العمر يمضي والجروح تبقى .. قالها البدر , ولحنها الدكتور , وغناها السندباد ,, فكان للإبداع شكلا ً آخر ,, ياهلا فيكم ,, أول طلـّة لي في هالقسم , اللي بصراحة أعتبره من أفضل الأقسام بشبكة الزعيم ولا قصور في باقي الأقسام ,, وياعسى هالطلة تعجبكون ,, <- بغيت احط هالفيس ’’ بس فيه بعض الناس يحسبون إني مغرور موضوعي يتكلم عن العُمر ,, ويتكلم بشكل عام عن العُمر , وبذكر لكم عِدة مواقف حصلت لي ,, ~ ~ ~ في السنة الماضية كان عندنا مدرس سوداني وكان يدرسنا فيزيا ,, كان المدرس متفهم ويمزح معانا يعني " مدرس محبوب عند الطلاب " .. فجيت انا سألته كم عمرك ؟ قال لي ما ادري ,, وصار كل الفصل يضحك ,, قال : آآآآي واللهي مانا عارف كم عومري ,, قلت : كلنا نعرف أعمارنا وقفت عليك انت ماتعرف عمرك ؟ قال : انا عارف كام مزى من عومري , ولكين عومري بالزبت مانا عارفو ,, الترجمة / انا اعرف كم مضى من عمري , ولكن عمري بالضبط ما اعرفه ,,
<- أحبني وأنا سوداني
~ ~ ~
و فيه سؤال يتبادر بذهني دايم دايم ,, <- لا عمره يتبادر مثل كذا أسئلة مرة ثانية ليه لما نتعرف على شخص من أول الأشياء اللي نسأله عنها هي العُمر ؟ من زود اللقافة اللي فينا , أول شي نسأل عن الإسم والعمر ووين عايش شوفوا هالمحادثة / ماجد / مرحبا ,, دانه / ياهلا مراحب ,, ماجد / من معاي ؟ دانه / معاك دانه ,, ماجد / ياهلا بك دانه ,, أخبارك ؟ دانه / بخير الحمد لله , أخبارك انت ؟ ماجد / انا الحمد لله بخير دامك بخير ,, ماجد / جتني إضافة منك يادانه , آمريني ,, دانه / مايامر عليك عدو ,, بس حبيت أتعرف إذا ماعندك مانع ,, ماجد / لا عادي وش دعوى ,, تنورين الإيميل ,, بس إنتي كم عمرك يادانه ؟ دانه / 27 ,, ماجد / اهااااا , العمر كله .. دانه / تسلم ,, من ذوقك .. ماجد / عن إذنك العيال ينتظروني برى ,, برب ,, طبعا ً صكها بلوك ماشي مليون
هالفئة كثيييرة للأسف في هالمتجمع ,, يعني لو نفرض إن الشخص اللي اضافه أكبر منك بـ 10 سنوات أو أصغر منك بـ 10 سنوات وش راح يخسر لو سولف معاه وتعرف عليه ؟ والا انه ناوي يخطبه لو كان من الجنس الآخر ,, يقال له الحب من أول محادثة <- أول نظرة قصدي دايم تحصل معي هالسالفه ,, أتعرف على شخص سواء ً كان ولد أو بنت ,, وطبعا ً من الأسئلة ( كم عمرك ) ,, فيقول لي عمري مثلا ً / 19 ,, ولما اتعرف عليه وتصير بيننا علاقه قوية وميانة و و و .. الخ ,, يقول لي ابي اعترف لك بشي ,, ترى عمري 14 ,, انا تنفقع مرارتي ,, طيب قول لي عمرك الصدزي من أول شي بدون لف ودوران أحسن لك ولي ,, وبالأخير يقول لي / ترى طول الفترة اللي راحت اسولف معك وانا مو مرتاح ,, <- كويس إنه حس بتأنيب الضمير ~ ~ ~
مرّة واحد من الشلة يقول إنه كان بالسوق وراح يغازل ,, المهم شاف له وحدة عجبته وجا ذب عليها الرقم ,, وجت سألته كم عمرك ؟ ,, قال لها : عمري 21 ,, قالت : وع أصغر مني ,, وقطعت الورقة ,, خويّنا طاح وجهه وماعاد يروح للأسواق أبد هنا علامات الإستفهام بكبر قرييييح .. ؟ <- للحين ماعرفت وشو قريح بس الظاهر انه شي كبير يعني لو كان الشاب عُمره مُناسب راح تتعرفين عليه ؟ ,, والا تعتقدين انه بيتزوجك خخخخخخ .. قمة التخلف وربي أبي أعرف متى ننتهي من هالسالفه ؟ <- متعقد من سالفة العمر
مايستفاد من الموضوع ,, - لاعمرك تسأل مدرس سوداني عن عمره ,, - لا عمرك تنصب على احد أبد أبد وتقول عمري كذا وانت تسذوب ,, لانك ماراح ترتاح لما تسولف مع الشخص المتسذوب عليه ,, - لا عمرك ترقم أبد عشان ما يطيح وجهك ويصير معك زي اللي صار مع خويّنا
أسئلة أتمنى تجاوبون عليها / - كم عمرك ؟ <- بدون تسذب وتراه أهم سؤال , لحد يجاوب بدونه - وهل انت من الفئة اللي ما تتعرف إلا على الأشخاص اللي مثل عمرك نسبيا ً , يعني أكبر أو أصغر منك بسنة أو سنتين ؟ وعطني سبب مقنع إن كان جوابك ايه ,, - قد مرّت عليك مثل هالظاهرة أو لا ؟ وإذا كان جوابك آيه / اذكر لنا هالموقف ووش صار ,, ؟ أتمنى إني كنت خفيف ظل عليكم ,,
للمعلومية / اللي منزل الموضوع في القناص أنا ..
