من المواقف المحرجه اللى ماراح انساها
كنا في حلقة تحفيظ وانا بالمتوسط المهم انا وخوي بين المغرب والعشاء بعد حلقة التحفيظ نعبي بالونات موياه ونبدا نشن الحرب
بيننا احزاب طبعا المهم انا خلصت البالونات من يدي وباقى مع خوي وحده
وما شفتها على بالي خلصت منه حتى هو
المهم رفعنا الرايه البيضاء ايذانا بإنتهاء الحرب
وعلى حين غره
الا وهالبالونه ماشيه 200كم بين عيوني
طبعا غرقت بالمويه وطريدي وراه
وقتها كان اذن العشاء
هو جرى قبلي هارب للمسجد لكن مادخل للمسجد وانا على بالي دخل المسجد
المهم دخلت المسجد الا ألاقي ابو خوي
خلص تحية المسجد وكان بشماغ وسبحان الله نفس جلست ولده وبينهم شبه كبيييييير حتى في القامه
كان لابس الشماغ لبسه عاديه ( مثل المطاوعه ) لا مؤاخذه
يعني رامي طرف الشماغ على ورا
المهم جيت انا شوي شوي من وراه
واسحب طرف الشماغ بقوووووووووووووووووه
لين طقت رقبة الادمي وأللتفت لي غصبا عنه
طبعا ابوه يشبه غليص ولد رماح
والله يوم طل فيني انشليت صدق
وحبيت راسه على قولتكم وأنصرفت
وربي انقضني اننا بالمسجد والا كان صارت علوم
وأطلع برا المسجد والاقي خوي ويكلمني وانا ما ارد عليه
قلت له السالفه بعد الصلاه ومات ضحك ههههههههههههههه
ياكثر المواقف بس هذا واحد منها
حبيت اشاركم من خلاله الموضوع