بسم الله والحمد لله والصلاة والسلام على رسول الله وآله وصحبه ومن والاه ،،،

في مسرح الجامعه ، وَقَفَ محمد و أحمد و مصطفى و عبد الرحمن

يشاهدون هذا المقطع عن ( غزه المباركه الطيبه )



( أضغط على الصوره لمشاهده المقطع ... )

أو شاهد الفيديو من هنا
http://video.google.com/videoplay?do...54748481406265
.
.
خرجَ الشباب الأربعه يخيم عليهم الحزن نتيجة لرؤية هذا المقطع حتى أنهم لم ينتظروا حتى يشاهدوا الندوه المُقامه عن حملة" قررت أغير حياتي "

محمد : ليه منتظرناش علشان نكمل الندوه ؟!!!؟

مصطفى : ياسيدي ندوة أيه وكلام فارغ أيه !!! أنت مش شايف الناس في غزه بيحصلهم ايه ؟؟

عبد الرحمن : بس المقطع كان بيقول أن الندوه بتتكلم غزه ،
وكمان عن حمله علشان نتغير ، يمكن ربنا ينصرهم لما نتعدل شويه

أحمد : نتغيّر ليه ؟؟؟ .... واحنا مالنا كده يعني !!!
( بمجرد أن قال أحمد هذه الكلمات ، وجد هذه الورقيات تُوزَّع عليهم من بعض الأخوه )

لمعرفة محتوى الورقه أضغط على الرابط

http://vb.alhilal.com/showthread.php?p=10680511#post10680511

محمد : عرفت بقى نتغير ليه ،،!
أحمد : لا معرفتش ، مالك يا سيدي جامد علينا كده ليه
محمد : لأن خلاص أنا تعبت ... والله تعبت
احنا مش شايفين أهلنا في غزه بيحصلهم أيه !!! مش شايفين
والسبب احنا .... والله احنا السبب
احنا بكل مصائبنا
تقدر تقولي احنا عايشين ليه .... وعايشين ازاي !!!!؟؟؟؟!!!!
واحد حياته كله في البنات والخروجات ومقضيها ،،،
وواحد مدمن نت وشات واباحيات ،،، وفاكر نفسه بكده الأخ المثقف اللى وصل لقمة التقدم والرقي ،،،
وواحد تايه ... شويه مع ربنا وبيصلي وعامل فيها شيخ ... وشويه تايه معانا ،،،
وانا ... أنا حالي أيه ... أنا أيه .....................

( وهنا نظر محمد إلى السماء يستغيث بحبيبه ومولاه )
ومع كل دا بتسأل نتغيّر ليه !!!!!!!!
احنا عملنا أيه لغزه يا أخ أحمد.... عملنا أيه للمسلمين يا رجال ...

أحمد : مش عارف أقولك أيه بصراحه ؟؟

محمد : قول كلمة حق ، أسباب النصر اللى قرأنها دي ... احنا عملنا منها أيه؟؟

مصطفى : معاك حق يا محمد ، بس احنا مش وحشين أوي كده

محمد : ينظر إليه متعجباً
( وقبل أن يتكلم ، تَدخّل عبد الرحمن قائلا )

عبد الرحمن : خلاص يا شباب ، تعالوا نصلح من نفسنا شويه

محمد : يااااااريت ( ثم نظر مره أخرى إلى السماء نظره بعيده ثم نكس رأسه )

أحمد : طيب نعمل أيه

عبد الرحمن : أول حاجه .... نروح نحضر الندوه معاهم
( واتفق الشبان الأربع على الذهاب للندوه مره أخرى ..
وعلى باب المسرح ... وجدوا" عبد الله ")

محمد( وهو مستبشر فرح ) : عبد الله !!!

فتبسم عبد الله ثم قال : .........

إنتظرونا في الحلقه القادمه
.
.
.
عبد الله و محمد و عبد الرحمن و أحمد و مصطفى
هم أبطال سلسلتنا
مش شرط جنسيتهم أيه ... المهم أنهم شباب مسلم
مش شرط يكونوا شباب جامعي ... ممكن يكون عندهم 15 سنه أو 50 سنه أو أكتر أو أقل
ممكن أنا أكون واحد منهم ، وممكن أنت تكون واحد منهم
حكايتهم مش علشان نتسلي ، أو نحكي قصه نفرغ فيها طاقتنا
حياتهم اللى فاتت هي واقع حياتنا ، وحياتهم اللى الجايه لازم برده تكون واقع مستقبلنا
.
.
إن الله تعالى ناصر دينه ومظهره على الدين كله لا محاله
ولكن
هل سينصر الله الدين بنا ......... أم بغيــرنا
تلك هي القضيه

{وَاللَّهُ الْغَنِيُّ وَأَنتُمُ الْفُقَرَاء وَإِن تَتَوَلَّوْا يَسْتَبْدِلْ قَوْمًا غَيْرَكُمْ ثُمَّ لَا يَكُونُوا أَمْثَالَكُمْ}[ محمد : 38 ]

أنتَ أخي ... أنتِ اختي
لعلك تكون من ينصر الله به هذا الدين
لمَ لا ..........؟؟؟
ماذا ستقول لرب العالمين عندما يسألك عن أخوانك في غزه ؟؟؟!!
ماذا قدمت لهم ..؟؟!!!
ماذا فعلت لتنصرهم ؟؟؟!!!
هل ستكفى بالبكاء ....؟؟
.
.
{ إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ }
أنا قررت أغيّّر حياتي بحول الله وقوته
إيدي في إيدك
وأوعدك – إن شاء الله – إننا هنتغيّر مع بعض
وعلشان كده .... بنقدّم السلسله دي " قررت أغير حياتي "
سلسله من القلب للقلب ......... للجنه
خطوه بخطوه
ناخد بإيد بعض
نعين بعض
لينصر الله بنا هذا الدين
.
.
.
أصحابنا – أبطال سلسلتنا – منهم هيبدأ معنا وهيستمر لحد ما نوصل للجنه مع بعض
ومنهم هيقع في نصف الطريق
ومنهم مش هيحاول يدخله
ياترى أنت هتكون تبع أي فريق ؟؟؟؟
أنا واثق إنك في فريق الجنه – بإذن الله –
مش مطلوب منك إنك تهتف دلوقتي وتقول " أنا قررت أغير حياتي "
ومش مطلوب إنك تمر على رسالتنا مرور الكرام
فقط المطلوب :
{ إيدك في ادينا }
ودي هي أول خطوه
تااابعونا ... وحملة " قررت أغير حياتي "
إنّا نحبكم في الله / أسرة موقع منهج

بسم الله والحمد الله والصلاة والسلام على رسول الله وآله وصحبه أجمعين ،،،




أتأخرنا عليكم .... معلش سامحونا

وقـفنـا في الحلقه اللى فاتت على :





محمد ( وهو مستبشراً فرحاً ) : عبد الله !!!



عبد الله ( مبتسماً ) : السلام عليكم ورحمة الله وبركاته ،

إزيك يا محمد .؟



محمد ( ناظراً إليه بشوق ) : كويس الحمد لله



عبد الله ( ينظر للشباب ) : هاا " على فين يا شباب " ، ها أيه الاخبار



أحمد : يعني رايحين نبص ع الندوه شويه



عبد الله : والله نورتوا الندوه والمحاضره وكل حاجه ،

( ثم ينظر إلى محمد ) هااااا روحت فين يا عم محمد .



محمد : بفكر أنا رايح فين



عبد الله : ياااااااااااااه ... من زمان وانا مستنيك ترجعله بقى



محمد : ارجع لمين ؟!