قالها البدر , ولحنها الدكتور , وغناها السندباد ,, فكان للإبداع شكلا ً آخر
آآىخ بس يارآشد و الله نجم و صاحب حنجرة ذهبية
إقتباس
مرّة واحد من الشلة يقول إنه كان بالسوق وراح يغازل ,, المهم شاف له وحدة عجبته وجا ذب عليها الرقم ,, وجت سألته كم عمرك ؟ ,, قال لها : عمري 21 ,, قالت : وع أصغر مني ,, وقطعت الورقة
يآآشين طيحة الوجه خاصة لو قدامك ناس بثارة و قامو يضحكون
بس قبل مااجاوب سلمني على مدرسكم السوداني
<= دكتورهم بالجامعة سوداني عسل
إقتباس
- كم عمرك ؟ <- بدون تسذب وتراه أهم سؤال , لحد يجاوب بدونه
عمري بالضبط 19 سنه ..
واذا بغيت اكبر نفسي اقول 20
إقتباس
- وهل انت من الفئة اللي ما تتعرف إلا على الأشخاص اللي مثل عمرك نسبيا ً , يعني أكبر أو أصغر منك بسنة أو سنتين ؟ وعطني سبب مقنع إن كان جوابك ايه ,,
لا كل اللي اصاحبهم , في مثل مرحلتي العمرية
إقتباس
- قد مرّت عليك مثل هالظاهرة أو لا ؟
كثيرة و منضمنها ولد جيراناا , بالثانوية و ياماشي شباب اعمارهم بالـ 26 و الـ 27 !
و للاسف احتقرت هالشخص من عقب هالكلام , لان اعتبر من العيب انك تصاحب اكبر منك , او خلنا نقول مو من نفس مرحلتك العمرية !
ياهلا وياغلا نزف وياهلا فيك ومنور المنتدى والله والله ثم والله ان طريقة موضوعك كنت اتمناها هنا في المجلس العام .. يعني اللي اخر الموضوع مايستفاد عجبتني وأشوفها في الأقلاع كثير .. ودريت انك كاتب الموضوع في القناص بسبب الفيس هذا لاتقلي مو مسجل في الاقلاع ؟! ..
..
بخصوص موضوعك
إقتباس
أول طلـّة لي في هالقسم , اللي بصراحة أعتبره من أفضل الأقسام بشبكة الزعيم ولا قصور في باقي الأقسام ,, وياعسى هالطلة تعجبكون
أكيد والكل شاهد على ذلك وربي انك عجبتني في هذا الموضوع وماقصرت
إقتباس
في السنة الماضية كان عندنا مدرس سوداني وكان يدرسنا فيزيا ,,
كان المدرس متفهم ويمزح معانا يعني " مدرس محبوب عند الطلاب " .. فجيت انا سألته كم عمرك ؟ قال لي ما ادري ,, وصار كل الفصل يضحك ,, قال : آآآآي واللهي مانا عارف كم عومري ,, قلت : كلنا نعرف أعمارنا وقفت عليك انت ماتعرف عمرك ؟ قال : انا عارف كام مزى من عومري , ولكين عومري بالزبت مانا عارفو ,, الترجمة / انا اعرف كم مضى من عمري , ولكن عمري بالضبط ما اعرفه ,,
آآآآآآآه يابطني بخخخخخخخخخخخخخخخخخخخخ
السودانية هذولا لنا مواقف معهم راح اذكرها تحت ان شاء الله
إقتباس
و فيه سؤال يتبادر بذهني دايم دايم ,, <- لا عمره يتبادر مثل كذا أسئلة مرة ثانية
ليه لما نتعرف على شخص من أول الأشياء اللي نسأله عنها هي العُمر ؟ من زود اللقافة اللي فينا , أول شي نسأل عن الإسم والعمر ووين عايش
صداقات الشباب غير صداقات الشاب والبنت
يعني خويك يهتم برجولتك واخلاقك معه وغيرها
لكن البنت تهتم بشكلك وهندامك وسيارتك
بعدين تفكر في عمرك
إقتباس
مرّة واحد من الشلة يقول إنه كان بالسوق وراح يغازل ,, المهم شاف له وحدة عجبته وجا ذب عليها الرقم ,, وجت سألته كم عمرك ؟ ,, قال لها : عمري 21 ,, قالت : وع أصغر مني ,, وقطعت الورقة ,,
ههههههههههههههههههههههههههههههههههه
أعتقد هالموقف مايصير دائماً ..
