ألف مبروك الفوز .. بصراحة الحين تطمنت على وضع الفريق خارج البرنابو
وتطمنت أكثر على قدرات دفـاعنا في الحفـاظ على المرمى من أي هدف .. الشوط
الأول كان سيء من النحاية الهجومية ولو ان فيه كم هجمة منظمة لكن الـ تخليص
كان سيء .. والدفـاع كان الأفضل في الشوط بجانب محوري الفريق جاجو ولاسانا ..
كان فيه كم هجمة خطيرة على مرمانا بس الحمد لله تخلصت أمـا بأبداع من كاسياس
أو أبداع من العـارضة .. الشوط الثاني الفريق دخل وهو يبي يخلص المتش
والحمد لله قدر في الوصول بسهولة الى مرمى نومـانسيا وفي الدقائق الأولى بكورة
ملعوبة من روبين الى هيغو وكملهـا راؤول في الباب هدف تـاريخي لـ ولد جونزاليس
بعد الهدف كان فيه تحركـات من لاعبين نومـانسيا لكن بدون خطورة والحمد لله قدر
روبين يخلص المطش بالهدف الثـاني الفظيع والي يندرج تحت مسمى + 18 .



ذا المدرب عنده تنظيم دفـاعي رهيـــب تنظيم مـا يخرش الميه واشوف
حتى الأن ومن خلل مبارتين خارج ملعبه يكون الفريق أفضل من لمـا يلعب على
البرنـابيو .. مبارتين خارج أرضه بـ 5 أهداف ولم يدخل المرمى ولا هدف ..
بصراحة اتمنى بقـاء راموس فترة أطول مع الفريق .. ولو انعطى فرصة ممكن
نشوف ديل بوسكي ثـاني مع الريال .



شفت له لقطـة في الشوط الثـاني .. ما ذكرني الا بـأحمد جميل في كأس العالم 94
ضد هولندا أجل الكورة تقدر تشيلها برجلك تقوم تنزل لهـا براسك خخخخخخخ
منت صـاحي والله ياكنكن بشكل عام مستواه أمس رائع جداً وقدر يخلص كم
كورة خطيرة .. وبغى يسجل لكن عـاد تفرق بين راموس وبين كانافارو



كـالعادة .. هو الحل الوحيد في الفريق .. أمس كل الهجمـات كانت تعتمد على روبين
بالمقام الأول .. الشوط الأول كانت له كم محاولة ويمكن كان هو أفضل السيئين من
المهـاجمين .. أمـا الشوط الثـاني شفنـا كامل الأبداع من روبين بتمريرة ثرو لـ هيغو
والي جـا منهـا هدف الفريق الأول .. أمـا الهدف الثـاني والله عيب أجلس أتكلم
عليه .. من جد من جد مـاتستحي ياروبين .. وش ذا الشورتـات الي تقطعت
بـ صراحة قلة حيـا مع مرتبة الشرف العليـا ولازلنـا نقول .. الي يبي يشوف
روبين لازم ثم لازم يكون فوق الـ 18 سنة



بالنسبـة لـ جاجو .. كالعـادة نجم .. وانا من رأيي أنه يستاهل الكرت الأحمر ..
الفـاول الأول انزلق على اللاعب والكورة قد راحت .. يعني ضرب رجل اللاعب
بدون كورة وطبعا بدون قصد لأنه كان يبي الكورة بس لما انزلق الكورة قد راحت
امـا الفـاول الثاني .. هجمة سريعة ومرتدة وهو وقف في وجه اللاعب واقل شي
فيها كرت أصفر .. على العموم حتى لو قدم الفريق استئناف هو راح يغيب عن مبارة
الراسينغ .. لأن عنده 4 كروت صفراء وأكل الخـامس أمس .

مبروك مرة ثـانية الفوز ..
وان شاء الله الفارق يظل 9 نقاط ..
بالتوفيق للجميع في الأختبارات ..