بعد التعديل:::[يا حلوين انا اتكلم على مباره الهلال والنصر وبس..وما اتكلم بمنطوق عـآم] لان والله جماهير الرياض على راسي وعيني وما يقصرون




/

\




[بـآك]..مرة اخـرى..


كيفكم زعمــآء...؟ كيفكم زعيمـآت..؟


صباح الخير لمن عنده صباح...ومساء النور لمن عنده مسـاء..

تكلم صاحب السمو الامير [عبدالرحمن بن مساعد ] وتكلم [سامي الجابر]::::



عن عتبهم للجمهور الازرق الشامخ لعدم حضورهم للمباريات الهلال في الجوله الاخيره من الدوري..

وما يلائمون [شاعرنا]واسطورتنا يعني احنا نتكلم ونعاتب ونبي لاعب فلان وما نبي
محور..ونبي نتعاقد مع الاعب الارجنتيني وهديف ومهاري..

وبعدين يروح يحاول يرضينا..ويسوي كل شي عشان رضانا وراحتنا..
وفي الاخير ربي ما كتب نصيب وفي الاخير رجع وتعذر لنـآ..او يمكن يتعاقد ..

واحنا ما نقبل العذر نجلس نعاتب اكثر واكثر ونقول البلوي تعاقد مع الاعب العالمي
والاادره قاعده تتفرج وحاطه دوبها على اللاعب ولي همسون..

بعد كل هذا..ما الومه لمـآ يعاتبنا بالحضور..يعني يقول يالله جبت الي تبونهم..
وابي اشوف ردكم لهم..وابي اشوف راضين ولا لا..؟ وفي الاخير حسـأفه..

اي والله حسـآفه..يا جمهور الرياض ياهل النخوه وياجمهور الصعب..
وين الجمهور الي معروف بتواجده دايمآ في المواقف الصعبه..؟

في مباره النصر..تمنيت ان المخرج ما يخرج لنـآ مدرجات جمهور الهلالي
رغم اني في مساحات فاضيه في الواجهه الرئيسيه..




ع العموم والله ما قصرو لكل من حضر لمباره النصر وانا عارف انهم دايم مع الفريق
دامهم حضرو مباره مثل هـ الوقت..

وانا جبت لكم صوره صورتها لكم قبل شوي..يعني ما بقيت اصورها في وقت المباره عشان ماابي اظلم احد ويكون اسمه موجود بالصوره ..

الصورةٍ}










تخيلو والله يشهد علي ان قبل المباره بخمس دقايق المتواجدين 14000 الف عضو واكثر..

يعني غريبه كل الاعضاء المتواجدين من برى الرياض وحقين الرياض راحو للملعب

والله مو نقص فيكم ياجمهور العاصمه بس الكل استغرب في الي حصل منكم...!!

انا والله يشهد علي من يوم عرفت الزعيم واي مباره يلعبها في الشرقيه مع(الاتفاق او القادسيه او الخليج ) اكون متواجد..في الملعب..وجمهور الشرقيه كلهم ومو بس انا..

وبعض مباريات الزعيم في الرياض اذا كانت بطوله او حسم فريق .


اتمنى من المباريات القادمه تثبتون لاول شي لرئيس النادي وللفريق وللاعبين الجدد..
نبي منكم بس..التواجد الكامل في مباره واحده..عشان نعرف انكم عوضتم للمباره النصر..


وراح نشوف جماهير الغربيه يوم الاربعاء وبلا هيــامه يــ واد ^ـــ*



البـايســن

اولاً اشكركـ على موضوعك

لكن ما تلاحظ سالفة جمهور الرياض كثرة هاليـومين ,,

يعني مافي سالفة الا جمهور الرياض ,,

مشكلة جمهور الهلال أنه يدور الزله على اي شي عشان يسوي سالفة مالها نهاية

اذا ما حضر الجمهور زعلنا عليه واذا حضر قووووة مدح وترفيع

مثله مثل اي لاعب عندنا لو انه سامي

لا طاح مستواه سب وشتم وان جاب قول يا سلالالالالالالالام

انا اقول اللى فيه خير وحب لناديه بيحضر بدون دعوة والغايب حجته معه .

تقبل مروري

F.C.H

هلا فيك حبيبي..

كلامك سليم وواقعي..واشكرك ع التواجد..

