........................



عدنـا والعـود أحمـد ..


السلام عليكم ورحمة الله وبركاته ..



مسّكم بالخير جميعاً ..




أتمنى تكون بخير ..


أعجبتني كثيراً القصه مع والدتكـ .. التي كانت تحت شعار ( اكسب موقف معي )


كثير من الأشخاص الله يهديهم بس .. يجون يطلبون منك طلبات بأوقات صعبه .. أو يطلبون منك شي يخصك وغالي عليك ..

الزبده أنت ماتكون لك خلق الحين .. وهو يدري أنه مالك خلق تسوي اللي يبيه منك ..

لكن يطلبه بقوة عين .. لأنه يبي يشوف ردة فعلك .. ويختبرك أنت شخصياً ..

وبالأصل هو مايبي شي .. بس بيكون احرجك لو رفضت .. أو بتكون كسبت موقف حلو معه لو وافقت وطلع مقلب ..



وكثيراً وقعت في مواقف محرجه .. حيث يقوم أحدهم بطلب شيء مني .. وأنا أرفض ..

ثم بعد ذلك يقول ../ ترا أمزح معك ما أبي إلا سلامتك ..

وقتها أحس بغبنه وقهر شديدين .. أقول لنفسي ../ ليتني وافقت .. وكسبت موقف لصالحي ..



لذلك أصبحت لو أحد طلب مني شي غالي عندي .. أنا أوافق .. مو لأني فعلا موافق .. بل لأني أكون متوقع انه بس يبي يشوف ردة فعلي .. وغير كذا أكون عارف أنه مستحيل يكون متطفل وبجيح لهالدرجه لكي يتسلبط على شيء يخصني بهذه الجرأه ويأخذها ..

والحمدلله ربي أنقذني من أكثر من موقف هكذا ..


وترا فيه ناس تعشق أنها تحرج الناس على هذه الصوره .. والشخص إذا سوا معك هالحركه أكثر من مره .. أزبد له وقوله بقوة عين ../ لا منب معطيك ..

إقتباس بعض الأخطاء بالكلام .. والإرتباك .. يطلع معه كلام ماله داعي ... مثلاً

ذكرتني بقصة ( صندوق البرتقان )

وهي قصه معروفه .. عن مجموعة شباب طلعوا برحله للبر ..

وكان معهم صندوق برتقال ..

وكان جاي معهم واحد لخمه . نظام يحوس أبو الجمله لا جا يتكلم ..

قعد يقولهم ../ ياشباب وين برتوق الصندقان ؟

قالوا له ../ وش برتوق صندقان انت ووجهك ؟

قالهم ../ ياخي برتوق الصندقان وينه ؟

قالوله ../ ياخي وش تقول انت ؟

فجأه تنبه خويهم لغباءه .. وقال ../ أوووه ، قصدي صندوق البرتقان وينه ؟ هههههههههههههه




أو كالذي يقول لك يا أبو طلال .. فرصه سعيده .. أنت بترد عليه وبتقوله ../ أحنا الأسعد ..

أنا مره واحد قال لي عالجوال ../ فرصه طيبه .. رحت قلتله أحنا الأطيب ههههههههههههههه






من هنا وهناك ../ ( صور حياتيه خايسه لا يعني أنها حدثت لي )



* لو بيوم من الأيام جا لك صديقك ، واستلف منك أي شي يخصك ، وقال لك برجعهم لك غداً قبل لا أسافر ، وأنت كنت حريص جدا أنه يرجعهم ووصيته مليون مره أنه ماينسى يرجعهم ، .. وفجأه اليوم التالي جاك اتصال منه يقول ../ أنا أسف ماقدرت ارجعهم لأني سافرت ..

هنا انتبه انتبه انتبه .. تنفجر بخويك وتقوله ../ تراني موصيك ترجعهم مليون مره ..

لا لا خلك ريلاكس .. وصدقني بأخر المكالمه بيقولك ../ أمزح معك ، أنزل يالله أنا تحت بيتكم أبعطيك غرضك





* لو كنت كاشخ بقلم جديد .. وجاك واحد تعرفه .. وقال لك ../ ورني القلم ..

أعطيه ياه بكل ثقه عادي .. ولو قعد يتفحصه ثم قالك ../ هديه مقبوله ..

خلك ريلاكس جداً .. وصدقني بـ نهاية المحادثه رح يعطيك ياه مره ثانيه ويقولك أمزح معك ..

ولو ما أعطاك ياه تعال وأنا أعطيك واحد جديد .. بس أهم شي لا تندفع بدلاخه وتقول ../ لا ياخي ترى توني شاريه .

أكسب موقف معه .. ولو انها مزح ..






* اللحمه سر الحياه ، فاحرص أن تحبب بها أبناءك وأخوتك الصغار .. لا أن تجيب العيد اللي بعد العيد اللي ذبحتوا فيه الخروف ..

وتحاول تبرر ذلك .. بطريقه أرهابيه .. كذا الطفل مارح يقتنع باللي قلته ورح يعتبرها وحشيه غير مبرره ..