عبد الله ( ينظر الى السماء ويشير قائلاً ) : ترجع لحبيبك

( صمت محمد وسرح في كلمات عبد الله )



مصطفى : انا مش فاهم حاجه



عبد الرحمن : ولا انا ، طيب يلاا ندخل الندوه



عبد الله : الله ينور عليك ، في محاضره رااائعه هتبدأ دلوقتي ، وهي أول خطوه في الطريق يا محمد



محمد : محاضرة ايه



عبد الله : ندخل وهنسمعها سوا



( دخل الشباب الخمسه الى مسرح الجامعه واخذوا يستمعون الى المحاضره سوياً )



واحنا كمان محتاجين نسمع نفس المحاضره

ودي محاضرة هذه الحلقه ، طبعاً من غير ماقول ، هنحمل المحاضره كلنا ونسمعها

من أجمل ما سمعت



علي فين يا شباب

للتحميل
Download
وانتهت المحاضره ،،،



مصطفى : يلاا نخرج بقى



عبد الله : الندوه لسه مخلصتش ، لسه هنتكلم عن طريقنا في التغيير وخطواتنا و



( قاطعه مصطفى قائلاً ) : ياسيدي كفايه علينا كده اوي

يلاا يا شباب علشان نخرج



عبد الله : طيب استنوا انا خارج معاكم

.

.



خارج مسرح الجامعه ،،،



عبد الله : هاا ايه اكتر حاجه عجبتكم بقى في المحاضره



أحمد : الحته بتاعت البنطلون الساقط ههههههه



عبد الله : هههههه اه اصله موضوع حساس اليومين دول

وضحك الشباب جميعا ، ولكن محمد يبدو انه كان بعيداً عنهم بتفكيره



عبد الرحمن : سبحان الله ، المحاضره كأنها بتتكلم عننا كلنا

جايبه قصة كل واحد فينا ، وكأن الشيخ كان عايش بينا



عبد الله : هاا وايه كمان ؟



عبد الرحمن : مش عااارف !!!



محمد : اهو انت كده جاوبت على السؤال

" على فين يا شباب " ؟؟؟؟؟ ---- >> مش عاااارفين



عبد الله : وهي دي البدايه ، إنك تجاوب على السؤال

انت مش عارف انت رايح فين

بس لازم تعرف

مشكلتنا ... مشكلتنا كلنا

سواء أنا الأخ الملتحي الملتزم ، أو أنت الأخ اللى نص نص

أو الأخ اللى تحت خالص

كلنا ماشيين ومش عارفيين احنا رايحين فين

الملتزمين متصورين ان الدين لحيه ونقاب وقيام وصيام وبس

وغير الملتزمين متصورين أن الدين خنقه وكبت وحبسه ووجع قلب

والاتنين ماشيين في طريقهم كده ، من غير أي هدف



عبد الرحمن : معاك حق يا عبد الله



أحمد : دا طريق الدين والالتزام صعب وثقيل اوي يا أخي !!



عبد الله : مين قال كده ؟؟؟ احنا بنبص للجانب المادي في الحياه ، مش بنبص للجانب العظيم

مبنبصش لربنا ...

احنا والله محرومين

بنحرم نفسنا من الله جل وعلا

بنحرم نفسنا من ساعه نقعد نشكي لله الدنيا واحوالها

بنحرم نفسنا من سجده نبكي فيها بين يديه ونطلع اللى جوانا

بنحرم نفسنا من لحظه صافيه بينا وبينه

بنحرم نفسنا من الحياه بجد

كل واحد مننا بيحب ربنا ، وبيحب ربنا اوي

وكل واحد مننا ربنا بيحبه ، وبيحبه اوي

الحب دا بيخلينا دايما مشتاقين لله ، ومحتاجين نقرب منه

بس احنا بنمنع قلوبنا وبنحرم روحنا



محمد ( وقد امتلأت عينيه بالدموع ) : انا عاوز اروّح



عبد الله : حاضر ، هسيبك النهارده بس

لكن متنساش تجاوب نفسك " على فين يا محمد "

ومتقولش معرفش

ربنا يصلح حالك ويرضى عنك يا محمد

.

.

ذهب محمد إلى بيته

ووجد نفسه يتجه مباشرة إلى الخلاء ( الحمام ) ويغتسل ( يستحم )

ثم يتوضاً ، ولأول مره يستشعر محمد معنى الوضوء

لأول مره يشعر أن في الوضوء لذه ، وانه يريح القلب ، وأنه حقاً يغسل الذنوب والخطايا

دخل محمد إلى غرفته وأغلق الباب ،

وبكى بكاءاً شديداً

كان يشعر بخجل وحياء وهو يقف وحيد مع الله في الغرفه

لأول مره يشعر أن وحيد مع ربه

كان يريد أن يقترب أكثر ، يريد أن يقوم ليصلي

ولكن حياءه منعه من أن يرفع رأسه

يااااارب ... ياااارب ... ياااارب

هكذا اخذ يتأوه وينادي ربه حتى .........




انتظرونا في الحلقه القادمه بإذن الله



.

.

.









محاضرة هذه الحلقه هي " على فين يا شباب " ، وزي ما اتفقنا

هنحمل المحاضره وهنسمعها



المحاضره بتقولنا :

أين انت ؟؟....و الي اين ذاهب؟؟

اين انت من الطريق الي الله

والي اين انت ذاهب

ماهو الهدف الذى تعيش لأجله



عايش ليه ؟؟؟

اهى ايام و بتنقضي ، مفيش هدف محدد ، عايشين حياتنا بالطول و بالعرض ،و بنجرب كل حاجة ، ايه المشكلة

الكثير يغفل ان هذه هى البداية

كثير من الشباب يقول """اهى مرة و هتعدي"""

ابليس قبل ان يكون منه ما كان اقسم على نفسه ان لا يترك موضع قدم الا و سجد فيه

وعندما امر بالسجود ...عصي ..................كانت مرة واحدة

سيدنا ادم...................امره الله ان لا يأكل من الشجرة

أكل منها..........عصي ................كانت مرة واحدة



ماهو حلمك فى الحياة

هل تحلم بالجنة ..............................ام ان هموم الدنيا قد أنستك هذا الحلم

هل تسأل عن عمل يدخلك الجنة

عن أبي عمرو رضي الله عنه قال: "قلت: يا رسول الله قل لي في الإسلام قولاً لا أسأل عنه أحداً غيرك، "

قال: "قل آمنت بالله ثم استقم".



.

.



عايزين نسأل نفسنا نفس الأسئله اللى سألها لنا الشيخ في المحاضره ونجاوب عليها:



1/ عايش ليه ؟ وايه هي اهتماماتك في الحياه ؟

2/ أيه اكتر صوره بتحلم بيها ؟

3/ في 30 ثانيه اكتب اهم 3 اهداف في حياتك ؟

4/ لو معاك مليون جنيه الآن ، أيه او شيء هتعمله ؟ وايه تاني شيء هتعمله ؟

5/ لو عرفت إنك هتعيش 6 شهور فقط ، هتغير ايه في حياتك ؟



والاسئله الآخرى أيضا ،،





لو عاوز تغير حياتك فعلاً وتكمل معانا صح ... يبقى لازم نلتزم باتفاقنا معاً

هنسأل نفسنا الاسئله دي ، ونجاوب عليها بجد ... بجد

ونشوف ، ياترى عاوزين نكمل كده ولا هنفكر في التغيير بجد ؟



متنسوش ، من البدايه قُلنا ان في ناس هتبدأ معنا لحد من نوصل للجنه سوا

وفي ناس هتكمل لنصف الطريق وتقف

وفي ناس مش هتدخل خالص



ياترى أنت أيهم .؟؟؟؟؟؟؟؟؟؟؟؟؟؟؟؟؟!!!!!!!!!!!!!!





