ياهلا سامي عوافي على التقديم الرائع انت والغالي فيصل
-----------
مباراتنا معهم في الذهاب كنت متوقع الخسارة وكنت متفائل بالتعادل ! وتذكرون روما كان في اسوء مستوياته في تلك المباراة لكن تغير روما وصار افضل وقربنا جداً من المركز الرابع ويمكن نوصل الاول إن شاء الله المباراة سهلة بإذن الله وفي ارضنا الحمد لله وباليرموا عندهم لاعبين ينخاف منهم . عندهم العبد والاصلع والارغواني الخطير
هالجوله بوادرها بالبداية ماتبشر بخير .. وكاتانيا بقيادة لو موناكو قبل زينجا متوعدين الانتر (هالمباراة بتصير شد عصبي اكثر من مباراة السامب) ..
فواز الي بايع لنا المباراة واحدً من البشر .. :$
المدرب ماهيب بيدهـ وراه لو موناكو ان كان تذكرون الحرب الكلاميه الي صارت بينه وبين مورينيو .. مصرح امس ان صقلية تنتظر مورينيو .. << الله يخارجنا يامورينيو ..
لا بجد المباراة صعبه كثير ع الانتر اكثر من كاتانيا .. اوضاع تسوء اكثر من أول وبشدهـ الظروف كلها ضد الانتر .. غياب مورينيو عن أرض الملعب له ايضاً دور سيء ع اللاعبين تشجيع مورينيو ورفع معنوياته من دكة البدلاء لها أثر ايجابي كبير .. هو المدرب الوحيد بالعالم الي يعرف يتعامل نفسياً مع اللاعبين بأجواء المباريات الصعبة .. فـ غيابه عن الدكة يحزن أكثر من غياب ادريانو عن المباراة ..
ايضاً السناتر غيابهم بيوهقونا خصوصاً اذا ماجهز الكادر الطبي الماتريكس للقاء والي افضله على بربيسو بكثير .. حتى وجود الماتريكس ابتفائل بالكرات الثابتة واتوقع اذا فزنا بتكون عن طريق الكور الثابتة بتواجد الماتريكس ومايكون وابرا ..
أفضل تشكيلة للمباراة من جانب الآنتر هـ كذا ..
سيزار
ماكسويل .. الماتريكس .. قرطبة .. مايكون
مونتاري .. كامبياسو .. زانيتي
كوارزما .. ستانكوفيتش
ابرا
" & "
تأدب الحقير بتصاريحه ورحب بمورينيو بترحيب الي يقول بنكرمك بهزيمة .. طبعاً هالمره بأسلوب متحضر ع غير العادهـ (أدبه مورينيو) ..
" & "
الحبيب بن علي مواصفات لايقه ع المباراة الي بيعلق عليها .. << يمزح ..
هالمعلق رحماك ياربي .. كرهـ العالم بالدوري الهولندي ..
انتر - كاتانيا مباراة صعبة مهما قلنا وقلنا خصوصا بغياب أدريانو ووجود بورديسو أساسي ، المباراة السابقة لكاتانيا قدموا أداء حلو قدام جنوى وكسبوا تعادل صعب وكلنا نعرف قيمة ملعب جنوى . أجواء الانتر صعبة قبل المباراة كيف تكون حلوة وكل الشعب ضدك غياب مورينهو وتشيفو وصامويل كلها عوامل مؤثرة وتلعب بملعب مشابه لملعب المرض حق أتلانتا . أتمنى ان غياب مورينهو عن الدكة ما يكون له تأثير كبير وبالتوفيق للانتر والاودي وجنوى والشباب كمان
بالتوفيق للانتر وحصد الثلاث نقاط والحفاظ على معشوقته الصدارة
إقتباس
لو مانشيني موجود كان مارتكب غلطات مورينهو بجلب مانسيني وكواريزما ....!
للمعلومية مانشيني كان مهتم بمانسيني >> حلوة ، أما بالنسبة لكوارزما وين الغلط يعني اللاعب كان فنان مع فريقه يعني أخذنا نجم وبنصبر عليه وش ورانا
في مباراة الانتر وكاتانيا التي كانت بالدور الاول شهدت حرب كلامية بين مورينهو والمديرالرياضي في كاتانيا لوموناكو، تصريح لوموناكو كان يتحدث عن استحقاق مورينهو لـ لكمة على وجهه وكان رد مورينهو كالاتي : هدف لو موناكو الشهرة والوصول الى الصحافة من خلالي واختتم كلامه بـ من هو لوموناكو أنا لا أعرفه .
يوم الاربعاء يشهد زيارة مورينهو الى صقلية وهذا مايريدة لوموناكو الذي قال " الانتر ومورينهو في مواجهة صقلية " وربما وأننا سنشاهد أجواء صعبة بين الطرفين .
لوموناكو رحب بالانتر في صقلية حيث أضاف : الفريق سيجد ترحيب كبيركعادة الضيوف الذين يأتون لدينا ، يذكر وأن مورينهو سيتواجد بالمدرجات وعلينا الانتظار من ردة فعل الجمهور .
