مبروك لأشقائنا الكويتيين مقدماً ( صدقوني ) - نادي الهلال السعودي - شبكة الزعيم

ابو طـــــلال · #1 14/01/2009, 01:01 PM

وأقصد المستوى والخروج بهذا الكم القليل من الاهداف .......

>>>> جريتكم صح ؟

ألف مبروك للسعودية الفوز .. نقولها الليلة إن شاء الله ...

الكويت والسعوديه .. من زمان وحنا نتمنى نشوف هالمباراة .. تذكرنا بمباريات الهلال والإتحاد على نهائي ..

تنافس كبير بين العملاقيين

====

وش بلاهم الناس قلبت الموضوع جد ... القنوات كل واحد يشتكي جمهور البلد الآخر .. وكلن يشتكي ..

الإماراتيين يقولون العمانيين والقطريين ضربنا .. على قولة أحبتنا الإماراتيين ( إستوت ضرابة )

والعمانيين يقولون ليه الإماراتيين يتكلمون في الشعب العماني وينتقصون من حقة وكرامته !!

واليمانيين متضايقين من التحكيم !! عاد هالحكم هو اللى حرمهم من بلوغ نصف النهائي ! ماكنهم مهزومين بالسته

والعراقيين قلبوا على لاعبينهم ... قبل كم شهر كانوا اللاعبين العراقيين جنود شجعان وبواسل !! والحين خونة !! سبحان الله !!

القطريين اللى يشوف قناة الكاس والدوري تحس ان البطولة بالدوحة .. والكاميرات على اربع مشجعين قطريين أو خمسة ويبدلون أماكنهم ( يقالهم جمهور غفير ) ترقع وإلا ماترقع يالكاس ماتقدر تحجب شمس الجمهور السعودري

البحرين منتخبهم وجمهورهم ملح بطولة الخليج .. شارك بهدوء وخرج بهدوء .. مسكين البلد اللى اعلامة ضعيف .. حتى لو مظلوم ماحد يحس فيه ولايجيب خبرة ..

الكويت يسمعون بالتخدير .. والتصاريح الناريه .. وانا اعلن من هالمنبر تخدر وإلا ماتخدر .. الكويت ماراح ياخذ بطولة الخليج .. دام فيه السعوديه .. وعمان .. والوعد قدام

السعوديه ......... واثق الخطوة يمشي ملكاً .. ياسر القحطاني ورفاقة نبي الإبداع والفنيات لو ماجت البطولة .. نبي متعة كرة القدم .. منتخبات الخليج محتاجة لدروس خاصة من لاعبي المنتخب السعودي.. والخليج اخوان ويستاهلون ..

الفريان .............. اعطى المجلس نكهة غير عادية وأضاف جو جميل بكلماته وقفشاته الجميلة .. واللى ماشاف حلقة الفريان يشوفها .. كان ودكم تضحكون ..

أبو زقم برضه كان ضيف بالمجلس وعطاهم كم وحده وكان وسيع صدر الله يجزاه خير .. رغم ان البعض تضايق من كلمة عبد الرضاء عباس يوم قال للشيخ انه تحجب ... ترى كله كلام والمزح متبادل .. لانخلط الامور ولااحد يزعل .. كلنا واحد وحبايب .. خصوصا اللى قال في هالمنتدى لازم يعتذر خالد جاسم للسعوديه علشان هالكلمة وإلا ترى نبي نقاطع !!

>> صارت سالفة هالمقاطعة ...

عموماً اللى يصير بالمجلس وغيره من القنوات ويكون فيه نقاش حاد بين شخصين مالها علاقة القناة فيها ولا شعب وحكومة الشخصية بالموضوع .. هم يمثلون انفسهم وبس ...

فهمتوا إلا ترى بقاطعكم !

وبالتوفيق للأخضر السعودي .. ويارب الفوز

أخوكم الصغير ابو طلال

زِيْزُو المَسْعُودِي · #2 14/01/2009, 01:03 PM

يعطيك الف عافيه
لتشخيص حال كل المنتخبات

هههههه
العراقيين جنود بواسل ههههه

ღ إبن الزعااامـــه ღ · #3 14/01/2009, 01:33 PM

اللى يشوف قناة الكاس والدوري تحس ان البطولة بالدوحة ..

