بسم الله الرحمن الرحيم ..

انا من بداية شوشرة والاحاديث عن اللاعب الكبير عيسى المحياني وانا اتابع بصمــت ولم اتفوه ولا بكلمة واحد ولا رديت ولا بكلمة واحده ..ليييه ؟؟

لأني اذا بأرد او بأتحدث عن موضوع ان لا اتحدث الا وانا متأكد 100%

الخبر الحصري لكم واللي انا متاكد منه وبعض المشرفين اطلعوا على الادله عليه قبل لا انزل موضوعي هنا ..
ولكي لا تكثر الاقاويل ولا المصادر ولا الكلام وياليت بعد هذا الموضوع لا ينزل موضوع الا من المشرفين فقط ..

اتصلت على ابن رئيس النادي الوحداوي رامي تونسي اللي والله انه اكرمني بطيبة قلبـه وحسن تعامله ..

طبعا قلتله انا احد اعضاء جمهور الهلال لاني بصحفي ولا عضو او شخص في مجلس اداره او شي وانما ابي اسالك عن عيسى قال اسأل وانا اجاوبك آمرني

*قلتله يا اخي هل صحيح ان الاخ المدعو طلال الرشيد جاء امس بشيك بـ20 مليون ؟

قال لا ,ارسل صوره من الشيك لرئيس اعضاء شرف الوحداوي يماني بالشيك .

وان حصة اللاعب غير .

*قلتله طيب هل صحيح ان عيسى مايرد على احد ؟

قال ايه هو محول جولاته .

* قلتله يا اخي هو طلع وصرح انه يبي الهلال ليه كل هالشوشره وتكبيرة الموضوع ؟

قال هو الان ملك لنادي الوحده ولايقدر يوافق الا بموافقتنا .

*قلتله طيب انتو كأداره وش تبون اي نادي ؟

قالي والله لو اي نادي ماعندنا مشكله بس اهم شي مصلحة نادينا .

*قلتله طيب بنسبة كم بيروح عيسى للنصر ؟

قالي بنسبة 80% .

* قلتله طيب من جدك انت هو يبي الهلال يمكن انتوا توافقون بس هو ماراح يوافق؟

قالي احنا نضغط عليه يوافق او يروح يضغط على الهلال ويخليهم يرفعون عرضهم .

*قلتله طيب بالله 2مليون تفرق معاكم ؟

قالي لا بس الفرق ان النصر كاش والهلال 18 مليون دفعتين ورافضين رفع العرض ..

* قلتله مافيه امل يجي عيسى للهلال ؟

قال الا فيه اذا تنازل من حصته للهلال و يضغط على الهلال يدفعون كاش كامل المبلغ ...

وفي الاخير قلتله الف شكر لك ان كلمتني واعطيتني من وقتك

واقسم بمن خلقني وخلقكم ان هذا اللي صار ..

ابوحمدان