مباراة صعبه على دفاع الميلان بوجود المهاجم البثر ميليتو وخاصه ان دفاع الميلان يمر بفتره مش كويسه ولكن باذن الله نشوف العكس ونشوف الابداع الي ظهر في مباراة بولونيا
هلا والله بـ كل بتاع الكالتشيو ٌ سامي التوتاوي كان صبرت ٌ وراك ما أحتريتني ُ أمس ٌ
جوله ّ حلو ٌ وقتها ّ << عناد ٌ , خصوصاً لـ إلي عنده فاينل إنجلش ولا وده يطلع ويصير قليل حيا ٌ ولا ٌ وده يذاكر ّ , بس عشان المتعه لا إكثر ولا أقل
-----------
والله إنها مباراة ُ صعبة على ميلان ٌ جنوى جاين بـ سرعه 180 بـ الثانيهٌ , وعلى إرضهم بثرين بثارة مب صاحيه ٌ الله يعين ٌ ميلان عليهم ٌ , دفاع الميلن ٌلازم يحصن نفسه ٌ زين ٌ ويعتمدٌ على إنطلاقات كاكا ٌ , أو لونق باص من بيكهام ٌ , أتوقع متش نارٌ
-----------
الصراحة ُ بـ يمصخها ٌ سباليتي إذا مادخل توتي ّ ذي المباراه ٌ خلاص نبي نشوفه ٌ << سامي لاتغار , مباراة سهل ٌ لـ روما ٌ وخصوصاً إنهم مخلصين مباراة ٌ صعبه ضد نابوليُ فـ ماراح يفرطون بـ المباراه ّ , وخصوصا إنهم بدو يقربون ٌ لـ مراكز زينه ٌ بـ ترتيب الدوري ٌ , أتوقع المباراه روماويه ٌ
-----------
مع إنهم نشبوا لـ الإنتر بـ الدور الإول وبـ الجوسيبي مياتزا ٌ لكن هـ المره إتوقعها ٌ إنتراويه ٌ بعد رجعة إبراهيموفيتش ُ
-----------
ودك يلعبونٌ بدون مايغيرون الزي ٌ المهم لو كانت المباراه ٌ وقت ماكان الإودي بـ مستواهم كان صارت ٌ نار ٌ , لكن ٌ الحينٌ اليوفي مستقر ٌ ويفوز ٌ لكن الخوف ٌ من الإصابات إلي جايتهم ٌ
.
هذا كل مالدي الآن ٌ شكراً رابطهٌ روما ٌ شكراً موقع كورة ٌ
هلا وغلا ويعطيك العافيه وسامي وخويه دايما مميز سامي ما شاء الله
تسمحولي ارد معكم بكالتشيوكم عموما هو مرور سريع شدتني الردود اللي عقبت على العنوان وحبيت انشب لكم بمعلوماتي البسيطه المتواضعه
عموما (LOVE) يندرج تحت قائمة افعال (FEELING) وهالنوع من الافعال يعتبر (Stative Verb) اللي تضم اربع قوائم غير قائمة الفيلينج يعني زي افعال مدري شلون افسرها بس يعني نقول مثلا جامده
يعني الافعال العادية اللي تسبقها ار واز وهالطقة تحط لها (ing) لكن قائمة الافعال الجامده ما يحط لها (ing) يعني مستحيل تجي (are loving)
بنفس الوقت لا تنكب عمرك وتحط (are) لان المفروض يجي بعدها فعل مع (ing) المهم باختصار غير العنوان لا تنجلد ويصير استوديوكم درس انقليش خصوصي خخخخخخخ
باختصار انت تقول لحبيبتك اللي هي زوجتك طبعا عشان الموضوع يكون شرعي (I Love You) ما تقول (I am Love You) ولا ( I am Loving You ) نفس الشي طبقه بتعبيرك عن احاسيسك وحبك للكالتشيو وبعدين عيييييييييب تعبر عن حبك للاعبين رجال لو الاستوديو عن دوري الكالتشيو النسائي كان العنوان يركب صح خخخخخخ
بالنسبة لمباراة المانيو اتوقع فوز مانشستر ان شاء الله
دامها خربانة خربانة وفيه مباراة للهلال ما يمنع نشوف الكالتشيو بعدها ويصير ليل الإربعاء كله مباريات
مباراتنا مع فريق الكابتن رابح ( جنوى ) صعبة جدا ووصولهم لهالمركز بعد نهاية الدور الأول يدل إنهم فريق صعب بالإضافة إلى إنهم نشبوا لأنتر بالسان سيرو وتعادلوا
ميليتو مهاجم ممتاز وما يوفر الفرص وبنفس الوقت لو صار وحيد بالهجوم يقدر يتحرك بشكل مزعج ويقروش دفاعنا المتهالك
ميلان يحتاج كاكا وباتو والفريق يصير بخير
اليوفي واودنيزي أتوقع فوز اليوفي اودنيزي ادائهم كل جولة يصير أسوأ من اللي قبلها رغم إن الفريق ببداية الموسم كان متصدر مع لاتسيو !!
إحساسي يقول إن الانتر بيتعثر كاتانيا فريق نشبة ويتكتلون دفاعيا بشكل ممتاز وبنفس الوقت ماسكارا وبيلوتشي خطيرين هجوميا
روما عنده فرصة كبيرة حتى ياخذ المركز الرابع كل ما عليه إنه يفوز ويترك ميلان يتكفل بهزيمة جنوى
كابيلو صرح وقال ان اليوفي عنده 29 لقب وكلها جبناها بالميدان وبجهد الفريق
وقال ما استغربت يوم رئيس اليوفي طالب باللقبين المسحوبات لانها حق من حقوق اليوفي
ما استدعاه دونجا للمباراة الودية الجاية زين خلوه يريح من مشاوير البرازيل
كوده يصير بالازوري احسن له ولنا كمشجعين لايطاليا