لذلك أوصل له المعلومه من ناحيه دينيه .. بأنها سنة مؤكده عن الرسول صلى الله عليه وسلم .. و على المسلمين القادرين أن يضحوا في عيد الأضحى ويعطوا الفقراء والمساكين ..


لكن مب تصورله في خياله فيلم أجنبي مرعب ..

أما بالنسبه لطلال يا أبا طلال .. فلا تقلق .. مصيره لما يكبر ياكلها ياكلها ..





*

إقتباس ويكررها ومصمم أرد عليه ( مسّه بالخير ) وأنا على صمتي بعد أجزاء من الثواني خربها ، وقالي : لعنبوك رد

نفس الموقف حدث معي .. ومن خالي أيضا .. ( مشكلة لو كان خالك ماتمون عليه .. ويحرجك )

مره زمان قبل لا يسافر أخوي الكبير للدراسه .. كنت انا واقف وماسك شنطة اخوي ..

إلا ويجي خالي ويقول ../ ( مثل ما ودعت .. تلاقي ) .. << ( يعني زي ماودعت أخوك .. يارب تلاقيه )

أنا دايما أسمع هالجمله بالمسلسلات بس قهر ماتذكرت وش يردون عليها .. فقلت ../ اهااا

خالي وقتها فطس من الضحك علي

واللي يغبنك أنه ماقالي وش الرد الصح لها





//



بالنهايه .. لا يسعني إلا أن أشكرك أخي الكريم ..

وسعت صدورنا بسواليفك الله يحفظك .. ويخلي لك عيالك وأميمتك وكل أحبابك أن شاء الله ..


تقبل مروري المتواضع ..

لك

دمت بأجمل حال

إبراهيم

الله يخلي لكـ أميمتكـ يا ليتهم مصورينكـ وأنت تنجر على خشمك

بالنسبة لولدك البكر والله حاس إن هالولد بيطلع مصري مدري ليه انتبه له بس

القيصر رهيب حتى ظله له مهآبه

مرااحب أبو طلو

ياخووي ماتصلح تكون أبو انت وييين حقوق الأنسان عنك

أجل مهبلن بالسمي وفاصخن عقله

تصدق يابو طلال عندي أخو يشابه حالة السمي يكره اللحم

ويعشق الدجاج يارجااال ذاك اليوم بعرس اخوي ماذاق العشاء

مييير خلصنا العرس منا ونقزنا وجبناله دجاج منا

والسبب بهذا كله يوم شاف البلاوي المتلتله تطلع من كرش الخروف

وميير تلوع تسبده

عااد ياشيين البزر لاكان آخر العنقود يدلع ويتميصل ويتأمر والضحية أنت

والله يخليلك أميمتك ويطول بعمرها


يالله تمس على خير

,,



يآلله حـي آبو طلآل
آلله يخلـي لك ولدك وآميمتـك

آلآ آقول آبو طلآل تصدق آني عكـس ولدك

آنآ مآ آكل الدجآج والسمك < عدلتهآ بعد مآ نبهنـي وآحد من الاعضآء الله يعطيه العآفيه

آمآ بآقي اللحوم آهلآ وسهلآ وخآصه لحـم الغنــم

تصدق حتى اذا الشباب طلبوآ شورمآ آنآ اقول ابي شورمآ باللحــم


آلمهـم /

إقتباس بعض الأخطاء بالكلام .. والإرتباك .. يطلع معه كلام ماله داعي ... مثلاً

على سآلفه الارتبآك وآلآخطآء , مره رحنآ آنآ وخآلي نعزي وآحد مآت آبو لهـم

آلمهـم يوم قررنآ نطلـع سلمنآ عليهـم وجآء خآلي قآلهـم فرصـه سعيـده هههههههههههه

ههههههه



مشكور آبو طلآل ووجهـك آبيض يآلحر



,,

إقتباس قلت عاد يمه من كثر طلباتي .. انا لو مرتي تعرف تزبط الجريش مثلك كان قلتلها .. بس انتي شغلك غير قالت ميخالف بس لوك قايلي بدري .. يووووووووه سويت نفسي زعلان .. قلت خلاص وش اسوي .. الله يهديك بس ياوليدي .. ماتدري ان الليلة بروح لخالتك اخوك يبي يجي مع عياله ومبطي ماشفتهم !! قلت اهااا طيب واحد واحد ... هذي حقت المباراة ... وعلمتها اني امزح >> طبعا كان فيه أحاديث جانبية بس رديت المقلب وإرتحت .. وماخليت أحد إلا علمته .. وهذاني اعلمكم ... كوني أقرب إلى الحقيقه

هههههههههههههههههههههههههه
ياعسى الله يلبسها العافيه ويخليهـا لكم ويطـول بعمـرهاا

،،

اما بالنسبه لولدك ياكثر هالاشكاليات عندنا ، بس كلها فتـره وهو يقوولك يبـه جب لنا خروف على كبره
وان كانه يحب اكل المطاعم ، عطه من المطاعم ولا خلص اكل قله شفت هذا لحم وطعمه حيلوو
وعسى ربي يصخرهـ لك ويخليه يآكل لحم