في شوية حاجات محتاجين نتفق نعملها معاً:



1/ نستغفر .. نستغفر ... نستغفر

( استغفر الله واتوب اليه )

2/ يكون لنا ورد يومي من القرآن ( ولو آيات قليله )

3/ ونصوم يوم الأثنين القادم





.

.



الحلقه الجايه هي حلقة اخذ القرار

هنشوف قرارات الشباب الأربعه

ونشوف مين هيكمل معنا ، ومين هيتنازل عن نصيبه من الجنه





موعدنا الجنه/أسرة موقع منهج

الحمد لله وكفى .. وصلاةً وسلاماً على عباده الذين اصطفى وآله المستكملين الشرفا ،،،


قبل ما نبدأ حلقتنا ،،،

أعتقد أننا نسينا غزة شوية ، يعني الموضوع ممكن نقول قرب من شعار "" عاااااادي ""

حتى قرار التغيير ، أيضاً بيتسحب تحت نفس الشعار

وكأننا خايفين نقرب من ربنا ... أو خايفين ندخل الفردوس الأعلى !!!!!!!!!

أو خايفين نبقى في صحبة النبي صلى الله عليه وسلم ... أو خايفين من جلسة بين يدي الله جل وعلا تحت ظل عرشه

أو ممكن الحاجات دي في دماغنا... ولا ممكن حماستنا خفت والشعلة انطفأت شوية



أغلب ظني أنها في دماغنا وأن كلنا نرجوهاااا ....

بس بصراحة

مبنشتغلش صح ، ومش هقول مش عارفين نشتغل صح

لأن الطريق أمامنا بقى واضح أوي بفضل الله ، والأيدي التى تمتد لنا كثيرة كثيرة

بس احنا لسة ماسكين فيها أوي ........ ماسكين في الدنيا

صح ولا مش ؟؟ المهم .... مبارك على غزة وعلينا وعليكم آخر أحداث غزة ، انا في قمة سعادتي

افرح وانبسط ، وملكش دعوة باللي يقولك هتفرح على إيه ... لسة اليهود مسيطرين علينا

لأ ... النصر قادم ... وهي دي أول بشرى ، هننتصر قررررررريب يا نااس

وتعالوا نسجد جميعاً سجدة شكر لله على بشائر النصر هذه ، دي أمانة لازم تسجد



نكمل حلقتنا ، وخليك معنا وتواصل معنا أكتر وأكتر ،،



.

.

.



محمد قضى ليلة عمره مع ربه

أول ليلة يقضيها بين يدي الله ، ولا أخفيكم ما أمتع وأطيب هذه الليلة

حقاً .... هي الليلة التي لا تُنسى والتي كلما يذكرها العبد يشعر برعشة ولذة عجيبة

ولا أنت أيه رأيك ؟؟



وفي اليوم التالي رن هاتف محمد محمد : ألو



المتصل : السلام عليكم ، أزيك يا محمد ، انا عبد الله



محمد( فرحاً مبتهجاً ) : عبد الله !! ، ازيك أنت ، انت اخدت رقمي منين

عبد الله : بسرعة بسرعة افتح التليفزيون دلوقتي ، وشوف حلقة " قررت أغير حياتي " ومستني منك تليفون بعدها ، انا هتصل ببقية أصحابك

يلا السلام عليكم ، مستني تليفونك يا استاااذ



محمد : وعليكم السلام ورحمة الله وبركاته ، حااضر حاااضر حااضر

( قائلاً لنفسه : ياااارب خلي عبد الله معايا واقف جنبي ، يااارب انا نفسي أقرب منك أوي ، يااارب متحرمنيش منك ، يااارب )



وفتح التليفزيون سريعاً وشاهد الحلقة وكانت هذه هي الحلقة ، وهي حلقة رسالتنا اليوم

من أجمل ما سمعت


قررت أغير حياتي

للتحميل

وبعد الحلقة أمسك محمد بهاتفه ودخل على الرسالة ، وكتب :

( عبد الله ... خلاص " أنا قررت أغير حياتي " خليك معايا خطوة بخطوة )



إنتظرونا في الحلقة القادمة

.

.

.



محمد أخد قراراه ، وأخده بجد وبسرعة ، واختار الصحبة اللى هتقف جنبه في طريقه ،

Download و بدأ يلتزم ببعض الأمور ، واحنا كمان لازم نلتزم بيها : 1/ الصلاه على وقتها

2/ صلاة 12 نافلة ( سنن بعد الصلوات ) في اليوم

3/ ركعتين قيام ليل ( على نفس غرار أول ليلة قضاها كل منّا بين يدي حبيبه ربه ومولاه )

4/ ورد قرآني ( ولو آية ، أو اثنين ، أو صفحة أو جزء ، أو عشرة ) على قدر ما بتحب ربنا هتحب تتلو كلماته

5/ الاستغفاار ،، فالاستغفار أول الطريق لتطهير القلب لاستقبال حب الله ومعرفته

6/ أذكار الصباح والمساء ، ودوام الذكر ... واللى بيحب دايما بيذكر حبيبه ،

انا عن نفسي بحب أوي ( سبحان الله والحمد لله ولا اله الا الله والله اكبر )

ها وانت بتحب ايه ؟؟؟!!





محمد أخد القرار وبدأ التنفيذ ،

أريدك الآن ان تهتف لله ( ياااااااااااااارب ، خلاص قررت أغير حياتي ، ياااارب خليك معايا خطوة بخطوة ، ياااارب متسبنيش ومتحرمنيش منك )



.

.

.

الحلقة الجاية ، هنتكلم بشكل عملي جداً

هنشوف ذنوبنا ( و آآآه من ذنوبنا )

هنشوف قد أيه هي تعبانا وصعبة علينا وهنشوف مع بعض هنخلص منها ازاي



متنساش الواجبات اللى اتفقنا عليها نحبـــــــــــ فى الله ـــــــــكم

بسم الله والحمد لله والصلاة والسلام على رسول الله صلى الله عليه وآله وصحبه أجمعين ،،،



كلماتنا اليوم ، ليست حلقه في سلسلة
لكنها وقفه.. وقفه لابد منها ( وحلقتنا الرئيسيه سنقدمها غداً إن شاء المولى )


لابد وأن نعيد هذه الكلمات الآن
أصحابنا – أبطال سلسلتنا –
منهم اللى هيبدأ معنا وهيستمر لحد ما نوصل للجنه مع بعض
ومنهم اللى هيقع في نصف الطريق
ومنهم اللى مش هيحاول يدخل الطريق أصلاً

ياترى أنت هتكون مع أي فريق ؟؟؟؟

.
.
.