بس ياخوي انا ما تكلمت على مباره الوطني او نجران او غيره..
انا تكلمت على مباره النصر..وانت تعرف اهميه مباره الديربي رغم اني ماعد فيه ديربي معاهم^^

بس ياخوي الي شفناه مو بس انا تكلمت فيه في موضوعي..الي تكلم فيه الناس كلهـآ..والاعلام بشكل واسع..

وقبل كذِا تكلم في الامير عبدالرحمن بن مساعد مثل ما كتبت بالموضوع..عن الجمهور..

وبعدين خلونا نحس شوي مثل ما يحسون فيه الاعبين من نقد..


وكلامي يعني موصول للجمهور الزعيم كله وانا منهم..بس الاقرب جمهور [الرياض]

أقسم بالله جمهور الهلال وفي لاكن هذى القنواات زى ابو غبي قااعده تكذب وجالس تكذب على العالم في جمااهيرية الزعيم

أنا عني أكنسل لم العمل لما يجي الزعيم في الغربيه

يا بختكم ياللي بالعاصمه

الزعيم بجنبكم وماتسيرون عليه



تحياتي لكم

يعطيك العافيه على الموضوع ،،،

بس انا ودي أوضح نقطتين عن قضية جمهور الرياض :
1/ مباريات الدوري للهلال في الرياض 11 مباراة
ونادر تلقى واحد يحضرها كلها وهذا طبيعي ، وبعكس
مبارياته خارج الرياض في كل مدينه يلعب مباراة وحده
وتجد جمهورنا مثلاً في الشرقيه ينتظر هذي المباراة على
أحر من الجمر ومافيه غيرها .
2/ لاتنسى ان سعة مدرجات ملعب استاد الملك فهد أكبر من
باقي ملاعب المدن ، يعني جمهور أمس مع انه قليل بس
لو انه في ملعب الحزم كان امتلت المدرجات .

وطبعاً هذا مايمنع من حضور الجماهير ويبرر غيابهم
وجمهور الزعيم يقدرون يملون كل الملاعب وزياده
لكن انا ذكرت هذي الاسباب لكثرة الحديث عن جمهور الرياض.

إقتباس الرسالة الأصلية كتبت بواسطة السراب F16 1/ مباريات الدوري للهلال في الرياض 11 مباراة ونادر تلقى واحد يحضرها كلها وهذا طبيعي ، وبعكس مبارياته خارج الرياض في كل مدينه يلعب مباراة وحده وتجد جمهورنا مثلاً في الشرقيه ينتظر هذي المباراة على أحر من الجمر ومافيه غيرها ..

هوولا والله فيك يالغالي..كلامك ع العين والراس..

بس ياخوي انت عارف عدد سكان الرياض كم..!! وانت عارف كم عدد جماهير الهلال خاصه بمدينه الرياض يعني اختلاف كبير عن المدن الثانيه..

وانا مثل ما قلت ووضحت من اول اني اتكلم عن مباره النصر وجمهور الهلال وحضورهم القليل..والمعروف ان جمهور الهلال يتواجد خاصه في المباريات مثل هـ المباره الديربي والاستمتاع الي فيه..

مع ان فيه لاعبين جدد ولام نحيهم من خلال مبارة اولى لهم.وبعد رجوع الاعبين الدولين من المنتخب..ويش عـاد تبي اكثر من كِذا.؟

إقتباس الرسالة الأصلية كتبت بواسطة /

إقتباس الرسالة الأصلية كتبت بواسطة لاتنسى ان سعة مدرجات ملعب استاد الملك فهد أكبر من باقي ملاعب المدن ، يعني جمهور أمس مع انه قليل بس لو انه في ملعب الحزم كان امتلت المدرجات .

صح كلامك لو المباره في ملعب الحزم كان امتلت المدرجات..
طيب واذا قلت لك حتى لو كانت المباره في الملز تتوقع راح يحضر جمهور يملئ الملعب....؟؟

يعني حتى بالملز نفس الشي..وانا ما ابي اخرج عن مبارة الامس بس حبيت اقولك ان جماهير الاوربيه تملئ فريقهم الملعب لو كان كل مباريات الدوري في الملعب نفسه.
بما انك تقول 11 مباره تعب يحضرونه الجماهير

14000 ما تجي 5 % من مشجين الزعيم بالرياض



استاد الملك فهد امتلى عن بكرة ابيه بواسطه جمهور الهلال