توضيح بخصوص رادوي..! - نادي الهلال السعودي - شبكة الزعيم

I don‘t know · #1 20/01/2009, 03:40 PM

السلام عليكم ورحمة الله...

مسآء آلخير لكل الزعماء

...

اول شئ نقول لكم هارد لك على النتيجة المخيبة للآمال لمباراة امس لكن الدور الثاني توه بدأ والأمل موجود ولازال وكبير ايضا...

الموضوع اللي جاي ابتكلم عنه اللي هو رادوي اللاعب الفذ اللي الكل عارض التعاقد معه معللين بأن السبب ان مركزه محور مع ان كل خبر رسمي من ادارة المنتدى يقولون: هذا ميزته انه يلعب في مراكز عدة وهذي عليها مليونين خط

يعني حنا هذي السنة واللي راحت ننحرج اذا وجدنا مركز الكل غير موجود وممكن اصابات وايقافات واذا جينا بنبحث عن بديل مانحصل حتى وصل ان هذه السنة لعبنا الغنام دفاع وهو لاعب محور ولايجيد الدفاع

اما رادوي يلعب في محور دفاعي وهجومي وظهير يمين وممكن في الدفاع يعني بتاع كله ...

اتمنى ان الكل يشوف من يفهم اكثر في الكورة هو ولاكوزمين؟

وحتى سيول الكوري ماسلم من الجماهير انتم ياناس اصبروا على اللاعبين وبتشوفون كلام غير كلامكم اللي تقولونه الحين ان شاء الله ويمكن نشوفهم احسن من التايب ليش لا؟>>>ياويلك منهم

ومانقول الا بالتوفيق للزعيم ولاعبيه الأجانب...

برايفت:
لايوجد فريق لايخسر

تـح ـياتي...i don't know

هلالـــ الزلفي ـــلي · #2 20/01/2009, 03:44 PM

اقولك وش نبي ,,,,

مهاااااااااااااااااااااااااااااااااااجم صريح

طارق · #3 20/01/2009, 03:46 PM

ما شاء محترفينا هالموسم كلهم سوبرمانات يلعبون بكل المراكز

ويلي يقولون وسط ايمن و ايسر و مهاجم و ظهير ايسر بعد احيانا

و الكوري وسط ايسر و مهاجم

و الروماني محور دفاعي و محور هجومي و قلب دفاع و ظهير ايمن

و رالديس قلب دفاع و ظهير رغم انه ثقيل

يا غالي الرومانيين انفسهم يقولون مركز رادوي محور دفاعي و ممكن يلعب قلب دفاع اما الظهير الايمن فهي مباريات معدودة لعبها يعني وقت الزنقات.

على فكرة محترفينا ما يلعبون حراس برضه وقت الزنقه؟

هاوي الياماها · #4 20/01/2009, 04:41 PM

أنــا مــا أقـــدر أحـــكـــم على أجــانبـــنـــا الجـــدد إلا بعـــد 3 او4 مبـــاريات

لاتنســـى يــا بــو الشبــــاب ليلـــو مبيــلي اول مبـــاراة لعبـــهـــا قـــدام الاتفــاق وثاني

مبـــاراة قــدام الــوطنـــي قلـــنـــا واللـــه هـــاذ اللاعب ولا بلاش وبعدها بانت الحقيقه

بالمختصر المفيد نعطيهم فرصه ونحكم واتمنى انهم يكونو بطموحاتنا
وتقبل مروري

أحبــك يآهلآل · #5 20/01/2009, 04:45 PM

إقتباس

الرسالة الأصلية كتبت بواسطة هاوي الياماها


	أنــا مــا أقـــدر أحـــكـــم على أجــانبـــنـــا الجـــدد إلا بعـــد 3 او4 مبـــاريات لاتنســـى يــا بــو الشبــــاب ليلـــو مبيــلي اول مبـــاراة لعبـــهـــا قـــدام الاتفــاق وثاني مبـــاراة قــدام الــوطنـــي قلـــنـــا واللـــه هـــاذ اللاعب ولا بلاش وبعدها بانت الحقيقه بالمختصر المفيد نعطيهم فرصه ونحكم واتمنى انهم يكونو بطموحاتنا وتقبل مروري

Double M · #6 20/01/2009, 04:49 PM

ما تقدر تحكم اخوي قبل ما تشوفه يلعب وزي ما قال اخوي ,هاوي الياماها

قــبوووط · #7 20/01/2009, 04:50 PM

إقتباس

الرسالة الأصلية كتبت بواسطة طارق


	ما شاء محترفينا هالموسم كلهم سوبرمانات يلعبون بكل المراكز ويلي يقولون وسط ايمن و ايسر و مهاجم و ظهير ايسر بعد احيانا و الكوري وسط ايسر و مهاجم و الروماني محور دفاعي و محور هجومي و قلب دفاع و ظهير ايمن و رالديس قلب دفاع و ظهير رغم انه ثقيل يا غالي الرومانيين انفسهم يقولون مركز رادوي محور دفاعي و ممكن يلعب قلب دفاع اما الظهير الايمن فهي مباريات معدودة لعبها يعني وقت الزنقات. على فكرة محترفينا ما يلعبون حراس برضه وقت الزنقه؟

تمدح ولا تطنز .؟

الهلالوز · #8 20/01/2009, 05:07 PM

كلام صحيح

العبره بالخواتيم

خلونا ننتظر الى نهاية الموسم ونقيـّمهم ونشوف اللي قدموه للزعيم اذا فاز ان شاء الله في بطولات هذا الموسم

ابو نانسي الهلالي · #9 20/01/2009, 05:10 PM

حنا ما نقدر نسوي ال الصبر وبعدين يجي الحكم على الاعبين

بن منيف النهدي · #10 20/01/2009, 05:12 PM

ماتقدر تحكم من المباراة الاولى