دي كانت كلماتنا في أول حلقه ،،
وفي الحلقات التاليه لها .... سلطنا الضوء على محمد أكثر ، لكن منسيناش باقي الأصحاب

وصلنا أن عبد الله كلم محمد علشان يسمع حلقه ( قررت أغير حياتي ) ، وايضاً اتصل ببقية الجروب

محمد ... زي ما قـُـلنا سمع حلقة " قررت أغير حياتي " وفعلاً أخذ القرار بكل صدق

( بالضبط زي ما فيه ناس استجابت لندائنا وحملت الحلقه من النت وسمعتها ، واخدت القرار وهتشوفوا قرارات بعض اخوانكم وأخوانكم في موضوعنا هذا ) عبد الرحمن : فتح التليفزيون وأيضاً سمع الحلقه ، وقال أنه هياخد القرار ، بس أتأخر شويه ، يعني قال أنا مشغول في الامتحانات الايام دي وعندي شوية ظروف كده ، بعد ما الدنيا تتظبّط إن شاء الله هاخد القرار وأقرب من ربنا بجد

( أيضاً في ناس مننا عملوا كده ، بيأجلوا قرار التغيير ، ومش عارف بيأجلوه لحد إمتى ، وكأنّ لسان حالنا بيقول لمّا ملك الموت يأتي لقبض أروحنا سنقول " لا معذرة مش دلوقتي أصلي لسه مقررتش أني اقرب من ربنا بجد " .... سؤال وبكل صدق تجاوب عليه – جاوب نفسك على الأقل – أنت مستني أيه علشان تتغير ، وأنتِ مستنيه أيه علشان تتغيري ..........؟؟؟ مش مشتاق لربنا ؟؟ وأنتِ مش مشتاقه لربنا ...؟!!!!!!!!!!!!! ) أحمد : قال طيب مفيش مشكله ، ولمّا راح على التليفزيون قالت له نفسه ، يعني هتمسع الحلقه ليه ابقى أسأل أصحابك الحلقه بتتكلم عن أيه وخلاص ، وكده هنفهم الحكايه كلها ( أنت ليه مسمعتش الحلقه ، مكسل تحمل وتسمع ، ولا معندكش وقت ، ولا شايف أن الحلقه كفايه أن توضح الطريق وتفاصيله فالبتالي مفيش ضروره لسماع الحلقه ، أحمد لانه مسمعش الحلقه مأخدش القرار ، وحتى مفكرش ياخده ، وأنت كمان زيه بالضبط. القضيه مش بس في الحلقه ، القضيه إننا من أول الطريق مش بنجهاد نفسنا ، من أول الطريق أفعالنا رفضت إنها تستجيب لأي نصائح ولأي إتفاق بيننا ، مش عاوزين نفكر حتى في فكرة تغيير حياتنا لله ) مصطفى .... مصطفى فصل نفسه من كل شيء ، مفكرش حتى يفكر أنه يشوف الحلقه ، ومفكرش أبداً أنه يتغير ، لأنه من الأصل مش شايف أن حياته فيها شيء غلط علشان يغيره ( يعني اللى مش لابسه حجاب وشايفه أن دا عااااااادي ، اللى مصاحب بنات وشايف أن دي أخوه في الله ، اللى مبيصليش أو اللي مقصر في الصلاه وبيقول المهم النيه ، اللى مبيعملش ايه حاجه لربنا ويقول بحبك ياااارب ، والأخت الملتزمه اللى عايشه في مظهر الملتزمات والباطن هواااااااء ، واللي واللي واللي .... المصيبه كلها أنك متكنش حاسس أنك في مشكله )

.
.
.

أنت وأنتِ
محمد أم عبد الرحمن أم أحمد أم مصطفى
( وخليك صادق وخليكي صادقه )
.
.
.

الفرصه مش هتيجي كتير ، ألحق فرصتك واركب معنا في سفينه الجنة
دع الدنيا جانباً ، ولتجعل شعارك " يا دنيا اعذريني ... فالجنه تناديني "

والله الجنة بتنادني عليك ، بلاش تفرط في مكانك في الجنة
بلاش تفرط في نصيبك من الله
بلاش تعيش وتموت في حياة الأموات
قرب شويه منه ، وبقولك تاني الفرصه مازالت قائمه

" فاركب معنا "

احنا من الغد هنشتغل خطوه خطوه بجد في طريق الفردوس
واعذرني مش هينفع أنتظر قرارك أكتر من كده

.
.
.

أعتقد أفضل ما أختم به هذه الوقفه ، كلمات بعض الأخوه والأخوات اللى قرروا يتغيروا وبدأوا بالفعل في التغيير


إحدى الأخوات قالت :

" وانا ان شاء الله ممن قرروا ان تتغير حياتهم الى الاصلح والافضل ان شاء الله تعالى ، ومن الاشياء اللي ولله الحمد بجاهد نفسي عليها يوميا اولا علشان انا اتغير واصلح حالى مع ربى ، قررت ان اقيم الليل كل يوم ولو بركعتين فقط من اجل ان استغفر لذنوبى وان ادعوا لاخواننا المجاهدين في غزه ، وثانى امر انى بحافظ على قراءه ربعين او اكثر في اليوم من القرآن ولكن بالتفسير لكى افهم دينى صح من خلال كلام رب العزه ، وثالثا قررت ان اقرا كل يوم ولو حديث واحد من احاديث النبي بشرحه
وربنا يعينى على تطبيق ما اتعلم
ودول البدايه في الطريق وربنا يثبتى عليهم ان شاء الله ويجعلهم نصره لاخواننا في فلسطين "
.

.

وأخرى قالت :
الحمد لله استغفرت لربى على كل شئ ،
1- مبقيتش أنمص حواجبي، ومش مشكلة يكون شكلى مش عاجبنى، عشان باحمد ربنا على الصورة اللى اداها لى
2- مفيش كدب ، نميمة، شجار
3- انصح الناس وأقول الحقيقه ( تقصد الأمر بالمعروف والنهي عن المنكر )
4- اطور نفسى وعايزة ادرس اكتر حتى اكون مسلمة ذات مكانة فى المجتمع
والحمد لله اللهم دم علينا هذه التوبة وثبت ديننا فى قلبنا
آمين

.
.

وأحد الأخوه قال :
" انا لقيت اللي انا عايزة فعلا
انا دلوقتي اتاكدت ان ربنا بيحبني
والله العظيم انا كنت بابكي امبارح امام الكعبة و بادعي و اقول انا عايز اتغير لان مش الصلاة و بس هي اللي ارضي بيها ربنا و الله بكيت من قلبي و حسيت ان في حاجة بتقولي ابكي كمان
كنت واقف عند الملتزم و ده المكان اللي بين باب الكعبة المشرفة و الحجر الاسود و كان جسمي كله لازق في الكعبة و ما كنتش حاسس بأي شئ كنت في مكان غير المكان ربنا يوعد المؤمنين و المسلمين
المهم انا حاسس فعلا ان وقت التغير هو ده
يلا بينا نحاول ننصر ديننا بس نبدأ بنفسنا "

.
.

أحد الأخوات كانت متابعه للسلسله ، وسألتها عن أحوال التغيير ، فقالت :
" انا معملتش اي حاجه ومخنوقه جدا
وبمووووووووووووووووووووووووووووووووووووووووووت
بالبطيء مش عارفه ابتدي منين وازاي "


رد هذه الأخت من أفضل الردود على الإطلاق ، هي إنتقلت من مرحلة الشعور أن أنها كانت عايشه افضل حياه ( وهي بعيده عن ربنا ) ، إلى أنها حسه انها بتموت ( لانها بعيده عن ربنا )

.
.

