|
مع ابو طلال .... أنت أقرب إلى الحقيقة أحبتي أعضاء منتدى الزعيم >> الزعيم اللى فشلنا قبل كم يوم مع الوطني ... ولانغرز إلا مع الفرق المتواضعة ..:razz: قاهرني الهلال ..... كل ماقربنا من الصدارة .. يتأخر .. وعلى قولة أبو بكر سالم .. كل ماصفت غيمت :yes: ولــــــــــــــــــــــــــــــــــدي ... البكر .. إللى أفتخر فيه عند العربان إستاثمت فيه .. بعيد الأضحى خليته يشوف الخروف وهو ينذبح ومن يومها مااكل لحمة !! وإذا عطيته بطرق تمويهيه ( يستفرغ ) اعزكم الله ..:no: طبعاً كانت غلطتي .. لأنه هو سألني عن سبب ( قتل الخروف بهذه الشراسة ) خصوصا انه كان مبسوط معها ويركبها ويلعب معها .. قلت وعلى أساس اني فاهم .. ( أقرب إلى الحقيقه ) :razz: نذبحة يابابا .. علشان نقطعة :bigeek: بعدين نحطة بالثلاجة :bigeek:.. بعدين ناكلة :bigeek::to: أحس ان وده يقول ( كفاية يامقرمين ) :d طبعاً غلطت في التعمق اللى ماله داعي في الشرح .. وطبعا سألت طبيب وأفاد اني مااذكر هالموضوع له نهائياً وهو بينسى وهذا شي طبيعي يحدث عند الأطفال بسنة ... خصوصاً أني في البداية صرت أغرية علشان ياكل .. ازعل عليه مثلاً .. مرات أهددة .. وكل الطرق مافادت .. طنشت لين ماربي يكتب اللى فيه الخير ...:yes: أمـــــــــــــــــــــــــــــــــي .. أطال الله بقائها والبسها لباس الصحة والعافية .. كلمتني في يوم السبت ( مباراة عمان والسعوديه على النهائي ) وكنت مستأذن من العمل ( قايلهم عندي موعد أسنان ) :razz: ومزبط القعدة في البيت .. وإلا الوالدة تكلمني جوال وتقول : بليز ماي بيبي :ap: قصدي بالخير يابو طلال .. الله يعافيك وش عندك ؟؟ قلت آمري ياخلفهم .. قالت ميخالف تجي توديني لحرمة الحين .. >> ضاق صدري والمباراة بدت ( الدقيقه الثالثه ) وهاللمباراة حامية من البداية .. قلت ( الحين يمة )؟ :confusedw: قالت إيه الحين الحرمة ماشفتها من تعبت .. مرني ومانطول وانا واقفة بسلم عليها .. قلت طيب :cry:.. بس ماودك تخلينها بكرا :cry: قالت وش بكرا ( واخزياااه بس ) تشره علي المر ة... :naughty: قلت طيب بمرك بعد شوي ( مخطط على الشوط الأول وبين الشوطين امرها .. ) قالت : العب عليك شف المباراة وعساكم تفوزون بركلة الترجيح >> مدري من اللى معلمها :d طلع مقلب .. :bx: بعده بكم يوم .. وفي يوم الإربعاء فيه عزيمة لأخوي عند خالتي... و امي لها مدة ماشافت عيال اخوي .. يوم جت الساعة خمس العصر .. والليلة العزيمة .. كلمت أمي :naughty: ... قلت بالخير يمة .. قالت هلا .. قلت الله يعافيتس ياميمتي اليوم مسوين حفلة لأثنين من ربعي توهم مترقين وكلن يبي يجيب شي من البيت .. وانا مواعدهم أجيب جريش مخصوص وشغل بيت .. فعاد نبي بياض الوجه .> :to: >> إبليس صح ؟:naughty: قالت عاد اليوم ياوليدي ؟؟ يووووووووه الجريش يبيلة وقت .. متى أشب عليه .. ومتى !! قلت عاد يمه من كثر طلباتي .. انا لو مرتي تعرف تزبط الجريش مثلك كان قلتلها .. بس انتي شغلك غير :naughty: قالت ميخالف بس لوك قايلي بدري .. يووووووووه :laugh: سويت نفسي زعلان .. قلت خلاص وش اسوي .. الله يهديك بس ياوليدي .. ماتدري ان الليلة بروح لخالتك اخوك يبي يجي مع عياله ومبطي ماشفتهم !! قلت اهااا طيب واحد واحد ... هذي حقت المباراة ... وعلمتها اني امزح :bx: >> طبعا كان فيه أحاديث جانبية بس رديت المقلب وإرتحت .. وماخليت أحد إلا علمته .. وهذاني اعلمكم ... كوني أقرب إلى الحقيقه :razz: بعض الأخطاء بالكلام .. والإرتباك .. يطلع معه كلام ماله داعي ... مثلاً *عندنا موظف يبي يقول لمريضة ( ماسمعتي إسمك ) قالها ( ماعرفتيني ) :ap: *واحد من الشباب يقول .. مره كنت أسولف انا وواحد وكنت أبارك له بالزواج وكان حديث الزواج .. يقول وانا ابارك له بلغني انه طلق زوجته .. يقول برضه قلت له ( ماشاء الله مبروووك ) :to: لاإرادياً يقول حتى الرجال قالي .. اقولك طلقت تقول مبروك :razz: *مرات يكون طريقي بجانب مقبرة .. وطبعا اسلم على الميتتين وأترحم عليهم .. كان برمضان هالمره ويوم وازيت المقبرة وعلى أساس أني اسلم عليه واقول ( السلام عليكم دار قوم مؤمنون انتم السابقون ونحن اللاحقون ) قلت ( السلام عليكم اللهم اني لك صمت وعلى رزقك أفطرت ) :to: لاعبن فيني الجوع :razz: * مجتمعين في إستراحة وكننا نعلق على واحد .. المهم الرجال كان حليم وصابر :laugh: حتى انفجر وصرخ بوجه واحد من العيال وقاله : ورى ماتصير رجال زي الكلب !!! :razz: أعزكم الله .. :razz: العربية أقرب إلى الحقيقة ... والجزيرة الحقيقه كاملة ... والإتصالات السعودية حياة أسهل .. وموبايلي من إختياري .. وجالكسي عندما ت عشق الشوكولا .. وروتانا مش حتئدر تغمض عينيك .. إلخ إلخ .. طيب حنا ورى مايصير لنا مثلهم : كل واحد يختار له جملة مرادفة ليوزرة .. ورونا شوفة النفس والغرور اللى على أصولة :naughty: اخوكم الصغير ابو طلال حيث المصداقية :naughty: |
هلا بعمي بصلي وراجع لك........................... ----------------- موضوعك يا أبوطلال ما مسكت له راس :d كل ما قريت سطرين - تشطح بموضوع ثاني بثالث سطر دام الدعوة وناسه خلني أعلمك بسوالف صايره: *خالي الله يسلمك ماسك علي سالفه وأنا صغير وللحين يتريق علي: مره إتصل على بيتنا وأنا اللي رديت عليه : بعد ما سلم ، قال لي : مسّه بالخير أنا سكت ما عرفت وش أرد ( توني بزر ) :d ويكررها ومصمم أرد عليه ( مسّه بالخير ) وأنا على صمتي :d بعد أجزاء من الثواني خربها ، وقالي : لعنبوك رد :d --------------- *هذا اللي يسلمك فيه واحد موذي بقرية ما خلى أحد بحاله ، وتأذوا منه الناس بعد فتره دخل واحد على شياب بمجلسهم وعلمهم إن ( الموذي ) مات قال واحدٍ من الشياب : الله يبشرك بالخير ( جعله بجهنم ) :d قال الشايب الثاني : هذا كفو يدخل جهنم !!!. جهنم فيها أبوجهل وصناديد قريش ، هو كفو يصف معهم :d إستغفر الله العظيم ( فيه شياب منتهين ) :d ------------------ أشوف رائده الزعيم محضره معي ، البنت هذي غطت على الهنوووف بالردود الطويله :d |