مثل ماذكرت فوق البنت تهتم بشكل الرجل وهل هو غني وهل هو بطرة
- كم عمرك ؟ <- بدون تسذب وتراه أهم سؤال , لحد يجاوب بدونه
عمري 20
- وهل انت من الفئة اللي ما تتعرف إلا على الأشخاص اللي مثل عمرك نسبيا ً , يعني أكبر أو أصغر منك بسنة أو سنتين ؟ وعطني سبب مقنع إن كان جوابك ايه ,, ؟
مافيه مشكلة لو اتعرف على ناس اكبر مني ولو متزوجين او اصغر مني , بس اهم شئ افعال الشاب واخلاقه لو كانت اخلاقه اوكي وافعاله اوكي ورجل وثقة فعز الله والنعم ويبيض الوجه ان شاء الله والكلام للبنات ايضاَ << بينجلد
- قد مرّت عليك مثل هالظاهرة أو لا ؟ وإذا كان جوابك آيه / اذكر لنا هالموقف ووش صار ,, ؟
لا
بس عندي قصة بخصوص السودانيين
مرة قبل كم سنة كان عندي مدرس ..
المهم موعدنا انا وياه الساعة 2 الظهر .. المهم وصل المدرس
ودخلته المجلس وبدأ يشرح لي وبعدين اذن العصر ومشينا
المهم قال انا بروح في سيارتي قلت مافي مشكلة
انا مشيت للمسجد وشوي وهو يتصل علي
السوداني : هلا وليد
انا : هلا فيك
السوداني : وليد المفتاح داخل السيارة نسيته < ترى مو اول مرة يسويها
وليد : ياليييييل ذا السوداني طيب طيب جايك الحين
المهم جيته وهو حاط علاق قلت يا استاذ انت رح صل وبإذن الله بعد الصلاة مالمفتاح يكون معك
المهم حاولت حاولت وفتحت الباب وطلعت المفتاح الحمد لله
ورحت اصلي في سيارته خخخخخخخخخ
ووقفتها عند المسجد المهم وانا داخل إلا وهم طالعين
ومسكت الاستاذ وقلت تفضل مفتاحك قال شكراً وماقصرت
قلت السيارة واقف هناك واشرت له ع مكان السيارة
وانا رحت اصلي ويدق علي وانا اصلي وانا ساحب عليه
بعد الصلاة وانا طالع لقيت السيارة واقفة نفس المكان اللي وقفتها فيه ؟!
كلمته يا استاذ وينك ؟
قال : قال ياوليد وين السيارة , قلت يا استاذي واقفة عند المسجد
قال معليش نسيت احسبها عند بيتكم ههههههههههههههههههههههههههه
خخخخخخخخخخخخخخخخخخخخخخخخخخخ
...