أحد الأخوه كان هذا رده في أول حلقه من السلسله :
انا بقى حكايتى ممكن تبقى غريبه من ناحيه ان البيت عندى متدينين جدا والعيله كلها كذلك ، بس انا غير كل ده خالص . انا عايش حياتى عااااادى جدا اليوم بيومه اهم حاجه عندى اخد فلوس عشان الخروج وعلبه السجاير و جمعيه المخدرات مع صحابى انا مش هتكسف من كلامى لانى دلوقتى فخور بنفسى
المهم
كان فيه حاجه غريبه بقت بتحصل معايا اخر سنتين كده بقيت بخاف من الموت
مع انى عارف انى كده كده كلنا هنموت بس مش عارف كان في حاجه بتقولى فى ودانى كل يوم لما اروح وانا نايم على السرير طبعا مش فى وعيى انا لو مت وانا نايم هقابل ربنا ازاى ؟؟؟
غير ده كله كلام ابويا وامى واخواتى ويابنى ربنا يهديك وانا بطنش

السنه اللى فاتت دى 2008 حصل معايا تلات مرات اكون شايف حد من صحابى اللى كانو اصدقاء الكيف اشوفهم عادى !!! فى يوم تانى ييجيلى تليفون فلان مات ، اقول يااااه دانا لسه شايفه امبارح ، واعرف انه مات موته وحشه ربنا يبعدنا عنها واسأل نفسي : ياترى صاحبي ده قابل ربنا ازاى ؟؟ ربنا راضى عنه ولا لأ ؟ اكيد لا أحد يعصيه ويستنى يرضى عنه
تلاته من صحابى كده
الخوف ابتدا فعلا يتملك منى وابقى ماشى مرعوب بس مش ببطل اللى بعمله ، شوفت حلقه كده بتاعه مصطفى حسنى عن التدخين فكرت في التوبه بس مش عشان الاضرار لو عشان الاضرار كنت مشربتهاش اصلا ، لكن فكرت من ناحيه انى لو جدع هبتدى التوبه بالصعب اشوف الصعب وابطله ، ولقيت انى لوبطلت تدخين هبطل مخدرات ، ولو صليت بس صلاه بجد الصلاه هى اللى هتبعدنى لانى بصلى مش عشان اسمها صلاه وابقى كويس لا بصلى عشان عارف ان ربنا مش هيرضى عنى ولا يوفقنى غير لما ارجع للصلاه
والحمد لله قطعت كل حاجه مره واحده

اتعذبت اوى اه بس هرتاح بعد كده

للمعلومه الحافز اللى يخليكو تعملو زيى انكو بتقولو اكيد هييجى يوم وارجع اصلى اكيد هييجى يوم وابطل سجاير ، ليه النهارده ميكونش اليوم ده ؟؟؟ صلى يا أخي يمكن تصلى اول صلاه وتنزل من بيتكو مترجعش تانى وتبقى مت وانت تائب

ادعولى بالثبات على اللى انا فيه وربنا معاكو

.

.

.
.

بالله عليك لماذا لا تكون كهؤلاء الأخوه ؟؟؟
وأنتِ لماذا لا تكوني كهؤلاء الأخوات ؟؟؟
ماذا تنتظر ؟!!!؟؟
.

.
( إنتظرونا غداً وحلقتنا " آه من ذنوبي " )
إسرة موقع منهج،،،
نسألكم الدعاء لنا بظهر الغيب

ــــــــــــ

بسم الله والحمد لله والصلاة والسلام على رسول الله وآله وصحبه ومن والاه ،،،،



نرجع شوية لحلقة ( اخدت قرارك ولا لسه )

زي ما قُلنا عن الشباب الأربعة في الحلقة الفائتة

محمد آخذ قراراه ، عبد الرحمن أيضاً اخده لكن مش بنفس القوة ، أحمد كسل ياخد القرار ، ومصطفى مش شايف أنه محتاج يغير أي حاجة في نفسه ( ممكن يكون معجب بحياته كدة ، لكن احنا بقى مش معجبين بحياتنا كدة ، وعلشان كدة هنتغير ) من هذه الحلقة هنبدأ في( خطواتنا للإلتزام )... ودي هتكون بإذن الله أول مشروع لرحلة الفردوس

.

( عبد الله جمع الشباب الاربعة في بيته ، وبعد الترحيب والضحك ) عبد الله : صلوا على النبي يا شباب

( اللهم صلى على النبي محمد وآله وصحبه وسلم ) عبد الله : هااا تعالو نتكلم شوية عن ربنا

عبد الرحمن : يااريت والله يا عبد الله ، كلامك بيريح قلوبنا أوي

وابتسم محمد لعبد الله ابتسامة مليئة بالشوق ( الشوق لعبد الله ، والشوق للحديث عن ربّ عبد الله وربّ العباد جميعا ) عبد الله : فاكرين أول ما اتقابلنا عند مسرح الجامعة ، كنا عاوزين نعرف احنا ماشيين ازاي وطريقنا كدة صح ولا غلط ، كنا عاوزين نجهز نفسنا علشان نقدر ناخد قرار التغيير

وبعد كدة ربنا رزقنا بحلقة طيبة جداً ( قررت أغير حياتي ) وكانت مناسبة جداً علشان كل واحد مننا ياخد قراره

والآن .... أنتم حاسّين بايه ؟؟

محمد : حاسس أني نفسي أروح لربنا أوي وبسرعة جداً ، بس حاسس أني ثقيل أوي ، في حاجة واقفة بيني وبين ربنا ، في حاجز كبير بسببه مش عارف اتغير ، بس مش عارف ايه هو الحاجز ؟

عبد الله : الذنوووووووووووووووووووب يا محمد .... وآآآآه من ذنوبنا

محمد : ذنوبي .......................................................... يااااااااه
ودي أخلص منها ازاي ، دا لو استنيت أني أخلص من ذنوبي يبقى مش هوصل لربنا أبداً ،،،

عبد الله : لأ لأ لأ أصبر علينا كدة ، خلينا ماشيين خطوة خطوة ،

ومتنساش كلام ربك رب العزه : { قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعاً إِنَّهُ هُوَ الْغَفُورُ الرَّحِيمُ }[ الزمر/53] النهاردة هنسمع درس حلو أوي ، هيعرفك إزاي ذنوبك دي كلها تتمحي في لحظة واحدة (قاطعهعبد الرحمنقائلا ) : الكلام دا لو عندنا ذنوب ثقيلة ، هي دي اللى بتقف بينا وبين ربنا كدة ، لكن ذنوبنا الخفيفة دي يعني عادية جداً

عبد الله ( مبتسماً ) : انا كدة هضطر أغير الدرس اللى هنسمعه ، الموضوع دلوقتي بقى أننا محتاجين نحس خطر ذنوبنا ، وازاي فعلاً بتكون عائق بيننا وبين الله عز وجل

أحمد : والله الواحد مش عارف من الأصل أيه هي الذنوب الخفيفة وأيه هي الثقيلة

عبد الله : مممممم ، وانت يا مصطفى أيه رأيك

مصطفى : يعني عادي .... انا عندي مشوار ولازم امشي

عبد الله : تمشي !!!!

وحاول الاصدقاء جميعاً اقناع مصطفى بالبقاء ولكنه صمم على الذهاب

وعند باب البيت

ناوله عبد الله مصطفى شريط تحت عنوان ( آآآه من ذنوبي ) ، وقال له : عبد الله : أنا مازال كلي أمل أنك مش هتترك طريق ربنا ، وأنك هتحاول توصل معنا

بالله عليك أسمع الشريط دا ، اسمعه بقلبك ، حاول تقرب خطوة واحدة من ربنا ، حاول مجرد محاولة

ولو قربت هتحس قد ايه القرب منه حلو أوي ، ووقتها هتكمل معانا وانا واثق مصطفى( ويبدو عليه التأثر وأنه يرغب في البقاء ، لكنه تراجع عن هذه المحاولة ) : حاضر هسمعه

عبد الله : أني أحبك في الله

مصطفى( وكأن الكلمه اصابته ) : ادعيلي ... ادعيلي ( وذهب مصطفى عنهم !!!!!!!!!!!!!!!!! )

.

.