:rose: ........................ عدنـا والعـود أحمـد .. السلام عليكم ورحمة الله وبركاته .. مسّكم بالخير جميعاً .. :razz::rose: أتمنى تكون بخير .. :rose: أعجبتني كثيراً القصه مع والدتكـ .. التي كانت تحت شعار ( اكسب موقف معي ) كثير من الأشخاص الله يهديهم بس .. يجون يطلبون منك طلبات بأوقات صعبه .. أو يطلبون منك شي يخصك وغالي عليك .. الزبده أنت ماتكون لك خلق الحين .. وهو يدري أنه مالك خلق تسوي اللي يبيه منك .. لكن يطلبه بقوة عين .. لأنه يبي يشوف ردة فعلك .. ويختبرك أنت شخصياً .. وبالأصل هو مايبي شي .. بس بيكون احرجك لو رفضت .. أو بتكون كسبت موقف حلو معه لو وافقت وطلع مقلب .. وكثيراً وقعت في مواقف محرجه .. حيث يقوم أحدهم بطلب شيء مني .. وأنا أرفض .. ثم بعد ذلك يقول ../ ترا أمزح معك ما أبي إلا سلامتك .. :ga: وقتها أحس بغبنه وقهر شديدين :no:.. أقول لنفسي ../ ليتني وافقت .. وكسبت موقف لصالحي .. لذلك أصبحت لو أحد طلب مني شي غالي عندي .. أنا أوافق .. مو لأني فعلا موافق .. بل لأني أكون متوقع انه بس يبي يشوف ردة فعلي .. وغير كذا أكون عارف أنه مستحيل يكون متطفل وبجيح لهالدرجه لكي يتسلبط على شيء يخصني بهذه الجرأه ويأخذها .. والحمدلله ربي أنقذني من أكثر من موقف هكذا .. وترا فيه ناس تعشق أنها تحرج الناس على هذه الصوره .. والشخص إذا سوا معك هالحركه أكثر من مره .. أزبد له وقوله بقوة عين ../ لا منب معطيك .. :naughty: إقتباس:
ذكرتني بقصة ( صندوق البرتقان ) وهي قصه معروفه .. عن مجموعة شباب طلعوا برحله للبر .. وكان معهم صندوق برتقال .. وكان جاي معهم واحد لخمه . نظام يحوس أبو الجمله لا جا يتكلم .. قعد يقولهم ../ ياشباب وين برتوق الصندقان ؟ :D قالوا له ../ وش برتوق صندقان انت ووجهك ؟ قالهم ../ ياخي برتوق الصندقان وينه ؟ قالوله ../ ياخي وش تقول انت ؟ فجأه تنبه خويهم لغباءه .. وقال ../ أوووه ، قصدي صندوق البرتقان وينه ؟ هههههههههههههه :D أو كالذي يقول لك يا أبو طلال .. فرصه سعيده .. أنت بترد عليه وبتقوله ../ أحنا الأسعد .. أنا مره واحد قال لي عالجوال ../ فرصه طيبه .. رحت قلتله أحنا الأطيب ههههههههههههههه :D من هنا وهناك ../ ( صور حياتيه خايسه :razz: لا يعني أنها حدثت لي :cry::d ) * لو بيوم من الأيام جا لك صديقك ، واستلف منك أي شي يخصك ، وقال لك برجعهم لك غداً قبل لا أسافر ، وأنت كنت حريص جدا أنه يرجعهم ووصيته مليون مره أنه ماينسى يرجعهم ، .. وفجأه اليوم التالي جاك اتصال منه يقول ../ أنا أسف ماقدرت ارجعهم لأني سافرت .. هنا انتبه انتبه انتبه .. تنفجر بخويك وتقوله ../ تراني موصيك ترجعهم مليون مره .. لا لا خلك ريلاكس .. وصدقني بأخر المكالمه بيقولك ../ أمزح معك ، أنزل يالله أنا تحت بيتكم أبعطيك غرضك :D * لو كنت كاشخ بقلم جديد .. وجاك واحد تعرفه .. وقال لك ../ ورني القلم .. أعطيه ياه بكل ثقه عادي .. ولو قعد يتفحصه ثم قالك ../ هديه مقبوله .. :bigeek: خلك ريلاكس جداً .. وصدقني بـ نهاية المحادثه رح يعطيك ياه مره ثانيه ويقولك أمزح معك .. ولو ما أعطاك ياه تعال وأنا أعطيك واحد جديد .. بس أهم شي لا تندفع بدلاخه وتقول ../ لا ياخي ترى توني شاريه :d. أكسب موقف معه .. ولو انها مزح .. * اللحمه سر الحياه :razz:، فاحرص أن تحبب بها أبناءك وأخوتك الصغار .. لا أن تجيب العيد اللي بعد العيد اللي ذبحتوا فيه الخروف .. وتحاول تبرر ذلك .. بطريقه أرهابيه .. كذا الطفل مارح يقتنع باللي قلته ورح يعتبرها وحشيه غير مبرره .. لذلك أوصل له المعلومه من ناحيه دينيه .. بأنها سنة مؤكده عن الرسول صلى الله عليه وسلم .. و على المسلمين القادرين أن يضحوا في عيد الأضحى ويعطوا الفقراء والمساكين .. لكن مب تصورله في خياله فيلم أجنبي مرعب .. أما بالنسبه لطلال يا أبا طلال .. فلا تقلق .. مصيره لما يكبر ياكلها ياكلها :d.. * إقتباس:
مره زمان قبل لا يسافر أخوي الكبير للدراسه .. كنت انا واقف وماسك شنطة اخوي .. إلا ويجي خالي ويقول ../ ( مثل ما ودعت .. تلاقي ) .. << ( يعني زي ماودعت أخوك .. يارب تلاقيه ) أنا دايما أسمع هالجمله بالمسلسلات بس قهر ماتذكرت وش يردون عليها .. فقلت ../ اهااا :d خالي وقتها فطس من الضحك علي :d واللي يغبنك أنه ماقالي وش الرد الصح لها :d // بالنهايه .. لا يسعني إلا أن أشكرك أخي الكريم .. وسعت صدورنا بسواليفك الله يحفظك .. ويخلي لك عيالك وأميمتك وكل أحبابك أن شاء الله .. تقبل مروري المتواضع .. لك :rose: دمت بأجمل حال إبراهيم |
هلا ابوطلال وش الاخبار تصدق توحشت خشتك بالزااااااااااااف وسواليفك وحنا واقفين وتقطيع بالخلق الله يتوب علينا سلم لى على امك هى اللى تعرف لك اجل موعد اسنان مع ان سنونك طقم بيالات نصها زنجبيل وش اخبار التمر ديالك توصى بشئ من ذيك الديرة اكيد عرفت وين انا اللحين وابعطيك خيارات 1 السودان 2 كينيا 3 بوركينافاسو 4 المغرب :clapping::naughty: يا الله يا الذيب ورنى شطارتك وتراى قلت كم كلمه ترمز للديرة اللى انا فيها اللحين |
:D الله يخلي لكـ أميمتكـ يا ليتهم مصورينكـ وأنت تنجر على خشمك :D بالنسبة لولدك البكر والله حاس إن هالولد بيطلع مصري مدري ليه انتبه له بس القيصر رهيب حتى ظله له مهآبه :naughty: |
يا حيا الله أخونا الصغير:rose: أجل أستاثمت في طلولي وكرهته في اللحمة:no: عموما طلولي بيكبر وما صاير له شي الا أحسن له :naughty: هذا أحنا كبرنا وما صار شي وعايشين بدون لحمة:ga: ما ضرنا:naughty: المهم أنت عديم الإنسانية أجل تخلي ولدك يلعب معه ثم تذبحه قدامة:bigeek: لا وتعلمة أن أبو الشباب هو اللي كل يوم تاكلون منه وحاطينةبالثلاجة:bigeek: وتقول ليش يكرة اللحمة:bigeek: ما ألومة :d أشوى اللي ما كرهك على هالسالفة وتخيلك بتذبحة مثل ما ذبحت صديقة العزيز:ga: :to::to::to::to: المهم أصدق دعاية دعاية الجالكسي بالنسبة لمدمني الجالكسي:smilie47::smilie47::smilie47::ga::ga::ga: أخونا الصغير يسلموا وسعت صدورنا الله يوسع صدرك بالعافية:rose: بالحب والإشراق |
مرااحب أبو طلو :rose::smilie47: ياخووي ماتصلح تكون أبو انت وييين حقوق الأنسان عنك أجل مهبلن بالسمي وفاصخن عقله :to: تصدق يابو طلال عندي أخو يشابه حالة السمي يكره اللحم ويعشق الدجاج يارجااال ذاك اليوم بعرس اخوي ماذاق العشاء :d مييير خلصنا العرس منا ونقزنا وجبناله دجاج منا :d والسبب بهذا كله يوم شاف البلاوي المتلتله تطلع من كرش الخروف وميير تلوع تسبده :to: عااد ياشيين البزر لاكان آخر العنقود يدلع ويتميصل ويتأمر والضحية أنت والله يخليلك أميمتك ويطول بعمرها :rose::d يالله تمس على خير :smilie47: |