نزف الف شكر يالغالي
وبيض الله وجهك , وماقصرت
وانا طالبك انك تكثر مثل هالمواضيع
فمان الله
أول طلـّة لي في هالقسم , اللي بصراحة أعتبره من أفضل الأقسام بشبكة الزعيم ولا قصور في باقي الأقسام ,, وياعسى هالطلة تعجبكون ,,
عندك شك > ناوي حرش ان شاء الله ماتكون الاخيرة
إقتباس
لا عمره يتبادر مثل كذا أسئلة مرة ثانية
من جد
إقتباس
طبعا ً صكها بلوك ماشي مليون
ما ينلام
إقتباس
ولما اتعرف عليه وتصير بيننا علاقه قوية وميانة و و و .. الخ ,, يقول لي ابي اعترف لك بشي ,, ترى عمري 14 ,,
مرة من المرارير تعرفت على واحد بالمسن وسالته عن عمره وقال 20 .. وبعد ما سولفنا وفلينا الحجاج قال باعترف لك بشئ انا عمري 31 بس والله من كلامك ارتحت لك وما حبيت اخدعك .. قلت عادي لو انك قايل لي من اول كان اسلوبي ما راح يتغير معك واصكه بعدها بلوك .. مو لانه كبير لانه كذب من البداية نصاب
إقتباس
- كم عمرك ؟ <- بدون تسذبوتراه أهم سؤال , لحد يجاوب بدونه
الا بالاول كم عمرك علشان اعرف ارد عليك ولالا .. عمري 21 سنه و6 ايام و4 دقايق وسبعطعشر ثانية
إقتباس
- وهل انت من الفئة اللي ما تتعرف إلا على الأشخاص اللي مثل عمرك نسبيا ً , يعني أكبر أو أصغر منك بسنة أو سنتين ؟ وعطني سبب مقنع إن كان جوابك ايه ,,
إقتباس
- قد مرّت عليك مثل هالظاهرة أو لا ؟وإذا كان جوابك آيه / اذكر لنا هالموقف ووش صار ,, ؟
لا والعمر دايما مو مقياس للشخص واسلوبه لان في شيبان لو تقعد معه لين بكرة ما تمل وفيه شباب لو تشوف وجهه تطفش ..
يعني لو كان الشاب عُمره مُناسب راح تتعرفين عليه ؟ ,, والا تعتقدين انه بيتزوجك خخخخخخ .. قمة التخلف وربي
أبي أعرف متى ننتهي من هالسالفه ؟
ترضى أن أختك تكلم واحد بالماسنجر وتصير بينهم صداقة عادي عشان ما تصير متخلف
وكمان لما تتزوج زوجتك يكون لها مجموعة أصدقاء على الماسنجر لأنك مش متخلف
فعلا مسألة العمر ما هي مهمه لعقد الصداقات لكن مسألة الجنس أكثر أهمية
فما أعتقد أن الدين راح يقبل بصداقة بريئة بين الجنسين
أو بعيدا عن الدين لابد وأنك لا تمانع بصداقة بريئة بين محارمك والجنس الآخر
لأنك رضيتها على نفسك أن تكون لك صديقات صداقة بريئة<<حتى لا أسيء الظن وأصبح أكثر تحضر
بالنسبة لي التخلف شيء جميل وإيجابي بما أن التحضر يمس الثوابت والقيم
هناك مثل جميل قرأت عنه سابقا ولة قصة جميلة
"دقة بدقة"
حكاية المثل
يروى أن هناك شخص يعمل صائغ "يعني بمحل الذهب" جاتة وحدة تبي تشتري
ولما جا يلبسها الأساور مسك يدها بقوة وسحبها
وكان فية سقاء "يجيب الماء لبيتهم" يعمل منذ سنين عندهم
ولما جا يعطي زوجة الصائغ الماء مسك يدها بنفس الطريقة
فلما جاء للبيت لقى زوجته تبكي ولما عرف السالفة قال
"دقة بدقة ولو زدت زداد السقا"
- كم عمرك ؟ <- بدون تسذب وتراه أهم سؤال , لحد يجاوب بدونه
عمريه 21 << تراني هب عيوز في قمة شبابي - وهل انت من الفئة اللي ما تتعرف إلا على الأشخاص اللي مثل عمرك نسبيا ً , يعني أكبر أو أصغر منك بسنة أو سنتين ؟ وعطني سبب مقنع إن كان جوابك ايه ,,
هيه عادي .. عشان اعرف ثقافتهم و كيف ينظرون للحياة .. فيه ناس صغار لكن عقلهم كبير و فيه العكس
- قد مرّت عليك مثل هالظاهرة أو لا ؟ وإذا كان جوابك آيه / اذكر لنا هالموقف ووش صار ,, ؟