اجتمع الشباب الثلاثة مع عبد الله في الغرفة عبد الله : الذنوب يا أخواني بتسجن الواحد منّا ، بيحس بوحشة بينه وبين ربه

أنت لما بتعمل ذنب من غير علم أهلك لأنه هيغضبهم ، بتحس أن بينك وبين أهلك وحشة وفجوة ومساااااافة كبيرة اوي

ولله المثل الأعلى ، فما بالكم لما تعمل ذنب يغضب ربنا جل وعلا ، تبقى مشكلة كبيرة أوي

عبد الرحمن : تعرف يا عبد الله ، أنا بسبب الذنوب الكتيرة دي بحس أني تايه وحيران ، بحس أني خايف من كل حاجة ، بحس أوقات أن مليش نفس اعمل اي حاجة ، وأن في وحشة بيني وبين كل شيء ، وحشة مع صحابي واهلى والدنيا كلها ، ووحشة بيني وبين الله

عبد الله : ودا خطر من خطر الذنوب يا عبد الرحمن ، الذنب بيعمل غلاف وطبقة سوداء على القلب ، هذه الطبقة تَحُول بينك وبين الله ،

غير كدة الذنوب بتذلنا أوي ، بالله عليكم لما بتتفقوا تعملوا معصية معينة ، وتفضلوا بقى تحاولوا يمين وشمال وتبحثوا هنا وهنا ، وتتذلوا لكل شخص شوية علشان ييسر ليكم المعصية دي ، وتتذلوا لأنفسكم لأنكم مش قادرين تمنعوها من المعصية الفلانية ............. مش دا ذل !!!!

أحمد : وأنت هتقولي على الذل اللى من النوع دا ، دا الواحد بتبقى كرامته في الأرض

محمد : وربنا أكيد بيغضب مننا لمّا بنعمل الذنب

عبد الله : ياااااااااااااه يا محمد ، مش عارف أقول أيه

محمد : تعالى نسمع الشريط دا ( وأشار إلى شريط آآآه من ذنوبي )

وبالفعل جلسوا جميعاً لسماع الدرس

من أجمل ما سمعت



آه من ذنوبي

للتحميل

وبعد إنتهاء الدرس محمد : ياااااااااااااااااااااااااه ، احنا كنا تايهين أوي

احمد : أي والله

عبد الرحمن : أهم نقطة دلوقتي ، عاوزين يا عبد الله نتفق على شوية نقاط عملية اللى الشيخ قالها لنا في الدرس ، ونحاسب بعض عليها ،،

محمد : انا عاوز الحلقة الثانية اللى الشيخ قال أنها تتمة هذه الحلقة ، محتاجها ضروري يا عبد الله

عبد الله : تحت أمرك يا باشا

لكن خلينا في الأول نتفق على الواجبات :

(1) الرغبة في الخلاص من كللللللللل ذنوبنااااااااا كبيرها وصغيرها ، الرغبة في التوبة بجد

(2) الدعوة دي تبقى على لسان ليل نهار ( اللهم ارفع مقتك وغضبك عنّا )

(3) محتاجين نتذل لله مش للذنب ، نجرب يعني ايه ننكسر بين يدي الله ، نجرب يعني ايه نبكي بين يديه ، نقوله يااارب مش لينا حد غير ، واحنا فقراء ومساكين له سبحانه وتعالى

(4) نتصدق بصدقة كبيرة ، صدقة بينة ( صدقة السر ترفع تطفىء غضب الرب )

(5) نستغفر 1000 مرة في اليوم ( متتخضش كدة ، الألف استغفار مش هياخدوا الا ربع ساعة ، وجرب وقولي )

(6) نعمل ختمة قرآن ( يعني اللى بيختم في شهر ، عاوزين نختم المرة دي في اسبوع من الجمعة للجمعة ، واللى بيختم في سنة يختم في شهر ، طيب واللى مش بيختم خالص الا في رمضان ، يحاول بقدر الامكان يعمل ختمة )

(7) الصلاة على النبي صلى الله عليه وسلم ، بيني وبينكم أنا بحب سيدنا محمد أوي أوي ، وألذ حاجة عندي أني اقعد كدة اصلي عليه وأتكلم في سيرته

(8) ونصوم بقى يوم الاثنين الجاي دا ))))))))))))

( من غير ضرب بقى ) أه صح وخدوا بالكم : 1- الذنب بيجيب ذنب ولازم ناخد قرارنا دلوقتى قبل ما أرجلنا تثقل اكتر من كدة.

2- ربنا بيبعتلنا رسايل كل يوم لازم نترجمها وبيبعتلنا ناس تاخد ايدينا للطريق ولازم نمسك فيهم

3- نلزم الصحبة الصالحة وندور عليها ( يعني زي صبحتنا دي كده )))) ).

4- نحاول يبقى لينا ورد سماع من القرآن بقلبنابقلبنااااااااااااااااااااااااااااااا .....
.



دا طبعا بالإضافة الى الخمس واجبات اللى كانوا في الدرس اللى فات

أحمد : كل داااااااااااااا

عبد الله : جرب أنت تعمل الحاجات دي بقلبك ، ووالله هتقولي الحاجات دي قليلة أوي ، دا ربنا يا سيدي ... اللــــــــــــــــــــــــــــه

محمد : أنا حاسس أني هتولد من جديد ، لكن خايف أوي ، حاسس أن ذنوبي دي صعبة حتى اني افكر أن ممكن ربنا يغفرها عبد الله : طيب خدوا بقى اسمعوا الجزء التاني من هذا الدرس ( نفسك تتوب )

ووقتها يا عم محمد هتقولي انك خلاص هتدخل الجنة من بكرة بمشيئة الله





إنتظرونا في الحلقة القادمة



.

.





انا مش هزيد حاجة على كلام الأخ عبد الله



لا تنسوا الواجبات العملية

حلقتنا القادمة هي ( نفسي اتوب ) ... هنشوف ازاي نخلص من ذنوبنا وازاي نتوب بجد الى الله عز وجل

الحلقة ستكون بين محمــــــد وربه فقط
وصلى الله على نبينا محمد وآله وصحبه وسلم

بسم الله والحمد لله والصلاة والسلام على رسول الله وآله وصحبه وسلم ،،،


وصلنا في الحلقة الفائتة أن الأخ عبد الله أهدي لبقية الأخوة ( ماعدا مصطفى ، مصطفى اللى حتى الآن مش عاوز يتغير ) شريط ( نفسي أتووووووووب )
وقُلت لكم أن هذه الحلقة ستكون بين محمد وربه

لكن سامحوني لأني بحول الله فضّلت أن هذه الحلقة تكون بيني وبينكم مباشرةً والله الشهيد علينا
كلماتي ستكون من قلب هذه المحاضرة...

من أجمل ما سمعت



نفسي أتوب

للتحميل

ولا أخفيكم سراً أن هذه المحاضرة كانت ثاني محاضرة أسمعها بعد محاضرة "إني ذاهبٌ إلى ربي " ، وكان لها أثر عملي كبير جداً بفضل الله على مجرى حياتي

محمد وبقية الأخوة ... كل منهم سيكون له حال بعد سماع الشريط بمشيئة الله ... وسنتعرف عليها في الحلقة القادمة

.
.

نفسك تتوب؟

فى بينك وبين ربنا ذنب خايف تقابله بيه؟ ..فى بينك وبين ربنا سد نفسك يتهد؟ ..بتضعف قدام شهوات نفسك؟ عشان كدة بتغلبك على المعاصي ..؟؟
من جواك ومن غير لف ولا دوران وبمنتهى الصراحة والوضوح ..مرتاح البال؟ ..حاسس بطعم السعادة؟
مفيش مرة حسيت إنك مخنوق ومُكتئب وقرفان من الدنيا وعايش الدنيا بالطول وبالعرض واهى متقضية وخلاص؟ مفيش مرة حسيت إنك عايز تعيط .. تترمي في صدر حنين ..تحط راسك عليه و تشعر بالأمان والحنان؟

أنا عايز اسألك ..وجاوبنى من جوة قلبك
هل احنا عايزين ربنا ؟؟ احنا بنحب ربنا ... ؟؟ يعني نفسك تتوووووووب ؟؟

عارف إنك هترد وتقوول

آآآآآآآآآآآآآآآآآآآآآآآآآآآآآآآآه

نفسي أتوب

قضية التوبة لابد لكل مسلم
اللى ميعرفش سكة ربنا خالص ... اللى ملتزم بقاله سنة ... واللى بقاله عشر سنين إلى آخره

سيدك النبى صلى الله عليه و سلم يقول : " إنه ليغان على قلبي – أحس كدة إن صدرى قافل شوية - و إني لأستغفر الله و أتوب إليه فى اليوم و الليلة مائة مرة "

دا سيدك النبي ... طيب احنا بقى يبقى حالنا إيه؟ !!!!!!!!!!!

