السلام عليكم

ماتلاحظون ان كثرت الألقاب الي مدري وش تبي ؟ مثل ازوزي وتانغو والملوك و والرهيب مدري وش بعد !! ويييين اي ملووووك ؟؟ احس اننا نناظر كبتن ماجد !!

مع احتراماتي احس ان هالألقاب قلة حيا صراحه , المشكله اذا قال واحد تانغو مافيه شي يدل على المنتخب الي ملقب باللقب هذا .

المشكلة يجيك واحد ومسوي فاهم وماغير يردد في هالألقاب وهو ماعنده ماعند جدتي ويحسب انه مثقف وفاهم كوره . لو بحلف انهم ما يدرون وش معناها , ومايندرا يمكن تكون اسم لأله عندهم او شي ديني عندهم وربعنا ما يدرون وين ربهم حاطهم فيه

لا تستبعد بكره يجيك واحد يقول : ما شفت الشوته الملتويه الصاعقه حقت رونالدو ؟؟

الحمد لله رب العالمين بس

اعذروني بس والله رفعت ضغطي هالألقاب خاصه ازوزي والملوك

أخوي صحن قلابه طول بالك شوي أخوي هذه الالقاب لم نطلقها نحن هنا في المنتدى ولكن من عدة سنوات والناس تطلق على هذه المنتخبات هذه الالقاب في الصحف والقنوات الفضائيه وأنا من وجهة نظري مافيها شئ

فمثلا فريقي وفريقك ملقب بالزعيم وكثير مانطلق عليه هذا للقب
ومثلها السعوديه كثيرا ماتلقب بالصقور الخضر والكميرون بالأسود

وهكذا الأزوري نسبة الى ايطاليا وهذا اللقب تلقب فيه ايطاليا من عدة سنوات وكذالك التانغو بالنسبه للأرجنتن
أما البرازيل فاللقب المشهور هو السامبا ولا اعلم من اين جاء لقب الملوك وصدقني ماسمعت فيه الا هنا فلقب الملوك هو للنادي الاسباني ريال مدريد وموجود على شعار ناديهم تاج الملك

إقتباس لا تستبعد بكره يجيك واحد يقول : ما شفت الشوته الملتويه الصاعقه حقت رونالدو ؟؟

أما هذه قالوها من جد لربورتو كارلوس شفت وين وصلت الناس

واحترم وجهة نظرك كثيرا بالنسبه لكثره استخدام هذه الالقاب حاليا ولكنها لاتتعدي كونها اضافة اسم لقب او اسم دلع مثل مايقولوا للأنديه المحبوبه أو المنتخبات .


تحياتي اخوي وهذه لاتتعدى كونها وجهة نظري فقط