بتقنعني بمثالك يوم شفت دانه أكبر منك صكيتها ببلوك ( حتى لو كان مثال ) واضح من موضوعك إن الخرفنه تجري بدمك وهذا اللي مسبب لك أزمه بالأعمار بقولك شئ : دائما اللي أعمارهم ما بين 15 - 20 يزيدون بأعمارهم سنه مثلا واحد عمره 16 ، تسأله عن عمره ، يجاوبك 17 ( +1 ) ما أدري وش سبب إضافه السنه هذي واللي أعمارهم من 20 -27يقول عمره الحقيقي ---------------
سالفه العمرر على قولتهم للضرورة احكام وللتسذب انواع الكبار يجيهم كبرياء وحساسيه اذا كنت اصغر منه مايسمعك حتى لو كنت تتفوق عليه تفكيرنا وهذا اكبر غلط وخلا الكثير يكبر عمرهـ حتى يثبت نفسه
إقتباس
ولما اتعرف عليه وتصير بيننا علاقه قوية وميانة و و و .. الخ ,, يقول لي ابي اعترف لك بشي ,, ترى عمري 14 ,,
هههههههههههههههههه تصير كثير الشيبان لاجو يتعرفون على بنات يصغرون اعمارهم والصغار يكبرون اعمارهم الحين بالتعارف الشباب عمرهم 24 او 26 والبنات 20 او 21 عمر ثابت للكل الله يهدي الجميع
نجي للاسئله 1\ نقولك الفئه العمرية يصلح عاد حنا البنات نجلس خمس سنوات بالسنه الوحده اتذكر وعمري 11 و12 و13 كنت اقول عمري 12 2\ لا طبعا كثير معاي بنات اصغر مني وبنات اكبر مني بكثير وعلاقتي معاهم جدا قويه بس طبيعي بفضل الي مقاربين لعمري حتى يكون تفكيرنا متقارب واهتماتنا وحدهـ
والعمر كله يارب .. وياعسى تقضون باقي أعماركم بالخير والطاعة ..
إقتباس
الرسالة الأصلية كتبت بواسطة رائدة الزعيم
ترضى أن أختك تكلم واحد بالماسنجر وتصير بينهم صداقة عادي عشان ما تصير متخلف
وكمان لما تتزوج زوجتك يكون لها مجموعة أصدقاء على الماسنجر لأنك مش متخلف
فعلا مسألة العمر ما هي مهمه لعقد الصداقات لكن مسألة الجنس أكثر أهمية
فما أعتقد أن الدين راح يقبل بصداقة بريئة بين الجنسين
أو بعيدا عن الدين لابد وأنك لا تمانع بصداقة بريئة بين محارمك والجنس الآخر
لأنك رضيتها على نفسك أن تكون لك صديقات صداقة بريئة<<حتى لا أسيء الظن وأصبح أكثر تحضر
بالنسبة لي التخلف شيء جميل وإيجابي بما أن التحضر يمس الثوابت والقيم
هناك مثل جميل قرأت عنه سابقا ولة قصة جميلة
"دقة بدقة"
حكاية المثل
يروى أن هناك شخص يعمل صائغ "يعني بمحل الذهب" جاتة وحدة تبي تشتري
ولما جا يلبسها الأساور مسك يدها بقوة وسحبها
وكان فية سقاء "يجيب الماء لبيتهم" يعمل منذ سنين عندهم
ولما جا يعطي زوجة الصائغ الماء مسك يدها بنفس الطريقة
فلما جاء للبيت لقى زوجته تبكي ولما عرف السالفة قال
"دقة بدقة ولو زدت زداد السقا"
بالحب والإشراق
هلا بك أختي رائدة , إنتي أخذتينا إلى جانب آخر من الموضوع , أنا لما قلت قمة التخلف .. أقصد فيها " البنت " .. يعني هي رفضت تاخذ رقم الشاب لسبب واحد إنه أصغر منها عمرا ً ..
حياك ِ ,,
إقتباس
الرسالة الأصلية كتبت بواسطة مواصل من عام 1413هـ
بتقنعني بمثالك يوم شفت دانه أكبر منك صكيتها ببلوك ( حتى لو كان مثال ) واضح من موضوعك إن الخرفنه تجري بدمك وهذا اللي مسبب لك أزمه بالأعمار بقولك شئ : دائما اللي أعمارهم ما بين 15 - 20 يزيدون بأعمارهم سنه مثلا واحد عمره 16 ، تسأله عن عمره ، يجاوبك 17 ( +1 ) ما أدري وش سبب إضافه السنه هذي واللي أعمارهم من 20 -27يقول عمره الحقيقي ---------------
بالنهايه حياك أخوي نزف
هلا والله مواصل ..
تعجبني صراحتك , لكن أنا ما تكلمت عن نفسي أبدا ً في الموضوع ماعدا سالفة مدرس الفيزيا , ولو الخرفنة تجري بدمي كان شفتني بمنتديات بناتية .. مو في الزعيم ..
وشكلك ما ذكرت هالمعلومة إلا إنك طايح بمناكح كثيرة من أعمار الـ ( 16 - 20 ) ..