خلونا في البداية ناخد نية صادقة مع بعض ... الموضوع والله يحتاج إلى لحظة صدق بتوفيق من الله عز وجل
فقط لحظة صدق وإخلاص ،،،

قبل ما نبدأ نعرف ازاي نتوب لله بجد ... اهتف بقلبك ولسانك وعقلك وجوارحك " نفسي أتوووووووب "

طيب ازاي نتوب صدق

.
.

هنقول مع بعض مجموعة خطوات عملية بإختصار ... وأوصيكم بسماع المحاضرة للتفصيل

أولا / الاعتراف بالذنوب : تعترف إن لك ذنوب ومعاصي كثيرة تستوجب التوبة ، ومتتكبرش وتقول يعني يا سيدي دي كلها حاجات صغيرة {وَتَحْسَبُونَهُ هَيِّناً وَهُوَ عِنْدَ اللَّهِ عَظِيمٌ } ... أعمل قائمة بذنوبك وعاهد ربنا إنك تتخلص منها بعونه وقوته

ثانياً / تعرف فضل التوبة علشان نفسك تبقى عايزاها : طيب وإيه هي فضائل التوبة ، عد معايا :
(1) ربنا يحبك ...{ إِنَّ اللّهَ يُحِبُّ التَّوَّابِينَ }[ البقرة/222] .. وإذا ربنا حبك يبقى انسى المشاكل وعيش مع الجنة (2) تانى حاجة ربك يفرح بيك .. سيدك النبي صلى الله علي وسلم قال : " لله أفرح بتوبة أحدكم بضالته إذا وجدها " (3) التوبة يبدل الله السيئات حسنات قال الله{إِلَّا مَن تَابَ وَآمَنَ وَعَمِلَ عَمَلاً صَالِحاً فَأُوْلَئِكَ يُبَدِّلُ اللَّهُ سَيِّئَاتِهِمْ حَسَنَاتٍ }[ الفرقان/70] (4) يمتعك متاعا حسنا قال الله { وَأَنِ اسْتَغْفِرُواْ رَبَّكُمْ ثُمَّ تُوبُواْ إِلَيْهِ يُمَتِّعْكُم مَّتَاعاً حَسَناً إِلَى أَجَلٍ مُّسَمًّى وَيُؤْتِ كُلَّ ذِي فَضْلٍ فَضْلَهُ } [ هود/3] (5) من فضائل التوبة إنها سبب للنصرة والفوز والفلاح فى الدنيا والآخرة ..يسدد خطاك تبقى ماشي صح خطواتك تؤدى إلى الهدف المرجو منها .. يقول الله { وَتُوبُوا إِلَى اللَّهِ جَمِيعاً أَيُّهَا الْمُؤْمِنُونَ لَعَلَّكُمْ تُفْلِحُونَ }[ النور/31]


ثالثاً / تعرف على ربك وتعلق به : وازاي نعرف ربنا :
(1) تثبيت ورد قرآن .. ولو 10 آيات يومياً... بس عشر آيات بقلبك ... بقلبك ... قال صلى الله عليه وسلم : بيقول "من سَره أن يحب الله - عايز محبة ربنا تقع فى قلبك؟ - فليقرأ فى المصحف"، يبقى نقرأ بالنية دي . (2) تانى حاجة تتأمل فى صفات ربنا بينك وبين نفسك ... صفاته جماله وكرمه ووده وجوده وفضله ورحمته سبحانه وتعالى ، عدد نعمه عليك وأذكرها

رابعاً / إحفظ عليك لسانك : قال صلى الله عليه وسلم : "لا يستقيم إيمان عبد حتى يستقيم قلبه ولا يستقيم قلبه حتى يستقيم لسانه .. " حسنه الألباني


خامساً / إحسب خطواتك : تمهل في الطريق واحسب كل خطوة حتى لا تكون عليك .


سادساً / ارمى كل الأسباب اللى خلتك تقع فى المعصية : يعني مشكلتك المواقع الغير طيبة يبقى إلغي وصلة النت خالص لفترة معينة ، وأنتِ مشكلتك الموضة والملابس يبقى ابتعدي عن كل المولات والأسواق وغضي بصرك عن هذه الملابس وهكذاااا


سابعاً / غيــّر الشّلة : متقوليش إنك هتقدر تتغير وتتوب وترجع لربك وشلتك كلها طريقها بعيد عن ربنا ، أنجو بنفسك أولاً وبعد ثباتك في طريقك شد اصحابك للطريق الصح ،



ثامناً / أنسى الذنب : في أول خطواتك لربك مينفعش الذنب يبقى مسيطر على تفكيرك ليل نهار علشان ماتيأسش وتقنط ، انسى الذنب تماماً وبدل وارجو الله أن يبدله لك حسنات


تاسعاً / إياك وأن تُعيّر أحد بذنب : كلنا أصحاب ذنوب ، ويعلم الله من هم أصحاب كبائر ومن هم أصحاب الصغائر ، فلرب صغيرة عند الله كبيرة ، فلا تعير أحد بذنب ولا تنسى { كذلك كنتم من قبل ... }

عاشراً / فى طريق التوبة لابد من أعمال صالحة متدرجة تحل محل أوقات الذنوب :اخلع وانزع وازرع ...شيل وحط مكانه مينفعش تشيل وبس ، لازم يكون لينا رصيد لازم يبقى لينا أعمال ، أمثلة من الأعمال للبداية :
1- الصلاة على وقتها .. يعنى حى على الصلاة حى على الصلاة ومش بقى كدة وبس والمحافظة عليها فى جماعة
2- تصلى فى اليوم والليلة 12 ركعة ويفضل ان يكونوا مثل السنن
3- الفرائض وبعد ذلك النوافل ..خاصة سنة الضحى
4- قيام الليل ابتدى بركعتين .. بعد ما تصلى العشاء صلي ركعتين وأوتر ..
5- الصيام صوم فى البداية تلات أيام من كل شهر ميعديش عليك شهر عربى إلا لما تصوم تلات أيام ... وياريت تصوم الاثنين الجاي
6- الصدقة ..طلع قرش من جيبك واتصدق بيه ..
7- داوم على الاستغفار
8- اوعى تتعدى الخطوط الحمراء ، لاتجاهر بمعصية أبدا أبدا ربنا سبحانه وتعالى يسترها عليك يوم القيامة
9- عيش حياة الصالحين فى خيالك واستبدل أحلام اليقظة الحرام ، أدمن سماع دروس العلم ..سماع القرآن ..اقرأ فى كتب السير ..


أخيراً / أحسن الظن بالله : عايز ربنا يتوب عليك؟ يبقى إن شاء الله لو عزمت بصدق وإخلاص يبقى تاب عليك ثق فى ذلك يقينا عارف لما النبى صلى الله عليه وسلم يقول " ادعوا الله وأنتم موقنون بالإجابة " هى كدة بردو ... توبوا إلى الله وأنتم موقنون بأن الله سيتوب عليكم.


.
.
.

