي إلى الفجور وإن الفجور يهدي إلى النار ولا يزال الرجل يكذب ويتحرى الكذب حتى يكتب عند الله كذابا))

الله يجعلنا من الصادقين ويكفينا شر الكذب والكذابين

* مزمزة أخيرة :

عطلت اليوم

أختكم

Fahad Al Sudais · #2 05/02/2009, 07:26 PM

تدرين وش اتمنى ...

اتمنى انسخ موضوعك بالكامل وارسله بالايميل لمحمد الدويش ( عميد الكذابين )

الله يعطيك العافية

الكذب باختصار ( مرض )

وصديتك هذي لاتتعاملين معها بتوتر او عصبيه... لا بالعكس عطيها جوّها

تعاملي معها وانتي حاطه في بالك انها انسانة مريضة

الف شكر اختي وماقصرتي

أنطونيـو · #3 05/02/2009, 07:33 PM

ياكثرهم في واحد عندي نفس الطريقه ياكثر مايكذب من ضمن كذباته

انه هو وخاله قطعوا في ظرف 7 دقائق 70 كيلو
انا مشيتها وقعدت افكر
بعدين قلت له كيف تصير هذي
سيارتكم كم تمشي قال 240

قلت والله لو انكم ماشين 240 ماقطعتوها في ربع ساعه خل 7 دقائق
قال انا اصلن امزح معك

الدهينه · #4 05/02/2009, 07:48 PM

هههههههههههههههه صدق حبل الكذب صغير ومشكوووووووووووووووور

الـمـشـاغـب · #5 05/02/2009, 08:02 PM

ذكرتيني بوحدة تقول انها مدرسة ابتدائي تدرس الصفوف الدنيا اول وثاني وثالث ..!
سألتها أي مواد تدرسينها .. ؟ قالت اجتماعيات تاريخ وجغرافيا

خخخخخخخخخخخخخخخخخخخخخخخخ
من متى أولى وثاني وثالث يدرسون تاريخ وجغرافيا يا أبله عبير؟

هذا أول موقف طلع معي من جبتي طاري كذب البنات ... الله يشفيكم

ولي عودة إن شاء الله

عدنا ..
شوفي يا بنت ..!
من ناحية الكذب فعندنا وعندكم خير .. عندنا شباب أدمنوا الكذب وما يقدرون يعيشون بدون كذب وأفلام هندية ..!
أغلب كذب الشباب هو في المغامرات العاطفية

لما يسولف لك تحسين انه مخقق نص بنات السعودية

لكن لما تشوفين وجهه تقولين وجه القرد أرحم

بالنسبة لي .. أستحي أكذبهم أو أحرجهم إذا كان كذبهم مهضوم شوي ومش مبالغ فيه ..
لكن إذا كانت الكذبة كبيرة وهو متعود على الكذب أكذّبه في وجهه ( إذا كنت أمون عليه ) . بس مهما كذّبته ما ينفع معه لأن الكذب يجري في وريده ..!

طبعاً الكذب أنواع .. فيه كذب لغرض التميلح .. وكذب لغرض الفكاهة .. وكذب ماله هدف .. إلخ
الكذب المنتشر في المنتديات .. هو الكذب المدري شسمه

يعني اللي يلمع صاحبه ويظهره بشخصية غير الواقع .. وهو أكثر انواع الكذب تصديقاً من قبل الآخرين ..! <<< يا حبي للفلسفة

أنا الحمد لله رب العالمين .. في حياتي ما عمري كله كذبت كذبة واحدة

<< كذبة طبعاً

يالله مشكورة يا الشانز..إلخ على الموضوع الحلو ومبروك العطلة

سنتياجو هلالي · #6 05/02/2009, 08:36 PM

شخصة << لووول

المهم

موضوع عـ الجرح طال عمرك مره منتشر الكذب بمجتمعنا المحترم لدرجه صار الي ما يكذب غبي او متخلف الله يعينهم على حالهم .

لا هنتي موضوع رائع .

