مقارنة بين ياسر القحطاني وبدر المطوع - نادي الهلال السعودي - شبكة الزعيم

عـجب ياعـجب=هلالي · #1 16/01/2009, 12:59 AM

ناخذ "ياسر القحطاني" و "بدر المطوع" كمثال ..

القحطاني ..
يقوم من النوم وياكل كورن فليكس .. وعنده نظام غذائي محدد كونه محترف ..
ودوامه وشغلته وعمله اهي كرة القدم !!
يقوم من النوم ويلعب كره .. حياته كره ..

تدرون .. محترف ..
ولاعبين السعوديه كلهم محترفين ..

المطوع ..
يقوم من النوم الساعة 6 ..
ومرات ياكل ومرات يشرب له حليب عالماشي عشان يلحق عالدوام ..
كون بدر المطوع ضابط بالجيش .. ولازم يكون بالدوام الساعه 8 !
ولا تنسون الزحمه ..
فلازم يطلع امبجر من البيت ..

يطلع بدر من الدوام الساعه 2 ..
على ما يوصل البيت "لا تنسون الزحمه" الا الساعه صايره 3 !
ابسرعه ابسرعه يبدل ويغير ملابسه وياكل له لقمتين ..
الساعه صارت 4 !

وابسرعه ابسرعه طيران على النادي "لأن عنده مباراة حساسه بالدوري الساعة 6 " !!

يعني من الساعة 6 الصبح وأهو مو مرتاح ولا متجهز للمباراة ..
يروح النادي وأهو مرهق وتعبان ..

ومع ذلك الكل شاف مستوى بدر " ما شاء الله " ..
والكل شاف منتخبنا اشلون ينافس منتخبات حياة لاعبينها كره × كره !
لاعبين يلعبون كره ويدّربون ويدرسون كره من الصبح !!

متى ما كان وضع رياضتنا اتخلي حياة وبرنامج "بدر المطوع" اليومي مثل حياة وبرنامج "ياسر القحطاني" اليومي ..
متى ما صار هالشي راح انلوم اللاعبين ..

* حسين حاكم "لاعب نادي الكويت" ابطولة الخليج 18 مادري 17 كان ماخذ معاه كتاب عشان يدرس ..
لأن بعد البطولة مباشرة عنده امتحان بالكليه !!
يدرس واهو بالبطولة !!

هذا وضع اللاعبين عندنا ..
ومع ذلك ينافسون ابشراسه ..