نسمع عن كورنيش الخبر وبالتحديد عند الميرديان ;) ...انه مكان للمشي والهرولة

ولافيه مغازل ولا ترقيم ابد ;)

المهم بعد الصخنه الواحد يجيه نشاط غريب

فقلت ياولد طق التكميلة ورح هناك...وياللهول ماذا وجدت؟؟
وجدت رصيفآ طويلآ وعبايات اشكال والوان على هذا الشارع وحريمآ بوسط هالعبايات (( حريمآ وكريمآ ومكرونتآ بالبشاميلآ وشابورتآ بداخل هالحريم ))

فقلت ياولد هرول مع العالم الا واشوف قدامي بنتين;) بس آي بنتين كل وحده منهم تقول للقمر قم انقلع عني ابنثبر مكانك

المهم ان البنتين الزينات يتسابقون .. وحده منهم فازت على الثانيه فطلع لي بليسي معه شوكه ويقولي يالله فرصتك..هذي البنت قدامك لحالها رح خش بعينها

قلت والله انك صادق يابليس خلنا نحتك فيها وانا اللي اركض وهي تركض وانا اجمح وهي تجمح انا اهرول وهي تهرول..هي تنحاش واناالحقها وابليسي قاعد على كتفي الايسر يقولي لاتخليها تروح الحقها انا مراقب الوضع مافيه هيئه ولا دوريات وكل اللي يهرولون اجانب يالله الحق البنت هذي فرصتك

المهم ركضت لين وصلت حولها وقلت مساء الخير;) ===> لاحظوا اسولف وانا اركض والله اني موهوب غير بتاع اللجنه الاخباريه

قلت لها مساء الخير اول مره اشوف قمر يهرول ماخبرت القمر له رجلين
<=== الله من زين الاسلوب بعد

قالت خير !! وش تبي
<=== من اولها عطتني ريق ناشف بس ان اكان عندي اصرار وعزيمه

قلت لها ممكن خدمه لو ( سمحكي )
قالت اولآ اسمها لو سمحتي يابدوي ياقليل الآدب

قلت تكفين ياكثيرة الآدب اقول ممكن خدمه ولا لا ( شين وقوي عين )
قالت اخلص علي يالله

قلت بصراحه مستحي اقولك الموضوع
قالت ياخي خلصنييييييي وقوووووووووول
قلت قول من اللي جابه
قالت ياسخفك وتنكت بعد انت ووجهك يا <=== كلمه شينه مره

قلت والله انا متعود اهرول ومعي احد يسولف معي ويوسع خاطري وانا اركض وانتي شايفه وضعي اللحين مغير انا والليل والقمره

<=== انااشرت عليها يوم قلت القمره..حسيت انها تشققت وبدت تسعبل..قاطعتني وقالت اللي يبي القمره اهاهاههاهاهاه

وانا اللي افطس ضحك واركض واضحك واضحك واركض ومره اركض وبعدين اضحك ثمن اضحك بعدين اركض...انتم عارفين لازم نجامل الجنس اللطيف

قالت خلاص اوكي بس انا عندي شرط وحيد
قلت شرطك موافق عليه لو تبين حليب العصفور

قالت لالالا عندي حليب قلت هاااه آي حليب انتي انسه ولامدام؟؟ قالت انطم يالوح عندي حليب ابوقوس

قلت ايه اشوى .. راح بالي بعيد المهم وشو شرطك ؟؟
قالت ابيك تسابقني واذا سبقتني عطيتك....؟؟..اناقاطعتهاوقلت بوسه صح ;)

قالت بوسه بعينك ابعطيك جوالي !
قلت انطمي ياوقحه وش شايفتني شحاد .. زعلت البنت وراحت :sad:

عاد ان اكلمت خويي وقلت له السالفه .... قالي ياخي ليش تقولها كذا ؟؟
قلت هي تحسبني غبي تبي تعطيني جوالها عشان اتصل عليه وهو معي واكلم نفسي !! وش شايفتني غبي

قال قسم بالله انك اغبى واحد يالوووووووووح انت حدك لحجيات بياعات بليله وفصفص ياغبي اذلف والله ما منك فايده

بصراحه يوم سكر بوجهي وقالي هالكلمتين هذي اني تحطمت مدري وش سويت غلط ؟

بس مازلت مقتنع اني ذكي وان حركتها مامشت علي

بالله وش رايكم فيني;) رهيب انا صح ;) داري


مقتبس من فيلم كندي عام 1964