وبالنسبه للشعارات >> للزين عنوان

فتك بالعافيه

هلا أبو طلو


مالك داعي على هالحركة البايخة مع طلو


اخوي اصغر مني بثالث ثانوي الى يومك ماعمره قام معنا الصبح عيد الاضحى يذبح لانه وهو صغير شاف الوالد وعماني وهم يضحون وتعقد والى يومك العقدة << الكرف كله يوم العيد علي

يمكن طلو يتعقد من ذبح الضحايا او ذبح الذبايح بالبر ولا يصير قرم مثل ابوه



الله يخلي لك الوالدة ويخلي لي امي وابوي واخواني واختي الصغيرة وكل من احب




وعن الجملة المرادفة لـ يزوري : [ مـلـك الـغـربـة فـي رحـلـة الـغـربـة ]



مافيه [ برايفت ]؟؟

هلا والله وغلا ابو طلال

والله ماينلام طلال باللي شافه احمد ربك وحالته وقفت على كذا ..
انا اذكر مرة وانا صغير ما كنت اعرف ان اهلي سفاحين ..
طبعا كانوا اذا ودهم يضحون كرشوني جوه البيت وبعدين يسمون ..
ولما اسالهم عن الاضحية يقولون وديناها عند الجيران ..
مرة من المرات ابوي جاني وقال لي ياوليدي انت صرت كبير ولازم تعرف الحقيقة المرة تعال ابيك برى .. !!
وشوي الا وذاك الهرفي اللي يحبه قلبك جالسين يجرونه ..
ويوم اسدحوه وانا اطب عليه احسب الدعوة هواش ..
وشوي الا واشوف السكين يلمع و قلت الدعوة فيها قاتل ومقتول ..
ويوم بدوا ينحرونه وبدا الدم يسيل بدت معدتي تلعب وطلعت كل الاكل اللي اكلته قبل شهر ..
وكرهت اهلي وكرهت العالم توني اعرف انهم وحوش مو اوادم ..
ابوي تحسف بعدها وتمنى انه ما قال لي تعال ..
وقعدت تقريبا بعدها 3 سنين ما اكل لحم ولا احضر عزايم ..
وكنت اكره عيد الاضحى اكثر من الخرفان ..
بس لما كبرت شوي عرفت ان هذي سنة الحياة ويوم لك ويوم عليك مش كل يوم معاك ..
وسلمت بالامر الواقع وصرت الحين انا اذبح واسلخ واقطع > نصاب
ما يستفاد من القصة ..
1 . عرفت حقيقة اهلي بعد ماكنت مغشوش فيهم ..
2 . طلو الله يخليه لك ويرزقك بره رح يتفهم الموضوع بعد مده ويعرف ان هذا شئ طبيعي ..
3 . لا تخلي البزارين يلعبون مع الخروف وفهمهم انه شئ متحوش علشان اذا شافوه ينذبح ما ينصدمون ..



على طاري امك الله يخليها لك مرة اهلي بيسافرون وانا بقعد لحالي بالبيت ..
طبعا امي كتبت لي كلام رومنسي على بطاقة وغلفتها ورزتها على الكومودينو بغرفة نومي ..
وسافرت وكنت كل يوم اكلمها ولا على بالى ..
وما انتبهت للبطاقة الا قبل ما يرجعون من السفر بيوم ..
بعدها صار مالي وجه اكلم امي ..
لو كلمتها وشكرتها بتقول بدري انت ووجهك .. !!
ولو ما كلمتها بتقول الشرهه مو عليك على اللي حسسك ان فيه شخص مهتم فيك ..
لكن توكلت على الله وكلمتها وقلت لها ان توني اشوف البطاقة والغلط منها لانها ما قالت لي قبل ما تسافر شين وقوي عين ..

اما الغلط فاذكر مرة كنت عازم واحد من اخوياي واخوانه وعيال عمه ..
ويوم قلطتهم على الاكل واحد من اخوانه ملقوف قال بزواجك ..
انا مع الربكة والحوسة نسيت ردها ابي احاول اتذكر مافي امل
والمشكلة ذاك جالس يكررها يبي من الرد ..
وشوي طب خويي بالسالفة وقال ترى اخوي يقول بزواجك ..
قلت طيب اصبر شوي ابي اتذكر ردها ..
قال قول له وانت حاضر قلت وانت حاضر وتعال دور وجهي بعدها ..
حلفت اني ما اعزمه لو يجي من المريخ مو من الخرج ..

احس اني طولت
يعطيك العافية ابو طلال على هيك موضوع ,,

[ fff للحياة عنوان ]

ابو طـــــــــلال

يامن تغلغلت كما الـ( كومفورت ) داخل نسيج مخيخاتنا لتضيف اليها نعومة الحرير + عبير الورد

انا بكل صراحة ما احب الردود الطويلة انطلاقا من القول المأثور ( مالكم بالطويلة )

لذلك سوف اكتفي بشكرك... واحتمال مستقبلا اعزمك انت وولدك على لحم غنم