قال جل وعلا في الحديث القدسي : " يابن آدم إنك ما دعوتنى ورجوتنى غفرت لك ماكان منك ولا أبالى، يابن آدم لو بلغت ذنوبك عنان السماء ثم استغفرتنى غفرت لك ولا أبالى يابن آدم لو أتيتنى بقراب الأرض خطايا ثم لقيتنى لا تشرك بى شيئا لأتيتك بقرابها مغفرة " رواه الترمذي


لا تمرر هذا الحديث على قلبك كمرور اللئام
استشعر كلمات ربك إليك ... إليك أنت وحدك

.
.

أستغفر الله العظيم الذي لا إله إلا هو الحي القيوم وأتوب إليه


.
.

انتظرونا في الحلقة القادمة وهنشوف أبطال سلسلتنا كيف حالهم بعد التوبة

ــــــــــــــــ

بسم الله والحمد لله والصلاة والسلام على رسول الله وآله وصحبه ومن والاه



فإن غبتم عنّا ما نسيناكم

فاكرين أصحابنا ؟؟؟؟؟؟؟
عبد الله ،
محمد ،
عبد الرحمن ،
أحمد ،
مصطفى ،
أصحابنا اللي بدأو رحلة التغيير
اللي بعضهم قرر يغير حياته ويعيش بجد جنة الدنيا ليحمله الله لجنة الآخره
وبعضهم ....... !!!!

طيب ،،،
أخونا محمد ربنا يسر له طرق الخير جداً ، وبعد صدق توبته شق الصراط المستقيم
أخونا عبد الرحمن
هتكون حلقتنا معه النهارده
*
*
*
هتسبها امتى
عبد الرحمن سأل نفسه السؤال دا
وهو دا السؤال اللى لازم كلنا نسأله لأنفسنا
من أجمل ما سمعت



هتسيبها امتى

Downloadللتحميل

*
*
*
فى ناس الشيطان بيلعب بيهم لعبة ظريفة قوى ويقوله: شوف دلوقتى إنت فى مرحلة الشباب فإنت محتاج تقضى شبابك؛ الشباب ده النشاط والقوه، فلازم تعرف تقضيها صح، ولما يا سيدى يبقى عندك خمسين ، ستين سنة تبقى تروح تحج وتقعد فى الجامع وتمسك المصحف وتسيب الدنيا كلها وتبقى تمام. النبى صلى الله عليه وسلم - الحديث الذى رواه البخارى - قال : (( لا يزال قلب الكبير شاباً فى اثنتين فى حب الدنيا وطول الأمل )) ,, يبقى لازم نقف ونراجع حساباتنا أنا عايز أسألك النهاردة هتسيبها إمتى ؟؟ ,, هى إيه؟ ,, هي اللى خطرت على بالك دلوقتى ,, إيه اللى خطر على بالك؟ كل واحد يترجمها بطريقته ,,, * * *
هو ده اللى أنا عايز أسأله ,, مفيش يوم إلا وتلاقى حوادث عربيات وموت الفجأه والكلام ده ,, موقفتش ليه عند الحدث ده وبدأت تراجع حساباتك؟ وتقول طب ده شباب و عشرين سنة. مش لازم يعنى عنده ستين سبعين سنة عشان تحصله الحاجات دى ,, * *
والله الذى لا إله غيره إن الغافل يعيش كده ويموت كده ويلقى الله كده ربنا سبحانه وتعالى يقول: إِذْ قُضِيَ الْأَمْرُ : خلاص الدنيا انتهت، خلاص كله اتحسر، وكله بدأ يعرف قد إيه فاته يوم ما بعد عن ربنا ,, قضى الأمر :المسأله انتهت، والله خلاص يا جماعة بعثنا من القبور هذا هو يوم القيامة ,,
وَهُمْ فِي غَفْلَةٍ : هم فى غفلة، أصله عاشها كده، ومن عاش على شىء مات عليه، ومن مات على شىء بعث عليه، ,, عاشها غافل فمات غافل ولما مات غافل بعث وهو غافل فطلع من القبر يقول: إيه ده؟ أنا حصلى حاجة؟ أنا فاقد الذاكرة ولا إيه؟ لالالا إيه ده؟ إيه الناس دى؟,, الناس دى عاملة كده ليه!! أنا كنت فى غيبوبة !! إيه الموضوع؟؟!!
*
*
*
أولاً : إحساسك بالخطر ,, يتولد عنه وقفة مع النفس، الوقفة دى مهمة قوى هتبدأ تعاتب نفسك ,, لغاية إمتى ؟؟!! لحد إمتى ؟؟!! إلحق بقى ,, والله لو جه المعنى ده كل يوم كده شوية فى قلبك، هتلاقى نفسك بتوفق للعمل الصالح والتوبة ,,, ساعات الواحد يحس لما يسمع الحاجات دى، تيجى عليك لحظات بتبقى أحلى لحظات الإيمان على الواحد لما تحس إن إنت خلاص ,,
ثانياً : الصدق والإخلاص ، وتبقى هى دى المرحلة الثانية؛ تعرف إنت إيه ,, تعرف نفسك إيه ,, فلما تذمها فى الله وتعرف حقيقة النفس، يبتدى الأمر ياخد المرحلة التانية ,, خلاص كده وقفنا ,, ندمنا ,, عرفنا الخطر اللى احنا عليه ,, ناخد الخطوة التالية ,, إنك تعرفه هو ، مهم قوى تشيل كل الرواسب اللي في قلبك ,,, وتحط بدلها ,, هو مين ؟؟ يلا يا شباب هو مين فى قلبك ؟؟؟ تعرف عنه إيه ؟؟ بجد ,,, يعنى لما تحب كده تدعوه أول حاجة تطلع من قلبك يارب يا (( يا غفور )) عشان أنا عامل معاصى تقيلة قوى، وخايف والله يارب أقابلك بيها، فيارب يا غفور يا غفار ياللى بتغفر الذنوب الكبيرة والكثيرة اغفر لى يارب. اغفر لى. وتعرفه بإيه كمان؟ (( كريم قوى )) لأ، ده مش كريم، اسمه الأكرم مش كريم بس، ده أكرم من كل ما تتصور سمى نفسه الأعلى ليكون أعلى من كل ما تتصور فى صفات الجمال والجلال ,, عارف يعنى إيه؟ ,, يعنى إنت متصور إن ربنا يرحمك ,, يرحمك إزاى؟ هيغفر الذنب ده؟ ,, لالالالا أعلى ,, وده؟ لأ، أعلى ,,, ربنا هيكرمنا إن شاء الله بكرم عظيم جداً، ده هيدخلنا الجنة إن شاء الله كذا وكذا ,,, أعلى

رابعاً : صحبه ،، هااا أيه أخبار شلة الأنس ؟؟؟

خامساً : حبّ القرآن ،، مهم إنك ترتبط قوى قوى قوى بالقــــرآن. هيبتدى القرآن يطهر قلبك وتستشفى بيه، يغير حاجات فيك، ويثبتك على الطريق لأنه ده أعظم الذكر ,,, الذكر على لسانك كتييير اللى بيذكره يقوله دى علامة المحب. الواحد لما بيحب حد بيبقى كل شوية بيتكلم عنه، فلو إنت بتحب بجد هييجى على لسانك كتييير، يبقى لازم كثرة الذكر عشان تأمن على الطاعه ,,,
لازم يبقى فى منهج ,, المنهج ده هيبقى إيه ؟؟؟ ,, إن أنا لازم كل يوم أسأل نفسى سؤال واحد مش عايز أكتر من كده عشان أظبط يومى ,,, إيه السؤال اللى أنا هأسأله كل يوم؟

راضي يااااااااااااارب ؟؟

*
*
*
هااا

هتسيبها امتى بقى ؟؟؟؟؟؟