ياهلا أبو طلال :smilie47: الله يخلي لك امك وولدك طلال :smilie47: بس انت غلطان يوم توديه معك في العيد توريه ذبح الخروف !؟ من جدك انت ؟ :d انا عن نفسي ما اروح إلا نادراً :d واعجبني مقلبك مع امك الله يخليها لك ياليت امي تعرف الدوري الإيطالي :d تقلي ودني السوق على وقت مباراة روما :d اقلها ابشري بس تخلص ويفوز لازم :bx: .. تقبلي مروري ياغالي |
هلاآ أبو طلاآل .. حرآم عليك تخلي ولدك يلعب مع الخروف بعدهآ يشوفه وهو ينذبح :bigeek: << رحمته :d ماآلوومه يوم كره اللحمه << :razz: والله يحفظ لك أمك أعرفت تختآر الوقت << :d .. أبو طلآل ..:rose: موضوع حلووو كثير .. تسلم إيديك .. وسعت صدوورنآ .. :d .. تقبل مروري .. أختك / خجل الحب .. |
,, يآلله حـي آبو طلآل :smilie47: آلله يخلـي لك ولدك وآميمتـك :rose: آلآ آقول آبو طلآل تصدق آني عكـس ولدك آنآ مآ آكل الدجآج والسمك < عدلتهآ بعد مآ نبهنـي وآحد من الاعضآء الله يعطيه العآفيه آمآ بآقي اللحوم آهلآ وسهلآ :d وخآصه لحـم الغنــم :smilie47: تصدق حتى اذا الشباب طلبوآ شورمآ آنآ اقول ابي شورمآ باللحــم :razz: آلمهـم / إقتباس:
على سآلفه الارتبآك وآلآخطآء , مره رحنآ آنآ وخآلي نعزي وآحد مآت آبو لهـم آلمهـم يوم قررنآ نطلـع سلمنآ عليهـم وجآء خآلي قآلهـم فرصـه سعيـده هههههههههههه ههههههه :d مشكور آبو طلآل ووجهـك آبيض يآلحر :smilie47: ,, |
إقتباس:
ياعسى الله يلبسها العافيه ويخليهـا لكم ويطـول بعمـرهاا :rose: ،، اما بالنسبه لولدك ياكثر هالاشكاليات عندنا ، بس كلها فتـره وهو يقوولك يبـه جب لنا خروف على كبره :laugh: وان كانه يحب اكل المطاعم ، عطه من المطاعم ولا خلص اكل قله شفت هذا لحم وطعمه حيلوو :naughty: وعسى ربي يصخرهـ لك ويخليه يآكل لحم :ap: وبالنسبه للشعارات >> للزين عنوان :laugh: فتك بالعافيه :smilie47: :rose: |
هلا أبو طلو :smilie47: مالك داعي على هالحركة البايخة مع طلو :smilie47: اخوي اصغر مني بثالث ثانوي الى يومك ماعمره قام معنا الصبح عيد الاضحى يذبح لانه وهو صغير شاف الوالد وعماني وهم يضحون وتعقد والى يومك العقدة :cry: << الكرف كله يوم العيد علي :cry: يمكن طلو يتعقد من ذبح الضحايا او ذبح الذبايح بالبر ولا يصير قرم مثل ابوه :d الله يخلي لك الوالدة ويخلي لي امي :smilie47: وابوي :smilie47: واخواني :smilie47: واختي الصغيرة :smilie47: وكل من احب :smilie47: :d وعن الجملة المرادفة لـ يزوري : [ مـلـك الـغـربـة فـي رحـلـة الـغـربـة ] :naughty: :d مافيه [ برايفت ]؟؟ :d |
هلا والله وغلا ابو طلال :smilie47: والله ماينلام طلال باللي شافه احمد ربك وحالته وقفت على كذا .. :to: انا اذكر مرة وانا صغير ما كنت اعرف ان اهلي سفاحين .. :bigeek: طبعا كانوا اذا ودهم يضحون كرشوني جوه البيت وبعدين يسمون .. :d ولما اسالهم عن الاضحية يقولون وديناها عند الجيران .. :razz: مرة من المرات ابوي جاني وقال لي ياوليدي انت صرت كبير ولازم تعرف الحقيقة المرة :yes: تعال ابيك برى .. !!:bigeek: وشوي الا وذاك الهرفي اللي يحبه قلبك جالسين يجرونه .. :ga: ويوم اسدحوه وانا اطب عليه احسب الدعوة هواش .. :confusedw: وشوي الا واشوف السكين يلمع و قلت الدعوة فيها قاتل ومقتول .. :bigeek: ويوم بدوا ينحرونه وبدا الدم يسيل بدت معدتي تلعب وطلعت كل الاكل اللي اكلته قبل شهر .. :to: وكرهت اهلي وكرهت العالم توني اعرف انهم وحوش مو اوادم .. :ap: ابوي تحسف بعدها وتمنى انه ما قال لي تعال .. :no: وقعدت تقريبا بعدها 3 سنين ما اكل لحم ولا احضر عزايم .. وكنت اكره عيد الاضحى اكثر من الخرفان .. :d بس لما كبرت شوي عرفت ان هذي سنة الحياة ويوم لك ويوم عليك مش كل يوم معاك .. :bx: وسلمت بالامر الواقع وصرت الحين انا اذبح واسلخ واقطع > نصاب :razz: ما يستفاد من القصة .. :laugh: 1 . عرفت حقيقة اهلي :smilie47: بعد ماكنت مغشوش فيهم .. :d 2 . طلو الله يخليه لك ويرزقك بره رح يتفهم الموضوع بعد مده ويعرف ان هذا شئ طبيعي .. :yes: 3 . لا تخلي البزارين يلعبون مع الخروف وفهمهم انه شئ متحوش علشان اذا شافوه ينذبح ما ينصدمون .. :d على طاري امك الله يخليها لك مرة اهلي بيسافرون وانا بقعد لحالي بالبيت .. طبعا امي :smilie47:كتبت لي كلام رومنسي :ga:على بطاقة وغلفتها ورزتها على الكومودينو بغرفة نومي .. وسافرت وكنت كل يوم اكلمها ولا على بالى .. :d وما انتبهت للبطاقة الا قبل ما يرجعون من السفر بيوم .. :to: بعدها صار مالي وجه اكلم امي .. :no: لو كلمتها وشكرتها بتقول بدري انت ووجهك .. !! ولو ما كلمتها بتقول الشرهه مو عليك على اللي حسسك ان فيه شخص مهتم فيك ..:fi: لكن توكلت على الله وكلمتها وقلت لها ان توني اشوف البطاقة والغلط منها لانها ما قالت لي قبل ما تسافر شين وقوي عين .. :bx: اما الغلط فاذكر مرة كنت عازم واحد من اخوياي واخوانه وعيال عمه .. ويوم قلطتهم على الاكل واحد من اخوانه ملقوف قال بزواجك .. انا مع الربكة والحوسة نسيت ردها ابي احاول اتذكر مافي امل :to: والمشكلة ذاك جالس يكررها يبي من الرد .. وشوي طب خويي بالسالفة وقال ترى اخوي يقول بزواجك .. قلت طيب اصبر شوي ابي اتذكر ردها .. :d قال قول له وانت حاضر قلت وانت حاضر وتعال دور وجهي بعدها .. حلفت اني ما اعزمه لو يجي من المريخ مو من الخرج .. :naughty: احس اني طولت :to: يعطيك العافية ابو طلال على هيك موضوع ,,:clapping: [ fff للحياة عنوان ] :naughty: |
هلا بـ ابو طلال الله يخلي لك امك ويبارك لك في ابنك :smilie47: .. * الاطفال دائما يتاثرون باي شي , ولد عمي عمره 7 سنين متاثر في ابوة انه اقوى واحد ياشيخ :d , لان ابوة عسكري ,! وكذا مرة يجي باللبس الرسمي والمسدس في حزامة :d ,,! ومن ازعاج الابن لـ والدة , شرى له لبس عسكري ,’ والعابه دايم تكون حربية :d , اعذرني ع المرور الخطافي يالطيب :rose: . . السمسار الهلالي ان طاب ابوزيد الهلالي, جرح ابن غانم يطيب :naughty::smilie47: |
ابو طـــــــــلال يامن تغلغلت كما الـ( كومفورت ) داخل نسيج مخيخاتنا لتضيف اليها نعومة الحرير + عبير الورد :rose: انا بكل صراحة ما احب الردود الطويلة انطلاقا من القول المأثور ( مالكم بالطويلة ) :d لذلك سوف اكتفي بشكرك... واحتمال مستقبلا اعزمك انت وولدك على لحم غنم :naughty: |
| الوقت المعتمد في المنتدى بتوقيت جرينتش +3.
الوقت الان » 07:48 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd