شبــاب تراكـم معـزومين عنــدي هنــآ بالمجلــس حقــي .. .. على الطــلاق انكم تدخلووونـ !! - صفحة رقم 2 - نادي الهلال السعودي - شبكة الزعيم

Hictar · #16 20/01/2009, 03:49 PM

ذكرتني بواحد بعمرك
يقول دخلت على ٍأمي الظهريه ولقيتها جالسه تتقهوى
قلت لها يمه : زوجيني !!.
يقول : ناظرتني نظره غريبه ، ورفعت حواجبها !!.
وقالت : خلني أقوم أشوف غداي أبرك

عاشق الموهوب 10 · #17 20/01/2009, 03:59 PM

هلا والله بالعريس << بيحمسك

..

شوف أخوي بالنسبه للزواج .. مهو سهل مثل ما أنت متخيله .. ومهو صعب برضوا ..
يعني الأمر راجعلك أذا انت تبي تتزوج فصارح ابوك بالموضوع وراح يتفهم الوضع وان شاء الله ما يقول شي ..
ولازم يكون عنك فلوس وسكن وسياره و وظيفه ..

لكن تبي نصحتي أصبر سنه او سنتين .. الزواج مسوؤليه ..
وأنصحك بالصوم ..

تحياتـي لـك ..

عريب عبدالله · #18 20/01/2009, 04:10 PM

شوف أخوي أنا أقول تزوج وما عليك من أحد

الرسول صلى الله علية وسلم يقول "يا معشر الشباب من أستطاع منكم الباءة فل يتزوج" أو كما قال عليه الصلاة والسلام

كلام الناس ما راح يخلص

وهذا ولد عمي أصغر منك والحين أمة بتزوجة وزواجة آخر هالشهر الله يوفقة
وزوجتة أصغر منة<<يعني زواج مبزرة

بس أنا عندي قناعة إذا الولد طلب يتزوج المفروض أهلة يزوجونة

عشان ما يفكر بشي ثاني

وبما أنك الحمدلله عندك وظيفة فالموضوع حلو

لكن لازم ترفق ببنت الناس وتنضج في التعامل مع المشكلات وتسكنها بشقة مستقلة

لأن ولد عمي الثاني زوجتة أمة وهو صغير وما عجبتها الحرمة مع أنها أخلاق <<البلا بمرت عمي

فطلقتها والحين زوجتة وحدة ثانية <<وهو واحد بزر بمعنى الكلمة

الحين نشوف مشاري إن شاء الله يصير قدها << ما ضنتي

لكن هذا أمة عاقلة وأتوقع أنها ممكن تساعد ولدها على الصح

المشكله أن الأول الى اليوم ياخذ مصروف من أمة وابوه مع أنه موظف

أما الثاني فما بعد طلع من البيضة على قولتهم خلص الثانوية والحين زواجة آخر الشهر

لكن عنده وظيفة ووبيت وأمورة المادية حلوة

الله يوفقة

وترى عادي ولد عمي الأخير كل عماني عارضوا المسألة الا أبوي

لأنه متفهم

وأنا أشوف مادام عنده وظيفة وطالب يتزوج حلو أن أمة سوت هالخطوة وزوجته

المهم لو تزوجت لاتدخل أحد بينك وبين زوجتك في مشاكلكم
ولا تصير بزر وكل شي تقولة لأمك أو أصدقاءك
تحمل المسؤلية وأصبر وحاول تتوصل لحل وسط
ترى الزواج مسؤلية وأنا أعتقد أنك قدها لأنك فكرت تجمع

الله يوفقك وترى كلام الناس ما يخلص لو بتسمع كلامهم بتوصل الثلاثين ما أعرست

ما دمت واثق من نفسك أثبت لهم أنك قد المسؤلية

بالحب والإشراق

داايم هلاالي · #19 20/01/2009, 04:43 PM

مواصل .. ههههههههههههههههههههههههههه
هههههههههههههههههههههههههههههههههه
هذي لو امي طلقتهآ << فاهم غلط

داايم هلاالي · #20 20/01/2009, 04:45 PM

عاشق ..

ههه انا عريس << يارب

هذا الي انا افكر فيه سنه او سنتين .. بس العمر باقي صغير
يعني بيصير 22 - 23

نفس الشي

داايم هلاالي · #21 20/01/2009, 04:46 PM

أختي رائدة مو كل شخص يبي يتزوجون المفروض يزوجونه
لان بعض الشباب الله يهديهم عقلهم صغير مره
حرام يضيعون مستقبل البنت مع واحد مثل كذا
ومشكوره على النصائح المطروحه .. اعرفها زين مازين
واهم شي الاسرار ما احب تطلع برى

نايف الشدادي · #22 20/01/2009, 04:50 PM

مدامك ياذيبآن موظف ونآوي

لآيريدك إلا باب ابو البنت

وبالنسبه لـعمرك منآسب للزواج ولاتصغر نفسك عآد

وعسى الله يوفقك ويختآر لك الآصلح ،،

ميّادة · #23 20/01/2009, 04:52 PM

بس
هذا اللي نفكر فيه
أمن لك وظيفة و بيت و تزوج
و إذا مرة بتصير زوج مثالي خذ دورة تثقيف
و بعد عشر سنين كل الصحف عن نسبة الطلاق
و مشاكل المراهقة المتأخرة

اسأل نفسك أول إنت قادر تتقبل شخص ثاني بحياتك له تفكير مختلف و قناعات مختلفة و تتفاعل معه ؟
تقدر تتحمل مسؤولية طفل ؟ مسؤولية مو يعني ملاهي و سيريلاك
يعني تبني تفكيره
عندك خلفية كيف تبني تفكير طفل ؟
ما أظن و إنت بموضوعك تبي تتزوج و بالعنوان بتطلّق

أنصحك تفكر بدراستك , بتكوينك الخاص و لما تحس باستقرار ذاتي فكّر تتزوج

داايم هلاالي · #24 20/01/2009, 04:55 PM

نآيف اخوي .. باقي المصاريف بس نحمعهاآ

داايم هلاالي · #25 20/01/2009, 04:57 PM

هلا اختي مياده

من ناحية المسؤليه الحمد لله انا قدها وقدود .. والشخص الثاني في حياتي فهذا الي اانا اتمناه
لاني اشعر اني وحيد ..
ومن ناحية الطلاق في العنوان هي مجرد دعابه فقط
وبناء فكر الطفل اعتقد اني جيد في هذا الشي

شكر لك اختي على النصيحه سوف أخذها بعين الاعتبار

جوري الربيع · #26 20/01/2009, 06:01 PM

الله يوفقكـ ويعينكـ على الحلال
وبصراحة فيه عادة سيئة في مجتمعاتنا وهي انهم ينظرون للي عمره 20 فما فوق بأنه صغير وهذا غلط طالما مقتدر وعندك وظيفة تأمن مستقبلك ومستقبل زوجتك
وكذلك بالنسبة للبنت وأهلها عندنا قانون مستحدث وهو ان البنت ما تتزوج لين تكمّل دراستها طيب وش المانع ان البنت تتزوج وتكمّل دراستها
أشكرك أخوي والله يحقق امانيك وامنية كل مسلم ومسلمة يخافون الله،،

داايم هلاالي · #27 20/01/2009, 06:13 PM

أختي جوري

كل الكلام الي كتبتيه كان يدور في بالي من زمن طويل

وامنيتي هي اني اتزوج بفتاة تدرس يالمرحله الثانويه .. وانا متأكد انها صعبه ان الاقي اب او ام
ترى ان تزوج بنتها في هذه المرحله

شكرأ لك

حمد الاحبابي · #28 20/01/2009, 08:29 PM

شكلك ناوي على العرس

بس على ذكر البنوك تري بن باز قال يجوز ان يطلق الاب ابنة من موظف البك الغير الاسلامي

ونعين ونعاون وابشر بسعدك

داايم هلاالي · #29 20/01/2009, 09:23 PM

هلا بك اخوي القحطاني

من ناحية الربا وما الربا فلا تخاف علي فأنا باحث بالموضوع
وسألت المشايخ عشان اتأكد من بصورة واضحه و سوف اتوظف في بنك اسلامي ان شاء الله
ومن ناحية العينيه فما اوصيك أبي حاشي لونه ابيض لؤلؤي

Blanco Soul · #30 20/01/2009, 10:18 PM

شف وانا خـالك ..

العرس كلن يبي يعرس وكلن يبي يريح نفسه ويستانس ..

لكن الدعوه ماهيب عطني البنت وخلاص , لا هذي حياه ..

وانا اخوك , ماهوب تنزل لي موضوع في المجلس ويجيك ..

ابو مقبل يلعب عليك وتصدقه " حشاك والله يابو مقبل

" ..

لا وانا اخوك سائل فيها الشيبان والله يسهل دروبـك ..

كراتين المويه ليلة العرس علي