دمي ازرق واحب الابيض · #7 05/02/2009, 09:09 PM

ذكرتيني بالكذب
اعرف واحد يقول رحت الدمام بنص ساعه ..سكت انا ماقلت شي شوي
قال:ورحت جده ماخليته يكمل
قلتله انطم بس محنب هنود عندك تقد تفقش علينا

sowaid · #8 05/02/2009, 09:10 PM

اول شئ شكرا اختى ع الموضوع هذا اللي جاء في وقته <<<<<<< كذااب

وبعدين زي ماقلتي في كلام مايخش المخ وفيه كذب عادي اسمه كذب ابيض

احتراميـ

هامور البورصه · #9 05/02/2009, 09:16 PM

انا اشهد ان حبل الكذب قصير

انا مايقهرني بالكذاب الا انه مايخلي لك فرصه تسولف

الحين تجي تقول
اليوم وانا جاي صار علي حادث

ينط هو يقول والله اني مثلك امس صار
علي حادث تقوله قبل اسبوع سويت كذا وكذا وكذا يقولك انا بعد قبل فتره
سويت كذا وكذا وكذا وكل ماتقول شي تلاقينه مسويه قبلك

هذا علطول
ادر انه كذاب

4-عدم الثقة بالنفس و تحمل المسؤوليه .

الكذاب احس انه يحس بنقص في نفسه عشان كذا يبدأ يكذب ويألف قصص لانه لما يشوف الكل يسولف وهو زلابه ماعنده شي يبدأ يألف قصه عشان
بس يشارك

5-التعود على الكذب منذ الصغر .

مشكلة لما يتربى الواحد في عائلة كلها بنات ويبدأ ينصب على خواته

وهم يمشون له او انهم مايدرون انه كذاب فهو عاد اذا كبر يحسب الناس
دلووخ مثل خواته او ان الناس بيمشون له مثل خواته لكن فيه بعض
الناس صار يدري ان الكل يدري انه يكذب بس خلاص صارت عاده فيه
اذكر بالثانوية كان فيه طلاب كل الفصل يدري انهم كذاب لدرجة ان اغلب
الطلاب كانو يجون يقولون له هاه وش اخر كذب

وهو مبسوط يبدأ
يألف له كذبه طازجه

طبعاً انا انسان امبسط على الكذابين واعطيهم جوهم واندمج بسالفة

ومجرد انه يطلع خذ ضحك عليه

يصير سالفتنا اليوم كلها

ينطيك العافيه أختي الشانزليزيه ع الموزوع الزريف

طوق الحمام · #10 05/02/2009, 09:24 PM

الكذب وما ادرك ما الكذب ؟؟؟
والله مرض الله لايبلانا بس ....

ذكرتني باخال امي الله يستر عليه بس شايب بس أيش ناصب كبير ررررررررر ديم اقول امي الحين ليه ما احد يستقعد له ويقول له انك كذب تقولي عادي حبيبتي من عرفته وهو كذا يحب المغامرت <<<< امي تبي تزين كذب خالها قالت يحب المغامرت

بس تدرين احيانا احسه رهيب وهو يعطي من ذا الرخيص اذا ناظرته نظره ترا اعرف انك فقش يقولي عادي لا دققين ..
مو ضوعك جدا اعجبني وذكرني با فقشات مرت على الله يستر على اصحابه بس ..

مبرووووووووك الاجازه يا قلبوه والله يبلغك با النتيجه الحلوه ان شاء الله

..

وعن الكــــــــــــــــــــــــــــــذب احسن لك ما دققين على قولة الخال

..

با التوفيق

برنسيسة الهلال · #11 05/02/2009, 09:39 PM

إقتباس

الرسالة الأصلية كتبت بواسطة الشانزليزيه


	اجل تقول يوم اروح لندن وانا اتمشى بسيكلي وطاقة الكاب شفت مساري ووقفت اصور معه ولاصدق اني سعودية

هههههههه آآمآآآ عآآآآد صورت مع مسآآري

من جد البنآآآآت عليهـم نصب مو طبيعي

آذآآ آنتي بالمتوسط كل البنآآآت خآلهم نوآف آلتميآط

آنآآآ بآلمتوسط كل آلبنآآآت آخوهـم سعد آلحآرثي >> عآآآد مـن زينهـ

بآلثآنوي كلهم سآفروآ آمريكآآآ

من وجهة نظري آلكذب نقص يعآآآني منهـ آلكذآآآب ويحآآول يعووضهـ وآآحنآآآ آلضحيهـ

بآلنسبهـ لي مآآآحب آحرج آحد آو آفشل آحـد حـرآآآآم

آهـوو من نفسهـ بيعرف آن آللي يسويهـ غلط وبيتوووب .....

يعطيك آلعآآآفيهـ حبيبتي

مـوودتي ،،

M!ss 7up · #12 05/02/2009, 10:07 PM

الكذب مرض
الله يجيرنا منه

ومشكله الواحد اذا تعود عليه

بصراحه ياكثر المواقف اللي تصير لي مع الكذاين

وخصوصا اذا جابو طاري اللاعبين

هذا اللاعب يقربلي والثاني لد عمي والثالث زوجي

>>لاعاد زوجي كذبه ماصارت لسى

ابي اعرف وش تستفيدهالانسانه اذاا هالانسان يقربلك
ذبحتنا بقوووووووه

وفيه وحده ياويلي عليها كذبات محترمه

مدري وش تحس فيه

والمشكله ارجع واسئلها من بكره على نفس الموضوع اللي قالته لي
تجي تألف تأليفات ثانيه
يعني واظح ان السالفه كلها كذب بكذب

بس الله يعين الكذابين على مابلاهم
ويكفينا شر الكذب واهله

يعطيك العافيه ياالشانزليزيه

شكرا لك

كَلْ اَلْـ حَ ـيَاةْ · #13 05/02/2009, 10:45 PM

يامساء الكذبات ..

}

موضوعتس لوؤطتن ملتئطه صراحه

..
سبحان الله الكذب عاده لاتعود الواحد عليها لزمته

..
ومرض من العيار الثقيل ..

انا كله كوم

ووحده الله يذكرها بالخير..

لابغت تشلخ بالسالفه تشلخ شلخلات على مستوى

..
يعني شئ يصير قدام عيني

ولابدت توصفه لاحد جديد على السالفه ..
عطته الموجز الكبير.. وانه البطل المغوار

وانه اشجع انسان وانه قالت وقالت وقالت

وهي تلقينه ورى الجدار من الروعه

..

هالفئه ذي ارحمه

يعني ماله داعي تسوين نفسك اشجع شجاع ..
ماهو زاد في شخصيتك ترى الا انك تشلخين

..
وشلوخ مابعده شلوخ ..

انا بس ماأتنح الا مع بعض الناس اللي استغرب منهم هالشئ .!
لا منصبهم ولا موقعهم يحتم عليهم يكونون هالصوره عن انفسهم ..!
طيب ليه كل هذا ..!
فشخره

الله يخس الفلوس اللي بتخليني اتخيل شئ مهو فيني ..

..!

الله يعافي كل كذاب

..
ولآ يبلانا

..

ياي خلصتي

عقبالي ..

وه متى تجي يالسبت

الهلالي دائماً · #14 05/02/2009, 10:56 PM

الله يعطيك العافية الشانزليزيه

الا على طاري الشانزلزيه اللي بباريس هو باسم الوالد

موضوع جميل وقوي ومن اقوى المواضيع الموجودة بالمجلس

عاد انا ما احب الكذب بس اقوى كذبه هياطيه كنا نسويهانروح ايام المتوسط كنت اروح اجيب اهلي من الملاهي

والا خواتي من المدرسة واجي عند المكرفون واقول عائلة يوسف الثنيان

ــــهههههههههههههههههههههههههههههههههههههههههههههـــ

شكر شنزليزو هذا الموضوع

ومبروك الاجازة

والله يعطيك العافية ,,,

hilali-arsenali · #15 05/02/2009, 11:30 PM

انا حصل لي موقف ايام المتوسط
للحين كلما اتذكر هالموقف ينتفخ وجهي من الخجل >> عاد وش يصير لانتفخ

المهم .. صار لي هالموقف عند اهلي في البيت
صار حادث على ولد صغير من الابتدائي و سمعت عنه
لكن يوم رحت البيت سويت فيها دور البطوله .. انا الي شلته و حطيته في سيارة الاسعاف وهو مكسر ودماغه مفتوح >>

وسبحان الله حبل الكذب قصيرجدا .. بعد المغرب الا وانا مفضوح

اقسم بالله جلست اكثر من يوم ماعد اقدر اكلم ابوي من الخجل
واخواني ماسكينها تعليق علي الى الحين بالرغم ان السالفه مر عليها اكثر 13 سنه

يعطيك العافيه و شووووكرا عالموضوع >>