السلام عليكم ورحمة الله وبركاته
اول شيء بقولكم ليش اول الردود تقول ما فهمنا
لاني كنت بحط على استعراض المشاركة وحطيت على اعتمد الموضوع
لكن الحين اعتقد كمل الموضوع
كيف حالكم
وكيف النك الجديد
والله انا مغيره عشان ما يعرفن احد لكن الظاهر ان كل الي يعرفونن صاروا يعرفونن
على العموم الله يجزاه خير من غيرلي النــ(ـتس)
الا على طاري حرف الــ(ـتس)
فيه ناس قالولي انت لازم تغير لهجتك ولا بيتصير الردود على مواضيعك (0)
لان محد فهم شيء من الي تقول
وانا اقول بصير مثل الي غير نكه وصار بكل رد يتمنى لنا التوفيق دائما << والله انك هنا---->
والحين يمكن تلقون فيه كلمات احس ما يصلحن لي كانسان قصيمي ابن قصيمي ابن قصيميه
كيف حالكم
خلونا ندخل بالموضوع
انا مثل ما قلت لكم في العنوان
فيني صفه او عاده او طبع
لكن خل نقول انه طبع لاني اعتقد انها اقرب شيء
المهم
العاده ذي هي :
انا انسان باآأآأآأآأآأآأآأآأآأآأآأآأآأآأآأآرد كثر الالفات الي في الكلمه
( تصدقون انا اذا شفت الوجه ذا ينشرح صدري )
بقولكم موقفين والصراحه المواقف ما ادري لكن انتم قيموها هي محرجه ولا غبيه ولا عاآأآأآديه
(1)
مره كنت امشي بالسياره في طريق خدمه ضيق وسيارات زحمة زحمة على اليمين وعلى اليسار .
انا كنت مفهي درجة اني يمكن انزل من السياره واشري اي شيء آكله وارمي القرطاسه في الزباله الله يكرمكم
وانا ما حسيت
المهم
كنت ماسك العصا او القير او هذاك العود الي طالع من جمب الدرقسون او الطاره << ياليل على الحال ذي يببغالي يومين انزل الموضوع
العصا هذي الي تشغل المساحات
وانا كنت حاط ايدي على العصا هذا
ومن زود الهواجيس
لعلي بديت احرك هالعصا
وفجاه تصير القزازه الاماميه ما اقدر اشوف شيء
لانه كله مليانه ماء
ومن الاشياء الي صعبن الموقف علي
ان نفس القزازه
كان عليه غبار
يعني مويه شويه وغبار والمساحات يمشن على القزازه
انا انتبهت ومسكت الفرامل
ومن زود القهر كنت فاتح الشباك << يا عيني يا شباك
انا ما ادري كنت وش اسوي
اسمع الي يلعنوني وراي ولا اسمع الي يشتموني قدامي

ولا امشي قادم ويصير الي يصير
الصراحه طلعت من الموقف ذا ما ادري وشلون
__________________________________________________
الصراحه اني ضغطت على نشر الموضوع ما ادري وشلون
الموقف الثاني
كان ابوي مره يتكلم علي وكان متحمس وهو يتكلم يعني الموضوع جدي
وانا كنت منزل راسي للارض
ومفهي درجه اولى
ولا كنت اسمعه
وفجاه
يعطين ذاك الكف
الي يدورني 55 دوره
ومشى ولا كمل كلامه علي
انا قلت لا عادت على الكلام معك يا يبه
انا مانب رايق امور جديه
رح وبسلامتك
اعتذار منب معتذر
__________________________________________________
القسم الثاني
من الموضوع هو
اذا كنت في يوم من ايام الويك اند
وقمت من النوم حول المغرب
وبطنك فاضي فاضي فاضي
وش تسوي
انا بالنسبه لي
عندي ثلاث حلول
الاول
اذا كنت منب مروق او مشغول
اقرب بقاله ولوزين

وديو


وسجل على حساب الوالد
الحل الثاني اذا كنت مروق شوي وعندي وقت
ا1-قرب طبق بيض


2-وقطع الطماط


3-والبصل


4-وفلفل
5-علبة جبن كاس كرفت

ومره وحده كلهن في المقلاة
كذا يكون افضل وجبه
_________________________________________________
الحل الثالث
الحل الثالث
وهو اذا كنت مرووووق وعندي وقت كبيييييير
ال وهو
كبسة لحم
1- لحم حاشي


2- بصل


3-طماط


4- كركم


5- بهارات

6- وطبعا رز


7- الديو في كل مكان حتى مع الشكشوكه


والآن كمل الموضوع المنكوب
__________________
والحين انطلقوا و ورونا وش تسوون
بنفس الوقت ذا
بشرط تحطون الصور مسلي