والكاميرات على اربع مشجعين قطريين و خمسة ويبدلون أماكنهم ( يقالهم جمهور غفير )

خخخخخخخخخ حلوهـ

احبك لما تكون هلالي · #4 14/01/2009, 01:46 PM

بالتوفيق للأخضر

.............................................ـ.........ـــوالف

صديق ويلي · #5 14/01/2009, 01:49 PM

عوآآآآفي خيو

وبصراحة ابوزقم امس كان روووعه في المجلس
والله ذب ع صالح الداوود يقول كنك رابح صقر..كااااا كااااا

هلالــي & زعيـــمي · #6 14/01/2009, 02:02 PM

الله يعطيك العافيه اخوي تشخيص ولا احلى بس الفريان هذا طلع مو صاحي والمتين اللي جنبه ابو لنجا مدري كمنجا اخس منه،،عل العموم يعطيك العافيه اخوي وبالتوفيق للاخضر.

FINAL10 · #7 14/01/2009, 02:08 PM

يآلله بروح آقآطع قنآه الجزيره لآنهم مآ عآدو هدف يآسر آمس

^

^

بعض الجمهور يفهم المقآطعه كذآ , آي شي يالله مقآطعه

وبآلتوفيق للآخضر وآن شآء الله نص درزن بآلكويــت

ازرق+ابيض=عشق الهلال · #8 14/01/2009, 02:29 PM

هلا اخوي الصغير ابو طلال اي ميسيو

لك وحشه

اولا مبروك للسعوديه اذا تاهلت ومبروك للكويت اذا تاهلوا ترا كلنا عيال عم

ممممم برنامج المجلس هو البرنامج رقم 1 بالخليج بلامنازع

عجبتني حلقه الفريان وتنسيمه الزايد

وسالفه الشعراوي

حسيت انه آدمي فاصل
وابو زقم ربي يجزاه الجنه كان خفيف على المجلس
اما ابو صقر لمن قاله تحجب ترا ماقصده اسائه قالها بداعي المزح
وخلوا عنكم مقاطعات ومدري شسمه

وعلى فكره الي يدعون للمقاطعه هم اول ناس يشوفون قناه الكاس
ياشين الي ينفخون اجل تبي اعتذار ولا بتقاطع ياحبني لك يالي تبي اعتذار

ووو ه بس عليك ياابو طلال وربي يوفق منتخبنا

تميمي هلالي · #9 14/01/2009, 02:35 PM

يعطيك العافية موضوع شيق وفي نوع من الفرفشة ! وسعت صدورنا في ظل الجو المشحون لمبارة الديربي الليلة

عاشق هنري 14 · #10 14/01/2009, 02:36 PM

كنت داخل ((بهايط))

لكن الصراحه جريتنا

مشكور اخوي وانشاء الله يفوز المنتخب

زعــيــمــتــهــم · #11 14/01/2009, 03:20 PM

بنفوز يعني بنفوز غصب عليك <<<<<< للحين مافهمت السالفه هههههههه

موضوع حلو

اما بالنسبه للفريان الله لايبلانا

مريض والله يشفيه

ابو طـــــلال · #12 14/01/2009, 04:39 PM

إقتباس

الرسالة الأصلية كتبت بواسطة w.s.m


	يعطيك الف عافيه لتشخيص حال كل المنتخبات هههههه العراقيين جنود بواسل ههههه

يعافيك ربي .. شكرا لك ولحضورك ياكابتن ...

وبالتوفيق للأخضر

مجنون أبونايف18 · #13 14/01/2009, 04:48 PM

الله يووووووفق السعووووووووووديه اليوووووووووووووووووووووم

وان شاء الله الفوووووووووز سعوووووووووودي

والله اني قاعد على اعصاااااااااااااابي

الله يستـــــــر من الكويييييييييييت......!!

برنسيسة الهلال · #14 14/01/2009, 04:48 PM

ههههههههه >> تحمست يوم قرت العنـوان

عالعمـوم ان شـــــاء الله الفوز والكـأس سعـودي بأذن الله

وبالنسبه للي صـار ماكنا نتمنـى يصير كذااااا بين الخلايجـه >> عجبتهـا الكلمـه

بس وووووين خليجنـا واااحـد وشعبنـا واااحـد

عـوآآآفي آخـوي ابو طـلال ......

dunhill_Jjjil · #15 14/01/2009, 04:50 PM

يعجبني فيك انك انسان رايق

ان شاء الله اليوم نحتفل بالوصول للنهائي و من ثم ضرب عمان 5 صفر و الفوز بالكاس

هداف البطوله اتوقع ياسر ب 6 اهداف

تحياتي